-
Mar- 2025 -11 Marchသတင်း
မြစ်ကြီးနားမြို့တွင်း ညဥ့်နက်အချိန် အင်အားသုံး ဧည့်စာရင်းစစ်ဆေးမှုတွေရှိနေ
ကချင်ပြည်နယ် မြစ်ကြီးနားမြို့မှာ ဒီရက်ပိုင်းအတွင်း ညဥ့်နက်အချိန် ၁၂ နာရီဝန်းကျင်မှာ ရဲနှင့်စစ်သား အင်အား ၅၀ ခန့်အသုံးပြုပြီး ဧည့်စာရင်း စစ်ဆေးမှုတွေရှိနေတယ်လို့ ဒေသခံတွေကပြောပါတယ်။ ရပ်ကွက်တိုင်း အိမ်တိုင်းနီးပါးကို စစ်ဆေးတာမျိုးမဟုတ်ဘဲ မြစ်ကြီးနားမြို့နဲ့အနီးဝန်းကျင်နယ်ထဲက လမ်းမကြီးနဘေးနေအိမ်နဲ့ဆိုင်တွေမှာ စစ်ဆေးတာဖြစ်ပြီး မိမိအိမ်ထောင်စုမရှိတဲ့…
Read More » -
11 Marchသတင်း
ဧရာဝတီမြစ်ကမ်း ရွှေတူးဖော်မှုကိုတားမြစ်ပေးဖို့ ပြည်နယ်ဝန်ကြီးချုပ်ထံစာတင်ပြတောင်းဆိုမှု အကြောင်းမပြန်
ကချင်ပြည်နယ် မြစ်ကြီးနားမြို့နယ် ဧရာ၀တီမြစ်ကမ်းဘေးတစ်လျှောက် ရွှေတူးဖော်မှုနဲ့သဲကျောက်ထုတ်ယူမှုတွေကို တားမြစ်ပေးဖို့ စစ်ကောင်စီခန့် ကချင်ပြည်နယ်ဝန်ကြီးချုပ်ထံ ဒေသခံတွေစာတင်ပြတောင်းဆိုထားပေမယ့် တစ်လခန့်ကြာလာတဲ့အထိ အကြောင်းပြန်ခြင်းမရှိသေးဘူးလို့ သိရပါတယ်။ တစ်နှစ်ပြီးတစ်နှစ်အထိန်းအကွပ်မရှိ ရွှေတူးဖော်မှုတွေကြောင့် ဧရာ၀တီမြစ်နဲ့သဘာ၀ပတ်ဝန်းကျင် ဆိုးရွားစွာပျက်စီးလာတဲ့အတွက် မြစ်ကမ်းနံဘေးနေထိုင်တဲ့ဒေသခံတွေအနေနဲ့ ပြီးခဲ့တဲ့ ဖေဖော်ဝါရီလ ၁၁ ရက်နေ့စစ်ကောင်စီခန့် ကချင်ပြည်နယ်ဝန်ကြီးချုပ် ဦးခက်ထိန်နန်အစိုးရအဖွဲ့ထံ စာတင်ပြတောင်းဆိုထားတယ်လို့ ဒေသခံတွေ ပြောပါတယ်။ “ဒီနေရာတွေမှာ အမြဲတမ်း စက်ယန္တရားကြီးတွေနဲ့ ရွှေမတူးဖော်ဖို့၊ စက်ယန္တရားကြီးတွေကို လုံး၀ အဝင်မခံဖို့။ အခုက သဲကျောက်ထုတ်တယ်ဆိုပြီး ရွှေပါတစ်ခါတည်း တူးဖော်နေရော။ ဒီလိုမျိုး သူတို့က ခွင့်ပြုချက်ရထားတယ်ဆိုပြီး အားလုံးပါမစ်လျှောက်ထားပြီးသားဆိုပြီး သဲကျောက်ကောက်တယ်ဆိုတဲ့ ခေါင်းစဉ်နဲ့ ရွှေတူးဖော်တာတွေ ဆိုးဆိုးရွားရွား လုပ်လာတယ်။ ဒါကြောင့် အခုဒေသခံတွေလိုချင်တာက ဘယ်အချိန်ပဲဖြစ်ဖြစ် ဘယ်အစိုးရပဲတက်တက် ဒါတွေကိုတော့ လုံး၀ ရပ်နားလိုက်ဖို့ တောင်းဆိုတာဖြစ်တယ်”လို့ ဧရာ၀တီမြစ်အနီးနေထိုင်သူ ဒေသခံတစ်ဦးကပြောပါတယ်။ ဒါပေမဲ့ လက်ရှိချိန်ထိ ကချင်ပြည်နယ်ဝန်ကြီးချုပ်က ဒေသခံတွေရဲ့စာတင်ပြတောင်းဆိုမှုကို တစ်စုံတရာအကြောင်းပြန်ခြင်း မရှိသေးဘူးလို့ သိရပါတယ်။ ကချင်ပြည်နယ်ဝန်ကြီးချုပ်ကို တင်ပြတောင်းဆိုထားတဲ့စာမှာ အဓိကအားဖြင့် မြစ်ကြီးနားမြို့နယ် အာလမ်ကျေးရွာအုပ်စု အာလမ်၊ အူဗျစ်၊ ဒွမ်ဂန်၊ လမုန်ဇွပ်နဲ့ တန်ဖရဲ– စတဲ့ကျေးရွာတွေရဲ့ နယ်နိမိတ်ဧရိယာအတွင်းရှိ ဧရာ၀တီမြစ်ကမ်းတစ်လျှောက် စက်ယန္တရားကြီးတွေနဲ့ ရွှေတူးဖော်တာ၊ သဲကျောက်ထုတ်ယူတာတွေကို တားမြစ်ရုပ်သိမ်းပေးဖို့ တောင်းဆိုထားတာလို့ ဆိုပါတယ်။ မြစ်ကြီးနား – ဆွပ်မရာဘွမ်လမ်းမကြီးနဲ့ ဧရာ၀တီမြစ်ကမ်းပေါ်မှာရှိတဲ့ အာလမ်ကျေးရွာအုပ်စုထဲမှာ အိမ်ခြေစုစုပေါင်း (၁၀၀၀) ခန့်ရှိပြီး လူဦးရေ (၈၀၀၀) ကျော်ရှိကာ ဧရာ၀တီမြစ်ဆုံအထိ အရေးပါပြီးမြစ်ကြောင်းတစ်လျှောက်ကို အစိုးရအဆက်ဆက်ကာကွယ်စောင့်ရှောက်ထားတဲ့ နေရာတွေဖြစ်တယ်လို့ တောင်းဆိုစာမှာ ဖော်ပြထားပါတယ်။…
Read More » -
10 Marchသတင်း
မြစ်ကြီးနားမြို့မှာ စစ်ကောင်စီတပ်ဖွဲ့မှ ရှောင်တခင်စစ်ဆေးတာတွေ ခပ်စိပ်စိပ်လုပ်လာ
ကချင်ပြည်နယ် မြစ်ကြီးနားမြို့တွင်းနေရာတစ်ချို့မှာ စစ်ကောင်စီတပ်က လမ်းသွားလမ်းလာပြည်သူတွေကို ရှောင်တခင်တားဆီးစစ်ဆေးတာတွေ ခပ်စိပ်စိပ်လုပ်လာနေတယ်လို့ မြစ်ကြီးနားမြို့မှာနေထိုင်တဲ့ ပြည်သူတွေကပြောပါတယ်။ ဒီနှစ် ဖေဖော်ဝါရီလဆန်းပိုင်းကစတင်ပြီး ဗလမင်းထင်တံတားကနေ မြစ်ကြီးနားတက္ကသိုလ်ကျောင်းနောက်ကျောဘက် မြို့ရှောင်လမ်း၊ ကြာရာပါတီးရပ်ကွက်လမ်း၊ မြေမြင့်ရပ်ကွက်ကနေ ကွက်သစ်အဆင်း မိုင်ဒေးကွေ့လမ်းထောင့်၊အင်ဂျန်ဒုံစျေးအနီး၊ အေးမြသာယာရပ်ကွက်အဝင် ရထားသံလမ်း၊ ရွှေစက်ရပ်ကွက် မြစ်ကြီးနားလွှတ်တော်ရုံးရှေ့၊ကျွန်းပင်သာနဲ့လယ်ကုန်းလမ်းဆုံအပါအဝင် မြို့တွင်းလမ်းဆုံ၊ လမ်းထောင့်နေရာတစ်ချို့မှာ စစ်ဆေးမှုတွေ ခပ်စိပ်စိပ်လုပ်လာတယ်လို့ မြစ်ကြီးနားမြို့ခံတစ်ဦး KNG ကိုခုလိုပြောပါတယ်။ “ပုံမှန်နေ့တိုင်းတော့မစစ်ဘူး ဒါပေမယ့် ခုနောက်ပိုင်းစစ်တာပိုစိပ်လာတယ်။ သူတို့စစ်တဲ့နေ့ဆိုရင် ဖြတ်သွားဖြတ်လာ လူတိုင်းကိုစစ်တယ်။ ဘာကြောင့်စစ်တယ်ဆိုတာတော့ မပြောဘူး”လို့ ပြောပါတယ်။ ခုလိုစစ်ဆေးရေးပြုလုပ်ချိန် စစ်သား ၅ ဦးနဲ့ ၁၀ ကြားရှိပြီး လက်နက်၊စစ်ယူနီဖောင်းဝတ်ပြီး စစ်ဆေးတာတွေရှိသလို အရပ်ဝတ်နဲ့တားဆီးစစ်ဆေးတာတွေလည်းရှိတယ်လို့ နောက်ထပ်မြစ်ကြီးနားမြို့မှာနေထိုင်တဲ့ အမျိုးသမီးတစ်ဦးက ပြောပါတယ်။ “ယူနီဖောင်းအပြည့်ဝတ်ပြီး တားရင်တော့ စစ်ဆေးခံကြပါတယ်။ ဒါပေမယ့် တစ်ခါတစ်လေ အရပ်ဝတ်တွေနဲ့တားတော့ ပြည်သူတွေက ဓါးပြထင်တာလည်းရှိတော့ မရပ်ပေးတဲ့သူလည်းရှိတယ်။ မရပ်ပေးပြန်တော့ သူတို့ကပစ်တယ်လေ။ အဲကြောင့် သွားရလာရတော်တော်ခက်တယ် ခုနောက်ပိုင်း”လို့ ပြောပါတယ်။ ကချင်ပြည်နယ်ရဲ့မြို့တော်ဖြစ်တဲ့ မြစ်ကြီးနားမြို့မှာ ၂၀၂၁ ခုနှစ်အာဏာသိမ်းပြီးနောက်ပိုင်း မြို့တွင်းလုံခြုံရေးပိုတင်းကြပ်လာသလို ဌာနဆိုင်ရာနဲ့ရဲစခန်းအနိီးပတ်ဝန်းကျင်ရှိ လမ်းအများပိုင်း သွားလာခွင့်ပိတ်ထားတဲ့အပြင် ဖွင့်ထားတဲ့လမ်းတွေမှာလည်း ည ၆ နာရီနောက်ပိုင်းဖြတ်သန်းခွင့်မရှိတော့ဘူးလို့ သိရပါတယ်။ ဒါ့အပြင် ၂၀၂၅ ခုနှစ် နှစ်ဆန်းပိုင်းကစလို့ မြို့တွင်း ရဲစခန်းအားလုံး ဘန်ကာများထပ်တိုးတည်ဆောက်ထားသလို မြစ်ကြီးနားကနေ…
Read More » -
10 Marchသတင်း
တိုက်ပွဲဖြစ်လာနိုင်တယ်ဆိုတဲ့ သတင်းကြောင့် လုံရှာယာန်ဒေသခံတစ်ချို့ကြိုတင်တိမ်းရှောင်တာတွေရှိနေ
ကချင်ပြည်နယ်၊ ပူတာအိုမြို့နယ်၊ လုံရှာယာန်ကျေးရွာဘက် တိုက်ပွဲဖြစ်ပွားလာနိုင်တယ်ဆိုတဲ့သတင်းထွက်လာပြီးနောက် ကျေးရွာနေပြည်သူတစ်ချို့ ကြိုတင်တိမ်းရှောင်နေကြတယ်လို့ လုံရှာယန်ဒေသခံတွေဆီကနေ သိရပါတယ်။ စစ်ကောင်စီစစ်သားအင်အားအလုံးအရင်းနဲ့တပ်စွဲထားတဲ့ လုံရှာယာန်ကျေးရွာကို ကချင်လွတ်လပ်ရေးတပ်မတော် (KIA) နဲ့ ကာကွယ်ရေးပူးပေါင်းတပ်တိုက်ခိုက်လာနိုင်တယ်ဆိုတဲ့သတင်းဟာ ဒီနှစ် ဖေဖော်ဝါရီလဆန်းပိုင်းကစပြီး ဒေသခံတွေကြားပျံ့နှံ့နေတဲ့အတွက် လုံရှာယာန်ကနေ ပူတာအိုမြို့ဘက်ကြိုတင်တိမ်းရှောင်တာတွေလုပ်နေကြတယ်လို့ ပူတာအိုမြို့ပေါ်တိမ်းရှောင်လာတဲ့ လုံရှာယန်ဒေသခံအမျိုးသားတစ်ဦး KNG ကိုပြောပါတယ်။ “ဒီတစ်ခေါက်ကသေချာမယ်ထင်တယ် လုံရှာယန်တိုက်မယ်ဆိုတာတော့ ကြားနေရတာကြာပြီ။ ဒါပေမယ့် ကလေးတွေစာမေးပွဲမပြီးသေးလို့မတိုက်သေးတာ ကလေးတွေစာမေးပွဲပြီးရင်တော့တိုက်မယ်ဆိုပြီးသတင်းထွက်နေတော့ အခုစာမေးပွဲ ပြီးကြပြီလေ။ ဟုတ်ဟုတ်မဟုတ်ဟုတ်ကြိုတင်တိမ်းရှောင်တာကောင်းတယ်ဆိုပြီး မြို့ပေါ်ကိုရောက်လာတာမိသားစုလိုက်”လို့ပြောပါတယ်။ ဒေသခံတွေပြောချက်အရ အခြေခံစာသင်ကျောင်းစားမေးပွဲပြီးတာနဲ့ လုံရှာယာန်ရွာမှာတိုက်ပွဲဖြစ်လာနိုင်တယ်ဆိုတဲ့သတင်းတွေထွက်ပေါ်နေတာဖြစ်ပြီး…
Read More » -
10 Marchအင်တာဗျူး
မြစ်ကြီးနား၊ ဝိုင်းမော်မှာ အရပ်သား သတ်ဖြတ်ခံရသူ ၇ ဦးထိရှိလာတဲ့အတွက် ဘယ်လိုအခြအနေ ရှိနေလဲ
ကချင်ပြည်နယ် မြစ်ကြီးနားမြို့နဲ့ဝိုင်းမော်မြို့မှာ တစ်လအတွင်းအရပ်သားသတ်ဖြတ်ခံရသူ ၇ ဦးထိရှိပြီး အဲဒီထဲမှာအမျိုးသမီး ၄ ဦးပါဝင်ကြောင်း လူမှုကယ်ဆယ်ရေးအသင်းတွေဆီကနေ စုံစမ်းသိရှိရပါတယ်။ ပြီးခဲ့တဲ့ မတ်လ ၅ ရက်နေ့ ဝိုင်းမော်မြို့ အမှတ် ၅ ရက်ကွက် အမျိုးသမီးတစ်ဦး လည်ပင်းဓားထိုးဒဏ်ရာနဲ့ သတ်ဖြတ်ခံရမှု၊ မတ်လ ၄ ရက် မြစ်ကြီးနားမြို့ အင်ဂျန်ဒုံရပ်ကွက်၊ အမှတ်၆ ကျောင်းရှေ့ အမှိုက်ပုံမှာ စွန့်ပစ်ထားတဲ့ အမျိုးသမီးရုပ်အလောင်းတွေ့ရှိမှု၊ မတ်လ ၃ ရက် မြစ်ကြီးနားမြို့ ရမ်ပူအောက်ချိုင့် ချမ်းသာကြီးဘုန်းကြီးကျောင်းအနီး နေအိမ်တစ်ခုမှာ လင်မယားနှစ်ဦးရန်ဖြစ်ပြီး အမျိုးသားဖြစ်သူက အမျိုးသမီးကို ပုဆိန်နဲ့ ခုတ်သတ်မှု၊ ဖေဖော်ဝါရီ ၂၈ ရက် မြစ်ကြီးနားမြို့ စီတာပူရပ်ကွက် အမျိုးသမီးတစ်ဦး ဓားဖြင့်ခုတ်သတ်ခံရမှု၊ ဖေဖော်ဝါရီ ၁၉ ရက် ဝိုင်းမော်မြို့ အာလူးဘာရီကျေးရွာ အသက်…
