,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ပူတာအိုမှာ ဆီတစ်ဂါလံ ကျပ်တစ်သောင်း အထိမြင့်တက်

ပူတာအို အဝင်ဆိုင်းဘုတ်

ကချင်ပြည်နယ် ပူတာအိုမြို့တွင် ယနေ့ ညနေပိုင်းက ဓာတ်ဆီတစ်ဂါလံ ကျပ်တစ်သောင်းနှုန်းအထိ မြင့်တက်နေပြီဖြစ်ကြောင်း သိရသည်။

ယနေ့ ဖေဖော်ဝါရီလ ၇ ရက်နေ့ ညပိုင်းမှ စတင်ကာ ၉၂ တစ်လီတာ ၂၅၀၀၊ ၉၅ တစ်လီတာ ၂၁၀၀ နှုန်းဖြင့် ၉၂ တစ်ဂါလံ ၁၀၀၀၀ ကျပ်နှင့် ၉၅ တစ်ဂါလံ ၉၀၀၀ ကျပ်အထိ စျေးမြင့်တက်နေကြောင်း ပူတာအိုဒေသခံတစ်ဦးက ဆိုသည်။

”ဒီနေ့ပဲ ချက်ချင်းကြီးစျေးတက်သွားတယ် မနေ့ကတော့။ ဆီတွေထပ်ရောက်လာဖို့ မရှိတာကြောင့် စျေးတက်တာတဲ့ဆီလက် ကျန်ပဲရောင်းနေတာတဲ့ ဒီပူတာအိုမြို့ထဲမှာက တိုင်းကျော်၊ ဇေယျာမင်း ၊ Prtro 7 အဲ့သုံးဆိုင်ပဲရှိတာ ဇေယျာမင်းကတော့ ဆီလက်ကျန်နည်းနေတယ်ဆိုပြီး ဆိုင်ပိတ်ထားတယ်။ အချိန်ပိုင်း အဲ့ကြောင့် ပြည်သူတွေက အခုဆီတွေအလုအယက်ပြေးဝယ်နေကြတယ်။ ပုံးဝါတွေနဲ့ လေးငါးပုံထိဝယ်ထားတဲ့လူရှိတယ် ကျနော်လည်းနှစ်ပုံသွားဝယ်ရတယ်။ လူကတော့အလုအယက်ပဲဝယ်နေကြတယ်” ဟု ပူတာအိုမြို့ ကောင်ကထောင် ရပ်ကွက်နေသူက ပြောသည်။

ယခုရက်ပိုင်းတွင် ပူတာအို-ဆွမ်ပရာဘွမ် -မြစ်ကြီးနားလမ်းပိုင်း၌ စစ်ကောင်စီတပ်နှင့် KIA ၊ PDF တို့အကြား တိုက်ပွဲမကြာခဏဖြစ်ပွားလျက်ရှိနေသောကြောင့် လမ်းပန်းဆက်သွယ်ရေး ခက်ခဲနေသဖြင့် ကုန်စျေးတက်နေခြင်းဖြစ်ကြောင်း ပူတာအိုမှ စက်သုံးဆီအရောင်းဆိုင်နှင့် ရင်းနှီးသူတစ်ဦးက ဆိုသည်။

”ပူတာအိုလမ်းက ပိတ်တောတော့ မပိတ်ပါဘူး။ ခုလောဆယ်ကတော့ သွားလာနေတာပဲ ဒါပေမယ့် လမ်းပိတ်မယ်ဆိုတဲ့သတင်းက ထွက်နေတာ ၂၀ ရက်နေ့အထိ ဆီကားတွေပိတ်မယ်လို့ကြားတယ်။ ပြီးတော့ အခုရက်ပိုင်းက တိုက်ပွဲတွေဖြစ်နေတော့ ဆီကားတွေလည်း ထပ်မရောက်ဘူးတဲ့။ အဲကြောင့် ဆီစျးတက်တာလို့သိရတယ်။”ဟု စက်သုံးဆီအရောင်းဆိုင်နှင့် ရင်းနှီးသူတစ်ဦးကပြောသည်။

ပူတာအိုခရိုင်တွင် ယခုကဲ့သို့ ဆီစျေးမြင့်တက်လာမှုနှင့်အတူ အခြားကုန်စျေးနှုန်းများလည်း မြင့် တက်သွားမည်ကို အထူးစိုးရိမ်ကြောင်း ဒေသခံများက ဆိုသည်။

ပူတာအိုတွင် ဖေဖော်ဝါရီလ ၆ ရက်နေ့အထိ တစ်လနီးပါး ၉၂ တစ်ဂါလံ ၈၀၀၀ ကျပ်နှင့် ၉၅ တစ်ဂါလံ ၇၀၀၀ အထိစျေးရှိရာမှ ယနေ့စျေးတက်သွားခြင်းဖြစ်သည်။

Read Previous

ပုလဲမြို့ ရဲစခန်း၊ ထွေအုပ်ရုံးနှင့် အုပ်ချုပ်ရေးမှူးအိမ်များကို ပုလဲ PDF တစ်ချိန်တည်း ဝင်တိုက်

Read Next

မြစ်ကြီးနားတွင် ငွေစက္ကူအတုများ ပျံနှံနေ