,

Breaking News :

မုံးကိုးမြို့နယ်မှာ စစ်ကောင်စီ နဲ့ ကိုးကန့် MNDAA တို့အကြား တိုက်ပွဲ ဆက်လက် ဖြစ်ပွား

မိုးညှင်း KIA တပ်ရင်း ၂၆ နယ်မြေသို့ ဝင်ရောက်လာသော စစ်ကောင်စီတပ်ကို KIA တိုက်ခိုက်

စစ်ကောင်စီယာဉ်တန်းကို မိုးညှင်းအနီးတွင် KIA မိုင်းခွဲ တိုက်ခိုက်

ဥယျာဉ်ထဲက ပန်းပွင့်များ

စစ်ကောင်စီတပ် လက်နက်ကြီးကြောင့် မိုးမောက်မြို့ ဘုရားကျောင်းနှင့် စစ်ရှောင်စခန်းတွင် လက်နက်ကြီးကျ

မြန်မာ – တရုတ် နယ်စပ် ကုန်သွယ်ရေး ဂိတ်ပေါက် ၂ ပေါက် စတင်ဖွင့်လှစ်

မုံးကိုးမြို့နယ်မှာ စစ်ကောင်စီက လက်နက်ကြီးဖြင့် ဆက်လက်ပစ်ခတ်နေ

ဖားကန့် မှော်စီစာ အထက်တန်းကျောင်းဝင်းတွင် မိုင်ပေါက်ကွဲမှုဖြစ်ပွား၊ ၆ဦးထက်မနည်း ထိခိုက်ဒဏ်ရာရ

ကွတ်ခိုင်မြို့နယ်မှာ ကောက်သစ်စားပွဲအတွက် ပြင်ဆင်သော ပြည်သူ ၁ ဦး ပစ်သတ်ခံရ

မိုးညှင်းမြို့နယ် KIA တပ်ရင်း ၂၆ နယ်မြေကို စစ်ကောင်စီမှ ဂျက်လေယာဉ်ဖြင့် ဗုံးကြဲတိုက်ခိုက်

စစ်တပ်၏ ရိုက်နက်မှု ဒဏ်ရာကြောင့် ပူတာအို လူငယ်တစ်ဦး သေဆုံး

ပူတာအိုမြို့နယ် ဇီးအွန်အုပ်စု အင်ရိုဘော့ကျေးရွာတွင် စစ်ကောင်စီတပ်သားများ၏ ပြင်းထန်စွာရိုက်နက်ခြင်းခံခဲ့ရသည့် လူငယ်တစ်ဦးမှာ အောက်တိုဘာလ ၁၉ ရက်နေ့က သေဆုံးသွားကြောင်း သိရသည်။

ပြီးခဲ့သော ဩဂုတ်လကုန်ပိုင်းက ဇီးအွန်နှင့် လန်းဒေါင်ကျေးရွာ ၂ ခုကြား စစ်ကောင်စီတပ်၏ စိုက်ပျိုးရေး တပ်စခန်းအနီး လမ်းမပေါ်တွင် ည ၇ နာရီခန့်အချိန် အဆိုပါလူငယ်ဖြတ်လာခဲ့ရာတွင် တာဝန်ကျနေသည့် စစ်ကောင်စီတပ်မှ ဗိုလ်ကြီးထက်အောင်အဖွဲ့က ပြင်းထန်စွာရိုက်နက်ခဲ့သည်ဟု သေဆုံးသွားသော လူငယ်၏ မိသားစုဝင်များထံမှ သိရသည်။

“စစ်တပ်အဖွဲ့က ရိုက်နက်လိုက်တော့ သူ့ရဲ့အဆုပ် နာသွားတယ်။ ညဆိုလည်း အိပ်လို့မရဘူး။ ချောင်းဆိုပြီးသွေးပါတယ်။ ပြီးရင် ခေါင်မှာလည်း သေနတ်နဲ့ထုပေးတယ်လို့ပြောပြတယ်။ ခေါင်းဒဏ်ရာအတွင်းနာသွားတယ်။ ခေါင်းထိသွားတာက ဆေးကုရင်လည်း မပျောက်ဘူး။ သူဆုံးသွားတဲ့နေ့မှာလည်း ခေါင်းထိုးကိုက်ပြီး ဆုံးသွားတာဟုတ်တယ်။ အရင်တုန်းက သူ့မှာဘာရောဂါမှမရှိဘူး” ဟု ပြောဆိုသည်။

စစ်တပ်၏ ရိုက်နက်မှုကြောင့် သေဆုံးသွားသော လူငယ်မှာ အသက် ၃၀ အရွယ် ကိုရဲနိုင် ဆိုသူဖြစ်ပြီး သူ၏ ခေါင်းနှင့် ရင်ဘတ် ၂နေရာတွင်  အချက်ပေါင်းများစွာ ရိုက်နက်ခံခဲ့ရပြီး ၁လခန့်အကြာ နာတာရှည်ရောဂါဖြင့် သေဆုံးသွားခြင်းဖြစ်သည်ဟု မိသားစုဝင် တစ်ဦး က ပြောသည်။

အဆိုပါ စိုက်ပျိုးရေးတပ်စခန်း လမ်းမှ ဖြတ်သန်းသွားသူများကို တစ်ခါရံ ဖမ်းဆီရိုက်နက်မှုများ ပြုလုပ်နေဆဲဖြစ်သော်လည်း ဒဏ်ရာကြောင့် သေဆုံးသွားသူမှာ ကိုရဲနိုင်သည် ပထမဆုံးဖြစ်သည်ဟု ဒေသခံများ ပြောသည်။

စစ်ကောင်စီ၏ အဆိုပါ စိုက်ပျိုးရေးတပ်စခန်းတွင် ပုံမှန်အားဖြင့် စစ်သား ၁၀ ဦးဝန်းကျင်သာရှိပြီး လမ်းမကြီးသည် ဇီးအွန်ကျေးရွာမှတဆင့် လန်းတောင်၊ နောင်ခိုင့်နှင့် မချမ်းဘော့မြို့သို့ တစ်ဆက်တည်း သွားလို့ရသည့် လမ်းမကြီး တစ်ခုဖြစ်ကြောင်း သိရသည်။

ဒေသခံများအနေဖြင့်လည်း အဆိုပါ စိုက်ပျိုးရေးတပ်က မတရားရိုက်နက်မှုများပြုလုပ်နေသဖြင့် ဖြတ်သန်းသွားလာရန်ပင် စိုးရိမ်နေကြကြောင်း ပြောပါသည်။

Read Previous

မြန်မာနိုင်ငံသားအချို့ကို တရုတ်ဘက်က ညအချိန် ရိုက်နက်ပြီး အတင်းပြန်ပို့ရန် စီစဉ်ခဲ့

Read Next

ဝိုင်းမော်မြို့နယ်တွင် ကိုဗစ်ကာကွယ်ဆေး နိုဝင်ဘာလ အပြီးထိုးမည်

Leave a Reply

Your email address will not be published. Required fields are marked *