ဗန်းမော်ခရိုင်
-
Dec- 2024 -6 Decemberသတင်း
ဗန်းမော်၊ မံစီ တိုက်ပွဲ ပြင်းထန်နေဆဲဖြစ်ပြီး စစ်တပ်ကလေကြောင်းနဲ့အပြင်းအထန်ခုခံနေ
“လေယာဉ်လာတာတော့ ၅ ရက်နေ့ကနေ လေယာဥ်စလာတယ် ဗုံးချသံလည်း ကြားရတယ် စုစုပေါင်း ၁၅ ကြိမ်အထက်တော့ လာသွားပြီ မံစီနဲ့ဗန်းမော် လှည့်ပတ်ချနေတယ်”လို့ပြောပါတယ်။
Read More » -
May- 2024 -24 Mayသတင်း
မြေမြုပ်မိုင်းကြောင့် နေရပ်ပြန်ဖို့ခက်ခဲနေကြတဲ့ နမ့်လင်းပါပြည်သူများ
ဆယ်စုနှစ်တစ်စုကြာ စစ်ရှောင်နေကြရတဲ့ ဗန်းမော်ခရိုင် မံစီမြို့နယ် နန်လင်းပါကျေးရွာဒေသခံပြည်သူတွေဟာ နေရပ်ပြန်ဖို့ပြင်ဆင်နေကြပြီဖြစ်ပေမယ့် စစ်ကြွင်းစစ်ကျန်မြေမြုပ်မိုင်းအန္တရယ်စိုးရိမ်နေရဆဲဖြစ်တာကြောင့် အခက်အခဲတွေရှိနေတယ်လို့ နန့်လင်းပါ ဒေသခံတွေက ပြောပါတယ်။ နန့်လင်းပါကျေးရွာက ဒေသခံပြည်သူတွေဟာ ကချင်လွတ်လပ်ရေးတပ်မတော် နဲ့ စစ်ကောင်စီတပ်တို့ရဲ့ ၂၀၁၁ တစ်ကြော့ပြန်တိုက်ပွဲကြောင့် ဗန်းမော်မြို့ ရောဘတ်စစ်ရှောင်စခန်း၊ ထွယ်ဆန်စစ်ရှောင်စခန်းနဲ့ တစ်ခြားနီးစပ်တဲ့ စစ်ရှောင်စခန်းတွေမှာ ဆယ်စုနှစ်တစ်စုကျော်အကြာ ထွက်ပြေးတိမ်းရှောင်နေခဲ့တာဘဲ ဖြစ်ပါတယ်။ လက်ရှိ နန့်လင်းပါကျေးရွာကို KIA ဘက်က ထိန်းချုပ်ထားနိုင်ပေမယ့်လည်း နယ်မြေရှင်းလင်းရေးနဲ့ ပြန်လည်ထူထောင်ရေးလုပ်ငန်းစဉ်တွေကို သေချာမလုပ်ရသေးတဲ့အတွက် ဒေသခံတွေအနေနဲ့ နေရပ်ပြန်ပြီးနေထိုင်ဖို့ အခက်တွေ့နေကြတာဖြစ်တယ်လို့ နန့်လင်းပါ ဒေသခံ အမျိုးသား တစ်ဦးက ခုလိုပြောပါတယ်။ “အဲဘက်မှာက မြေမြုပ်မှိုင်းကနေရာအနှံ့ ထောင်ထားတော့ မြေတူးကားတွေနဲ့ သေချာမယူလိုက်နိုင်ရင်တော့ အိမ်မပြန်ရဲသေးဘူး မြေတူးကားတွေနဲ့ လုပ်တာတောင် ကားဘီးတွေ မှိုင်းထိပြီးပေါက်သွားတာတွေလည်းရှိတယ်”လို့ဆိုပါတယ်။ နမ်လင်းပါကျေးရွာရဲ့ အရှေ့ဘက်တောင်မှာ စစ်အင်အား ၄၀ ဝန်းကျင်ရှိတဲ့ စစ်ကောင်စီတပ်စခန်းရှိခဲ့ပေမယ့်လည်း ၂၀၂၄ မတ်လလောက်ကနေ ဆုတ်ခွာသွားကြတာဖြစ်တယ်လို့ ဒေသခံတွေကပြောပါတယ်။ ဒါကြောင့် လက်ရှိမှာတော့ နမ့်လင်းပါရွာကို KIA တပ်က ထိန်းချုပ်ထားပြီဖြစ်ပြီး မိုင်းအန္တရယ်လည်း ရှင်းပေးကြဖို့ ဒေသခံတွေက လိုလားနေကြပါတယ်။ နမ်လင်းပါကျေးရွာမှာ ၂၀၁၁ လောက်က အိမ်ခြေ ၃၉၀ ကျော်ရှိခဲ့ပေမယ့်လည်း မနှစ်ကတောမီးလောင်ချိန် ဆွေးမြေ့နေတဲ့အိမ်တွေမီးလောင်သွားတာကြောင့ အိမ်ခြေ ၃၀ လောက်သာကျန်ရှိတော့တယ်လို့ ဒေသခံတွေဆီကနေ သိရပါတယ်။ ခုလို နေအိမ်အဆောက်အအုံအခက်အခဲ၊ မြေမြုပ်မှိုင်းဗုံးအန္တရာယ်တွေနဲ့ စားဝတ်နေရေးဖြေရှင်းဖို့ အခက်အခဲတွေကြောင့် ဒေသခံတွေအနေနဲ့ နေရပ်ပြန်ဖို့ပြင်ဆင်နေပေမယ့် အခက်ခဲမျိုးစုံဖြစ်နေတယ်လို့ ဒေသခံ အမျိုးသမီးတစ်ဦးကလည်း အခုလိုပြောပါတယ်။ “ကျွန်မတို့က စစ်မဖြစ်ခင်တုန်းကတော့ ခြံတွေလုပ်တယ် စိုက်ပျိုးရေးတွေပေါ့။ အခုကြတော့ ကျွန်မတို့ လင်မယားလည်း အသက်ကြီးသွားတော့ မလုပ်နိုင်တော့ဘူး။ အစစအရာရာခက်ခဲတယ် စားဖို့ရော၊ မိုင်းတွေရော ရှိသေးတယ်လေ”လို့ သူမက ပြောပါတယ်။…
Read More » -
13 Mayသတင်း
မံစီမြို့မရဲစခန်း KIA ပူးပေါင်းတပ် ဒုတိယအကြိမ်သိမ်းပိုက်
“ပထမတစ်ကြိမ်သိမ်းထားပြီးပြီလေ။ အဲ့တာလေကြောင်းနဲ့နေ့တိုင်းလိုလာပစ်နေတော့ ဒီဘက်ကခနဆုတ်ထားတာ။ အဲ့တာ ရဲနဲ့စစ်သားတွေကပြန်လာထိုင်တယ်ဆိုလို့ ဒီမနက်ပြန်ပြီးသိမ်းယူလိုက်တာ စဝင်တာကတော့မနက် ၁၀ နာရီလောက်ကဝင်နေပြီ အခုညပိုင်းမှပဲထိန်းချုပ်လိုက်နိုင်တာ”လို့ အထက်ပါအမျိုးသားကပြောပါတယ်။
Read More » -
7 Mayသတင်း
မိုးမောက် နဲ့ မံစီ မြို့မှာရှိတဲ့ ရဲစခန်းတွေကို KIA သိမ်းပိုက်ထားနိုင်ပြီး စစ်တပ်စခန်းတွေကို ထိုးစစ်ဆင်တိုက်ခိုက်နေဆဲ
