,

Breaking News :

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ထီးချိုင့် တိုက်ပွဲတွင် စစ်ကောင်စီဘက်မှ ဗိုလ်ကြီး ၁ ဦး အပါအဝင် ၉ ဦး သေဆုံး

လူမရှိသည့် နေအိမ်များကို မီးရှို့မည်ဟု ခြိမ်းခြောက်ကာ မိုးမောက်ဒေသခံများကို နေရပ်ပြန်ခေါ်ကာ အကာအကွယ်ယူနေ

ဖားကန့်တွင် ​မြေစာပုံပြိုကျပြီး ရေမဆေးသမား ၁ ဦးသေဆုံး၊ တစ်ဦးပြင်းထန်ဒဏ်ရာရ

ကသာနယ်တွင် အရပ်သား ပြည်သူ ၁၃ ဦးခန့် စစ်ကောင်စီတပ်မှ ဖမ်းဆီးသွား

Photo – Crd

စစ်ကိုင်းတိုင်း ကသာမြို့နယ် ကျောက်ထုံးကြီးတိုက်နယ်ကျေးရွာမှ ဒေသခံ အရပ်သားပြည်သူ ၁၃ ဦးအား စစ်ကောင်စီတပ်မှ ဖမ်းဆီးခေါ်ဆောင်သွားကြောင်း ဒေသခံများမှ သိရသည်။

သြဂုတ်လ ၃ ရက် ယမန်နေ့နံနက် ၉ နာရီဝန်းကျင် စစ်အင်အား ၃၀ ကျော်ခန့်ပါရှိသော စစ်ကောင်စီတပ်သည် ကသာဘက်မှ ဧရာဝတီမြစ်ကြောင်းအတိုင်း သံခွန်ရေမော်တော်ဖြင့်တက်လာကာ ကျောက်ထုံးကြီးတိုက်နယ် ကျေးရွာတွင်းသို့ ဝင်ရောက်လာခဲ့ပြီး ဒေသခံ ၁၃ ဦးကို ဖမ်းဆီးခေါ်ဆောင်သွားသည်ဟု ဒေသခံတစ်ဦး KNG ကိုပြောဆိုသည်။

“မနက် ၅ နာရီလောက်ကတည်းက ကသာဘက်ကနေ သံခွန်မော်တော်နဲ့ ကူးလာတာ ပျူစောထီးနဲ့ ဒလန်တွေပါ ပါတယ်လို့ သိရတယ် ရွာထဲဝင်ပြီး အိမ်ထဲဝင်ဖမ်းသွားတာ”ဟုပြောဆိုသည်။

စစ်ကောင်စီတပ်များသည် ကျေးရွာအတွင်းဝင်ရောက်ကာ နေအိမ်တစ်ခုအတွင်းမှ မိခင်အပါအဝင် သမီး၊ သား၊ ချွေးမအစသည့် မိသားစုဝင် ၄ ဦးအပြင် လမ်းသွားလမ်းလာ ပြည်သူအချို့ကိုဖမ်းဆီးသွာကြောင်းသိရသည်။

“အခုဖမ်းခံရတဲ့ မိသားစုက PDF နဲ့ ပကဖ လည်းမဟုတ်ဘူးဗျ ဒလန်သတင်းပေးလို့ဆိုပြီး ဝင်ဖမ်းတာ။ ဖအေလုပ်တဲ့သူတော့ အိမ်မှာမရှိလို့ ပါမသွားဘူး။ မိသားစုဝင် ၄ ယောက် ပြီးတော့ လမ်းမှာတွေ့တဲ့သူတွေပါ အားလုံး ဖမ်းသွားတာ ၁၃ ယောက်‌လောက်ဟုတ်တယ်”ဟု သူကဆက်လက်ပြောဆိုသည်။

ဖမ်းဆီးခံရသူများ ယနေ့အထိ ပြန်လည်လွတ်မြောက်လာခြင်းမရှိသေးဘဲ မည်သည့်နေရာတွင် ဖမ်းဆီးထားသည်ကို မသိရကြောင်း သိရသည်။

ကျောက်ထုံးကြီးတိုက်နယ်ကျေးရွာသည် စစ်ကိုင်းတိုင်းဒေသကြီး ကသာခရိုင်၊ ကသာမြို့နယ်အတွင်း ဧရာဝတီမြစ် အရှေ့ဘက်ကမ်း၌ တည်ရှိပြီး အိမ်ခြေတစ်ထောင်ကျော်ခန့်ရှိသည်။

Read Previous

မုံးကိုး စစ်ရှောင်များအတွက် နေရာထိုင်ခင်းနှင့် စားနပ်ရိက္ခာကူညီမှု လိုအပ်နေဆဲ

Read Next

စစ်ကောင်စီတပ် လက်နက်ကြီး ရမ်းသမ်းပစ်ခတ်မှုကြောင့် ပြည်သူ ၃ ဦး ထိခိုက်ဒဏ်ရာရ