Read More » -
7 Marchသတင်း
KIA မဟာမိတ်ပူးပေါင်းတပ်တွေရဲ့ စစ်တပ်အမြစ်ဖြတ် ချေမှုန်းရေး စစ်ဆင်ရေး တစ်နှစ်ပြည့်
ကချင်ပြည်နယ်မှာ အရှိန်အဟုန်နဲ့စတင်ခဲ့တဲ့ ကချင်လွတ်လပ်ရေးတပ်မတော် KIA ဦးဆောင်တဲ့ မဟာမိတ်ပူးပေါင်းတပ်ဖွဲ့ တွေရဲ့ စစ်ကောင်စီတပ်ကို အမြစ်ပြတ်ချေမှုန်းရေး စစ်ဆင်ရေးဟာ ဒီကနေ့ မတ်လ ၇ ရက်နေ့မှာပဲ တစ်နှစ်တိတိပြည့်ခဲ့ပြီ ဖြစ်ပါတယ်။ ဒီစစ်ရေးအရှိန် တစ်နှစ်အတွင်း စစ်ကောင်စီရဲ့ လက်အောက်ကို နှစ်ပေါင်းများစွာရောက်ရှိခဲ့တဲ့ဧရာဝတီမြစ်အရှေ့ဘက်ခြမ်း တစ်ခုလုံးနဲ့အတူ နယ်ခြားစောင့်တပ် နဲ့ ပြည်သူ့စစ်တို့ကြီးစိုးရာ…
Read More » -
7 Marchသတင်း
ရှဒူးဇွပ်ဒေသက KIA တပ်စခန်းတစ်ခုကို မင်းဇေသန့်အဖွဲ့ တိုက်ခိုက်
ကချင်ပြည်နယ် တနိုင်းသွားလီဒိုလမ်း(Lido Lam) ရှဒူးဇွပ်ကျေးရွာ (Jahtuzup) ဒေသ ဝခါး(Wahka)မှော်အနီးရှိ ကချင်လွတ်လပ်ရေးတပ်မတော် (KIA) တပ်ရင်းရဲ့ တပ်စခန်းတစ်ခုကို မင်းဇေသန့်ဦးဆောင်တဲ့ဝါရာဇွပ်ပြည်သူ့စစ်အဖွဲ့ အလစ်ငိုက် ဝင်ရောက်တိုက်ခိုက်ခဲ့တယ်လို့ သိရပါတယ်။ မတ်လ ၆ ရက်နေ့ မနက်အစောပိုင်း ဝခါးမှော်အနီးရှိတဲ့…
Read More » -
7 Marchသတင်းဆောင်းပါး
တအောင်း(ပလောင်) နဲ့ အတူတကွ ယှဉ်တွဲနေထိုင်ရေးအတွက် သည်းခံဖို့လိုတယ်လို့ KIO ပြော
တအာင်း (ပလောင်) နဲ့ ကချင်မျိုးနွယ်စုဆိုတာ ရှေးယခင်က အတူယှဉ်တွဲနေထိုင်လာပြီးတော့ တော်လှန်ရေးခရီးကို အတူလက်တွဲ လုပ်ဆောင်ခဲ့ကြတာကြောင့် မျိုးနွယ်စုအချင်းချင်း ပဋိပက္ခတွေ ဒီထက် မကြီးထွားလာစေဖို့ သည်းခံခြင်းနဲ့ သွားရမယ်လို့ KIO ဘက်က ပြောဆိုပါတယ်။ ရှမ်းမြောက်၊ ကချင်ဆပ်စတိတ် ( Kachin Substate) မှာ ကချင်လွတ်လပ်ရေးတပ်မတော် KIA နဲ့…
Read More » -
6 Marchသတင်း
ဖားကန့်ပြည်သူတွေ ဗုံးခိုကျင်း ပြင်ဆင်ထားဖို့ KIA ညွန်ကြား
