,

Breaking News :

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

ဖားကန့် ပြည်သူ့လွှတ်တော်ကိုယ်စားလှယ် ဦးအောင်ဟိန်းမင်း၏ နေအိမ် ချိတ်ပိတ်ခံရ

ကသာမြို့နယ် တွင် PDF ပူးပေါင်းတပ်ဖွဲ့များ ကျပ်သိန်း ၃၀၀၀ ကျော်တန်ဖိုးရှိ မူးယစ်ဆေးဝါးများကို မီးရှို့ဖျက်ဆီး

ရဝမ် လူငယ်အသင်း ဥက္ကဋ္ဌ ဦးဖုန်ရော့ဖီနန်ကို စစ်ကောင်စီ မှ ထောင်ဒဏ် ၁၀ နှစ် ချမှတ်

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

ရေကာတာစီမံကိန်းများအပြီးတိုင် ရပ်ဆိုင်းပြီး တရုတ် SPIC ကုမ္ပဏီထွက်ခွာသွားရန် ကချင်ဒေသခံများ တောင်းဆို

ဧရာဝတီမြစ်ဆုံစီမံကိန်းနှင့် မြစ်ဆုံ မြစ်ညှာ မြစ်ဝှမ်းရှိ ရေကာတာစီမံကိန်းများအားလုံး ဖျက်သိမ်းပေးပြီး တရုတ် SPIC/ CPI ကုမ္ပဏီများအနေဖြင့် မြန်မာပြည်မှ အပြီးတိုင်ထွက်သွားရန် ဒေသခံများက ယနေ့ ဆန္ဒဖော်ထုတ်တောင်းဆိုခဲ့ကြသည်။

ယနေ့ မေလ ၂၅ ရက်နေ့ မြစ်ကြီးနား နှင့် ချီဖွေဒေသခံများက စီမံကိန်းဒေသတွင် ဆန္ဒဖော်ထုတ်ခဲ့သည့်အပြင် မြစ်ကြီးနား စီတာပူ ရပ်ကွက်ရှိ SPIC/CPI ကုမ္ပဏီကိုလည်း အိတ်ဖွင့်ပေးစာ ပေးပို့ခဲ့ကြောင်း သိရသည်။

“ကျမတို့ လုံးဝမကျေနပ်ဘူး။ အဲ့တာကြောင့် ဘာပဲဖြစ်ဖြစ် ကျမတို့ရွာဟောင်းကို ကျမတို့ ပြန်ချင်တယ်။ ဒီစီမံကိန်းလုပ်လိုက်ခြင်းကြောင့် ကြီးမားတဲ့ပြဿနာက အမျိုးသမီးတွေမှာဖြစ်ခဲ့တယ်။ စားဝတ်နေရေးကအစ၊ သားသမီးတွေရဲ့ပညာရေး၊ ကျန်းမာရေးကအစ အခက်အခဲတွေအများကြီးကြုံခဲ့ရတယ်။ အဲ့တာကြောင့် စီမံကိန်းကို လုံးဝအလိုမရှိဘူး။ သူတို့ အပြီးပိုင်ထွက်သွားတာပဲ လိုချင်တယ်။ သူတို့က အခု ယာယီဘဲရပ်ဆိုင်းနေတာ ဘာမှမထူးဘဲ။ ဘယ်အတိုင်းအတာထိ ရပ်ဆိုင်းနေမှာလဲ။ ဒီလိုရပ်ဆိုင်းတယ်ဆိုတာကို ကျမတို့က မလိုချင်ဘူး။ အဲ့ကြောင့်ခုလို ဆန္ဒထုတ်ဖော်တာ။” ဟု အမည်မဖော်လိုသူ မြစ်ဆုံဒေသခံတစ်ဦးက ပြောသည်။

စစ်အာဏာသိမ်းသည့်ကာလဖြစ်သောကြောင့် စီမံကိန်းဆန့်ကျင်သည့်ဒေသခံများက ၎င်းတို့ မည်သူမည်ဝါဖြစ်ကြောင်းကို ဖော်ပြရန် ငြင်းဆိုထားသည်။

ထို့ကြောင့် ချီဖွေ ဒေသခံများက လူမဲ့သပိတ်အဖြစ် ဆန္ဒဖော်ထုတ်ခဲ့ကြသည်ကို တွေ့ရသည်။

မြစ်ကြီးနား မြစ်ဆုံဒေသခံများ၏ ဆန္ဒဖော်ထုတ်ရာတွင် ကြွေးကြော်သံများမှာ ‘မြစ်ဆုံ၊ မြစ်ညှာ၊ မြစ်ဝှမ်း ရေကာတာ စီမံကိန်းများအပြီး အပိုင်ဖျက်သိမ်းရေး၊ ဒေသခံပြည်သူများ မူလနေရပ်သို့ လွတ်လပ်စွာ နေထိုင်ခွင့်ရရှိရေး၊ ဧရာဝတီမြစ် ထာဝရလွတ်လပ်စွာ စီးဆင်းရေး ၊ ပြည်သူ့ အသက်အိုးအိမ်စည်းစိမ် ဆုံးရှုံးမည့်ရေကာတာ အလိုမရှိ၊ ပြည်သူ့ဆန္ဒလုံးဝမပါသော စီမံကိန်းအားလုံး အလိုမရှိ၊ မြန်မာနိုင်ငံ၏ အသက်သွေးကြော ဧရာဝတီမြစ်ကို ရေကာတာဆောက်လုပ်ခြင်း အလိုမရှိ’ စသည်တို့ဖြစ်သည်။

မြစ်ဆုံစီမံကိန်းကို ၂၀၁၁ ခုနှစ်တွင် ယာယီရပ်ဆိုင်းခဲ့သော်လည်း ယနေ့ချိန်ထိ စီမံကိန်း အချိန်မရွေး ပြန်လည်စတင်နိုင်သော အခြေအနေရှိ​သောကြောင့် စီမံကိန်းလုပ်ဆောင်မည့် တရုတ်ကုမ္ပဏီများကိုသာ ထွက်သွားရန် ဒေသခံများက လိုလားနေကြသည်။

Read Previous

ဖားကန့် လူမှုကူညီရေးအသင်းမှ လူငယ်တစ်ဦး သေနတ်ဖြင့် ၃ကြိမ်ထက်မနည်း ပစ်သတ်ခံရ

Read Next

Victory Reserve Fund တာဝန်ရှိသူဖြင့် ဆက်သွယ်မေးမြန်းခြင်း

Leave a Reply

Your email address will not be published.