,

Breaking News :

ဖားကန့်တွင် အာဏာသိမ်းစစ်တပ်ကို KIA မိုင်းဆွဲ တိုက်ခိုက်

ဘွမ်ရာယန်စစ်ရှောင်စခန်းတွင် ကလေးများစာသင်ကြားနိုင်ရန် အကူညီအများအပြားလိုအပ်နေ

ရွှေကူတွင် PDF မသင်္ကာသူများကို အိမ်ထောင်စုစာရင်းနှင့်တကွ လိုက်လံဖမ်းဆီးနေ

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

လိုင်ဇာမြို့အနီး ခယာဘွမ့်တွင် ရိက္ခာပို့နိုင်ရန် ဒေါ့ဖုန်းယန် မှ ကားလမ်းတစ်လျှောက် စစ်အင်အားတိုးချဲ့ချထား

ဘွမ်ရာယန်စစ်ရှောင်စခန်းတွင် သောက်ရေ အဓိကအခက်အခဲဖြစ်နေ

ရှဒူးဇွပ်စစ်ရှောင်များ ရေဘေးမှလွတ်မြောက်ရေး နေရာအသစ်တွင် ပြောင်းရွေ့ရန်ခက်ခဲနေ

လိုင်ဇာမြို့အနီး အာဏာသိမ်းစစ်တပ်၏ ယာဉ်တန်းကို KIA ကြားဖြတ် တိုက်ခိုက်

KIA ဒု-စစ်ဦးစီးချုပ်၏လူသတ်မှုကို ညီဖြစ်သူ NLD ကချင်အမတ်က ညှိနှိုင်းပေးခဲ့သည်ဆိုသော သတင်းမှား

KIA ဒု-စစ်ဦးစီးချုပ် လူသတ်မှုကိစ္စကို သူ၏ညီဖြစ်သူ ရွေးကောက်ခံကချင် NLD အမတ်တစ်ဦးက ကြားဝင်ညှိနှိုင်းကာ နစ်နာကြေးပေးခဲ့သည်ဆိုသော ရေးသားမှုမှာ သတင်းအမှားဖြစ်သည်ဟု မေးမြန်းသိရှိရသည်။

‘Kachin Daily News’ ဆိုသော facebook page တစ်ခုက နိုဝင်ဘာ ၁၂ ရက်နေ့တွင် ရေးသားထားသော ‘KIA ဒု-စစ်ဦးစီးချုပ် ဗိုလ်ချုပ်အောင်ဆိုင်းလာမှ ၎င်း၏ အိမ်အကူရဲဘော်အား ခြေထောက်ဖြင့်ကန်ပြီး ဆုံးမရာ သေဆုံးသွားသောကြောင့် ထိုရဲဘော်၏ဇာတိဖြစ်သော တနိုင်းမှ မိခင်ကို ဒု-စစ်ဦးစီးချုပ်၏ညီဖြစ်သူ လက်ရှိ တနိုင်းအမျိုးသားလွှတ်တော်ကိုယ်စားလှယ်အဖြစ်ရွေးကောက်ခံရသော ဦးဇော်တန်က ညှိနှိုင်းပေးကာ ငွေကျပ် ၁၅ သိန်းပေးခဲ့ကြောင်း’ ဖော်ပြထားသည်။

ထိုသတင်းကို မျှဝေသူ လက်ရှိ ၁၂၇ ဦးထိရှိနေပြီး မှတ်ချက်ပြုသူများကလည်း သတင်းအမှားဖြစ်နိုင်ကြောင်း ရေးသားကြသည်။

အဆိုပါအကြောင်းအရာနှင့်ပတ်သက်ပြီး နိုဝင်ဘာ ၈ ရက်နေ့က ရွေးကောက်ခံရသော ဦးဇော်တန်ကို KNG က ဆက်သွယ်မေးမြန်းရာတွင် သတင်းအမှားဖြစ်သောကြောင့် အထူးတလည်ဖြေရှင်းမှုမျိုးလုပ်မည်မဟုတ်ကြောင်း ဆိုသည်။

