,

Breaking News :

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

၂၀၂၂ နာဂ နှစ်သစ်ကူးပွဲတော် ကိုဗစ်-၁၉ ကြောင့် စုပေါင်းကျင်းပမည် မဟုတ်

နာဂလူမျိုးများ

နာဂလူမျိုးများ၏ အထွဋ်အမြတ်ထားရာ နာဂရိုးရာ နှစ်သစ်ကူးပွဲတော် (အာဟေး) ပွဲကို ကိုဗစ်-၁၉ ကပ်ရောဂါကြောင့် အခုနှစ်တွင် စုပေါင်း ပြုလုပ်ဖြစ်မည် မဟုတ်ကြောင်း သိရသည်။

လာမည့် ဇန်နဝါရီလ ၁၅ ရက်နေ့သည် နာဂလူမျိုးများ၏ ၃၂ ကြိမ်မြောက် နာဂရိုးရာ နှစ်သစ်ကူးပွဲတော် (အာဟေး)နေ့ ဖြစ်ပြီး ယခင်နှစ်များက မြန်ပြည်အနှံ့ရှိ နာဂလူမျိုးများစုပေါင်းကာ ယင်းပွဲတော်ကိုစည်ကားသိုက်မြိုက်စွာ ကျင်းပလျက်ရှိခဲ့သော်လည်း လာမည့်နှစ်တွင် ကိုဗစ်ကပ်ရောဂါကြောင့် စုပေါင်းကျင်းပဖြစ်မည်မဟုတ်ကြောင်း နာဂရိုးရာနဲ့ စာပေယဥ်ကျေးမှု(ဗဟို)ကော်မတီဥက္ကဋ္ဌက ဆိုသည်။

”ဒီလာမယ့် ၃၂ ကြိမ်မြောက်နာဂရိုးရာနှစ်သစ်ကူးပွဲတော်က လုပ်ဖြစ်မှာမဟုတ်ဘူးဗျ။ ပွဲတော်ရက်ဆိုတဲ့ အထိမ်းအမှတ် အခမ်းအနားလောက်ပဲလုပ်မယ်။ စုပေါင်းပြီးတော့လုပ်ဖို့တော့မရှိဘူး” ဟု ဥက္ကဋ္ဌဦးအာင်ထွဋ်က ပြောသည်။

နာဂရိုးရာနှစ်သစ်ကူးပွဲတော်ကို စုပေါင်းပြုလုပ်ရန်မရှိသော်လည်း ပွဲတော်နေ့အထိမ်းအမှတ်အဖြစ် မြို့နယ်အလိုက် အခမ်းအနားပွဲများပြုလုပ်ရန်ညွန်ကြားထားကြောင်း ဥက္ကဋ္ဌဦးအောင်ထွဋ်ကဆိုသည်။

နာဂရိုးရာနှစ်သစ်ကူး (အာဟေး) ပွဲတော်ကို ပုံမှန်အားဖြင့် နှစ်စဥ် နန်းယွန်းမြို့၊ လဟယ်မြို့၊ ခန္တီးမြို့ ယင်းသုံးမြို့တွင် တစ်နှစ်တစ်ကြိမ် အလေ့ကျစီတာဝန်ယူကာ စည်ကားသိုက်မြိုက်စွာ ကျင်းပလျက်ရှိသည်။

နန်းယွန်းမြို့၊ လဟယ်မြို့၊ ခန္တီးမြို့တို့မှာ စစ်ကိုင်းတိုင်းဒေသကြီးတွင်ပါဝင်ပြီး နာဂကိုယ်ပိုင်အုပ်ချုပ်ခွင့်ရဒေသ၏ အဓိကမြို့ကြီးများ ဖြစ်သည်။

”မနှစ်က ၂၀၂၀ ခုနှစ်ကလည်း ကိုဗစ်ကြောင့် စုပေါင်းမလုပ်ဖြစ်ဘူး၊ ကိုဗစ်မဖြစ်ရင် ၃၂ ကြိမ်မြောက် နာဂရိုးရာနှစ်သစ်ကူးပွဲတော်ကို နန်းယွန်းမှာလုပ်ရမှာ အလေ့ကျတာက နန်းယွန်းမြို့မှာကျတာဟုတ်တယ်” ဟု နာဂရိုးရာနဲ့ စာပေယဥ်ကျေးမှု(ဗဟို)အဖွဲ့ဝင်တစ်ဦးက ပြောသည်။

ပုံမှန်အားဖြင့် နာဂရိုးရာနှစ်သစ်ကူးပွဲတော်ကို ဇန်နဝါရီလ ၁၀ ရက်နေ့နှင့် ဇန်နဝါရီလ ၁၈ ရက်နေ့အတွင်း၌ ငါးရက် (သို့) ခြောက်ရက်ခန့်ကြာအောင် ပြုလုပ်ကျင်းပလျက်ရှိသည်။

ယခင်နှစ်များက ပြုလုပ်ခဲ့သည့် နာဂရိုးရာနှစ်သစ်ကူးပွဲတော်တွင် နိုင်ငံတော်သမ္မတ၊ ပြည်ထောင်စုအဆင့်ဝန်ကြီးများ၊ ပြည်နယ်/တိုင်းဒေသအဆင့်ဝန်ကြီးများ နှစ်စဉ် တက်ရောက်ပေးလျက်ရှိသည်။

Read Previous

အင်းတော်ကြီးဒေသတွင် စစ်ကောင်စီယာဥ်တန်းကို KIA နှင့် PDF တို့ မိုင်းခွဲတိုက်ခိုက်

Read Next

စစ်ကောင်စီနှင့် FPNCC တွေ့ဆုံမှုတွင် KIO ပါဝင်ခြင်း မရှိ

Leave a Reply

Your email address will not be published.