,

Breaking News :

ဒေါ့ဖုန်းယန်မြို့နယ်ခွဲတွင် ဖြတ်သန်းသွားလာသူများကို အာဏာသိမ်းစစ်တပ်မှ စစ်ဆေးနေ

စစ်တပ်က ၎င်း၏ ဆုံးရှုံးမှုကို လက်တုန့်ပြန်သောအနေဖြင့် အရပ်သားများကို ပစ်ခတ်သတ်ဖြတ်နေကြောင်း KWAT ထောက်ပြ

ဒေါ့ဖုန်းယန်မြို့ပြင်  ၂ မိုင်ပတ်လည်တွင် အာဏာသိမ်းစစ်တပ်က မြေမြုပ်မိုင်း အများအပြားထောင်ထား

Covid-19 ကာကွယ်တားဆီးရေး စည်းကမ်းချက် KIO ပြန်လည်တင်းကြပ်

ဖားကန့်တွင် အာဏာသိမ်းစစ်တပ်ကို KIA မိုင်းဆွဲ တိုက်ခိုက်

ဘွမ်ရာယန်စစ်ရှောင်စခန်းတွင် ကလေးများစာသင်ကြားနိုင်ရန် အကူညီအများအပြားလိုအပ်နေ

ရွှေကူတွင် PDF မသင်္ကာသူများကို အိမ်ထောင်စုစာရင်းနှင့်တကွ လိုက်လံဖမ်းဆီးနေ

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

စစ်တပ်ကျောထောက်နောက်ခံ ယုဇနကုမ္ပဏီ ဒုတိယအကြိမ် တစ်စစီ ဖျက်စီးခံရ

ဖားကန့်မြို့နယ် တနိုင်းသွားလမ်း လီဒိုလမ်းပေါ် ဘန်ကောက်ကျေးရွာရှိ စစ်တပ်ကျော်ထောက်နောက်ခံ ယုဇနကုမ္ပဏီဝင်းကို ကချင်လွတ်လပ်ရေးတပ်မတော် KIA က ဒုတိယအကြိမ် ဝင်ရောက်ဖျက်စီးခဲ့ကြောင်း ဒေသခံများထံမှ သိရသည်။

မေလ ၁၉ ရက် ည ၉နာရီအချိန်တွင် ယုဇနကုမ္ပဏီဝင်းရှိ ဝန်ထမ်းအဆောက်အဦးများ၊ ဂိုဒေါင်များနှင့် အုပ်တံတိုင်းနံရံများကို ဘက်ဟိုးဖြင့် တစ်စစီဖြစ်အောင် သွားရောက်ဖျက်ဆီးလိုက်ကြောင်း အမည်မဖော်လိုသူ ဗန်းကောက်ကျေးရွာ ဒေသခံတစ်ဦးက KNG သတင်းဌာနကို ပြောဆိုခဲ့သည်။

“ကုမ္ပဏီဝင်းတစ်ခုလုံး တစစီဖြစ်သွားပြီ။ ကုမ္ပဏီဝင်းထဲမှာရှိတဲ့ ဝန်ထမ်းနေအိမ်နဲ့ ပစ္စည်ထည့်တဲ့ ဂိုဒေါင်တွေ ဘက်ဟိုတွေနဲ့ ရစရာမရှိအောင် လုပ်သွားတယ်။ ပြီးရင် အဲ့ကုမ္ပဏီဝင်းကိုကာထားတဲ့ အုပ်တံတိုင်းခြံဝင်းတွေလည်း တစ်စစီဖျက်စီးထားတာတွေ့ရတယ်။ ဘာမှမကျန်တော့ဘူး။ သူတို့ရဲ့ ယန္တရားအဆောင်တွေလည်း မကျန်တော့ဘူး”ဟု ပြောဆိုသည်။

ယုဇနကုမ္ပဏီဝင်းတွင်  KIA က ဝင်ရောက်ဖျက်စီးနေသည့်အချိန် အနီးတဝိုက်ရှိ ရှဒူးကျေးရွာအခြေစိုက် အာဏာသိမ်းစစ်တပ် ခလရ ၂၉၇ တပ်ရင်းမှ လက်နက်ကြီးများဖြင့် ၅ကြိမ်ထက်မနည်း ပစ်ခတ်ခဲ့ကြောင်း သိရသည်။

ရှဒူးဇွပ်စစ်တပ်ကုန်းမှ ဘန်ကောက်ကျေးရွာဘက်သို့ လက်နက်ကြီးများဖြင့် ပစ်ခတ်ခဲ့သော်လည်း ပေါက်ကွဲမှုမရှိခဲ့သဖြင့် ဒေသခံများ ထိခိုက်မှု မရှိကြောင်း သိရသည်။

ယုဇန ကုမ္ပဏီ မီးရှို့ဖျက်ဆီးခံရသည်မှာ ယခု ဒုတိယအကြိမ်ဖြစ်ပြီး ပြီးခဲ့သော ဧပြီလ ၁ရက်နေ့တွင် ပထမအကြိမ်အဖြစ် တိုက်ခိုက်ခံရပြီးနောက် ကုမ္ပဏီဝင်းအတွင်းရှိ တာဝန်ရှိသူများနှင့်ဝန်ထမ်းများက ထွက်ပြေးသွားခဲ့သည်။

ပထမအကြိမ် မီးရှို့ဖျက်စီးခံခဲ့ရာတွင် ဂိုဒေါင် ၄ခုနှင့် ကုမ္ပဏီကားအပါအဝင် စက်ယန္တရားများ ၂၃စီး ထက်မနည်း ဖျက်စီးခံလိုက်ရခြင်းဖြစ်သည်။

အာဏာသိမ်းစစ်တပ်၏ ကျောထောက်နောက်ခံ ယုဇနကုမ္ပဏီကို ဟူးကောင်းချိုင့်ဝှမ်းဒေသတွင် လုပ်ကိုင်နိုင်ရန် ၂၀၀၆ ခုနှစ်တွင် စစ်အစိုးရက ခွင့်ပြုပေးခဲ့သည်။

ထိုနေရာများသည် ဒေသခံများ၏ လယ်မြေဖြစ်သော်လည်း ယုဇနကုမ္ပဏီက လက်နက်အားကိုးဖြင့်​ မြေယာသိမ်းဆည်းမှုများ ဆက်တိုက်ပြုလုပ်ခဲ့သည်။

Read Previous

နောင်မွန် နှစ်ခြင်းဘုရားကျောင်းကို ပုတ်ခတ်ပြောဆိုခြင်း မပြုလုပ်ရန် ထုတ်ပြန်ချက်ထုတ်

Read Next

မြို့သစ် ၊ ကုန်းလောကျေးရွာတွင် တိုက်ပွဲပြင်းထန်ခဲ့

Leave a Reply

Your email address will not be published. Required fields are marked *