,

Breaking News :

မြစ်ကြီးနားမြို့အဝင် ဆီဘောက်ဆာယာဉ်တန်းပစ်ခတ်ခံရမှု ထိခိုက်မှုမရှိနိုင်ကြောင်း ဒေသခံများပြော

နောင်မွန် KBC ဘုရားကျောင်း KIA လက်နက်သိုလှောင်ရုံအဖြစ် USDP ပါတီဝင်များ စွပ်စွဲပြောဆို

ဖားကန့်တွင် လက်ဖက်ရည်ဆိုင် ပိုင်ရှင်အမျိုးသမီးကို ဖမ်းဆီးတရားစွဲ

နောင်ကွမ်ကျေးရွာအနီး အာဏာသိမ်းစစ်တပ်စခန်းဘက်တွင် KIA နှင့် ပစ်ခတ်မှုဖြစ်ပွားခဲ့

နမ္မတီးတွင် အကြမ်းဖက်စစ်တပ်၏ ရမ်းသမ်းပစ်ခတ်မှုကြောင့် ပြည်သူ ၁ ဦးသေ၊ ၃ ဦးထိခိုက်ဒဏ်ရာရ

ရွှေကူတွင် ပစ်ခံရသည့် စစ်တပ်ရိက္ခာသယ် သင်္ဘောတစ်စီး ဒုတိယမြစ်ကျဉ်းတွင် ထပ်မံ ပစ်ခတ်ခံရ

မံစီမြို့အနီးတဝိုက် အကြမ်းဖက်စစ်တပ်က လက်နက်ကြီးများဖြင့် ပစ်ခတ်နေ

အလော့ဘွမ်တောင်ခြေ ဒေါ့ဖုန်းယန်မြို့အနီးတွင် အာဏာသိမ်းစစ်တပ်နှင့် KIA တိုက်ပွဲဖြစ်ပွားခဲ့

မိုးညှင်းတွင် ဒလန်ဟု ယူဆရသူ ၂ ဦး ပစ်သတ်ခံရ

KIA ကို တိုက်ခိုက်ရန်နှင့် NLD ကို ဖမ်းဆီးရန် ပူတာအို USDP ပါတီဝင်များက လက်နက်တောင်းဆိုထား

ဂျော်မဆပ်စစ်ရှောင်စခန်းတွင် အထိမ်းအမှတ်ကျောက်တိုင်စိုက်ထူ

ဂျော်မဆပ်စစ်ရှောင်စခန်းတွင် စိုက်ထူထားသည့်ကျောက်တိုင်

ကချင်ဒေသတစ်ကျော့ပြန်စစ်ပွဲ ၉နှစ်ပြည့်နေ့တွင် Kachin Youth Movement အဖွဲ့ကဦးဆောင်ပြီး မြစ်ကြီးနားမြို့ ဂျော်မဆပ် စစ်ရှောင်စခန်းတွင် အထိမ်းအမှတ်ကျောက်တိုင် စိုက်ထူခဲ့သည်ဟု သိရသည်။

‘ANHTE GALOI N MALAP NA GA AI’ (ကျွနိုပ်တို့ဘယ်တော့မှမမေ့ပါ) အဓိပ္ပာယ်ရသည့် စာတမ်းပါ ကျောက်တိုင်ကို စခန်း ၃ ခုတွင် စိုက်ထူသွားရန် ကနဦးစီစဉ်ခဲ့သော်လည်း နေရာအခက်အခဲကြောင့် စခန်း ၁ ခုတွင်သာပြုလုပ်နိုင်ခဲ့ခြင်းဖြစ်သည်။

“ဒီလုပ်ငန်းလုပ်ဖို့ လူငယ်တွေကို ဘယ်သူမှ တိုက်တွန်းပေးတာမရှိဘူး။ အခုဆိုရင်စစ်ရှောင်လာတဲ့ ကာလက အရမ်း ကြာလာပြီဖြစ်တယ်။ နောင်တချိန်မှာ မျိုးဆက်သစ်တွေ သိမြင်ဖို့။ အမြဲတမ်းသတိရနေဖို့ ရည်ရွယ်ပြီး လုပ်တာပေါ့လေ။ ကျောက်တိုင် စိုက်ထူတဲ့နေရာမှာလည်း ၃နေရာမှာ လုပ်ဖို့စီစဉ်ထားတာဖြစ်တယ်။”ဟု အစီစဉ်အကောင်ထည်ဖော်ခဲ့သည့် ကချင်လူငယ်အဖွဲ့မှ ကိုပေါလု က ပြောသည်။

