,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ကချင်လူထုမူးယစ်တိုက်ဖျက်ရေးနေ့ကို အိမ်တွင်းဆုတောင်းခြင်းအစီစဉ်ဖြင့်သာ ပြုလုပ်ခဲ့ရ

Kachin-anti-drug-campaign-2014

နှစ်စဉ် ဧပြီလ ၂၅ ရက်နေ့သည် ကချင်လူထုမူးယစ်တိုက်ဖျက်ရေးနေ့ (Anti-Drug Day) ဖြစ်သော်လည်း ယခုနှစ်တွင် Covid-19 ရောဂါအခြေအနေကြောင့် လူထုဆုတောင်းပွဲမပြုလုပ်နိုင်ဘဲ မိမိအိမ်တွင်သာ ဆုတောင်းခြင်းဖြင့် ပြုလုပ်ခဲ့ကြသည်ဟု သိရသည်။

ကချင်ပြည်နယ်တွင် ဆိုးရွားလာသော မူးယစ်ဆေးဝါးအန္တရယ်ကိုတိုက်ဖျက်ရန် ကချင်ခရစ်ယာန်အသင်းတော်အခြေပြု လူထုမူးယစ်တိုက်ဖျက်ရေးအဖွဲ့ Pat Jasan ကို ၂၀၁၄ တွင်ဖွဲ့စည်းခဲ့သည်မှာ ယနေ့ ၆ နှစ်ပြည်ခဲ့ပြီ ဖြစ်သည်။

၂၀၁၄ မှစပြီး ဘိန်းခင်းဖျက်ဆီးခြင်း၊ ရပ်ကွက်မြို့ရွာအထိ ဘိန်းသုံးစွဲ ရောင်းဝယ်သူများကို ပညာပေးခြင်းစသည့်လုပ်ငန်းများ လုပ်ဆောင်ခဲ့ပြီး အထိမ်းအမှတ်နေ့ရောက်တိုင်း လူထုဆုတောင်းပွဲများကို ပြုလုပ်လေ့ရှိသည်။

“ဒီနှစ်က လူစုလူဝေးနှင့်ကျင့်ပဖို့ မဖြစ်နိုင်တော့ပေမဲ့ အားလုံးကိုယ်ရှိတဲ့အရပ်ကနေမှ မူးယစ်ဆေးကျေးကျွန်ဘ၀ မှ လွတ်မြောက်နိုင်ဖို့ နှင့် အခုဖြစ်ပွားနေတဲ့ Covid-19 ရောဂါမှ လွတ်မြောက်နိုင်ဖို့ အထူးဘဲဆုတောင်းကြဖို့ အဓိက ထုတ်ပြန်ထားတာဖြစ်တယ်” ဟု တနိုင်းအခြေပြု လူထုမူးယစ်တိုက်ဖျက်ရေးအဖွဲ့မှ ဆရာနော်တောင် ပြောသည်။

စတင်ဖွဲ့စည်းချိန်မှစပြီး မူးယစ်တိုက်ဖျက်ရေး စတင်လုပ်ဆောင်ခဲ့ရာတွင် အောင်မြင်မှုများရရှိခဲ့သလို အခက်အခဲများလည်း ရှိခဲ့သည်ဟု သိရသည်။

ကချင်ပြည်နယ်တွင် မူးယစ်တိုက်ဖျက်ရေးကို လူထုအဖွဲ့အစည်းများလုပ်နေသော်လည်း ပိုမိုထိရောက်ရန် အစိုးရကိုယ်တိုင်ပါဝင် လုပ်ဆောင်ရမည်ဟု ဆရာနော်တောင်မှ ပြောသည်။

ကချင်ဒေသများတွင် မူးယစ်ဆေးဝါးတိုက်ဖျက်ရေးအစီစဉ်ကို လာမည့်နှစ်များတွင် ပိုမိုလုပ်ဆောင်နိုင်ရေး ဆုတောင်းပေးဖို့ ယနေ့ ကချင်လူထုမူးယစ်ဆေးဝါးတိုက်ဖျက်ရေးအဖွဲ့ PJS က ထုတ်ပြန်ထားပါသည်။

 

Read Previous

အပြင်ထွက်ခွင့်တားမြစ်ခံရခြင်းကြောင့် လီဒိုလမ်း စစ်ရှောင်များအခက်တွေ့

Read Next

ဖားကန့်မြို့သို့ ဝင်လာသူများ ကိုယ့်စားရိတ်ဖြင့် ၂၁ ရက် Quarantine နေရမည်