,

Breaking News :

ကပ်ဘေးနှစ်ခုကို အံတုရင်း ကြပ်တည်းလာသော လူနေမူဘဝ

မုံရွေးနှင့် ကြေးမုံရွာရှိ ဒေသခံများ ဖမ်းဆီးရိုက်နက်ခံရပြီး နေအိမ်တစ်ချို့ ဖမ်းရှို့ဖျက်ဆီးခံရ

ကသာတွင် စစ်ကောင်စီစစ်ကြောင်း ကို ပြည်သူ့ကာကွယ်ရေးတပ်မှ မိုင်းဆွဲ တိုက်ခိုက်

တနိုင်း ပယင်းမှော်ဘက်သို့ ဆင်များအသုံးပြုကာ ကုန်ပစ္စည်းတင်ပို့နေမှုကြောင့် လမ်းပျက်စီးနေ

နမ္မတူမြို့နယ်တွင် တိုက်ပွဲဆက်လက်ဖြစ်ပွားနေပြီး စစ်ရှောင်များ နေရပ်မပြန်နိုင်သေး

ဖားကန့်တွင် ည ၈ နာရီနောက်ပိုင်း အပြင်ထွက်သူများကို ပစ်ခတ်ရန် ညွန်ကြားချက်ရရှိထားဟုဆို

ကန့်ဘလူ၊ ဇော်ချောင်းကျေးရွာကို စစ်ကောင်စီက ဝင်ရောက်မီးရှို့သဖြင့် ပြည်သူ ၅ ထောင်ကျော် ထွက်ပြေးနေရ

ပင်လည်ဘူးတိုက်ပွဲတွင် စစ်ကောင်စီဘက်မှ ၃ ဦးကျဆုံးကာ ဒေသခံကာကွယ်ရေးတပ်ဘက်က ၅ဦးဒဏ်ရာရရှိခဲ့

ကင်းလှည့်သော စစ်ကောင်စီတပ်မှ လူငယ်တစ်ဦးကို အကြောင်းမဲ့ ပစ်သတ်

သတင်းထောက် နောင်ရိုး အပါအဝင် နိုင်ငံရေးလှုပ်ရှားသူ ၁၂ ဦး လွတ်မြောက်လာ

ရေဦးနယ်တွင် ယခုလအတွင်းသေဆုံးရုပ်အလောင်း တစ်ဒါဇင်အထိတွေ့

လူမှုကူညီရေးအသင်းမှ အလောင်းများသယ်ထုတ်နေ

စစ်ကိုင်းတိုင်းဒေသကြီး ၊ ရေဦးမြို့နယ်တွင် ယခုလအတွင်း သေဆုံး​နေသည့် ရုပ်အလောင်း တစ်ဒါဇင်အထိတွေ့ရှိခဲ့ပြီး ယခုလအထိစုစုပေါင်း ရုပ်အလောင်း ၆၀ ကျော်အထိတွေ့ရှိခဲ့ပြီဖြစ်ကြောင်း သိရသည်။

ရေဦးမြို့နယ်အတွင်းရှိ ကျေးရွာအနီးတစ်ဝိုက်၊ မြစ်ချောင်းနှင့် ကားလမ်းဘေး ရထားသံလမ်ဘေးများတွင် ယင်းသေဆုံးရုပ်အလောင်းများကိုတွေ့ရှိနေရခြင်းဖြစ်ပြီး ယခုတစ်လအတွင်း ရုပ်အလောင်း ၁၂ ​လောင်းအထိတွေ့ရှိခဲ့ရာစုစုပေါင်း အလောင်း ၆၀ ကျော်အထိသယ်ယူ သဂြိုလ်ပေးခဲ့ပြီးဖြစ်ကြောင်း ပုညကုသလလူမှုကူညီရေးအသင်းမှတာဝန်ရှိသူကKNG သို့ပြောသည်။

“ကျနော်တို့သဂြိုပေးတာ ဧပြီလထဲမှာဆိုရင် ၁၂လောင်းတွေ့ပြီ။ ကျွန်တော်တို့အသင်းအနေနဲ့ ဆယ်လပိုင်းကနေအခုလအထိ ဆိုရင်ခြောက်ဆယ်ကိုးလောင်းရှိပြီဗျ သူတို့မှာ ဒဏ်ရာဘာညာတော့တွေ့တာပေါ့ဗျာ ဘာကြောင့်သေဆုံးတာလည်းဆိုတာတော့ကျွန်တော်တို့လည်းမသိသေးဘူးဗျ”ဟု ပုညကုသလလူမှုကူညီရေးအသင်းမှတာဝန်ရှိသူ ကပြောသည်။

အဆိုပါ သေဆုံးရုပ်အလောင်းများတွင် အချို့အလောင်းပိုင်ရှင်ပေါ်ပြီး အချို့မှာ ပိုင်ရှင်မဲ့အလောင်းအဖြစ်သာ သဂြိုလ်ပေးလိုက်ရကြောင်း သေဆုံးရုပ်အလောင်းမှာ အမျိုးသားအများစု ပါဝင်ကြောင်း သူကဆက်ပြောသည်။

“အဲ့သေဆုံးရုပ်အလောင်းတွေထဲမှာ အမျိုးသားဦးရေကပိုများတယ်ဗျ အသက်ကြီးပိုင်းကတော့နည်းတယ်ဗျလူလတ်ပိုင်းကများမယ်ဗျ အသက် သုံးဆယ် လေးဆယ်အရွယ်တွေပေါ့ တချို့လေး အသက် ငါးဆယ်ကျော် ငါးဆယ်ကျော်တွေလည်းရှိတယ်ဗျ”ဟု ပုညကုသလအသင်းမှတာဝန်ရှိသူကပြောသည်။

အဆိုပါသေဆုံးရုပ်အလောင်များတွင် ရေဦးဒေသခံများပါဝင်ပြီးအချို့မှာစစ်ကောင် စီသတင်းပေးဟုနာမည်ထွက်နေသူများပါဝင်ပြီး တချို့ရုပ်အလောင်းမှာ ပျက်ရုပ်နေသည့်အတွက် မသိရှိရကြောင်း ဆက်ပြောသည်။

ရေဦးမြို့နယ်တွင် စစ််အာဏာသိမ်းပြီးနောက် စစ်ကောင်စီတပ်နှင့် ပြည်သူကာကွယ်ရေးတပ်ဖွဲ့တို့တိုက်ပွဲဖြစ်ပွားလျက်ရှိပြီး စစ်ကောင်စီတပ်က အရပ်သားပြည်သူများအားသတ်ဖြတ်ခဲ့မှု စစ်ကောင်စီသတင်းပေးများသတ်ခံရမှုများလည်းရှိခဲ့သည်။

Read Previous

ထီးချိုင့် ဧရာဝတီမြစ်အရှေ့ဘက် ဒေသခံပြည်သူပိုင် ပစ္စည်းများကို စစ်ကောင်စီတပ် လိုက်လံဖျက်ဆီးနေ

Read Next

ထီးချိုင့် မြို့မ ရဲစခန်းအနီး နေထိုင်သူများကို အမြန်ရွေ့ပြောင်းရန် စစ်ကောင်စီတပ် သတိပေး

Leave a Reply

Your email address will not be published.