,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ကသာ ဒေသခံ ၂ ဦး ဖမ်းဆီးခံရပြီး နေအိမ်ပါ ချိတ်ပိတ်ခံရ

Katha

ကသာမြို့အဝင်ဆိုင်းဘုတ်

စစ်ကိုင်းတိုင်း ကသာမြို့မှ ဒေသခံ ၂ ဦး ဖေဖော်ဝါရီလ ၂၆ ရက်နေ့ နေအိမ်မှ လာရောက်ဖမ်းဆီးသွားပြီးနောက် ဖေဖော်ဝါရီလ ၂၇ ရက်နေ့ ၎င်းတို့၏ နေအိမ်များကို စစ်ကောင်စီက ချိတ်ပိတ်ပေးလိုက်ကြောင်း ဒေသခံများထံမှ သိရသည်။

“အရင်တစ်ခါ စည်ပင်ရုံးမှာပေါက်ကွဲတာနဲ့ ပတ်သက်ပြီး မသင်္ကာလို့ဖမ်းတယ်လို့ သိရတယ်။ ခုလောလောဆယ်တော့ နှစ်ယောက်စလုံးရဲစခန်းမှာ ဖမ်းထားတုန်း” ဟု ဒေသခံတစ်ဦးကပြောသည်။

ထိုသူ ၂ ဦးသည် ရပ်ကွက် (၈) ပိန္နဲကုန်းရပ်ကွက်မှ ကိုဝင်းကိုနှင့်ရပ်ကွက် (၁) စစ်ဝင်းဆိပ်အနီး စိုက်ပျိုးရေးဝင်း တိုက်တန်းရှိ ကိုစိုးမိုးလွင် ဆိုင်ကယ်ဝပ်ရှေ့ဆိုင်မှဖြစ်ပြီး နေအိမ်ချိတ်ပိတ်ခံလိုက်ရသည့်အတွက် ကိုဝင်းကို၏ မိသားစုသည် အခြား‌နေရာသို့ ပြောင်းရွှေ့နေထိုင်ကြရကြောင်း  သိရသည်။

“ကိုဝင်းကိုကျ နေ့လည်လာဖမ်းတာ ကိုစိုးမိုးလွင်ကိုတော့ လင်ရောမယာရော ၂ ယောက်လုံးဖမ်းခေါ်သွားတယ်။ နောက်တော့သိရတာက သူ့အမျိုးသမီးတော့ ပြန်လွတ်လာတယ်။ လောလော‌ဆယ်တော့ အိမ်ပိတ်ခံရတော့ မိသားစုဝင်တွေ အိမ်ကနေဆင်းပေးရတာပေါ့” ဟု ဒေသခံတစ်ဦးက ပြောသည်။

ကသာမြို့တွင် ဇန်နဝါရီလမှ ဖေဖော်ဝါရီလအတွင်း ချိတ်ပိတ်ခံလိုက်ရသည့် အိမ်ခြေ ၄ အိမ်ထိရှိလာပြီဖြစ်သည်။

ယင်း နေအိမ်များမှာ ဇန်နဝါရီလ ၂၈ရက်နေ့ ကသာမြို့နယ်၊ သာယာကုန်းရပ်မှ ငြိမ်းချမ်းအောင် (ဘ)ဦးတင်ဝင်းအောင် ပိုင်ဆိုင်သောနေအိမ်နှင့် အီးတိန်ရွှေဆိုင်ပိုင်ရှင်၏ နေအိမ်အပါအဝင် ယမန်နေ့ ၂ အိမ်ရှိပြီ ဖြစ်သည်။

ထို့ပြင် ဒေသခံများ၏ ပြောဆိုချက်အရ PDF, NUG နဲ့ ပတ်သက်ဆက်နွယ်သည်ဟု ယူဆသော နေအိမ်အချို့အား စစ်ကောင်စီတပ်သည် နေ့စဉ်ဆိုသလို ဝင်ရောက်ရှာဖွေခြင်းများ လုပ်ဆောင်နေကြောင်း သိရသည်။

စစ်ကိုင်းတိုင်း၊ ကသာမြို့သည် ကချင်ပြည်နယ်နှင့် ထိစပ်နေသည့်နေရာဖြစ်ပြီး ဇန်နဝါရီလမှစကာ မြို့တွင်းပေါက်ကွဲမူ ပိုမိုများ‌‌လာသည့်အပြင် စစ်ကောင်စီတပ်ဘက်မှလည်း လုံခြုံရေး ပိုမိုတင်းကြပ်လာကြောင်း သိရသည်။

Read Previous

ကသာ တွင် CDM ဝင်လာသည့် ရဲနှင့် စစ်သား ၄၀ ကျော်ရှိ

Read Next

ဖားကန့်​တွင် စစ်တပ်ထုတ်ကုန်များ တား​မြစ်ပိတ်ပင်ကြောင်း KIO သတိပေးထုတ်ပြန်