,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

ဒေသအသီးသီးမှ ပြည်သူ့ကာကွယ်ရေးတပ်များကို စုစည်းရန် PDF တပ်မတော် ကို NUG အစိုးရ ဖွဲ့စည်း

မတရားအာဏာသိမ်းပြီး ပြည်သူလူထုကို ပြန်လည်ပစ်သတ်သော စစ်တပ်ကို အမြစ်ဖျက်ချေမှုန်းရန် ပြည်သူ့ကာကွယ်ရေးတပ်မတော် ‘People Defence Force’ ကို ဖွဲ့စည်းကြောင်း မေလ ၅ ရက်နေ့တွင် အမျိုးသားညီညွတ်ရေးအစိုးရ NUG က ကြေညာထားသည်။

ဖက်ဒရယ်ပြည်ထောင်စု တပ်မတော်၏ ရှေ့ပြေးအဖြစ် ဖွဲ့စည်းလိုက်ခြင်းဖြစ်ကြောင်း ဖော်ပြထားသည်။

အဆိုပါ PDF တပ်ဖွဲ့နှင့်ပတ်သက်ပြီး NUG အစိုးရအဖွဲ့ သဘာဝသယံဇာတဝန်ကြီး ဒေါက်တာ တူးခေါင်က ယခုလိုပြောဆိုသည်။

“ဘယ်သူမဆို ကိုယ့်တော်လှန်ရေးနယ်မြေမှာ သင်တန်းခံယူနေတဲ့သူတွေအားလုံးကို ပြန်စုစည်းပြီး တပ်အနေနဲ့ ဖွဲ့စည်းလိုက်တာဖြစ်တယ်။ အရေးကြီးဆုံးက ဘာလဲဆိုရင် ပြည်သူအားလုံးပါဝင်တဲ့ စစ်တပ်တစ်ခုဖြစ်တယ်ဆိုတာပဲ။ ပြည်သူ့အထဲကနေမှ မတရားတာကို ဆန့်ကျင်တော်လှန် ခြေဖျက်လိုသောဆန္ဒနှင့် လူငယ်တွေ ကိုယ့်သဘောနှင့်ကိုယ် ပါဝင်လာကြသလို ကျန်တဲ့သူတွေအားလုံးလည်း ပါဝင်လာဖို့က အရေးကြီးဆုံးဖြစ်တယ်။” ဟု သယံဇာတ ဝန်ကြီး ဒေါက်တာ တူးခေါင် က ပြောသည်။

တိုင်းရင်းသားဒေသ လွတ်မြောက်နယ်မြေအသီးသီးတွင် စစ်ပညာသင်ယူနေသော လူငယ်များကို စုစည်းနိုင်ရန်အတွက် ဖွဲ့စည်းလိုက်ခြင်းဖြစ်ပြီး စစ်ဆင်ရေးဗျူဟာကိုမူ ကာကွယ်ရေး ဝန်ကြီးက တာဝန်ယူနေကြောင်း ဆိုသည်။

စစ်အာဏာရှင်ကို အမြစ်ဖျက်ချေမှုန်းရန် ဆုံးဖြတ်ပြီး စစ်ပညာသင်ကြားခံယူပြီးသောသူများကို ပြန်လည်စုစည်းရန် NUG အစိုးရသစ်က PDF တပ်ကို ဖွဲ့စည်းခဲ့ခြင်းဖြစ်သည်ဟု သိရပါသည်။

“ပြည်သူမပါရင် NUG ဆိုတာ ဘာမှမဟုတ်ဘူး။ ပြည်သူ့အစိုးရဖြစ်တဲ့အတွက် ပြည်သူ့တော်လှန်ရေးဖြစ်တယ်။ ဒါကြောင့် ဒီတော်လှန်ရေးမှာလည်း ပြည်သူတွေ ပါဝင်ရပါမယ်။” ဟု ပြောသည်။

လက်ရှိတွင် ကချင်ပြည်နယ်တွင် ကချင်လွတ်လပ်ရေးတပ်မတော် KIA ၊ ကရင်ပြည်နယ်တွင် ကရင်အမျိုးသားအစည်းအရုံး KNU တို့က အာဏာသိမ်းစစ်တပ်ကို ထိုးစစ်ဆင် စခန်းသိမ်းတိုက်ပွဲများ ပြုလုပ်နေသည်။

ရှမ်းမြောက်ရှိ အာဏာသိမ်းစစ်တပ်၏ စခန်းအချို့ကိုလည်း မြောက်ပိုင်းမဟာမိတ်အဖွဲ့က တိုက်ခိုက်မှုများ ပြုလုပ်နေသည်ကို တွေ့ရသည်။

Read Previous

ပူတာအိုမြို့နယ် အာဏာသိမ်းစစ်တပ်စခန်းတစ်ခုကို KIA သွားရောက်ပစ်ခတ်

Read Next

နွမ်းလန့် (Numlang) ကျေးရွာနေအိမ်များသို့ အာဏာသိမ်းစစ်တပ်က လက်နက်ကြီးပစ်ခတ်