,

Breaking News :

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ဆားလင်းကြီး PDF ရဲဘော် ၂ ဦးဖမ်းဆီးခံရ

ဆိပ်မူအထက်တန်းကျောင်းဝင်းတွင် မိုင်းပေါက်ကွဲမှုဖြစ်ပွား၊ ထိခိုက်ပျက်စီမှုရှိ

တနိုင်းတွင် ချောင်းရေကြီးမှုကြောင့် မြို့ပေါ်ရပ်ကွက် ၃ခုတွင် ရေဝင်ရောက်မှု ကြုံတွေ့နေရ

KIO အုပ်ချုပ်နယ်မြေအချို့တွင် ငှက်ဖျားရောဂါကူးစက်မှု အဖြစ်များနေ

တိုက်ပွဲပြင်းထန်နေဆဲ အင်းတော်- ဗန်းမောက်လမ်း လုံးဝဖြတ်သန်းသွားလာခြင်း မပြုရန် အင်းတော် PDF ထုတ်ပြန်

ကသာမြို့နယ် တစ်ပတ်အတွင်း တိုက်ပွဲများတွင် စစ်ကောင်စီ တပ်သား ၁၀၀ ကျော် သေဆုံး

ကံသစ်တိုက်ပွဲတွင် စစ်ကောင်စီတပ် ၉တန်းကျောင်းသားတစ်ဦးကို ပစ်သတ်သွား

KIA အရာရှိတစ်ဦးကို ပြည်သူ့စစ်အဖွဲ့မှ ပစ်ခတ်ဖမ်းဆီးသွား၊ သေဆုံးမှုရှိနိုင်ဟုဆို

NUG ဝန်ကြီးတစ်ဦး Dr. Tu Hkawng ၏ နေအိမ် ချိတ်ပိတ်ခံရ

NUG အစိုးရ သယံဇာတနှင့် သဘာဝပတ်ဝန်းကျင် ဝန်ကြီး ဒေါက်တာ တူးခေါင်

NUG အစိုးရ၏ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်းကြီး Dr. Hkalen Tu Hkawng ၏ နေအိမ်ကို စစ်ကောင်စီက ချိတ်ပိတ်ထားပြီး ဘဏ်အကောင့်မှ ငွေကိုလည်း သိမ်းယူသွားကြောင်း သိရသည်။

ဒီဇင်ဘာလ ၁၆ ရက် ယနေ့နံနက်ပိုင်း ၁၁နာရီဝန်းကျင်တွင် စစ်ကောင်စီလက်အောက် ရဲတပ်ဖွဲ့ အင်အား ၂၀ ဝန်းကျင်က မြစ်ကြီးနားမြို့ စီတာပူရပ်ကွက်တွင်ရှိသော သူ၏ နေအိမ်ကို လာရောက်ဝန်းရံကာ ချိတ်ပိတ်သွားသည်ဟု သယံဇာတဝန်းကြီးက ယခုလိုပြောဆိုထားသည်။

“အိမ်ကိုလာပြီး ချိတ်ပိတ်ထားတယ်။ ပြီးရင် ဘဏ်ကငွေတွေလည်း သိမ်းယူသွားတယ်။ ကျနော်က ဒါဘဲသိရသေးတယ်။ အသေးစိတ်တော့ မသိရသေးဘူး” ဟု ပြောဆိုသည်။

သယံဇာတဝန်ကြီး Dr. Hkalen Tu Hkawng အနေဖြင့် စစ်ကောင်စီမှ ပိုင်ဆိုင်မှုများသိမ်းယူသည့် လုပ်ရပ်မျိုးများလုပ်ဆောင်သွားသည့်အပေါ်  “ဒါက နိုင်ငံရေးအမြင်ချင်းမတူတဲ့နောက်ပိုင်း ဖြစ်လာတဲ့အကျိုးဆက်တွေပေါ့။ ဒီတစ်ခေါက်က စစ်ကောင်စီဘက်ကနေ ကြောက်စိတ်လွန်ပြီး လုပ်နေတယ်လို့ဘဲမြင်တယ်။ မြန်မာနိုင်ငံရဲ့ တော်လှန်ရေးသမိုင်းတစ်လျှောက်မှာ အရေးယူတာက ဒီတစ်ခေါက်အဆိုးဆုံးလို့ဘဲ ပြောရမယ်” ဟု ပြောဆိုသည်။

ထို့နောက် ပြီးခဲ့သော ဒီဇင်ဘာလ ၁၂ ရက်နေ့တွင်လည်း မိုးကောင်းမြို့နယ် ပြည်သူ့လွှတ်တော်ကိုယ်စားလှယ် ဦးဝင်းနိုင်၏ နမ္မတီးမြို့တွင်ရှိသော နေအိမ် ၂လုံးကိုလည်း စစ်ကောင်စီတပ်ဖွဲ့မှ ချိတ်ပိတ်ထားကြောင်းသိရသည်။

ကချင်ပြည်နယ်အတွင်း စစ်ကောင်စီမှ NUG အစိုးရအဖွဲ့ဝင်များကို အရေးယူမှုများ စတင်လုပ်ဆောင်လာခြင်း ဖြစ်ပြီး နိုင်ငံအနှံတွင်လည်း ယခုလို ချိတ်ပိတ်မှုများ ပြုလုပ်နေသည်ကို သိရသည်။

Read Previous

ဝိုင်းမော် ဝူယန်ပြည်သူ့စစ်ဂိတ်တွင် အသွားအလာကန့်သတ်ထားဖြင့် ဒေသခံများ အခက်တွေ့နေ

Read Next

ကချင်ဒေသ မျိုးစေ့များပျောက်ကွယ်သွားရန်လုပ်ဆောင်နေသော တရုတ်မျိုးစေ့များ

Leave a Reply

Your email address will not be published.