ဖားကန့်မြို့နယ်မှာ စစ်ကောင်စီတပ်က လေကြောင်းအပြင် လက်နက်ကြီး ပစ်ခတ်လာတဲ့အတွက် ကျေးရွာတွေမှာ ကတုတ်ကျင်း ပြင်ဆင်ထားဖို့ ကချင်လွတ်လပ်ရေးတပ်မတော် KIA က ညွန်ကြားထားတယ်လို့ သိရပါတယ်။ ဇန်နဝါရီလကုန်ပိုင်းခန့် ကနေ ဖားကန့်မြို့အပါအဝင် ဆန်ခါ၊ ဖားပြင်၊ မမုံ၊ နန့်မှော်၊ ဂွေခါ စတဲ့ ကျေးရွာတွေမှာ တကုတ်ကျင်းတွေ တူးဖော်ထားကြဖို့ ကျေးရွာတာဝန်ခံတွေဆီကနေ တဆင့်ညွန်ကြားထားသလို…
Read More » -
6 Marchသတင်း
မုံရွာ-ဟုမ္မလင်း ရေကြောင်းလမ်းသွားလာခွင့်ပိတ်ထားတယ်လို့ဆို
စစ်ကိုင်းတိုင်းဒေသကြီး ဟုမ္မလင်းမြို့နယ်ထဲမှာ မကြာသေးခင်က ပြန်လည်ဖွင့်ပေးထားတဲ့ မုံရွာ–ဟုမ္မလင်းရေကြောင်းလမ်းသွားလာခွင့်ကို ထပ်ပိတ်လိုက်ပြီလို့ ဒေသခံတွေဆီကနေ သိရပါတယ်။ စစ်ရေးအခြေနေအရ တစ်နှစ်နီးပါးပိတ်ထားတဲ့ မုံရွာ– ဟုမ္မလင်းရေကြောင်းလမ်းကို ပြီးခဲ့တဲ့ ဖေဖော်ဝါရီ လ ၁၀ ရက်နေ့ ပြန်ဖွင့်ပေးခဲ့ပေမယ့် ဖေဖော်ဝါရီလ ၂၈ ရက်နေ့ စစ်တပ်နဲ့ SNA ပူးပေါင်းတပ်က ဟုမ္မလင်းမြို့နယ် ရွှေပြည်အေးမြို့ဘက်ကို စစ်ရေးလှုပ်ရှားမှုတွေရှိလာတဲ့တွက် ပြန်ပိတ်လိုက်တာလို့ အသက် ၄၀ ကျော်အရွယ် ဟုမ္မလင်းမြို့ခံအမျိုးသမီးတစ်ဦးက KNG ကိုပြောပါတယ်။ “ပြန်ဖွင့်တာဖြင့်မကြာသေးဘူးလေ အဲ့တာပြီးခဲ့တဲ့လေးရက်နေ့လောက်က SNAနဲ့ စကစ(စစ်ကောင်စီတပ်) တွေပေါင်းပြီး ရွှေပြည်အေးမြို့ဘက်ကိုစစ်ကြောင်းထိုးသွားတာ အင်အားအလုံးအရင်းနဲ့အဲ့ကြောင့် PDF တွေဘက်က ရေကြောင်းကိုပြန်ပိတ်လိုက်တာ”လို့ ဟုမ္မလင်းမြို့ခံ အမျိုးသမီးတစ်ဦး ကပြောပါတယ်။ မုံရွာ– ဟုမ္မလင်းရေကြောင်းလမ်းဟာ ဟုမ္မလင်းမြို့နယ်နဲ့ ခန္တီးမြို့နယ်အတွက် ကုန်စည်တွေတင်သွင်းရာမှာ အရေးပါရေလမ်းကြောင်းဖြစ်သလို စစ်ကောင်စီပူးပေါင်းတပ်အတွက်လည်း စစ်အင်အား၊လက်နက်ခဲယမ်း၊စားနပ်ရိက္ခာတွေ သယ်ယူဖို့အရေးပါတဲ့ရေလမ်းကြောင်းဖြစ်တယ်လို့ သူကဆက်ပြောပါတယ်။ ဒါပေမယ့် ဟုမ္မလင်းမြို့နယ်ထဲက ရွှေပြည်အေးမြို့ကို ဟုမ္မလင်း