ဂျော်မဆပ်စစ်ရှောင်စခန်းတွင် စိုက်ထူထားသည့် ကျောက်တိုင်အတွက် ဆုတောင်းပွဲအခမ်းအနားကို ကချင်တစ်ကျော့ပြန်တိုက်ပွဲ ၉နှစ်ပြည့်သည့် ဇွန်လ ၉ရက်နေ့ ညနေပိုင်း ၃နာရီ အချိန်တွင်ပြုလုပ်ခဲ့သည်။

စစ်ရှောင်များနေထိုင်သည့်စခန်းတွင် အထိမ်းအမှတ်ကျောက်တိုင်စိုက်ထူသည့်လှုပ်ရှားမှုသည် စစ်ရှောင်ပြည်သူများအတွက် ကောင်းမွန်သည့် လုပ်ရပ်တစ်ခုဖြစ်ကြောင်း ဂျောမဆပ် စစ်ရှောင် ဒုတာဝန်ခံ ဒေါ်ဘောမ်မျှော်က ယခုလိုပြောဆိုသည်။

“အခုလို စစ်ရှောင်တွေနဲ့ပတ်သက်ပြီး လှုပ်ရှားမှုဟာ အင်မတန်မှ ကောင်းမွန်တယ်။ ဘာကြောင့်လဲဆိုတော့ အရင်တုန်းက ကျမတို့လူမျိုးတွေဟာ နေရာတကာ နေထိုင်ခဲ့ကြတာဖြစ်တယ်။ ဒါပေမယ့် ဘာအမှတ်အသားတွေမှ မရှိခဲ့ဘူ။ အဲ့ကြောင့် အခုစစ်ရှောင်တွေ နေထိုင်ခဲ့တဲ့နေရာတွေကို အခုလို အမှတ်အသား မှတ်တိုင်ပြုလုပ်ထားက အရမ်းကို ထောက်ခံတယ်။ ဒီနေရာမှာ စစ်ရှောင်တွေက ခက်ခက်ခဲခဲနေထိုင်ခဲ့တာကို တရားဝင်မှတ်တမ်းတင်ထားတာ ဖြစ်တယ်။ ဒီထက်ကောင်းမွန်တဲ့ လှုပ်ရှားမှုတွေလည်း ဆက်လုပ်ပေးစေချင်တယ်” ဟု ပြောသည်။

မြစ်ကြီးနားမြို့ ဂျော်မဆပ်စစ်ရှောင်စခန်းသည် ၂၀၁၈ ခုနှစ်နွေရာသီတွင် ကချင်လွတ်လပ်ရေးတပ်မတော် KIA တပ်မဟာ ၂ တပ်ရင်း ၁၄ နယ်မြေကို မြန်မာ့တပ်မတော်က ဝင်ရောက်တိုက်ခိုက်ချိန် စစ်ရှောင်အဖြစ်ထွက်ပြေးလာသူများဖြစ်သည်။

လယ်ကုန်း ဗက်လင်စစ်ရှောင်နှင့် ဂျန်မိုင်ကောင် (RC) စစ်ရှောင်စခန်းများတွင် ကျောက်တိုင်စိုက်ထူရန်စီစဉ်ခဲ့သော်လည်း မြေနေရာအခက်အခဲကြောင့် ယခုနှစ်တွင် စိုက်ထူနိုင်ခြင်းမရှိခဲ့ကြောင်း သိရသည်။

ကချင်တစ်ကျော့ပြန်တိုက်ပွဲကြောင့် ကချင်ပြည်နယ်နှင့် ရှမ်းမြောက်ဒေသတွင် ကချင်စစ်ရှောင် ၁သိန်းကျော်ရှိနေဆဲဖြစ်ပြီး အများစုမှာ နေရပ်ပြန်လိုကြောင်း ပြောဆိုနေကြပါသည်။

Read Previous

ကချင်ပြည်နယ်တွင် ထိုင်းပြည်တော်ပြန် အယောက် ၄၀၀ ကျော်ရှိလာ

Read Next

တရုတ်ပြည်တော်ပြန်များကို ဆေးစစ်သည့်ကျန်းမာရေးဝန်ထမ်း Covid-19 ကူးစက်ခံရ

Leave a Reply

Your email address will not be published. Required fields are marked *