,

Breaking News :

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ကျိန်ခရန် ဒေသခံများအသုံးပြုသောလမ်းကို ကုမ္ပဏီ ခြံစည်းရိုးကာလိုက်သဖြင့် သွားလာရေးအခက်တွေ့

မြစ်ကြီးနားမြို့နယ် မြစ်ဆုံဒေသ ကျိန်ခရန်ခ (Chying Hkrang Hka Mare) ကျေးရွာတွင် ဒေသခံပြည်သူများ ဖြတ်သန်းသွားလာနေသော လမ်းကို ကချင်လုပ်ငန်းရှင်တစ်ဦးက ခြံကာလိုက်သောကြောင့် အခက်အခဲကြုံတွေ့နေရသည်ဟု သိရသည်။

ကျိန်ခရန်ကျေးရွာတွင် ဒေသခံများ စားဝတ်နေရေးအတွက် နှစ်ပေါင်းများစွာအသုံးပြုနေသည့် လမ်းမကြီး ၄ခုကို JADELAND MYANMAR GROUP OF COMPANIES မှ ခြံစည်းရိုးခတ်လိုက်သောကြောင့် နေ့စဉ်သွားလာရေးတွင် ခက်ခဲနေပြီဟု  ဒေသခံအမျိုးသားတစ်ဦးက KNG သတင်းဌာနကို ပြောဆိုသည်။

“ရွာပတ်ပတ်လည် အားလုံး ထွင်းဖောက်လိုက်တယ်။ အရင်တုန်းကနေ ဒေသခံတွေ သွားလာတဲ့ လမ်း ၄ခု လောက် ပါသွားတယ်။ ပြီးရင် ခြံစည်းရိုးတွေကာလိုက်တော့ သွားလာလို့မရတော့တဲ့အခြေအနေပေါ့လေ။ အခုသူတို့ ပိတ်လိုက်တဲ့ လမ်းတွေက ရွာသားတွေ ဟိုးအရင်ကတည်းကနေ အမြဲသွားလာလှုပ်ရှားနေတဲ့သွားလမ်းတွေဖြစ်တယ်။ အရင်တုန်းကဆို နွားလှည်း၊ ကားတွေနဲ့သွားလို့ရတယ်။ အခုက ဆိုင်ကယ်တောင်ဖြတ်လို့မရတော့ ပိုဆိုးသွားတာပေါ့။” ဟု ပြောဆိုသည်။

လက်ရှိနိုင်ငံရေး မတည်ငြိမ်မှုကြောင့် ကြပ်တည်းနေသည့်ကာလတွင် ဒေသခံများအနေဖြင့် ကျေးရွာအနီး မြစ်ချောင်းများကို မှီခိုကာ လုပ်ကိုင်စားသောက်နေရသောကြောင့် ကျေးရွာသားများ အသုံးပြုသောလမ်းကို မပိတ်စေလိုကြောင်း ဒေသခံများ တောင်းဆိုထားသည်။

“တစ်ရွာလုံးက လမ်းတွေပိတ် ခြံစည်းရိုးတွေ ကာလိုက်တော့ စိတ်ဆိုးနေကြတယ်။ လိုအပ်လို့ ရွာအပြင်ဘက်မှာ ဟင်းသီးဟင်းရွက်ခူးဖို့၊ ထင်းခွေဖို့သွားရင်တောင် သွားဖို့လာဖို့အရမ်းခက်ခဲသွားပြီး။ သူတို့အနေနဲ့လည်း ဒါကိုနားလည်းပေးရမယ်။ သူတို့ပိတ်မယ်ဆိုရင်လည်း လမ်းနေရာကိုတော့ချန်ထားပြီး လုပ်ရင်တော့ တစ်ရွာလုံးအတွက် အကျိုးရှိတယ်လေ” ဟု နောက်ထပ်ဒေသခံ အမျိုးသမီးတစ်ဦးက ပြောဆိုသည်။

ကချင်လုပ်ငန်းရှင်မှ ယခုလို လမ်းဖောက်ထွင်းမှုနှင့် ခြုံစည်းရိုးကာလိုက်ခြင်းကြောင့် မကျေနပ်သည့် ဒေသခံ လူငယ် ၄ဦး နှင့် ကုမ္ပဏီကြား အငြင်းပွားမှုတစ်ခုဖြစ်ခဲ့ကြောင်း ထပ်မံသိရသည်။

Read Previous

ပူတာအို တိုက်ပွဲကြား စစ်ရှောင်များ၏အခြေအနေ မေးမြန်းချက်

Read Next

မြစ်ကြီးနားတွင် တစ်ရက်အတွင်း ကိုဗစ်ကြောင့် သေဆုံးသူ သုံးဦးရှိ၊ လူပေါင်း ၂၀၀ ကျော်ကိုဗစ်ကူးစက်ခံရ

Leave a Reply

Your email address will not be published.