,

Breaking News :

အမျိုးသမီးများအပေါ်အကြမ်းဖက်မှု ပပျောက်ရေး လှုပ်ရှားမှု မြစ်ကြီးနားတွင် ပြုလုပ်

ဆန်ပြတ်လတ်နေသော ဆော့လော်မြို့နယ်အတွက် အစိုးရက ထောက်ပံ့ပေး

လူစားလှဲမောင်းခြင်းကြောင့် တရုတ်နယ်စပ် မြန်မာကားသမားများ အခက်အခဲတွေ့နေ

ဗန်းမော်မြို့ရှိစစ်ရှောင်များကို ဗန်းမော်မှ ထွက်ပြေးလာသူများမဟုတ်ကြောင်း လက်မှတ်ထိုးခိုင်း

တရားမဝင် တရုတ်နိုင်ငံသား ၄ ဦးကို ဝိုင်းမော်တွင် ဖမ်းဆီး

စာချုပ် ချပြဖို့ထက် စီမံကိန်းအပြီးတိုင် ရပ်ဆိုင်းပေးရန်လိုလားကြောင်း မြစ်ဆုံဒေသခံများတောင်းဆို

၁၉၄၇ ပင်လုံသဘောတူညီချက်နှင့်အညီ ဖက်ဒရယ်ဒီမိုကရေစီ လိုလားကြောင်း KSPP အကြောင်းပြန်

တနိုင်း တရုန်(Tarung) ချောင်းကူးတံတား ည ၆ နာရီ ဂိတ်ပိတ်မှုကို ဒေသခံများမလိုလား

မြန်မာစစ်တပ် နှင့် KIA ရှမ်းမြောက် ၂နေရာမှာ တိုက်ပွဲ ဖြစ်ပွား

ပြည်နယ်အခြေစိုက် တိုင်းရင်းသားပါတီများ ဘာကြောင့် မျှော်မှန်းသလောက် အနိုင်မရခဲ့တာလဲ။

ကချင်ပြည်နယ်မှ လူနာအမှတ်စဉ် ၁၄၄ ဆေးရုံဆင်းခွင့်ရ

လူနာအမှတ်စဉ် မိုးညှင်းမြို့မှ မြစ်ကြီးနားသို့ ပြောင်းရွေ့လာစဉ်က

ကချင်ပြည်နယ်၏ ပထမဆုံး ပိုးတွေ့လူနာ အမှတ်စဉ် ၁၄၄ သည် ၂ ကြိမ်စစ်ဆေးပြီးနောက် ပိုးမတွေ့ရတော့သဖြင့် ယနေ့မေလ ၁၁ရက်နေ့တွင် ဆေးရုံးဆင်းခွင့်ပေးလိုက်ကြောင်း မြစ်ကြီးနားပြည်သူ့ဆေးရုံအုပ်ကြီး ဒေါက်တာဘုန်းမော်ထံမှ သိရသည်။

