,

Breaking News :

ကပ်ဘေးနှစ်ခုကို အံတုရင်း ကြပ်တည်းလာသော လူနေမူဘဝ

မုံရွေးနှင့် ကြေးမုံရွာရှိ ဒေသခံများ ဖမ်းဆီးရိုက်နက်ခံရပြီး နေအိမ်တစ်ချို့ ဖမ်းရှို့ဖျက်ဆီးခံရ

ကသာတွင် စစ်ကောင်စီစစ်ကြောင်း ကို ပြည်သူ့ကာကွယ်ရေးတပ်မှ မိုင်းဆွဲ တိုက်ခိုက်

တနိုင်း ပယင်းမှော်ဘက်သို့ ဆင်များအသုံးပြုကာ ကုန်ပစ္စည်းတင်ပို့နေမှုကြောင့် လမ်းပျက်စီးနေ

နမ္မတူမြို့နယ်တွင် တိုက်ပွဲဆက်လက်ဖြစ်ပွားနေပြီး စစ်ရှောင်များ နေရပ်မပြန်နိုင်သေး

ဖားကန့်တွင် ည ၈ နာရီနောက်ပိုင်း အပြင်ထွက်သူများကို ပစ်ခတ်ရန် ညွန်ကြားချက်ရရှိထားဟုဆို

ကန့်ဘလူ၊ ဇော်ချောင်းကျေးရွာကို စစ်ကောင်စီက ဝင်ရောက်မီးရှို့သဖြင့် ပြည်သူ ၅ ထောင်ကျော် ထွက်ပြေးနေရ

ပင်လည်ဘူးတိုက်ပွဲတွင် စစ်ကောင်စီဘက်မှ ၃ ဦးကျဆုံးကာ ဒေသခံကာကွယ်ရေးတပ်ဘက်က ၅ဦးဒဏ်ရာရရှိခဲ့

ကင်းလှည့်သော စစ်ကောင်စီတပ်မှ လူငယ်တစ်ဦးကို အကြောင်းမဲ့ ပစ်သတ်

သတင်းထောက် နောင်ရိုး အပါအဝင် နိုင်ငံရေးလှုပ်ရှားသူ ၁၂ ဦး လွတ်မြောက်လာ

မုံးကိုးမြို့ နော့်ဂူ စစ်ရှောင်များ စားနပ်ရိက္ခာ အခက်အခဲကြုံတွေ့နေ

နော့ဂူစစ်ရှောင်များ

ရှမ်းပြည်နယ်မြောက်ပိုင်း မုံးကိုးမြို့နယ်ခွဲ နော့်ဂူကျေးရွာ က စစ်ရှောင်ပြည်သူတွေဟာ စားနပ်ရိက္ခာ အခက်အခဲ ကြုံနေရကြောင်း ‌စစ်ရှောင်ပြည်သူတွေဆီက သိရ ပါတယ်။

“အိမ်လည်း ပြန်လို့မရ။ အစား အသောက် ကလည်း ခက်ခဲ။ အရမ်း ဒုက္ခ ရောက်နေပါတယ်။ အဝတ်အစားနဲ့ စောင်တွေပါ ခက်နေတယ်။” လို့ စစ်ဘေးဒုက္ခသည် တစ်ဦးက ပြောပါတယ်။

စစ်ကောင်စီက ကျေးရွာအနီးနားမှာဘဲ သေနတ် ရမ်းသမ်း ပစ်ခတ်နေတာကြောင့် ဒေသခံတွေဟာ အစားအသောက်ခက်ခဲပေမယ့် ဘေးလွတ်ရာ စစ်ရှောင်နေရာမှာဘဲ တိမ်းရှောင်နေရတယ်လို့ ဆိုပါတယ်။

“မနေ့ညပစ်တာတော့ ‌လက်နက် အသေးလည်းပါတယ်။ နှစ်ဖက် အပြန်အလှန် ပစ်ခတ်နေကြသံ ကြားရတယ်။ မနေ့က အရပ်မျက်နှာ နှစ်ဖက်ပေါ့။ အရှေ့ဘက်ရော၊ အနောက်ဘက်ရော နော့ဂူရွာ အရပ်မျက်နှာ နှစ်ဘက်မှာ ခဏ ခဏ လက်နက်ကြီးတွေပစ်တယ်။ ၅ မိနစ်၊ ၁၀ မိနစ် လောက်ကြာပစ်ပြီး နားလိုက် ပစ်လိုက် ပစ်နေကြတာ။ အင်း ဒီရွာနားက ရွာထဲကနေ ပစ်တာပေါ့။ ရွာထဲကနေ ရွာအပြင်ဘက်ကို ပစ်တာ။ သူတို့ စိတ်ထင့်တဲ့နေရာ ရမ်းသမ်း ပစ်‌ နေကြတယ်။” လို့ စက်တင်ဘာ ၂၃ ရက်ညက ပစ်ခတ်မှုအကြောင်း ဒေသခံတစ်ဦးက ပြောပြပါတယ်။

စက်တင်ဘာလ ၂၄ ရက်နေ့မှာတော့ ပစ်ခတ်သံများမကြားရသော်လည်း စစ်တပ်က အရပ်ဝတ်နဲ့ ကျေးရွာအတွင်း သွားလာနေကြောင်း ဒေသခံများထံမှ သိရပါတယ်။

နော့်ဂူကျေးရွာဟာ မုံးကိုးမြို့နဲ့ မိုင်အနည်းငယ်ခန့်သာကွာဝေးသော ကျေးရွာဖြစ်ပြီး ယခင်ကလည်း စစ်ကောင်စီနဲ့ ကိုးကန့် MNDAA တို့ အကြား တိုက်ပွဲ ပြင်းထန်ခဲ့တာကြောင့် ရွာလုံးကျွတ် ထွက်ပြေးတိမ်းရှောင်ခဲ့ကြပြီး တိုက်ပွဲ ငြိမ်သက်ရင် အိမ်ပြန်လေ့ရှိကြပါတယ်။

ဒါပေမယ့် လက်ရှိမှာတော့ တိုက်ပွဲပြင်းထန်စွာဖြစ်ပွားခြင်းမရှိပေမယ့် စစ်ကောင်စီက ကျေးရွာအတွင်း စခန်းချနေထိုင်ကာ ပစ်ခတ်မှုများ ပြုလုပ်နေတာကြောင့် ဒေသခံတွေဟာ ကြောက်လန့်ပြီး နေထိုင်ကြရတယ်လို့ ဆိုပါတယ်။

တစ်ရွာလုံး တိမ်းရှောင်လျှင် ပစ်ခတ်မည်ဟု ခြိမ်းခြောက်ထားသောကြောင့် ရွာသားအချို့မှာ စိုးရိမ်ပေမယ့် ရွာအတွင်းမှာဘဲ ဆက်လက်ရှိနေကြောင်း သိရပါတယ်။

Bum Shep

Read Previous

Mytel တာဝါတိုင် လာပြင်သော ဝန်ထမ်းတစ်ဦး မိုင်းနင်းမိ ဒဏ်ရာရ

Read Next

လဝါး ကျေးရွာအနီး စစ်ကောင်စီတပ်ကို KIAမိုင်းခွဲ တိုက်ခိုက်

Leave a Reply

Your email address will not be published.