ဗန်းမော်ခရိုင် ၊ မြို့တွင်းတိုက်ပွဲဖြစ်ပွားနေတဲ့ မိုးမောက်နဲ့ မံစီမြို့ပေါ် ၂ ခုက ရဲစခန်းနေရာတွေကို KIA ပူးပေါင်းတပ် သိမ်းပိုက်ထားနိုင်ပြီး စစ်တပ်စခန်းတွေကို သိမ်းပိုက်နိုင်ဖို့ရန်အတွက် ထိုးစစ်ဆင်တိုက်ခိုက်နေတာကြောင့် တိုက်ပွဲပြင်းထန်နေဆဲဖြစ်တယ်လို့ သိရပါတယ်။ မိုးမောက်မြို့တွင်းရဲစခန်းအပြင် မြို့ပေါ်ရပ်ကွက် ၂ ခုကို KIA…
Read More » -
2 Mayသတင်း
မံစီမြို့ပေါ်နဲ့ အနီးဝန်းကျင်ရွာက ပြည်သူတွေကို အရေးပေါ်ပြောင်းရွေ့ခိုင်း
ကချင်ပြည်နယ် ဗန်းမော်ခရိုင် မံစီမြို့ဒေသခံတွေနဲ့ မြို့နဲ့နီးတဲ့ ကျေးရွာနေပြည်သူတွေကို ကချင်လွတ်လပ်ရေးတပ်မတော် KIA နဲ့ စစ်ကောင်စီတပ် နှစ်ဖက်တပ်က အရေးပေါ်ပြောင်းရွေ့ခိုင်းထားတယ်လို့သိရပါတယ်။ မံစီမြို့ပေါ်က ဒေသခံပြည်သူတွေနဲ့ မြို့နဲ့နီးတဲ့ကျေးရွာတွေဖြစ်တဲ့ စံလွန်ယန်အပါအဝင် ရွာတစ်ချို့ကပြည်သူတွေကို လက်နက်ကိုင်နှစ်ဖက်တပ်က ဧပြီ ၁ ရက်နေ့ကစပြီး အရေးပေါ်ပြောင်းရွေ့ခိုင်းထားတာကြောင့်…
Read More » -
Apr- 2024 -22 Aprilသတင်း
စိန်လုံတောင် (Sinlum Bum) တစ်ကြော ဒေသခံတွေ ပိုင်ဆိုင်တဲ့စိုက်ပျိုးမြေမှာ မြေရှားမတူးဖို့ ကန့်ကွက်
ဗန်းမော်ခရိုင် မိုးမောက်မြို့ နဲ့ လွယ်ဂျယ်မြို့ကြား စိန်လုံတောင်တစ်ကြော ဒေသခံတွေပိုင်ဆိုင်တဲ့စိုက်ပျိုးမြေမှာ မြေသတ္တုတူးဖော်မည့် စီမံကိန်းကို ဒေသခံတွေ ဆက်လက် ကန့်ကွက်နေတယ်လို့ သိရပါတယ်။ စိန်လုံတောင်အနီး ဗျဲန်ဝိုင်ကျေးရွာမှာ တိုက်ပွဲဖြစ်ပွားခဲ့စဉ်ကလည်း ကျေးရွာဒေသခံတွေကို ၎င်းတို့လုပ်ငန်းခွင်ထဲ သွားလာခွင့်ပိတ်ပင်ခဲ့ပြီး KIA ကတော့ မြေရှားသတ္တု ဆက်လက်တူးဖော်ခဲ့တယ်လို့ ဒေသခံတွေ ပြောပါတယ်။ “ဗျဲန်ဝိုင်မှာ တိုက်ပွဲဖြစ်ပေမဲ့…
Read More » -
5 Aprilသတင်း
ကျောက်စခန်းရွာမှာ ပိတ်မိနေတဲ့ ပြည်သူများလွတ်မြောက်လာ
