,

Breaking News :

အင်းတော် ကျေးရွာနေအိမ်အချို့ကို စစ်ကောင်စီတပ်မီးရှို့၊ ထွက်မပြေးနိုင်သည့် သက်ကြီးရွယ်အိုများကို ဖမ်းဆီးထား

‘Kachin News Group (official)’ YouTube အတု နှင့် ‘Kachin News Group’ YouTube အစစ် ခွဲခြား သိရှိစေရန်

နန်းမားတွင် လင်မယားနှစ်ဦးဖမ်းဆီးခံရပြီး အမျိုးသားဖြစ်သူကို သတ်ဖြတ်ထား

ကသာမြို့မှ လူငယ် ၆ ယောက်အား စစ်ကောင်စီတပ်မှ ဖမ်းဆီးကာ ထောင်ဒဏ် ၁လစီချမှတ်

KIA ၊ PDF အဖွဲ့မှ ဒေသခံလူငယ်များကို ဖမ်းဆီးခေါ်ဆောင်သည်ဟူသော သတင်းအမှား ထပ်ဖြန့်

အင်းတော်တွင် စစ်ကောင်စီ စစ်ကြောင်း နှစ်ကြိမ်တိုက်ခိုက်ခံရပြီး  စစ်သား ၆ ဦးသေဆုံး၊ အရပ်သား ၂၀ ဦးကို လူသားဒိုင်းပြုလုပ် ရန် စစ်ကောင်စီဖမ်းဆီးထား

နောင်မွန်တွင် ကိုဗစ်ကူးစက်ခံရသူ ၂၀၀ ကျော်ရှိနေပြီး Mask နှင့် ဆေးဝါးအကူအညီတွေ အရေးပေါ်လိုအပ်နေ

စိတ်ဝင်စားဖွယ် သတင်းခေါင်းစဉ်ဖြင့် ဝင်ငွေရှာနေသည့် Youtube ချန်နယ်

စစ်တပ်ပြုလုပ်မည့် ရွေးကောက်ပွဲနှင့် ပတ်သက်ပြီး NUG အစိုးရ၏ လျှို့ဝှက် ညွန်ကြားစာ အတု ပြန့်နှံ့နေ

အင်းတော်နယ်တွင် စစ်ကောင်စီတပ် စစ်အင်အား ၄၀၀ ကျော်တိုးချဲ့ထား၊ ကျေးရွာ ၇ခု ထွက်ပြေးတိမ်းရှောင်နေရ

ယိုယွင်းပျက်စီးလာသည့် ကချင်စစ်ရှောင်စခန်းအချို့ပြင်ဆင်ရန် လိုအပ်နေ

မိုင်းနားစစ်ရှောင်စခန်းတစ်ခု

ကချင်ပြည်နယ်၊ မြစ်ကြီးနားမြို့နှင့် ဝိုင်းမော်မြို့နယ်မှ စစ်ဘေးရှောင်စခန်းများ ယိုယွင်းပျက်စီးလာသည့်အတွက် ပြင်ဆင်ရန် လိုအပ်နေကြောင်း စစ်ဘေးရှောင်များထံမှ သိရသည်။

“ဝါးနဲ့ပဲ လုပ်ထားတဲ့ကြမ်းခင်းတွေဆိုတော့ အချိန်ကြာလာတာနဲ့အမျှ ဆွေးသွားတာတွေလည်း အများကြီးရှိတယ်။ အပေါ်ကဆိုလည်း မိုးကယိုတော့ ဒီကြမ်းခင်းတွေက ပိုပြီးဆွေးလွယ်တာပေါ့။ တစ်ခါတစ်လေ အဆောင်ထဲဝင်တာနဲ့ ကြမ်းခင်းတွေ နင်းမိပြီး ကြိုးသွားတာတောင်ရှိတယ်။ ပြီးရင် အဆောက်အဦးက သစ်ကောင်းတာနဲ့ လုပ်ထားတာ မဟုတ်တော့ ပိုးတွေစားပြီးဆွေးလာတယ်။ အောက်ခြေ foundation ဘက်ကနေတောင် ပိုးတွေစားပြီး အကုန်ပျက်စီးနေပြီ” ဟု ဂျန်မိုင်ကောင် စစ်ဘေးရှောင်စခန်းတာဝန်ရှိသူက ဆိုသည်။

