Breaking News :

ရှဒူးဇွပ်(Ja Htu Zup)ကျေးရွာ ရေဘေးဒဏ်ထပ်မံကြုံတွေ့နေရ

ရှမ်းမြောက် Howa Bum တောင်ပေါ် မြန်မာ စစ်တပ် နှင့် KIA တိုက်ပွဲ ဖြစ်ပွား

Covid-19 ကာလ ကိုယ်စားလှယ်လောင်းများ ကန့်သတ်ချက်ဖြင့် မဲဆွယ်နေရ

ပိုးတွေ့လူနာတည်းခိုခဲ့သော မြစ်ကြီးနား အေးချမ်းသာတည်းခိုခန်း နှင့်ဆက်စပ်ခဲ့သူ ၂၀ ဦးကို Quarantine ထားရှိ

ကျေးရွာနယ်နမိတ်ထိ ရွှေတူးဖော်လာမည်ကို ဆွမ်ပရာဘွမ်ဒေသခံများစိုးရိမ်

ကချင်ပြည်နယ်လိပ်စာဖြင့် ထပ်တိုးပိုးတွေ့လူနာ ၂ ဦးမှာ မန္တလေးနှင့် နေပြည်တော်တွင်အသွားအလာကန့်သတ်ခံထားရသူများဖြစ်

ဖားကန့်တွင် မဲဆွယ်စည်းရုံးမှုများ ရပ်နားထား

ပြည်နယ်တွင်းမှ ဖားကန့်သို့ဝင်လာသူများ ကွာရန်တင်းဝင်ရမည်

ပြည်တွင်းစစ်များ ရပ်တန့်ရန် ကချင်အမျိုးသားအတိုင်ပင်ခံအဖွဲ့တောင်းဆို

ငြိမ်းချမ်းရေးအတွက် ဘယ်လိုလွှတ်တော်ကိုယ်စားလှယ်များကို​ ရွေးချယ်ကြမလဲ

နေရပ်ပြန်ခြင်းထက် မြေနေရာတစ်ခုတွင် အခြေချပေးရန် ပူတာအိုရှိ စစ်ရှောင်များတောင်းဆို

လုံးစွတ်စစ်ရှောင်စခန်း ဓါတ်ပုံ-ဦးဖုန်ထိန်

ကချင်ပြည်နယ်၊ ပူတာအိုမြို့နယ်အတွင်းရှိ လုံးစွတ်စစ်ရှောင်များသည် မူလဒေသသို့ ပြန်လည်နေထိုင်ရန် အခက်အခဲရှိနေသဖြင့် မြေနေရာအသစ်သို့ ရွှေ့ပြောင်းအခြေအနေချပေးရန် တောင်းဆိုထားသည်ဟု စစ်ရှောင်များထံမှသိရပါသည်။

မူလဒေသသို့ ပြန်လည်နေထိုင်ရန် လုံခြုံရေးအရ စိုးရိမ်မှုများရှိသောကြောင့် ကချင်လူသားချင်းစာနာထောက်ထားမှုအဖွဲ့ KHCC နှင့် ပြည်နယ်ဝန်ကြီးချုပ်ထံသို့ တင်ပြပေးရန် ကချင်နှစ်ခြင်းခရစ်ယာန်အဖွဲ့ချုပ် KBC ကို ယခုလဆန်းတွင် စာတင်ထားသည်ဟု စစ်ရှောင်တာဝန်ခံ ဦးဖုန်ထိန် ပြောသည်။

“စစ်ရှောင်အားလုံးက နဂိုမူလ ဒေသကို ပြန်ချင်ကြတယ်။ ဒါပေမယ့် ကျနော်တို့ ပြန်မယ့် လမ်းမှာ လေဆိပ်တစ်ခုဘဲရှိတယ်။ အဲ့ဒီလေဆိပ်မှာက စစ်တပ်က မကြာသေးခင်က စခန်းလာတည်ထားတယ်။ သူတို့က ပြန်ရုတ်ပေးဖို့ အစီအစဉ်မရှိသလိုဘဲ။ အဲ့ဒါကြောင့် စစ်ရှောင်တွေက ဘယ်သူမှ မပြန်ရဲကြတော့ဘူး။ ပြန်ဖို့တော်တော်လည်း ခက်သွားတယ်။ ပြီးရင် အခု နေတဲ့ မြေနေရာကလည်း အသင်းတော်က ဖွံ့ဖြိုးရေးဂေဟာဖြစ်တယ်။ ဒီမှာ ကြာကြာနေလို့မရဘူး”ဟု ပြောဆိုသည်။

လက်ရှိခိုလှုံနေသည့်နေရာသည် ကချင်နှစ်ခြင်းခရစ်ယာန်အဖွဲ့ချုပ် KBC ပူတာအိုဇုံနယ်၏ ဖွံ့ဖြိုးရေးဂေဟာဖြစ်ပြီး ထိုနေရာတွင် နေရှည်ခိုလှုံနေခြင်းထက် အခြားမြေနေရာတစ်ခုတွင် ပြန်လည်ထူထောင်ရေးအစီစဉ်အဖြစ် မြေနေရာ စီစဉ်ပေးစေလိုကြောင်း စခန်းတာဝန်ခံ ဦးဖုန်ထိန်မှ ကချင်သတင်းဌာန KNG သို့ပြောသည်။

ထို့အပြင် စစ်ရှောင်ကာလကြာရှည်လာသည်နှင့်အညီ နိုင်ငံတကာကူညီထောက်ပံ့မှုများ လျှော့နည်းလာသဖြင့် အခက်ခဲများ ကြုံတွေ့လာနေကြောင်း ထပ်မံ ပြောဆိုသည်။

အဆိုပါစခန်းရှိ စစ်ရှောင်များမှာ ၂၀၁၃ နှင့် ၂၀၁၅ ခုနှစ်တွင် တပ်မတော်နှင့် ကချင်လွတ်လပ်ရေးတပ်မတော် KIA တို့ကြား ပြင်းထန်စွာဖြစ်ပွားခဲ့သော တိုက်ပွဲများကြောင့် ပူတာအိုခရိုင်အတွင်း အင်ခါဂါး၊ မပြုံ၊ အင်ဖီဂါး၊ ဖာကန်းယန် စသောကျေးရွာများမှ ထွက်ပြေးလာသူများဖြစ်ကြသည်။

လက်ရှိတွင် စစ်ရှောင် လူဦးရေ ၂၈၀ ကျော်ခန့် ဆက်လက်ခိုလှုံနေဆဲဖြစ်သည်ဟု သိရသည်။

0 Reviews

Write a Review

Read Previous

ထိန်းသိမ်းခံ ကချင်ဓမ္မဆရာ ၂ ဦးနှင့် တရားစွဲခံရသူ စုစုပေါင်း ၄ ယောက် လွတ်မြောက်

Read Next

ကိုရိုနာဗိုင်းရပ်စ်ကြောင့် နယ်စပ်ပိတ်ပြီးနောက် ဆော့လော်မြို့နယ်တွင် ဆန်ဈေးမြင့်တက်

Leave a Reply

Your email address will not be published. Required fields are marked *