,

Breaking News :

မံစီမြို့နယ်  KIA တပ်ရင်း ၁၅ နှင့် ၂၇ တို့တွင် တိုက်ပွဲပြင်းထန်

မိုင်းနင်းသေဆုံးခဲ့သော သားအမိ ၂ ဦးကို မသင်္ကာကြောင်း စစ်တပ်ဘက်က စွပ်စွဲခဲ့

စင်းခန်းကျေးတွင် တာဝန်ကျသည့် စစစ(စုံစမ်းစစ်ဆေးရေး) တစ်ဦး အသတ်ခံရ

မြစ်ကြီးနားမြို့အဝင် ဆီဘောက်ဆာယာဉ်တန်းပစ်ခတ်ခံရမှု ထိခိုက်မှုမရှိနိုင်ကြောင်း ဒေသခံများပြော

နောင်မွန် KBC ဘုရားကျောင်း KIA လက်နက်သိုလှောင်ရုံအဖြစ် USDP ပါတီဝင်များ စွပ်စွဲပြောဆို

ဖားကန့်တွင် လက်ဖက်ရည်ဆိုင် ပိုင်ရှင်အမျိုးသမီးကို ဖမ်းဆီးတရားစွဲ

နောင်ကွမ်ကျေးရွာအနီး အာဏာသိမ်းစစ်တပ်စခန်းဘက်တွင် KIA နှင့် ပစ်ခတ်မှုဖြစ်ပွားခဲ့

နမ္မတီးတွင် အကြမ်းဖက်စစ်တပ်၏ ရမ်းသမ်းပစ်ခတ်မှုကြောင့် ပြည်သူ ၁ ဦးသေ၊ ၃ ဦးထိခိုက်ဒဏ်ရာရ

ရွှေကူတွင် ပစ်ခံရသည့် စစ်တပ်ရိက္ခာသယ် သင်္ဘောတစ်စီး ဒုတိယမြစ်ကျဉ်းတွင် ထပ်မံ ပစ်ခတ်ခံရ

မံစီမြို့အနီးတဝိုက် အကြမ်းဖက်စစ်တပ်က လက်နက်ကြီးများဖြင့် ပစ်ခတ်နေ

COVID-19 ပညာပေး ပန်းချီရေးဆွဲသူ လူငယ် ၃ ဦးအမှု ကျေအေးမှု မရ

မြစ်ကြီးနားမြို့နယ် တရားရုံး၊ စွပ်စွဲခံရသူ ၃ ဦးနှင့် ရှေ့နေများ

သာသနာညိုးနွမ်းစေပုဒ်မ ၂၉၅(က)ဖြင့် တရားစွဲဆိုခံထားရသော မြစ်ကြီးနားမှ ပန်းချီရေးဆွဲသူ လူငယ် ၃ဦး၏ အမှုကို တရားလိုဘက်မှ မကျေအေးသဖြင့် မေလ ၁၁ ရက်တွင် အမှုစတင် စစ်ဆေးတော့မည်ဟု သိရသည်။

ကချင်ပြည်နယ်သာသာရေးဦးစီးဌာနမှ ဒုညွှန်ကြားရေးမှူး ဦးထွန်းမြင့်အောင်က တရားလိုပြုကာ ပန်းချီရေးဆွဲသူ ကိုဇေယျာနောင်၊ မစီစီလျာဂျာဆိုင်း၊ ကိုနော်ထွန်းအောင်တို့အား ဧပြီလ ၃ရက်နေ့တွင် တရားရုံးသို့ ဦးတိုက်လျှောက်ထားခြင်း ဖြစ်သည်။

“တရားရုံးမှာ တရားသူကြီးက တရားလိုဘက်ကိုမေးပါတယ်။ ဒီအမှုကတော့ ကျေအေးလို့တော့မရဘူးပေါ့။ ဒါပေမယ့် ရုတ်သိမ်းဖို့ရှိလား မရှိဘူးလားမေးတော့ သူတို့ဘက်က ခုတရားလိုလုပ်ပြီးစွဲထားတဲ့ဒုညွှန်ကြားရေးမှူးက သူ့သဘောတစ်ခုထဲနဲ့ ဆုံးဖြတ်လို့မရဘူးလို့ ပြန်ဖြေပါတယ်။ အဲကြောင့် မကျေအေးလို့ အမှုစ စစ်တော့မှာဖြစ်တယ်။” ဟု တရားစွဲဆိုခံရသူများဘက်မှ တရားလွှတ်တော်ရှေ့နေ ဒေါ်ဒွဲဘူ က ပြောသည်။

မေလ ၁၁ရက်နေ့တွင် တရားလိုပြသက်သေ ၂ဦး၊ မေလ ၁၈ရက်နေ့တွင် ၂ဦး၊ မေလ ၂၅ရက်နေ့တွင် ၂ဦး စသဖြင့် မေလအတွင်း တရားလိုပြသက်သေများကို အပြီးသတ်စစ်ဆေးသွားမည်ဟု ၎င်းကဆက်ပြောသည်။

အဆိုပါ အမှုသည် ဧပြီလ ၃ရက်နေ့တွင် Covid-19 ပညာပေးအစီစဉ်ဖြင့် မြစ်ကြီးနားမြို့ ဘူတာတိုက်တန်းတွင် ပန်းချီရေးဆွဲခဲ့ရာ ယင်းပန်းချီ၏ ဘယ်ဘက်ထောင့်၌ဆွဲထားသည့် သေမင်းတမန်ပုံကိုရေးဆွဲရာတွင် သေမင်းတမန်၏ဝတ်ရုံသည် ဗုဒ္ဓဘာသာရဟန်း၏ သင်္ကန်းနှင့် ဆင်တူနေသည့်အတွက် ဝေဖန်မူများရှိခဲ့ပြီးနောက် ပြည်နယ်သာသနာရေးဦးစီးဌာနမှ ဒုတိယညွှန်ကြားရေးမှူး ဦးထွန်းမြင့်အောင် တရားလိုပြုကာ တရားစွဲဆိုခဲ့ခြင်းဖြစ်သည်။

ထို့နောက် ဧပြီလ ၃၀ရက်နေ့တွင် စွပ်စွဲခံရသော လူငယ်သုံးဦးအတွက် အာမခံလျှောက်ရာ တစ်ဦးလျှင်ငွေကျပ်သိန်း ၁၀၀ စီဖြင့် အာမခံရရှိခဲ့ကြသည်။

Read Previous

ပြည်နယ်လွှတ်တော်အစည်းအဝေးအတွက် ကိုယ်စားလှယ်များ Quarantine ဝင်ရမည်

Read Next

COVID-19 ရောဂါကာကွယ်ရေး စေတနာ့ဝန်ထမ်းများ ထပ်မံ လိုအပ်

Leave a Reply

Your email address will not be published. Required fields are marked *