,

Breaking News :

ဝိုင်းမော် သပိတ်တွင် ဖမ်းဆီးခံရသော ဆရာမ အပါ ၂ ဦးကို တွေ့ခွင့်မပြု

ဖားကန့် သပိတ်စစ်ကြောင်း ပစ်ခတ်ဖြိုခွင်းခံရ

ဖားကန့်သပိတ်စစ်ကြောင်း ပထမဆုံးအကြိမ် ဖြိုခွင်းခံရ

ဗန်းမော်ရှိ ဌာနဆိုင်ရာဝန်ထမ်းအများစု CDM တွင်ပါဝင်လာ

ဝန်ကြီး ဦးဒရှီလဆိုင်းကို ပုဒ်မ ၅၀၅ (ခ) ဖြင့် တရားစွဲဆိုထားမှုကို ပထမအကြိမ် ရုံးထုတ်

လီဆူအနုပညာရှင်တစ်ဦးကို စစ်တပ်က ညအချိန် ဖမ်းဆီး

လူစုလူဝေး ခွင့်မပြုသော်လည်း ဝိုင်မော်တွင် စစ်အာဏာရှင်ကို ပြည်သူများက ကန့်ကွက်ဆန္ဒဖော်ထုတ်

စစ်ကောင်စီ၏ ကချင်ပြည်နယ် စေ့စပ်ညှိနှိုင်းရေးကော်မတီကို ပြည်သူများ မလိုလား

ဝိုင်းမော်တွင် ဖမ်းဆီးခံရသော ကျောင်းဆရာမနှင့် အရပ်သားတစ်ဦးကို မြစ်ကြီးနားအကျဉ်းထောင်သို့ ပို့

ဖားကန့် CDM တွင်ပါဝင်နေသူများ ဆက်သွယ်လာပါက ကူညီရန်အသင့်ရှိဟုဆို ကူညီရေးအဖွဲ့ပြော

မြစ်ကြီးနား COVID-19 ပညာပေး ပန်းချီဆရာများ ဗုဒ္ဓဘာသာ ထိပါးမှုဖြင့် တရားစွဲခံရ

ဘူတာတိုက်တန်းတွင် ရေးဆွဲထားသော ပုံ

ကချင်ပြည်နယ် မြစ်ကြီးနားမြို့ မီးရထားဘူတာ တိုက်တန်းအုတ်နံရံများတွင် COVID-19 လူထု အသိပညာပေး ပန်းချီရေးဆွဲခဲ့သည့် လူငယ်များကို ဗုဒ္ဓဘာသာကို ထိပါးစေသည့် ဥပဒေ ပုဒ်မဖြင့် အရေးယူထားကြောင်း သိရသည်။

အုတ်နံရံတွင် သရုပ်ဖော် ရေးဆွဲထားသည့်ပန်းချီကား၏ သေမင်းတမန်ပုံဖော်ရာ၌ ဘာသာရေး ထိပါးစေသည့် အဓိပ္ပါယ်ပါဝင်နေသည့်အတွက် လူမူကွန်ယက်စာမျက်နှာပေါ်တွင် ဝေဖန်များစွာရှိခဲ့သည့်အတွက် ပြည်နယ်သာသနာရေးဦးစီးဌာနမှ ဒုညွှန်ကြားရေးမှူး ဦးထွန်းအောင်မှ တရားလိုလုပ်ကာ ပုဒ်မ ၂၉၅(က)ဖြင့် တရားစွဲထားခြင်းဖြစ်သည်။

“Campaign လုပ်တဲ့သဘောဘဲ။ ကျနော်ဒီဟာလုပ်တဲ့တွက် ကျနော့အတွက်ဘာမှ အကျိုးအမြတ်ရတာ မဟုတ်ဘူး။ ကိုယ်တိုင်အိတ်စိုက်ပြီးတော့မှ နေပူထဲမှာ ၂နာရီကျော်ကြာအောင် ၂ရက်ကျော် နေပူခံပြီးတော့ လာဆွဲထားတာဗျ။ ကျနော်တို့ကဘာသာရေး လူမျိုးရေးကိုရည်ရွယ်ပြီးမှ ဘာမှလုပ်တာမဟုတ်ပါဘူး။ ကိုယ်ကိုယ်တိုင်ကလည်း ဗုဒ္ဓဘာသာဝင်စစ်စစ်ဖြစ်ပါတယ်။ အဲဒါကြောင့်မို့ ဘယ်ဘာသာကိုမှ ထိခိုက်စေလိုခြင်း အလျင်းမရှိပါဘူး။ ကျနော်ရည်ရွယ်တာက လူတွေအားလုံး ဒီ Covid ရောဂါကို ကြောက်လန့်ဖို့ရယ်၊ ပူးပေါင်းကာကွယ်ဖို့ရယ်၊ မပေါ့ဆဖို့ရယ်အဲရည်ရွယ်ချက်တစ်ခုထဲနဲ့ ဒီဟာကိုဆွဲဖြစ်တာပါ” နံရံပန်းချီ ရေးဆွဲခဲ့သူ ကို ဇေယျာနောင် က ပြောသည်။

