,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

မုံရွာတွင် PDF ထောင်ထားသော မိုင်းကွင်းကို အရပ်သားအသွင်ယူ ရှာဖွေနေသည့်အဖွဲ့ကို PDF သတိပေး

Photo – Crd

စစ်ကိုင်းတိုင်း မုံရွာမြို့နယ် မုံရွာ-အရာတော်လမ်းပိုင်းတွင် PDF တပ်ဖွဲ့များ ထောင်ထားသည့်မိုင်းကွင်းများကို အသွင်ပြောင်းကာ ရှာဖွေစုံစမ်းနေသည့် လူတစ်စုကို သပြေညိုပြောက်ကျားတပ်ဖွဲ့က နောက်ဆုံးအကြိမ် သတိပေးလိုက်ကြောင်း သိရသည်။

စစ်ကောင်စီ ရန်မှ ကာကွယ်ရန်နှင့် နယ်မြေလုံခြုံရေးအတွက် နယ်မြေခံ ပြည်သူ့ကာကွယ်ရေးတပ်ဖွဲ့များ ထောင်ထားသည့် မိုင်းကွင်းများကို စစ်ကောင်စီတပ်လက်ပါးစေ လူငယ်တစ်စုက အသွင်ပြောင်းကာ စုံစမ်းဖော်ထုတ်နေသဖြင့် အဆိုပါအဖွဲ့ကို ၂ ကြိမ်တိုင်တိုင် ဖမ်းမိခဲ့သော်လည်းဆက်လက်လုပ်ဆောင်နေသောကြောင့် နောက်ဆုံးအကြိမ် သတိပေးလိုက်ကြောင်း သပြေညို ပြည်သူ့ကာကွယ်ရေးတပ်ဖွဲ့တာဝန်ရှိသူတစ်ဦးက KNG သို့ပြောသည်။

“မတ်လပိုင်းမှာ သူတို့ကိုပထမဆုံးအကြိမ်မိတယ်။ အဲ့လိုလုပ်နေတာတွေ့လို့သူတိူ့ကိုဖမ်းပြီးစစ်တယ်။ ကလေးတွေကော ပါတဲ့အတွက် နောက်မလုပ်ဖို့သတိပေးပြီးပြန်လွတ်ပေးခဲ့တယ်။ ကျနော်တို့ကတော့ ပုံမှန် ပြည်သူတွေထဲက ပိုက်ဆံရလို့ လုပ်မိလုပ်ရာ လုပ်ကြတာထင်ပြီး ၂ ကြိမ်အထိပြန်လွတ်ပေးခဲ့တာ။ လွန်ခဲ့တဲ့ သုံးရက်မှာလည်း အမိုင်းကွင်းမှာတွေ့လို့ သေနတ်ပစ်ဖောက်ပြီး ခြိမ်းခြောက်ခဲ့တယ်”ဟု တာဝန်ရှိသူတစ်ဦးက ပြောသည်။

ယင်းအဖွဲ့တွင် လူငယ် ၆ ဦး ခန့်ပါဝင်ပြီး ဆယ်ကျောက်သက်အရွယ်လည်း ပါဝင်ကြောင်းသိရသည်။

“သူတို့က အဲ့လမ်းပိုင်းမှာ အမှိုက်ကောက်သမားအသွင်ယူတယ်။ စျေးသည်အသွင်ယူတယ်။ အဲလိုအသွင်သဏ္ဍန်ယူပြီး မိုင်းကွင်းတွေကို ဖော်ထုတ်ဖို့လှုပ်ရှားနေတာ။ အဲ့ဒါကြောင့်နောက်တစ်ကြိမ်တွေ့ရင်တော့ ဒလန်လို့သတ်မှတ်ပြီး အရေးယူမှုတွေ လုပ်သွားမှာဖြစ်ပါတယ်”ဟု သပြေညိုပြောက်ကျားတပ်ဖွဲ့ တာဝန်ရှိသူတစ်ဦးက ပြောသည်။

သပြေညိုပြောက်ကျားတပ်ဖွဲ့သည် မုံရွာခရိုတပ်ရင်း(၄)-Chindwin Attack Force ၏ တပ်ခွဲ(၁) ပြောက်ကျားတပ်ဖွဲ့တစ်ခု ဖြစ်သည်။

Read Previous

ပူတာအိုတွင် ဖုန်းလိုင်း အားလုံး နီးပါး ပြတ်တောက်နေ

Read Next

ကသာအထက်ပိုင်း စစ်ကောင်စီတပ် မိုင်းဆွဲတိုက်ခိုက်ခံရသဖြင့် ၆ ဦးထက်မနည်းသေဆုံးပြီး