မြစ်ကြီးနားမြို့နယ် ဂျန်မိုင်ကောင် စစ်ရှောင်စခန်းတွင် အိမ်ထောင်စု ၂၀၃ စု လူဦးရေတစ်ထောင်ကျော် နေထိုင်လျှက်ရှိပြီး အဆောင် ၂၀ ကျော်ရှိသည့် စခန်း ဖြစ်သည်။

ထို့အပြင် ဝိုင်းမော်မြို့နယ်ရှိ အကြီးဆုံးစစ်ရှောင်စခန်းဖြစ်သည့် မိုင်းနားစစ်ရှောင်စခန်းတွင်လည်း ပျက်စီးယိုယွင်းမူများ ဖြစ်ပေါ်နေသည်ကို စခန်းတာဝန်ရှိသူတစ်ဦးက ယခုလို ပြောပြသည်။

“ကျနော်တို့ အဆောက်အဦးတွေက လုပ်ထားတာ ယာယီ စီမံကိန်းနဲ့လုပ်ထားတော့ နှစ်ပေါင်းကြာလာတဲ့အခါမှာ ပျက်စီးယိုယွင်းမူတွေ အများကြီးရှိလာတယ်။ လိုအပ်တာက အများပိုင်းပဲ ၇၀ ရာခိုင်နူန်း ၈၀ ရာခိုင်နူန်းတော့ ပြန်ပြီးပြုပြင်ရတော့မှာ” ဟု စခန်းတာဝန်ခံက ပြောသည်။

မိုင်းနား စစ်ရှောင်စခန်းသည် ဝိုင်းမော်မြို့နယ်တွင် လူဦးရေ အများဆုံးနေထိုင်သည့် စစ်ရှောင်စခန်းကြီး ဖြစ်ပြီး အိမ်ထောင်စုအားဖြင့် ၅၂၉ စု လူဦးရေ ၂၉၂၆ ဦး အထိ နေထိုင်သည်ဟု သိရသည်။

စစ်ရှောင်စခန်းရှိ အဆောင်တစ်ချို့ကို ကချင်နှစ်ခြင်းခရစ်ယာန်အဖွဲ့ချုပ် KBC အကူအညီဖြင့် အနည်းငယ်ပြန်လည် ပြုပြင်နိုင်သော်လည်း အများစု ထပ်မံ ပြုပြင်ရန် လိုအပ်နေသေးကြောင်း စစ်ရှောင်စခန်းတာဝန်ရှိသူက ဆိုသည်။

ကချင်ပြည်နယ်ရှိ စစ်ရှောင်ပြည်သူများသည် ၂၀၁၁ ခုနှစ်မှ စ၍ ကချင်လွတ်လပ်ရေးတပ်မတော်နှင့် စစ်ကောင်စီ တပ်တို့ကြား ဖြစ်ပွားခဲ့သော စစ်ပွဲများကြောင့် အိုးအိမ်စွန့်ခွာခဲ့ကြရသူများ ဖြစ်သည်။

Read Previous

ကျင်းစန်းကျော့ နယ်စပ်ဂိတ်မှ မြန်မာကုန်တင်ယာဉ်များ ပြန်လည် ဝင်ထွက်ခွင့်ပြု

Read Next

ခြေကျင် တက်လာသည့် စစ်ကောင်စီတပ်သားများ မိုင်းဆွဲတိုက်ခိုက်ခံရ ထိခိုက်သေဆုံးမှုများပြား

Leave a Reply

Your email address will not be published.