,

Breaking News :

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက် ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ဗန်းမော်တွင် ရဲသား ၂ ဦးပစ်ခံရပြီးနောက် ပြည်သူ ၆ ဦးဖမ်းဆီးခံရ

မူဆယ်မြို့တွင် ၁ ရက်အတွင်း ပိုင်ရှင်မဲ့အလောင်း ၂ လောင်းတွေ့ရှိ

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

ဖားကန့် ပြည်သူ့လွှတ်တော်ကိုယ်စားလှယ် ဦးအောင်ဟိန်းမင်း၏ နေအိမ် ချိတ်ပိတ်ခံရ

ကသာမြို့နယ် တွင် PDF ပူးပေါင်းတပ်ဖွဲ့များ ကျပ်သိန်း ၃၀၀၀ ကျော်တန်ဖိုးရှိ မူးယစ်ဆေးဝါးများကို မီးရှို့ဖျက်ဆီး

လယ်တောမှ နွားလှည်းဖြင့် ပြန်လာသော ပြည်သူတစ်ဦးကို စစ်ကောင်စီ ပစ်သတ်

ဟိုပင်မြို့နယ် ရွာသစ်ကြီးကျေးရွာတွင် လယ်တောမှ နွားလှည်းဖြင့် ပြန်လာသော အမျိုးသားတစ်ဦးကို အာဏာသိမ်းစစ်တပ်က ပစ်ခတ်ခဲ့သဖြင့် ထိုနေရာတွင် သေဆုံးသွားကြောင်း သိရသည်။

ဇူလိုင်လ ၆ ရက်နေ့ ယမန်နေ့ည ၈နာရီ ဝန်းကျင်ခန့် အာဏာသိမ်းစစ်သား အယောက် ၂၀ ကျော်သည် ရွာသားဖြစ်သော ဦးသန်းဝေ ကို သွားရောက်ဖမ်းဆီးခေါ်ဆောင်လာသော လမ်းခရီးတွင် နွားလှည်းဖြင့် ပြန်လာသော ပြည်သူတစ်ဦးကို ပစ်သတ်ခဲ့ခြင်း ဖြစ်သည်။

“ရွာထဲမှာလက်နက်လုပ်တယ်ဆိုပြီး ဦးလေးတစ်ယောက်ရဲ့ အိမ်ကိုလာဝိုင်းပြီး စစ်တယ်။ နောက် ဦးလေးကိုလည်း ဖမ်းသွားတယ်။ အဲ့အချိန်မှာ လယ်တောကနေ နွားလှည်းမောင်းပြီး ရွာသား ၃ ယောက်ပြန်လာတယ်။ စစ်သားတွေက သူတို့ ၃ယောက်ကို ရပ်ခိုင်းတာ ထင်တယ်။ နှစ်ယောက်က ဆင်းပြီးရပ်ပေးတယ်လို့ သိရတယ်။ လူအုပ်ကြီးနဲ့ဆိုတော့ နွားက ထိန်းမရတော့ သွားလိုက်တာကို စစ်သားတွေက နောက်ကနေ ၄ချက် လိုက်ပစ်တယ်လို့ သိရတယ်” ဟု အမည်မဖော်လိုသူ ဒေသခံတစ်ဦးက KNG သတင်းဌာနကို ပြောဆိုခဲ့သည်။

နွားလှည်းပေါ်တွင် ပစ်သတ်ခံရသော အမျိုးသားမှာ အသက် ၃၀ အရွယ် ကိုဘဂျမ်း ဆိုသူဖြစ်ပြီး သူ၏ နောက်ကျောတွင် သေနတ်ထိမှန် သေဆုံးခဲ့ရခြင်း ဖြစ်သည်ဟု သိရသည်။

ကျေးရွာတွင် လက်နက်လုပ်သည်ဟုဆိုကာ ဖမ်းဆီးခေါ်ဆောင်ခံရသော ဦးသန်းဝေ ကို ယမန်နေ့ညတွင် စစ်ဆေးမှုများ ပြုလုပ်ခဲ့ပြီးနောက် ပြန်လည်လွှတ်မြောက်လာပြီ ဖြစ်ကြောင်း သိရသည်။

ဦးဘဂျမ်းကို ပစ်သတ်မှုနှင့် ဦးသန်းဝေကို ဖမ်းဆီးသွားသော အာဏာသိမ်းစစ်တပ်မှာ ဟိုပင်မြို့နယ် ရွာသစ်ကျေးရွာအခြေစိုက် စကခ ၃ အောက် ခမရ ၃၈၉ တပ်ဖြစ်ကြောင်း ဒေသခံများထံမှ သိရသည်။

Read Previous

နမ္မတီးမြို့ စာသင်ကျောင်းတွင် စစ်တပ် ဝင်ရောက်တပ်စွဲနေထိုင်မှုကို ပြည်သူများ မလိုလား

Read Next

ဗန်းမော် ကိုယ်ပိုင်အထက်တန်းကျောင်းဆရာမ ၄ ဦးနှင့် အကောက်ခွန်ရုံး ဝန်ထမ် ၁ ဦးတွင် ကိုဗစ် ပိုးတွေ့

Leave a Reply

Your email address will not be published.