,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

နန့်စလျော်ကျေးရွာ ဘုန်းကြီးကျောင်းကို ပျူစောထီးအဖွဲ့ ဗုံးခွဲတိုက်ခိုက်

ထိခိုက်ဒဏ်ရာရှိတဲ့ ဒေသခံတစ်ဦး Photo – Crd

ကချင်ပြည်နယ် မိုးညှင်းမြို့နယ် နန်းမားကျေးရွာအုပ်စုရှိ နန့်စလျော် ကျေးရွာ ဘုန်းကြီးကျောင်းကို ပျူစောထီးများက ဗုံးခွဲ တိုက်ခိုက်ခဲ့သောကြောင့် ဘုန်းကြီးတစ်ပါးနှင့် အရပ်သား ၄ ဦး ထိခိုက်ခဲ့ကြောင်း ဒေသခံများထံမှ စုံစမ်း သိရှိရသည်။

နန့်စလျော်ကျေးရွာ တောင်ပိုင်းရှိ ဘုန်းတော်ကြီးကျောင်းကို ဧပြီ ၂၈ ရက်နေ့ ည ၇ နာရီခွဲအချိန့်ခန့်တွင် ပျူစောထီး အဖွဲ့တစ်ဖွဲ့က ယတြာယာခြယ်ရန်အတွက် ဟုဆိုကာ ဗုံးခွဲတိုက်ခိုက်ခဲ့ခြင်း ဖြစ်ကြောင်း နန်းမားကျေးရွာနေ အမျိုးသားတစ်ဦးက KNG သတင်းဌာနသို့ပြောသည်။

“မနေ့ည ခုနှစ်နာရီခွဲ ၈ နာရီလောက်မှာဖြစ်သွားတာ ဘုန်ကြီးကျောင်းထဲမှာဖြစ်သွားတာ နန်းမားကနေတော့ ဗုံးသံ ၃ ချက်လောက် ကြားလိုက်မယ်။ ဒီဟာက မလုပ်ခင်ကတည်းကနေကို သတင်းကပြန့်နေပြီ။ အဲ့မှာ ပျူစောထီးတွေက ယတြာယာလာခြယ်မယ်ဆိုပြီး အခုဖြစ်တဲ့ဟာက ပျူစောထီးတွေလုပ်ကြတာတဲ့”ဟု ၎င်းက ပြောသည်။

နန့်စလော်ကျေးရွာတွင် NLD ထောက်ခံသူထက် ကြံ့ခိုင်ရေးပါတီ ထောက်ခံသည့်အများဆုံးဖြစ်ပြီး ယခုလုပ်ရပ်သည် ပျူစောထီး အဖွဲ့များပူးပေါင်းလုပ်ကြံခြင်းဖြစ်ကြောင်း ဒေသခံများထံမှ သိရသည်။

အဆိုပါ ဗုံးခွဲတိုက်ခိုက်မှုကြောင့် ဘုန်းတော်ကြီး ဦးဝိမလ သက်တော် (၇၈)နှစ်၊ ဦးသန်းထွန်း(၅၂)နှစ် ၊ ဦးအောင်ကြီး (၆၈) ဦးမြကြီး (၈၃)နှစ် နှင့် မောင်ဓာတ်ဆုံ ၁၅ နှစ်တို့ ဗုံးစထိမှန် ဒဏ်ရာများရရှိခဲ့ကြောင်း သိရသည်။

အဆိုပါဘုန်းကြီးကျောင်းတွင် အလှူပွဲတစ်ခုရှိသောကြောင့် ယင်းအလျှူပွဲအတွက် ကျေးရွာနေပြည်သူများ ပြင်ဆင်နေစဥ် တိုက်ခိုက်ခံလိုက်ရခြင်းဖြစ်ပြီးတချို့မှာ ဘေးလွတ်ရာ တိမ်းရှောင်နိုင်သောကြောင့် ထိခိုက်မှု မရှိခဲ့ကြောင်း သိရသည်။

“အရပ်သားတွေကတော့ အဲ့ရွာထဲကလူတွေပဲ ဒဏ်ရာရထားတဲ့လူတွေက အရမ်းကြီးတော့ မစိုးရိမ်ရဘူးလို့ပြောတယ်”ဟု ကျေးရွာနေ ပြည်သူတစ်ဦး ပြောသည်။

ကချင်ပြည်နယ်တွင် စစ်တပ်အာဏာသိမ်းပြီးနောက် စစ်ကောင်စီမှ ဘုန်းတော်ကြီးကျောင်းအတွင်း ဝင်ရောက်စီးနှင်းမှု ရိုက်နက်မှုဖြစ်စဉ်များ ပုံမှန်ရှိခဲ့သော်လည်း ဗုံးခွဲတိုက်ခိုက်ခံရမှုမှာ ယခုပထမအကြိမ် ဖြစ်သည်။

Read Previous

စစ်တပ်ဂိတ်အနီး စိန်ခေါ်ခဲ့သည့် လူငယ် ၅ဦး အနက် ၁ ဦး ဖမ်းဆီးခံရ

Read Next

မြင်းမူ PDF စခန်း ၂ ခု စီးနင်းခံရပြီး ဒုခေါင်းဆောင် ကျဆုံး