ဗန်းမော်ခရိုင် မိုးမောက်မြို့နယ် ကျောက်စခန်းရွာနီး ကချင်လွတ်လပ်ရေးတပ်မတော် KIA ပူးပေါင်းတပ်နဲ့စစ်တပ်တို့အကြားတိုက်ပွဲမှာ ပိတ်မိနေတဲ့ပြည်သူတွေ ဒီနေ့မနက်မှာလွတ်မြောက်လာပြီဖြစ်တယ်လို့ လွတ်မြောက်လာတဲ့ ဒေသခံပြည်သူတွေဆီကနေ သိရပါတယ်။ ဧပြီလ ၄ ရက်နေ့ မနေ့ကစပြီး ကျောက်စခန်းရွာနားမှာ နှစ်ဖက်တိုက်ပွဲပြင်းထန်နေပြီး စစ်တပ်ဘက်က မိုးမောက်ဘက်ကနေလက်နက်ကြီးပစ်ကူနေတဲ့အပြင် လေကြောင်းနဲ့ပါပစ်ခတ်ခဲ့အတွက် သက်ကြီးရွယ်အိုနဲ့ကလေးသူငယ်များ ဒေသခံပြည်သူတွေဟာ တစ်ရက်လုံးရွာထဲမှာပိတ်မိနေခဲ့ကြတာဖြစ်ပါတယ်။ ဒါပေမယ့် ဧပြီလ ၅ ရက်နေ့ ဒီမနက်မှာတော့ မိုးလင်းတာနဲ့တစ်ပြိုင်နက် ကျောက်စခန်းရွာ( ခဝမ်ဘန်)မှာ ရှိတဲ့ပြည်သူတွေအားလုံး မိုးမောက်၊ နီးစပ်ရာဘုန်းကြီးကျောင်းနဲ့ ဆွေမျိုးတွေအိမ်ကိုတိမ်းရှောင်နိုင်ခဲ့ကြတယ်လို့ ကျောက်စခန်းရွာကဒေသခံ အမျိုးသမီးတစ်ဦးက ခုလိုပြောပါတယ်။ “အခုလိုဖြစ်ရပ်မျိုးတစ်ခေါက်မှမကြံဖူးဘူး ဒီမနက်ထွက်လို့ရတဲ့ အချိန်တစ်ခါတည်းထွက်လာခဲ့တော့ အဝတ်တစ်ထည်ကိုယ်တစ်ခုနဲ့ဘဲ မှတ်ပုံတင်တောင်မယူနိုင်ခဲ့ဘူး ခုတော့ ဆွေမျိုးအိမ်မှာသူတို့ကျွေးတာစားပြီးနေနေတာပေါ့”လို့ပြောပါတယ်။ ရွာသားတွေထွက်ခွာသွားပြီးနောက် ဒီမနက် ၉ ခွဲဝန်းကျင်လောက်မှာတော့ စစ်ကောင်စီဘက်ကလေယာဉ်နဲ့ ပြန်ပြီး ဗုံးကြဲတိုက်ခိုက်ခဲ့တယ်လို့ ထွက်ပြေးတိမ်းရှောင်ဖို့ပြင်ဆင်နေတဲ့ ပြည်သူ ၃ ဦးထိခိုက်ဒဏ်ရာရရှိခဲ့ကြတယ်လို့ ဒေသခံတစ်ဦးကခုလိုပြောပြပါတယ်။ “သုံးယောက်တော့ ထိတယ် မှိုင်းထိလား သေနတ်ထိလားတော့မသိဘူး ကလေးတစ်ယောက်က လက်မှာ မှိုင်းစထိတယ် နောက်နှစ်ယောက်ကတော့ ခြေထောက်မှာထိတယ်”လို့ဆိုပါတယ်။ ကျောက်စခန်းရွာမှာ စစ်ကောင်စီတပ်နဲ့ KIA ပူးပေါင်းတပ်တို့ နှစ်ဖက်တိုက်ပွဲအတွင်း လက်နက်ကြီးကျရောက်ပေါက်ကွဲတာအပြင် လေကြောင်းနဲ့ဗုံးကြဲတိုက်ခိုက်တာကြောင့် ရွာထဲကနေအိမ်တော်တော်များများလည်း ပျက်စီးသွားခဲ့တယ်လို့ ဒေသခံတွေကပြောပါတယ်။ မိုးမောက်မြို့နဲ့ ၅ မိုင်လောက်အကွာမှာရှိတဲ့ ကျောက်စခန်းရွာဆုတောင်းကုန်းပေါ်မှာတပ်ချထားတဲ့ တပ်စခန်းကို KIA တပ်တွေက မတ်လ ၂ ရက်နေ့ ၆ နာရီလောက်မှာ ထိုးစစ်ဆင်ပြီးတိုက်ခိုက်သိမ်းပိုက်နိုင်ခဲ့ပေမယ့် ရွာနီးမှာတော့တိုက်ပွဲပြင်းထန်နေဆဲဖြစ်တယ်လို့ ဒေသခံတွေကပြောပါတယ်။ ကျောက်စခန်းရွာဟာ အိမ်ခြေ ၁၆၀ရှိတဲ့ ရွာလေးတစ်ရွာဖြစ်ပြီး လူဦးရေအားဖြင့် ၇၀၀ ဝန်းကျင်ရှိတာဖြစ်တယ်လို့ ကျောက်စခန်းရွာ ဒေသခံတစ်ဦးဆီကနေ သိရပါတယ်။ By – Hope
Read More » -
Feb- 2024 -8 Februaryသတင်း
မံစီမြို့နယ် ကောင်လွင်မှာ ဘိန်းမဲ ၁ပိဿာ ၅၀ ကျပ်သားနဲ့ ငွေကျပ်သိန်းတစ်ရာကျော် ဖမ်းဆီးရမိ
ကချင်ပြည်နယ်၊ ဗန်းမော်ခရိုင်၊ မံစီမြို့နယ်၊ ကောင်လွင်ရွာမှာ ဘိန်းမဲ၁ ပိဿာ ၂၅ကျပ်သားနဲ့ ငွေသားသိန်းတစ်ရာကျော်ဖမ်းဆီးသိမ်းဆည်းခဲ့ရတယ်လို့ ကောင်လွင်ဒေသအခြေစိုက် လူထုမူးယစ်ဆေးဝါးတိုက်ဖြတ်ရေး တာဝန်ခံတွေဆီကနေသိရပါတယ်။ ဖြစ်စဉ်မှာ ဖေဖော်ဝါရီလ ၇ ရက်နေ့ မနေက နေ့လည် ၁၀နာရီဝန်းကျင်အချိန် ကောင်လွင်ဒေသ၊ လောခိုင်ရွှေမော် မှာ မူးယစ်ဆေးဝါးရောင်းဝယ်နေတာကို သတင်းရပြီးသွားရောက်ချိန် ဘိန်းအရောင်းအဝယ်လုပ်နေတဲ့အသက် ၆၀ကျော်အရွယ် အမျိုးသားတစ်ဦးနဲ့ အသက် ၄၀ကျော်အရွယ် အမျိုးသမီး ကိုဖမ်းဆီးခဲ့ပြီးသူတို့နဲ့ အတူငွေသား သိန်းတစ်ရာကျော်နဲ့ ဘိန်းမဲ တစ်ပိဿာနဲ့ ၅၀ကျပ်သားကို ဖမ်းဆီးရမိခဲ့တယ်လို့ ကောင်လွင်ဒေသအခြေစိုက် လူထုမူးယစ်ဆေးဝါးတိုက်ဖြတ်ရေး တာဝန်ခံတစ်ဦးက ပြောပါတယ်။ “သတင်းပေးတဲ့ သူဆီကနေသတင်းရလို့ သွားတဲ့ချိန် အိမ်မှာရောင်းဝယ်နေတော့ သက်သေနဲ့တကွလက်ပူးလက်ကြပ်ဖမ်းမိခဲ့တာပေါ့”လို့ပြောပါတယ်။ ဒါအပြင် ဖမ်းဆီးရမိတဲ့ လူနှစ်ယောက်ဟာ ကောင်လွင်ဒေသထဲက လောခိုင်၊ ပန်တိုင်း နဲ့ ဆလပ်စတဲ့ရွှေမှော်တွေမှာ မူးယစ်ဆေးဝါး ဖြန့်ဖြူးနေတဲ့ သူတွေ ဖြစ်တယ်လို့ ကောင်လွင်ဒေသလူထုမူးယစ်ဆေးဝါးတိုက်ဖြတ်ရေးတာဝန်ခံက