“အရင်ကလည်း လွှတ်တော်ကိုယ်စားလှယ်က KIO ကာကွယ်ရေးဦးစီးချုပ်ရဲ့ ညီဖြစ်တယ်ဆိုပြီး တိုက်ခိုက်တယ်။ အခု ရွေးကောက်ခံရတော့လည်း အဲလိုပြန်ရေးတယ်။ တနိုင်းသားတွေအကုန်သိတယ်။ ကျနော့်အကြောင်း ဘာမှဖြေရှင်းချက်ထုတ်စရာမလိုဘူး။ အပုပ်ချတဲ့အလုပ်ကို ဘယ်တော့မှ ဖြေရှင်းချက်မပေးချင်ဘူး” ဟုဆိုသည်။

အဆိုပါသတင်းကို ရေးသားသူမှာ ‘ထန်ကီး (တနိုင်း) ဆိုပြီးဖော်ပြထားသည်။

ထန်ကီးဆိုသူမှာ လက်ရှိ NLD ပါတီမှ တနိုင်းပြည်သူ့လွှတ်တော်ကိုယ်စားလှယ် ဦးလင်းလင်းဦး၏ နာမည်ဖြစ်သည်ဟု သိရသည်။

ထို့ကြောင့် ဦးလင်းလင်းဦး၏ နာမည်ကိုယူသုံးကာ အပုပ်ချသတင်းမှားဖြန့်ဝေခြင်းဖြစ်သည်ဟု ဦးဇော်တန်က ပြောသည်။

ဦးဇော်တန်သည် ၂၀၁၅ ခုနှစ်ရွေးကောက်ပွဲနှင့် ၂၀၂၀ ရွေးကောက်ပွဲ မပြိုင်ခင်ကာလများကလည်း အလားတူတိုက်ခိုက်မှုများ ကြုံခဲ့ရသည်ဟု ဆိုသည်။

ထို့နောက် တနိုင်းမြို့အတွင်း KIA ဘက်မှ လူသတ်မှုကိစ္စဖြင့် NLD အမတ်လောင်းကို လျော်ကြေးပေးခိုင်းသည့်ကိစ္စမှာ ဖြစ်နိုင်ခြေမရှိကြောင်းနှင့် သတင်းအမှားသာဖြစ်သည်ဟု တနိုင်းမြို့နယ်အုပ်ချုပ်ရေးမှူး ဦးကျော်လွင်က အတည်ပြုပြောဆိုခဲ့သည်။

“အဲကိစ္စနဲ့ပတ်သက်ပြီးမကြားမိပါဘူး။ ဒါက ဖြစ်နိုင်ခြေမှမရှိတာ။ ဘာကြောင့်လဲဆိုတော့ ကျနော်ဒီမှာ အုပ်ရေးမှူး တာဝန်ကိုထမ်းဆောင်နေတာ ၃ နှစ်လောက် ရှိသွားပြီပေါ့နော်။ ဒီသတင်းက ရွေးကောက်ပွဲပြီးမှ ပြန့်လာတယ်လို့ကြား သိရတယ်။ ပြီးရင် NLD အမတ်လောင်းနဲ့လည်း ကြားမှာ ချိတ်ဆက်မှုရှိပါတယ်။ သူ့အကြောင်းတွေလည်း သိသင့်သလောက်တော့ သိပါတယ်။ ပြောချင်တာက ဒါက သတင်းအမှားပါ” ဟုပြောဆိုသည်။

Read Previous

စာချုပ် ချပြဖို့ထက် စီမံကိန်းအပြီးတိုင် ရပ်ဆိုင်းပေးရန်လိုလားကြောင်း မြစ်ဆုံဒေသခံများတောင်းဆို

Read Next

တရားမဝင် တရုတ်နိုင်ငံသား ၄ ဦးကို ဝိုင်းမော်တွင် ဖမ်းဆီး

Leave a Reply

Your email address will not be published. Required fields are marked *