မိုးကောင်းမြို့တွင် ယနေ့ ည ၉ နာရီကျော်အချိန်တွင် အာဏာသိမ်းစစ်တပ်က သေနတ်ပစ်သဖြင့် ပြည်သူ ၂ဦး ကျည်ထိမှန် ဒဏ်ရာရရှိသွားကြောင်းသိရသည်။
ဒဏ်ရာရှိသူ ၂ဦးမှာ မိုးကောင်း-ကျွန်းတောရပ်ကွက်နေတွင်နေထိုင်သူ အမျိုးသမီးတစ်ဦးနှင့် ကျွန်းတောမှ မြို့ထဲသို့ ဆိုင်ကယ်ဖြင့်ဖြတ်လာသည့် အမျိုးသားတစ်ဦးတို့ဖြစ်ကြောင်း မျက်မြင်သက်သေတစ်ဦးက ယခုလိုပြောဆိုသည်။
“ခြောက်ပစ်တယ်လို့ထင်တယ်။ အမျိုးသမီးတစ်ဦးနဲ့ အမျိုးသားတစ်ဦး သေနတ်ကျည်ထိသွားတယ်။ အမျိုးသမီးက လက်မှာထိသွားတယ်။ အမျိုးသားက ခြေသလုံး ဒူးကိုထိသွားတယ်လို့သိရတယ်”ဟု ပြောဆိုသည်။
ဒဏ်ရာရ ၂ဦးအနက် အမျိုးသမီးမှာဆေးရုံမှာ ဆေးကုသခံယူနေပြီဖြစ်ကြောင်းသိရသည်။
