,

Breaking News :

တန့်ဆည်၊ ကျွန်းလှမြို့နယ်များတွင် စစ်ကောင်စီတပ်မှ စစ်ရဟတ်ယာဉ်များဖြင့် လာရောက်ပစ်ခတ်သော်လည်း လူထိခိုက်မှု မရှိ

ပန်ဆိုင်းဘက်မှာ စစ်ကောင်စီ နဲ့ ကိုးကန့် MNDAA တိုက်ပွဲ ဆက်လက်ဖြစ်ပွားနေ

မူဆယ် မိုင်းယု ၁၀၅ မိုင် ကုန်သွယ်ရေးဇုန်ရှေ့က ဆိုင်တန်းလျားမှာ မီးလောင်မှု ဖြစ်ပွား 

အင်ဂွမ်လကျေးရွာ ကျောင်းသား ၁၀၀ နီးပါးခန့်တွင် Covid-19 ကူးစက်ခံရသဖြင့် အကူညီလိုအပ်နေ

တစ်ရက်အတွင်း တနိုင်း-တရုန် လမ်းကြောင်းပေါ် နေရာ ၂ ခုမှာ စစ်ကောင်စီတပ်ကို KIA မိုင်းဆွဲတိုက်ခိုက်

မူဆယ်မြို့နယ်မှာ တရုတ်ဘက် နယ်နမိတ်ကျူးကျော် သံဆူးကြိုးခတ်လာမှုကို ဒေသခံများ ပြန်လည်ဖျက်ဆီး

နောင်မွန်မြို့  Covid-19 လူများအတွက် အောက်စီဂျင်အိုးများ ထပ်မံ လိုအပ်နေ

စစ်ကောင်စီနဲ့ ကိုးကန့် MNDAA တိုက်ပွဲကြောင့် ပန်ဆိုင်းမြို့ခံများ ကားနဲ့ နေအိမ်အချို့ ထိခိုက်ပျက်စီး

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

တနိုင်း-ရှင်ဗွေယန် လမ်းမပေါ်  စစ်ကောင်စီတပ်ကို KIA မိုင်းခွဲ တိုက်ခိုက်

AA ရှိသော KIO နယ်မြေ တိုက်ခိုက်ခံရမည်ဟု မြန်မာအစိုးရတပ် သတိပေး

KIA စစ်ရေးပြ၊ လိုင်ဇာမြို့၊ ကချင်ပြည်နယ်

အကြမ်းဖက်အဖွဲ့ အဖြစ် ကြေညာခံထားရသော ရက္ခိုင့်တပ်မတော် AA ရှိသော ကချင်လွတ်လပ်ရေးအဖွဲ့ KIO နယ်မြေတွင် ပြင်းထန်စွာ တိုက်ခိုက်မှုခံရမည်ဟု သတိပေးထားကြောင်း ငြိမ်းချမ်းရေးအကျိုးဆောင်အဖွဲ့မှ သိရသည်။

ကချင်ပြည်နယ်မြို့တော် မြစ်ကြီးနား အခြေစိုက် မြောက်ပိုင်းတိုင်းစစ်ဌာနချုပ် (မပခ)တိုင်းမှူး ဗိုလ်ချုပ် တေဇကျော် က ကချင်ငြိမ်းချမ်းရေးအကျိုးဆောင်အဖွဲ့ Peace-talk Creation Group မှတဆင့် KIO ကို သတိပေးခြင်းဖြစ်သည်။

“ဒီကိစ္စနဲ့ ပတ်သက်လို့ ကျနော်တို့ PCG ကို မပခ တိုင်းမှုးကနေ ဒီလ ၂၀ ရက်နေ့မှာ ခေါ်ယူ အသိပေးတာရှိပါတယ်။ AA ကို အကြမ်းဖက်အဖွဲ့လို့ ကြေညာလိုက်ပြီဖြစ်တဲ့အတွက် KIO နယ်မြေမှာ AA ရှိတဲ့အတွက် AA ကိုတိုက်ဖို့ ရှိလာတယ်။ ဒါကြောင့်မို့ AA တွေကို အမြန် ဖယ်ထုတ်လိုက်ပါ ဆိုပြီးတော့ အသိပေးတာမျိုး ရှိပါတယ်” ဟု မြစ်ကြီးနား အခြေစိုက် PCG မှ Duwa Lamai Gum Ja (ဒူဝါ လမိုင် ဂွမ်ဂျာ) ပြောပါသည်။

မြန်မာအစိုးရက KIO နယ်မြေထဲမှာပဲ AA ရှိသည်ဟု ထင်မြင်ထားနေသော်လည်း AA ဌာနချုပ်သည် ‘ဝ’ ပြည်သွေးစည်းညီညွှတ်ရေးတပ်မတော် UWSA ဌာနချုပ် Pangsang (ပန်ဆိုင်း)မှာ အခြေစိုက်ထားကြောင်း Duwa Lamai Gum Ja ဆက်ဆိုသည်။

“KIO နယ်မြေမှာ သူတို့ (AA)တပ်စွဲပြီး ဌာနချုပ်လုပ်တာ မရှိပါဘူး။ စစ်သားတွေ နည်းနည်းပါးပါး ရှိတာ လောက်ပါပဲ။  ဒါပေမယ့် သူတို့ အဓိက ဌာနချုပ် အနေနဲ့ အခြေစိုက်တာကတော့ Pangsang (ပန်ဆိုင်း)မှာ ဖြစ်ပါတော့ KIO ကိုပဲ အစိုးရ ဖိအားပေး ပြောဆိုနေပေမယ့်လည်း ‘ဝ’ ဘက်မှာ ရှိတဲ့ အဖွဲ့တွေနဲ့ပါ ပတ်သက်နေပါတယ်။”

