Breaking News :

၂၀၀၈ ဖွဲ့စည်းပုံ လက်မခံသည့်အတွက် ရွေးကောက်ပွဲကိုလည်းလက်မခံဟု KIO ပြော

၂၁ ရာစု ပင်လုံတက်ရောက်ရေး KIO ပြန်လည်ဆွေးနွေးနေ

Social Media ကို သတိပြုသုံးစွဲရန် KIO ဥက္ကဌ၏ အာဇာနည်နေ့မိန့်ခွန်းတွင်ပါရှိ

၂၁ ရာစုပင်လုံ စတုတ္ထအကြိမ်ညီလာခံအပေါ် သူတို့အမြင်

ကချင်စစ်ပြေးဒုက္ခသည်များ ပြန်လည်နေရာချထားရေးအတွက် တရုတ်နိုင်ငံက ယွမ် ၄ သန်းစတင်ပေးအပ်

၃ လကျော်ပိတ်ထားသည့် အောင်မြင်သာအပန်းဖြေစခန်းများ ပြန်ဖွင့်

မဲ စာရင်းလာရောက်ကြည့်ရှုသူ နည်းပါးကြောင်း အုပ်ချုပ်ရေးမှုးများ ပြော

မသန်စွမ်းများ မဲထည့်နိုင်ရေးအချိန်တစ်ခုသတ်မှတ်ပေးရန်တောင်းဆို

နမ်ဆန်ယန်ကျေးရွာတွင် မိုင်းရှင်းလင်းရေးပြုလုပ်

ရွေးကောက်ပွဲအောင်နိုင်ရေး ပြည်နယ်အခြေစိုက် ပေါင်းစည်းပါတီ လူငယ်အဖွဲ့များ တွေ့ဆုံ

ကိုရိုနာ ဗိုင်းရပ်စ် ကာကွယ်ရေး ကချင်ပြည်နယ် နယ်စပ်ဂိတ်များတွင် စစ်ဆေး

ကန်ပိုင်တီ နယ်စပ်၊ တရုတ်-မြန်မာ ချစ်ကြည်ရေး ဥမင်လိုဏ်ခေါင်း

တရုတ်နိုင်ငံ ဝူဟန်မြို့မှစတင်ဖြစ်ပွားခဲ့သော ကိုရိုနာ ဗိုင်းရပ်စ် ကာကွယ်ရန် ကချင်ပြည်နယ် Kambaiti (ကန်ပိုင်တီ) နှင့် Loije (လွယ်ဂျယ်)နယ်စပ်ဂိတ် နှစ်ခုတွင် ရောဂါစစ်ဆေးရေးလုပ်ငန်း ဆောင်ရွက်နေပြီး၊ နယ်စပ်ဂိတ်ပိတ်ရန်လည်း ပြည်ထောင်စုသို့ စာတင်ထားကြောင်း သက်ဆိုင်ရာ ဌာနများဆိုသည်။

ဇန်နဝါရီ (၂၇)ရက်နေ့မှစတင်ကာ တရုတ်-မြန်မာ ချစ်ကြည်ရေး Kambaiti ဥမင်ထွက်ပေါက်ဝ တွင် ဖြတ်သန်းသွားလာသူများကို လူဝင်မှုကြီးကြပ်ရေး ဦးစီးဌာန မဖြတ်သန်းမှီ ကြိုတင်စစ်ဆေးနေကြောင်း ပြည်နယ်ကျန်းမာရေးဌာနမှ သတင်းထုတ်ပြန်ထားသည်။

ထို့အပြင် နယ်စပ်ဂိတ်များကို ပိတ်ရန် ပြည်ထောင်စုသို့ စာတင်ထားကြောင်း ပြည်နယ်လူဝင်မှုကြီးကြပ်ရေးနှင့် လူ့စွမ်းအားအရင်းမြစ်ဝန်ကြီးဌာန ဝန်ကြီး ဦးဇော်ဝင်းပြောသည်။

“ပြည်ထောင်စုအဆင့်က လုပ်ထားတဲ့ ဂိတ်တွေဖြစ်တဲ့အတွက် ကျနောတို့ ကချင်ပြည်နယ်အစိုးရကနေတဆင့် ပြည်ထောင်စုကို တင်ထားတာရှိတယ်။ ဒါပေမယ့် ပြည်ထောင်စုကတော့ အခုချိန်ထိ ပိတ်ပါ မပိတ်ပါနဲ့ဆိုတဲ့ အမိန့်တစ်စုံတစ်ရာ မရှိသေးပါ” ဟုပြောသည်။

ထို့အပြင် ပြည်နယ်တွင်း ဗန်းမော်၊ မြစ်ကြီးနား၊ ပူတာအို လေဆိပ်မှ ဝင်ရောက်လာသော နိုင်ငံခြားသားများကိုလည်း ၎င်းတို့ ဟိုတယ် စာရင်းကောက်ယူကာ စောင့်ကြည့်နေကြောင်း ဆိုသည်။