“ဒီနေ့မနက် ၉နာရီခွဲ လောက်မှာဆေးရုံကနေ ဆင်းသွားပါပြီ။ သူကဆေးရုံမှာ ၂ပတ်နေပြီးတော့ နှာခေါင်းတို့ပတ် နမူနာယူပြီးတော့ ရောဂါရှိမရှိပြန်စစ်တာ ၂ကြိမ်စလုံးရောဂါပိုးမတွေ့တော့တဲ့အတွက် ရောဂါပိုးကင်းစင်ကြောင်း သတ်မှတ်လိုက်ပြီ။ နောက်ပြီးတော့ ကျန်းမာရေးလည်းကောင်းနေတဲ့ချိန်ကျတော့ ဆေးရုံကဆင်းခွင့်ပြုလိုက်တယ်။ ဒါပေမယ့် Facility Quarantine မှာ ၂ပတ်ထပ်ပြီး ထားမှာဖြစ်ပါတယ်။ အဲမှာ ၂ပတ်ထားပြီးရင် Follow Up ပြန်ကြည့်မယ်။ ပြန်စမ်းသပ်မယ် စမ်းသပ်လို့ ကျန်းမာရေးအခြေနေကောင်းပြီဆိုမှ သူ့နေရပ်ဖြစ်တဲ့မိုးညှင်းကို ပြန်လွှတ်မှာဖြစ်တယ်။ မိုးညှင်းရောက်ရင်လည်း သူ့အိမ်မှာဘဲ Home Quarantine ကို ၇ရက် နေရမယ်။ တစ်ခါမိုးညှင်းဆေးရုံ သမားတော်ကြီးတွေနဲ့ ကျန်းမာရေးပြန်စစ်မယ်။ စစ်ဆေးလို့ ကောင်းမွန်တယ်ဆိုရင်တော့ အများပြည်သူတွေနည်းတူ ပုံမှန်တိုင်းနေလို့ရမှာဖြစ်ပါတယ်။” ဟု မြစ်ကြီးနားပြည်သူ့ဆေးရုံအုပ်ကြီး ဒေါက်တာဘုန်းမော် က ပြောသည်။

ဆေးရုံဆင်းခွင့်ရသော်လည်း သတ်မှတ်ထားသည့် သားဖွားသင်တန်းကျောင်းတွင် Facility Quarantine ခံယူရန်ပို့ဆောင်ထားပြီးဖြစ်ကြောင်း ၎င်းကဆက်ပြောသည်။

ဆေးစစ်ရာတွင် ပထမဆုံးအကြိမ်အဖြစ် မေလ(၅)ရက်နေ့၊ ဒုတိယအကြိမ်အဖြစ် မေလ (၈)ရက်နေ့တွင် စစ်ဆေးရာ ရောဂါပိုးမတွေ့တော့သည့်တွက် ဆေးရုံးမှ ဆင်းခွင့်ပြုခဲ့ခြင်းဖြစ်သည်ဟု ပြောသည်။

လူနာအမှတ်စဉ် ၁၄၄ သည် ရန်ကုန်တိုင်းဒေသကြီး လှိုင်သာယာမြို့နယ်တွင်းရှိ ချန်းရီဖိနပ်ချုပ်စက်ရုံတွင် အလုပ်လုပ်ကိုင်ခဲ့ဖူးသူဖြစ်ပြီး ၎င်း၏နေရပ်ဖြစ်သည့် မိုးညှင်းသို့ ပြန်လည်ရောက်ရှိလာပြီးနောက် သီးသန့်နေရာတွင် ကန့်သတ်ထားရှိစဉ် ဧပြီလ ၂၄ရက်တွင် ပိုးတွေ့ကြောင်း ကျန်းမာရေးနဲ့အားကစားဝန်ကြီးဌာနမှ ထုတ်ပြန်ခဲ့သည်။

ယင်းလူနာအား မိုးညှင်းမြို့မှ မြစ်ကြီးနားဆေးရုံးကြီးသို့ ဧပြီလ၂၅ရက်နေ့တွင် လွှဲပြောင်းကုသပေးနေခဲ့ပြီး ၂ ပတ်အကြာ မေလ ၁၁ ရက်နေ့တွင် ဆေးရုံဆင်းခွင့်ပြုခဲ့ခြင်း ဖြစ်သည်။

 

Read Previous

ဝါရာဇွပ်ဒေသခံများတောင်းဆိုသည့် စားကျက်မြေ မသတ်မှတ်ပေးနိုင်ကြောင်း အစိုးရအကြောင်းပြန်

Read Next

အစိုးရ Covid-19 ကာကွယ်တားဆီးရေးကော်မတီသို့ KIO က စာရရှိကြောင်းသာ အကြောင်းပြန်၊ လုပ်ငန်းပိုင်းဆိုင်ရာမပါသေးဟုဆို

Leave a Reply

Your email address will not be published. Required fields are marked *