,

Breaking News :

ကုန်းလောတွင် စစ်တပ်သတင်းပေးဟု ယူဆရသူတစ်ဦး ပစ်သတ်ခံရ

ကနီနယ်တွင် NUG အစိုးရ လမ်းညွန်မှုဖြင့် မီးသတ်သင်တန်းများပို့ချ

စစ်ကိုင်းတိုင်း ရေဦးမြို့တွင် စစ်ကောင်စီတပ် အရာရှိတစ်ဦးနှင့် စစ်သား ၂ဦးသေဆုံး

ဗန်းမော်-လွယ်ဂျယ် နယ်စပ်ကုန်သွယ်ရေးလမ်းပိုင်းတွင် မော်တော်ယာဉ်များပုံမှန်အတိုင်းသွားလာနိုင်ပြီဟုသိရ

ဖားကန့် လမ်းမပေါ်တွင် စစ်ကောင်စီတပ်သား ၆ ဦးကို KIA ဖမ်းဆီး

စစစ ရုံး‌ရှေ့ ဝင်ရောက်လာသည့် စစ်ကားတစ်စီး မိုင်းခွဲခံရ

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကွတ်ခိုင်မြို့နယ်မှာ ကောက်သစ်စားပွဲအတွက် ပြင်ဆင်သော ပြည်သူ ၁ ဦး ပစ်သတ်ခံရ

ကွတ်ခိုင်မြို့နယ် ကောင်းလင်ရွာတွင် ကောက်သစ်စားပွဲအတွက် ပြင်ဆင်နေသော အရပ်သားပြည်သူ ၁ ဦး ပစ်သတ်ခံရပြီး ၁ ဦး ထိခိုက်ဒဏ်ရာရခဲ့ကြောင်း ဒေသခံတွေက ပြောပါတယ်။

နိုဝင်ဘာလ ၂၅ ရက်နေ့ ညနေ ၆ နာရီ ဝန်းကျင်ခန့်က ကောင်းလင်ရွာမှ လူငယ် ၃ ဦးသည် ကျေးဇူးတော်ချီးမွမ်းပွဲ အတွက် နမ့်ကွတ်ရွာမှာ စပါးကြိတ်ပြီး ကောင်းလင်ရွာသို့ ဆိုင်ကယ်နဲ့ သယ်ဆောင်လာချိန် ကောင်းလင်ရွာ မရောက်ခင် ရှုခင်းသာ တာဝါတိုင်အနီးမှာ ပစ်ခတ်ခံရတယ်လို့ ဒေသခံတစ်ဦးက KNG ကို ပြောပါတယ်။

“မနက်ဖြန် ကျေးဇူးတော် ချီမွမ်းပွဲ လုပ်ဖို့ ခုကကြည့် အလောင်း ကောက်နေရပြီ။ စိတ်မကောင်းဘူး။ တကယ့်ပြည်တွေ အတွက် လုံခြုံ မှု ကိုမရှိတော့ဘူး” လို့ ဒေသခံ ၁ ဦးက ပြောပါတယ်။

ပစ်သတ်ခံရသူမှာ အသက် ၂၀ ဝန်းကျင်အရွယ် ဦးကွမ်း‌အောင်ဖြစ်ပြီး ဦးခေါင်း၊ ကျော ကျည်ဖောက်ထွင်း ဒဏ်ရာနဲ သေဆုံးသွားပြီး အသက် ၁၆ နှစ် အရွယ် ဘန်ခွမ်နန် မှာ ခြေထောက်ရှပ်ထိ ဒဏ်ရာ ရရှိပြီး ၁ ဦးကတော့ ထိခိုက်မှု မရှိဘူး လို့ သိရပါတယ်။

သေဆုံးသူနဲ့ ဒဏ်ရာရသူကိုတော့ ကွတ်ခိုင်ဆေးရုံမှာ လူမှုကူညီရေးအသင်းက ကူညီပို့ဆောင်ထားကြောင်း သိရပါတယ်။

ဖြစ်စဉ်ဖြစ်ပွားရာနယ်မြေတစ်ဝိုက်မှာ စစ်ကောင်စီ ခမရ ၃၃၆ လှုပ်ရှားသော နေရာ ဖြစ်တယ် လို့ ဆိုပါတယ်။

ပြီးခဲ့တဲ့ နိုဝင်ဘာလ ၂၃ ရက်နေ့ကလည်း စစ်ကောင်စီ ခမရ ၃၃၆ က စစ်သား၁ ဦးက ကွတ်ခိုင်မြို့နယ် ဖာခေတ်ရွာက အသက် ၆၂ နှစ် အရွယ် အမျိုးသမီး ကြီးကို အဓမ္မပြုကျင့်မှု ဖြစ်ပွားခဲ့ပါတယ်။

စစ်ကောင်စီ အင်အားအပြည့်ဖြည့်ထားသော ရှမ်းမြောက်နေရာအနှံတွင် ဒေသခံများအနေဖြင့် သတ်ဖြတ်မှုများ ပုံမှန် ကြုံတွေ့နေရသဖြင့် နေ့စဉ် လူမှုဘဝတွင် လုံခြုံမှု လုံးဝမရှိကြောင်း ဒေသခံများ ပြောဆိုနေကြပါတယ်။

Bum Shep

Read Previous

မိုးညှင်းမြို့နယ် KIA တပ်ရင်း ၂၆ နယ်မြေကို စစ်ကောင်စီမှ ဂျက်လေယာဉ်ဖြင့် ဗုံးကြဲတိုက်ခိုက်

Read Next

ဖားကန့် မှော်စီစာ အထက်တန်းကျောင်းဝင်းတွင် မိုင်ပေါက်ကွဲမှုဖြစ်ပွား၊ ၆ဦးထက်မနည်း ထိခိုက်ဒဏ်ရာရ

Leave a Reply

Your email address will not be published.