,

Breaking News :

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

နွမ်းလန့် (Numlang) ကျေးရွာနေအိမ်များသို့ အာဏာသိမ်းစစ်တပ်က လက်နက်ကြီးပစ်ခတ်

မိုးမောက်မြို့နယ် နွမ်လန့် (Numlang) ကျေးရွာအတွင်းသို့ အာဏာသိမ်းစစ်တပ်က လက်နက်ကြီး ၄ လုံးပစ်ထည့်လိုက်ကြောင်း ဒေသခံများ ပြောဆိုချက်မှ သိရသည်။

မေလ ၅ရက် ယနေ့မွန်းလွဲပိုင်း ၂နာရီခန့်တွင် အာဏာသိမ်းစစ်တပ်စခန်းကို ကချင်လွတ်လပ်ရေးတပ်မတော် KIA က လက်နက်ကြီးပစ်ခတ်ခဲ့ရာ အာဏာသိမ်းစစ်တပ်က တန်ပြန်သည့်အနေဖြင့် လူနေအိမ်ရှိရာသို့ လက်နက်ကြီး ၄ ကြိမ် ပစ်ခတ်လိုက်သည်ဟု ဒေသခံ တစ်ဦးက ယခုလိုပြောပြသည်။

“နေ့လည် ၂နာရီလောက်မှာဟုတ်တယ်။ KIA ဘက်က စပစ်တယ်။ စစ်သားတွေရှိတဲ့ဘက်ကို။ အဲမှာ စစ်သားတွေက KIA ရှိတဲ့ဘက်ကို ပြန်မပစ်ဘဲ ကျေးရွာအတွင်းကို ပစ်တယ်။ ရွာမှာ လက်နက်ကြီးကျည် ၃လုံးကျတယ်။ ရွာအပြင်မှာ ၁လုံးကျတယ်”ဟု ဒေသခံတစ်ဦးက KNG သတင်းဌာနကို ပြောသည်။

လက်နက်ကြီးကျည် ကျေးရွာအတွင်း ကျပေါက်ကွဲခဲ့သော်လည်း ထိခိုက်ဒဏ်ရာ ရရှိသူများ မရှိကြောင်း သိရသည်။

မေလ ၄ ရက်ည ၉ နာရီနှင့် မေလ ၅ ရက်နေ့ နံနက်ပိုင်းကလည်း အာဏာသိမ်းစစ်တပ်က စစ်လေယာဉ် ၂ စီးဖြင့် အဆိုပါ မြို့သစ်၊ ကုန်းလော၊ နွမ်းလန် ကျေးရွာများသို့ သွားရောက်ပစ်ခတ်ခဲ့သည်။

ကချင်လွတ်လပ်ရေးတပ်မတော် KIA တပ်မဟာ ၅ ဒေသဖြစ်သော မိုးမောက်မြို့နယ် အလော့ဘွမ်တောင်ခြေရှိ အဆိုပါ ကျေးရွာများတွင် အာဏာသိမ်းစစ်တပ်နှင့် ကချင်လွတ်လပ်ရေးတပ်မတော် KIA  တို့ကြား နေ့စဉ် တိုက်ပွဲဖြစ်ပွားနေဆဲဖြစ်သည်။

မေလ ၃ ရက်နေ့ကလည်း စစ်တပ်၏ စစ်ရဟတ်ယာဉ် ၁ စီးကို KIA က ပစ်ချ နိုင်ခဲ့သည်။

Read Previous

ဒေသအသီးသီးမှ ပြည်သူ့ကာကွယ်ရေးတပ်များကို စုစည်းရန် PDF တပ်မတော် ကို NUG အစိုးရ ဖွဲ့စည်း

Read Next

KTCS ဓမ္မတက္ကသိုလ် ဘွဲ့ယူရန် ဖားကန့်မှ ဆင်းလာသော ကျောင်းသားမိသားစု ပစ်ခတ်ခံရ