PDF ပူးပေါင်းတပ်က၂၀၂၃ ခုနှစ် နိုဝင်ဘာလမှာ သိမ်းပိုက်ပြီးနောက် ၃ လအကြာ ၂၀၂၄ ခုနှစ် မတ်လမှာ ရေကြောင်းသွားခွ့င်ကို ရွှေပြည်အေးမြို့ကနေ ထိန်းချုပ်လိုက်ပြီး ၁၁ လအကြာ ၂၀၂၅ ခုနှစ် ဖေဖော်ဝါရီလ ၁၀ ရက်နေ့ ပြန်ဖွင့်ထားတာဖြစ်ပါတယ်။ ဒေသခံတွေပြောဆိုချက်အရ ဖေဖော်ဝါရီလ ၂၈ ရက်နေ့ ရွှေပြည်အေးဘက် စစ်ကြောင်းထိုး၊ စစ်ရေးလှုပ်ရှားသွားတဲ့ ရှမ်းနီအမျိုးသားများတပ်မတော် (SNA) နဲ့စစ်ကောင်စီပူးပေါင်းတပ်စစ်ကြောင်း အင်အား ၂၀၀ ဝန်းကျင်ခန့်ရှိတယ်လို့သိရပြီး ရွှေပြည်အေးအထိရောက်မလာပဲ လမ်းခုလတ်ကနေ ပြန်ခေါက်သွားပြီလို့ သိရပါတယ်။ စစ်ကောင်စီပူးပေါင်းတပ်တို့ စစ်ကြောင်းပြန်ဆုတ်သွားပေမယ့် စစ်ရေးအခြေနေအရ စိုးရိမ်ရသေးတာကြောင့် မုံရွာ–ဟုမ္မလင်းရေကြောင်းလမ်းကို ဟုမ္မလင်းPDF တပ်ပေါင်းစုက ဒီနေ့ထိပိတ်ထားဆဲဖြစ်တယ်လို့ သိရပါတယ်။ “အဲ့စစ်ကြောင်းထိုးသွားတဲ့အဖွဲ့က မနေ့က ဟုမ္မလင်းကို ပြန်ရောက်လာတယ် အခြေအနေသွားကြည့်တာလို့ပြောကြတယ်။ ရွှေပြည်အေးမြို့ထဲ အထိတော့မရောက်လာဘူးတဲ့မြို့ မြို့ထဲထိရောက်လာရင်တော့တိုက်ပွဲဖြစ်မှာ ပြန်လှည့်လာကြတယ် အခုအခြေနေစောင့်ကြည့်နေတယ် ပြန်ဖွင့်တာမကြားသေးဘူး”လို့ ဟုမ္မလင်းမြို့ခံ အမျိုးသမီးကဆက်ပြောပါတယ်။ ခုလို မုံရွာ–ဟုမ္မလင်းရေကြောင်းလမ်းပိတ်လိုက်ပြီးနောက်ပိုင်း ဟုမ္မလင်းမြို့နယ်နဲ့ခန္တီးမြို့နယ်တွေအတွက် အခြေခံစားသောက်ကုန်၊လူသုံးကုန်၊ ဆေးဝါးတွေကိုလေကြောင်းကနေပဲ တင်သွင်းရတာဖြစ်လို့ ကုန်စျေးနှုန်းတွေလည်းအဆမတန်စျေးမြင့် တက်ခဲ့ပါတယ်။ ဟုမ္မလင်းမြို့ရဲ့တောင်ဘက် မိုင် ၂၀ ခန့်အကွာ ချင်းတွင်းမြစ်အရှေ့ဘက်မှာရှိတဲ့ စစ်ကောင်စီတပ်အတွက်ရေကြောင်းအသုံးပြုရာမှုအရေးပါတဲ့ ရွှေပြည်အေးမြို့ကို ဟုမ္မလင်း HPDF, HPDF 124, HPDF (မိုးကြိုး) နဲ့အခြားမဟာမိတ်တပ်ပေါင်းစုတွေက ၂၀၂၃ ခုနှစ် နိုဝင်ဘာ ၂၂ ရက်နေ့ သိမ်းပိုက်ခဲ့တာဖြစ်ပါတယ်။ By – Zaw Zaw
Read More »