ပန်းချီသဘောတရားအရ သေမင်းတမန်ပုံအား အနီရောင်ခြယ်ထားခြင်းသည် နောက်ခံ Background အရောင်ကို ကြည့်ပြီးဆွဲတာဖြစ်သည့်တွက် သေမင်းပုံသည် အနီရောင်အပြင် အခန့်မသင့်ရင် အပြာရင့်ရောင်သုံးပြီး ဆွဲနိုင်ပြီး ဘာသာရေးထိခိုက်စေချင်သည့် စိတ်ဆန္ဒဖြင့် ရေးဆွဲခြင်းမရှိကြောင်း ၎င်းကဆက်ပြောသည်။

အဆိုပါ နံရံပန်းချီအား လက်ရှိကမ္ဘာတစ်ဝန်းမှာဖြစ်နေသည့် ကိုရိုနာဗိုင်းရပ်စ်ကာကွယ်ရန် ပြည်သူများအား အသိပညာပေး campaign အနေဖြင့် ပန်းချီရေးဆွဲေနေကြခြင်းဖြစ်ကြောင်း လက်ရှိ ကိုရိုနာဗိုင်းရပ်စ် အသိပညာပေး ပန်းချီအား ရေးဆွဲနေသည့်အဖွဲ့မှ မ Sicillia Ja Seng က ခုလိုပြောသည်။

“ဘာသာရေးနဲ့တစ်ခုမှ မပါဘူး။ ကျမကတော့ အဲဒီပုံကိုဖန်တီးတဲ့သူတော့ မဟုတ်ဘူး။ ဒါပေမယ့် သူပြောပုံအရ နားထောင်တာတော့ သူ့ရဲ့ဝတ်ရုံက သေသေချာချာကြည့်ရင် ဘာမှမဆိုင်ပါဘူး။ အနုပညာမျက်စိနဲ့ဘဲ ကြည့်ပေးပါလို့ ပြောချင်ပါတယ်။ သပိတ်နဲ့လည်းမတူပါဘူး။ သေချာကြည့်စေချင်တယ်။ ကိုယ့်ရဲ့ထင်မြင်ယူဆချက်တွေနဲ့ မဆုံးဖြတ်လိုက်ပါနဲ့ အရမ်းအန္တာရယ်ကြီးပါတယ်။ ကျမအနေနဲ့ကြည့်ရင်တော့ ဒီပုံက ဘုန်းကြီးနဲ့လည်း မတူပါဘူး။ သေမင်းတမန်ကိုဖော်ဆောင်ထားတာပါ” ဟု ပန်းချီဆရာမ Sicilia Ja Seng က ပြောသည်။

တရားဆွဲခံထားရသူများသည် ပန်းချီရေးဆွဲသူ ကိုဇေယျာနောင်၊ ကိုနော်ထူးအောင်၊ မ Sicilia တို့ သုံးဦးဖြစ်ကာ တရားရုံးသို့ဦးတိုက်ဆွဲဆိုထားခြင်းဖြစ်သည်။

လက်ရှိ သရုပ်ဖော်ရေးဆွဲထားသည့်ပုံတွင် သေမင်းတမန်အား အနီရောင်ခြယ်ထားခြင်းနဲ့ပတ်သက်ပြီး အုတ်နံရံတွင် သရုပ်ဖော်ရေးဆွဲသူ ကိုဇေယျာနောင်က ခုလိုပြောသည်။

“အနီရောင်ဆွဲတာကတော့ အနီရောင်က လူတွေရဲ့စိတ်မှာ အကြောက်တရားပိုပြီးပေါ်လွင်စေဖို့ ပြီးတော့ ဒီ Covid-19 ကို ကြောက်လန့်ပြီးတော့ ပေါ့ပေါ့ ဆဆမဖြစ်အောင် ကိုယ့်ကိုကိုယ်ကာကွယ်အောင် ပညာပေးပုံစံမျိုးနဲ့ ဆွဲထားတာဖြစ်ပါတယ်” ဟု ပန်းချီရေးဆွဲသူ ကိုဇေယျာနောင် ဆက်လက်ပြောဆိုခဲ့သည်။

Read Previous

ကချင်စစ်ရှောင်စခန်းများတွင် Covid-19 ကာကွယ်ရေး လက်ဆေးရန် ရေအလုံအလောက်မရှိ

Read Next

ဝါးရှောင်ကျေးရွာလမ်းမှ ဖရဲတင်ကုန်ကားများဖြတ်သန်းမှုကို ဒေသခံများ စိုးရိမ်

Leave a Reply

Your email address will not be published. Required fields are marked *