ရောဂါလက္ခဏာ မပေါ်သေးသော်လည်း ကူးစက်ခံရနိုင်ကြောင်း တရုတ်နိုင်ငံသတင်းများအရ သိရှိရသဖြင့် မြန်မာအစိုးရအနေဖြင့်လည်း နယ်စပ်ဂိတ်များကို စနစ်တကျစိစစ်သင့်ကြောင်း ဝိုင်းမော်ဒေသခံ ဦးဂဲနက်စ် ပြောသည်။

“ကျနော်တို့မှာ နည်းပညာလိုအပ်မှု အရမ်းချို့တဲ့တယ်။ တရုတ်လိုနိုင်ငံက သူ့နိုင်ငံမှာဖြစ်ပွားခဲ့တာကို တော်ရုံတန်ရုံ ကမ္ဘာသိမလုပ်ဘူးဗျာ။ အခုလိုမျိုးကိစ္စရပ်မှာသူတို့တရားဝင်ဆေးရုံဆောက်၊ မြို့ပြင်မထွက်ဖို့ လုပ်လာတယ်။ နောက်တစ်ခုက တရုတ်နိုင်ငံသားတွေ ဒီမှာလာနေတဲ့သူတွေ၊ အလုပ်လုပ်ကိုင်ခွင့်နဲ့ လာရောက်နေထိုင်တဲ့သူတွေကို အုပ်စုခွဲပြီး စိစစ်သင့်တယ်။ ကိုယ့်နိုင်ငံထဲဝင်လာတယ်ဆိုပေမယ့် ကချင်ပြည်နယ် ဝိုင်းမော်လမ်းကြောင်းကဆိုတော့ အရေးပေါ်စခန်းတစ်ခုဆောက်ပြီး စိစစ်တဲ့ကိစ္စကိုတော့ ပြင်းပြင်းထန်ထန်ဆောင်ရွက်သင့်တယ်” ဟု ပြောသည်။

တရုတ်မြန်မာသဘောတူစာချုပ်အရ ကချင်ပြည်နယ်တွင် တရားဝင်နယ်စပ်ဂိတ် ၂ ခုသာရှိသော်လည်း တရားမဝင် လမ်းကြောင်း ၂၀ ကျော်ခန့် ရှိနေသေးကြောင်း လဝက ဝန်ကြီးထံမှ သိရသည်။

မြန်မာနယ်စပ်မြို့များတွင် သံသယလူနာတွေ့ရှိ

Kambaiti ကချင်-တရုတ်နယ်စပ် ယူနန်ပြည်နယ် ထိန်ချုံးမြို့တွင် ကိုရိုနာဗိုင်းရပ်စ် သံသယလူနာ ၂ဦးတွေ့ရှိသည်ဟု သတင်းရရှိကြောင်း လဝက ဝန်ကြီး ဦးဇော်ဝင်း ထပ်မံပြောဆိုသည်။

Tengchong (ထိန်ချုံး)တွင် တရုတ်နိုင်ငံသား အမျိုးသား (၃၁)နှစ်၊ အမျိုးသမီး (၄၈)တို့ကို ကိုရိုနာ ဗိုင်းရပ်စ် သံသယဖြင့် သီးခြားစောင့်ကြည့်နေပြီး၊ ရွှေလီမြို့တွင်လည်း ရောဂါကူးစက်လူနာ တွေ့ရှိထားကြောင်း ဒေသတွင်း သတင်းများတွင် ဖော်ပြထားသည်။

ထို့ကြောင့် ရွှေလီမြို့ပေါ်တွင် လူစုလူဝေးပွဲလမ်းသဘင်အခမ်းအနားများ၊ ပန်းခြံ၊ ဟိုတယ် နှင့် လောင်းကစားဝိုင်းများကို ယာယီပိတ်ထားမည်ရန် ကြေငြာလိုက်သည်။

တရုတ်အပါအဝင် အိမ်နီးချင်းနိုင်ငံများတွင်ရောဂါကူးစက်သူများလာသော်လည်း မြန်မာတွင် မတွေ့ရသေး

ထိုင်း၊ ကိုးရီးယား၊ စင်ကာပူ၊ ဂျပန် အပါအဝင် နိုင်ငံအများအပြားတွင် ရောဂါတွေ့ရှိသူဦးရေ များလာသော်လည်း မြန်မာပြည်တွင် မတွေ့ရသေးကြောင်း သက်ဆိုင်ရာ ကျန်းမာရေးဌာန မှ သိရသည်။

ယနေ့ နောက်ဆုံးသတင်းအရ ကူးစက်သူ ၂၀၀၀ ကျော်ရှိလာပြီး သေဆုံးသူ (၈၀)ခန့်ရှိလာနေပြီဖြစ်ကြောင်း တရုတ်ပြည်တွင်း မီဒီယာများမှ သိရပါသည်။

0 Reviews

Write a Review

Read Previous

ကိုရိုနာဗိုင်းရပ်စ်ကြောင့် ကချင် ကန်ပိုင်တီနယ်စပ်ပိတ်ရန် စာတင်ထား

Read Next

ရွှေနှင့် ပယင်း လုပ်ကွက်ချပေးနိုင်ရေး ကာကွယ်ရေးဦးစီးချုပ်ထံ တောင်းဆိုထား

Leave a Reply

Your email address will not be published. Required fields are marked *