,

Breaking News :

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

မြစ်ကြီးနားမြို့ မြေမြင့်ရပ်ကွက်တွင်ပေါက်ကွဲမှုဖြစ်၊ MPT Cable ပုံးပျက်စီးသွား

ကချင်ပြည်နယ်၊မြစ်ကြီးနားမြို့၊ မြေမြင့်ရပ်ကွက်၊ Asia Energy စက်သုံးဆီအရောင်း ဆိုင်အနီးတွင်ပေါက်ကွဲမှုဖြစ်ပွားခဲ့ပြီး ယင်းပေါက်ကွဲမှုကြောင့် အနီးဝန်းကျင်ရှိ MPT Cable ပုံးထိခိုက်ပျက်စီးသွားကြောင်း သိရသည်။

ပေါက်ကွဲမှုဖြစ်စဥ်သည် ယနေ့ ဇန်နဝါရီလ ၂၉ ရက်နေ့ နံနက်ပိုင်းတွင် ဖြစ်ပွားခဲ့ပြီး ဖြစ်စဥ်နှင့်ပတ်သက်၍ မြို့သစ်ကြီးရပ်ကွက်နေအမျိုးသားတစ်ဦးက ယခုကဲ့သို့ဆိုသည်။

”မနက်သုံးနာရီခွဲကပေါက်ကွဲတာ ချိန်ကိုက်မိုင်းလား ပစ်မိုင်းလာတောင်မသိလိုက်ဘူး အစောကြီးဆိုတော့ အသံတော့ကျယ်တယ်။ မနက်စောကြိီးဆိုတော့ လူသွားလူလာမရှိသေးတော့ တခြားထိခိုက်တာမရှိဘူးသိရတယ်။သို့ပေမယ့်အဲ့ဒီ ဆီဆိုင်အနီးက MPT ပုံးတစ်ခုတော့ တစ်စစီပျက်စီးသွားတယ်။”ဟု အမည်မဖော်လိုသည့် မြို့သစ်ကြီး ရပ်ကွက်နေသူ အမျိုးသားတစ်ဦးကပြောသည်။

ယင်းပေါက်မှုသည် Asia Energy ဆီဆိုင်နဲ့ ပေ သုံးဆယ်ခန့်အကွာတွင်ရှိသည့် MPT Cable ပုံးအနီးတွင်ဖြစ်ပွားခဲ့ခြင်းဖြစ်ပြီး ယင်းဆီဆိုင်သည် စစ်တပ်အာဏာသိမ်းသည့်နောက် အာဏာပိုင်များနှင့်ဆက်နွယ်သည်ဟုဆိုကာ သပိတ်မှောက်မှုများရှိခဲ့ပြီး ဆီဆိုင်စတင်တည်ဆောက်ချိန်ကာလ ၌လည်းအနီးပတ်ဝန်ကျင်ရှိရပ်ကွက်နေပြည်သူများကဆီဆိုင်တည်ဆောက်မှုကို အလိုမရှိကြောင့်ကန့်ကွက်ဆန္ဒထုတ်ဖော်မှုများရှိခဲ့သည်။

မြစ်ကြီးနားမြို့တွင်းတွင် လွန်ခဲ့သည့်ရက်ပိုင်းက တပ်ကုန်းရပ်ကွက်၊ ဂျာရာပါတီး နယ်မြေရှိ Mytel တာဝါတိုင်တစ်ခု ဖောက်ခွဲခံရာမှုနှင့် Mytel ရုံးဖောက်ခွဲခံရမှုဖြစ်စဥ်များသာရှိခဲ့ပြီး မြန်မာ့ဆက်သွယ်ဆက်သွယ်ရေးလုပ်ငန်း (MPT)နှင့်ပတ်သက်၍ဖောက်ခွဲဖျက်စီးခံရမှုမှာ ယခုတစ်ကြိမ်ပထမဆုံးဖြစ်သည်။

Read Previous

မြစ်ကြီးနားတွင် ကိုဗစ်ကြောင့် သေဆုံးတွင် ဆက်ရှိနေ

Read Next

ကသာမြို့တွင် စစ်ရေးအရှိန် မြင့်လာပြီး မြို့တွင်း‌ဖောက်ခွဲမှုများ ဆက်တိုက်ဖြစ်လာ