,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

မြစ်ကြီးနားနှင့် ဖားကန့်တွင် ဆီပန့် ဆိုင်များ ပိတ်

ကချင်ပြည်နယ်၊ မြစ်ကြီးနားမြို့နှင့်ဖားကန့် မြို့တွင် ယနေ့ ဧပြီ ၁၉ ရက်နေ့ မွန်းလွဲပိုင်းမှစတင်၍ ဆီပန့်ဆိုင်များ ပိတ်ထားလိုက်ပြီဖြစ်ကြောင်း သိရသည်။

မြစ်ကြီးနားနဲ့ဖားကန့်တို့တွင် ဆီကားအဝင်မရှိတော့သည့်အတွက် ပိတ်လိုက်ရခြင်းဖြစ်ကြောင်း ဖားကန့်မြို့မှ စက်သုံးဆီအရောင်းလုပ်ငန်း လုပ်ကိုင်သူအမျိုးသားတစ်ဦးက KNG သို့ပြောသည်။

“ရန်ကုန် မန္တလေးဘက်ကနေကို ဆီကားတွေက အဝင်မရှိတော့ဘူးတဲ့ ဒီမှာအခုဒီဇယ် လေးပီပါလောက်ဆိုပြီးလှမ်းမှာတာမရဘူး အခုကဆီပန့်ဆိုင်တွေတော့ပိတ်ပြီဗျ လက်လီရောင်းတဲ့ တစ်ထောင်ဖိုးနှစ်ထောင်ဖိုး တင်ရောင်းတဲ့ ဆိုင်သေးလေးတွေမှာပဲရတော့မှာ”ဟု ယင်းအမျိုးသားက ပြောသည်။

ဖားကန့်တွင် ဧပြီ ၁၈ ရက်နေ့အထိ ဓာတ်ဆီတစ်ဂါလံ ကျပ် ၉၆၀၀ စျေးရှိရာ ယနေ့တွင် တစ်လီတာ ၁၀၀၀၀ ကျပ် မြင့်တက်ခဲ့ပြီး လတ်တလော ဆီလက်ကျန်ကုန်သွားသောကြောင့် ပိတ်ထားရကြောင်း ဖားကန့်ဆီပန့်ဆိုင်များမှ သိရသည်။

အလားတူမြစ်ကြီးနားမြို့တွင်လည်း လက်ရှိရောင်းချပေးနေသေးသည့်ဆီပန့်ဆိုင်များတွင်လည်း အကန့်သတ်ဖြင့်သာရောင်းချပေးနေကြောင်း ဆီပန့်ဆိုင်တစ်ခုမှ မန်နေဂျာတစ်ဦးကပြောသည်။

“အကုန်လုံးပိတ်ကုန်ပြီဗျ အခုဖွင့်နေတာက ကျနော်တို့ရယ်နောက် တစ်ဆိုင်နှစ်ဆိုင်လောက်ပဲဖွင့်တော့တယ် ဒါတောင်နည်းနည်းပဲရောင်းပေးတယ် မောင်းဆီလောက်ပေါ့တစ်ဦးကိုအများဆုံး တစ်သောင်းဖိုးထိပဲရောင်းပေးတယ်”ဟု ၎င်းကပြောသည်။

မြစ်ကြီးနားတွင်လည်း ဆီပန့်ဆိုင်များမပိတ်မှီအထိ 92 တစ်လီတာ ၂၄၀၀ ကျပ်၊ 95 တစ်လီတာ ၂၆၀၀ ကျပ်အထိစျေးမြင့်တက်ခဲ့ကြောင်း သိရသည်။

ကချင်ပြည်နယ်အခြားမြို့ကြီး များဖြစ်သည့် ဗန်းမော်၊ မိုးညှင်း၊ ပူတာအို စသည်မြို့များတွင် လက်ရှိ ပုံမှန်ရောင်းချပေးနေသေးသော်လည်း စျေးနှုန်းအနည်းငယ်မြင့်တက်နေကြောင်း သိရသည်။

Read Previous

တရုတ်ပြည်ကြီးရောက် မြန်မာရွှေ့ပြောင်းလုပ်သားများ အိမ်ပြန်ရန် အခက်အခဲဖြစ်နေ

Read Next

စစ်ကောင်စီ အခြေခံပညာရေးကျောင်းများ ဇွန်လမှာ ထပ်ဖွင့်ရန် ပြင်ဆင်နေ