PCG မှတဆင့် မပခ သို့ ပေးပို့သော် မတ်လ (၂၆) KIO အဖွဲ၏ စာထဲတွင် “bilateral အပစ်ရပ် လက်မှတ်ထိုးနိုင်ဖို့ ကြိုးစားချိန်မှာ အခု ဖြစ်ပွားနေတဲ့ coronavirus ရောဂါကြောင့် အစိုးရနဲ့ မတွေ့ဆုံ နိုင်တာဖြစ်တယ်၊ လက်မှတ် မရေးထိုးချင်တဲ့ သဘော မရှိပါဘူး။ ဒီလို အခြေအနေမှာ AA ကို အကြမ်းဖက်အဖွဲ့လို့ ကြေညာတာဟာ ပြဿနာကို အဖြေရှာတဲ့ နည်းလမ်း မမှန်ဘူး” ဆိုပြီးတော့ KIO ဘက်က တုန့်ပြန်ထားတာ ရှိပါသည်ဟု သူက ဆိုပါသည်။

မြန်မာအစိုးရ နှင့် မြောက်ပိုင်းမဟာမိတ် ၄ ဖွဲ့ဖြစ်ကြသော ကချင် KIO၊ ရခိုင် AA၊ ကိုးကန့် MNDAA နှင့် တအာင်း TNLA တို့ကြား နှစ်ဦးနှစ်ဖက် အပစ်ရပ်ကိစ္စ ပုံမှန် ဆွေးနွေးနေခြင်းသည် တရုတ် နှစ်သစ်ကူးမတိုင်မီ Wuhan မှ စတင် ဖြစ်ပွားလာသော coronavirus ရောဂါကြောင့် ဖေဖေါ်ဝါရီလ ကတည်းက ရပ်ဆိုင်းနေခြင်းဖြစ်သည်။

မတ်လအတွင်း နှစ်ဖက် ပြန်လည် တွေ့ဆုံနိုင်ရန် ညှိနှိုင်းမှုများရှိသော်လည်း တွေ့ဆုံမည့် နေရာ သဘော မတူနိုင်သေးသောကြောင်း သိရသည်။ မြောက်ပိုင်းအဖွဲ့က လုံခြုံရေးကြောင့် တရုတ်ပြည်တွင် တွေ့ဆုံရန် တင်ပြထားပြီး အစိုးရဘက်က တရုတ်ပြည်တွင် coronavirus စိုးရိမ်ရသောကြောင့် ပြည်တွင်းမှာ ကျိုင်းတုံ သို့မဟုတ် မြစ်ကြီးနား တွင် တွေ့ဆုံလိုကြောင်း Duwa Lamai Gum Ja ဆိုပါသည်။

အပစ်ရပ် လက်မှတ်ရေးထိုးနိုင်ရေး ဆွေးနွေးနေချိန်မှာ မြောက်ပိုင်းမဟာမိတ် အဖွဲ့ဝင် AA ကို အစိုးရဘက်က အကြမ်းဖက်အဖွဲ့ အဖြစ် ကြေညာလိုက်ခြင်း နှင့် coronavirus ကူးစက်မှုကာကွယ်ရန် ဧပြီလ ၃၀ ထိ လူစုလူဝေး မပြုလုပ်ရန် အစိုးရ၏ ထုတ်ပြန်ထားချက်ကြောင့်လည်း ဧပြီလ နောက်ပိုင်းမှ နှစ်ဖက် တွေ့ဆုံနိုင်မည်ဖြစ်သည်ဟု Duwa Lamai Gum Ja က သုံးသပ်ပါသည်။

ယခုချိန် တကမ္ဘာလုံး coronavirus ကပ်ရောဂါ ခံစားနေချိန်မှာ တပ်မတော်မှ AA ကို အကြောင်းပြုပြီး KIO ဌာနချုပ် Laiza ကို စစ်ရေးအရ ပြန်လည် တိုက်ခိုက်ခြင်း မလုပ်သင့်ကြောင်း၊ စစ်ရေးနှင့် ပြဿနာ မဖြေရှင်းသင့်ကြောင်းကို မပခ တိုင်းမှူး ဗိုလ်ချုပ် တေဇကျော်နှင့်မတ်လ (၂၈)ရက်နေ့ မြစ်ကြီးနားမြို့တွင် ထပ်မံတွေ့ဆုံစဉ် PCG က တိုက်တွန်းခဲ့ကြောင်း Duwa Lamai Gum Ja က ကချင်သတင်းဌာန KNG ကို ပြောပါသည်။

 

Read Previous

မူးယစ်ဆေးဝါးနှင့်ဆက်စပ်ပြီး KDA ဌာနချုပ်နှင့် ထိပ်ပိုင်းခေါင်းဆောင်များကို မြန်မာစစ်တပ် ထိန်းချုပ်

Read Next

ကိုရိုနာဗိုင်းရပ်ကို ဘယ်လိုကာကွယ်မလဲ၊ တပတ်အတွင်း ကချင်သတင်းများ

Leave a Reply

Your email address will not be published. Required fields are marked *