ဆက်ပြောပါတယ်။ “သူတို့နှစ်ယောက်က ရွှေမှော်တွေမှာဖြန့်တာ လောခိုင်၊ပန်တိုင်းနဲ့ ဆလပ်စတဲ့ ရွှေမှော်တွေမှာ က လူစုံတယ်လေ အဲမှာဖြန့်တာပေါ့”လို့ သူကပြောပါတယ်။ လက်ရှိဖမ်းဆီးရမိတဲ့ လူနှစ်ယောက်ကိုတော့ သက်ဆိုင်ရာ ကေအိုင်အို KIO ထိန်းချုပ်မှုအောက်က တရားရုံးကို ပို့ဆောင်ပေးထားတာဖြစ်ပြီး တရားစွဆိုမှာဖြစ်တယ်လို့ သိရပါတယ်။ ကောင်လွင်မှာ ပြီးခဲ့တဲ့ ၂၀၂၃၊ နိုဝင်ဘာ ၃ရက်နေ့က ငွေကျပ်တန်ဖိုး သိန်း၂၀ ကျပ်ရှိတဲ့ မူးယစ်ဆေးဝါးတွေနဲ့ ရောင်းဝယ်ဖောက်ကားမှုတွေ ပြုလုပ်နေတဲ့ လူ ၄ ဦးကို ဖမ်းဆီးရမိခဲ့ပြီး ကောင်လွင်ဒေသလူထုမူးယစ်ဆေးဝါးးတိုက်ဖြတ်ရေးအဖွဲ့က သက်ဆိုင်ရာ ကေအိုင်အို ထိန်းချုပ်မှုအောက်ကတရားရုံးကိုလွဲအပ်ခဲ့ပေမယ့်လည်း ပိုက်ဆံပေးပြီး ပြန်လည်ရွေးယူသွားခဲ့တယ်လို့တာဝန်ခံတွေဆီကနေ သိရပါတယ်။ ကောင်လွင်ဒေသ လောခိုင်ရွှေမှော်ဟာ အိမ်ခြေ ၁၅၀ကျော်ရှိပြီး အနယ်နယ်အရပ်ရပ်က တိုင်းရင်းသားလူမျိုးတွေလည်း ရွှေမှော်မှာ လာရောက်အလုပ်လုပ်နေကြတဲ့ နေရာ တစ်ခုလည်းဖြစ်ပါတယ်။ ကောင်လွင်ကျေးရွာကတော့ ဗန်းမော်ခရိုင် မံစီမြို့ နယ်မှာလည်းပါဝင်ပြီး ကချင်ပြည်နယ်နဲ့ရှမ်းပြည်နယ် အစပ်နားမှာတည်ရှိကာ ကေအိုင်အေ KIA တပ်ရင်း ၁၂ နယ်မြေလည်းဖြစ်ပါတယ်။ အာဏာသိမ်းပြီးနောက်ပိုင်း တရားဥပဒေစိုးမိုးမှုမရှိတော့တဲ့ မြန်မာနိုင်ငံဟာ ဘိန်းစိုက်ထုတ်မှု အများဆုံး ရှမ်းပြည်နယ်ဖြစ်ပြီး တစ်နိုင်ငံလုံးက စိုက်ပျိုးမှုနှုန်း ၈၈ ရာခိုင်နှုန်းက ရှမ်းပြည်နယ်က ဖြစ်တယ်လို့ UNODE မှာဖော်ပြထားပါတယ်။ အဲဒီထဲမှာတော့ ကချင်နဲ့ချင်းပြည်နယ်တို့က အများဆုံးစိုက်ပျိုးပြီး UNODC ရဲ့ ၂၀၂၃ ဒီဇင်ဘာ ၁၂ရက်နေ့ရဲ့ ထုတ်ပြန်ချက်မှာတော့ မြန်မာနိုင်ငံက ကမ္ဘာပေါ်မှာ ဘိန်းစိုက်ပျိုးမှုအများဆုံးနိုင်ငံဖြစ်တယ်လို့ထုတ်ပြန်ထားပါတယ်။ By – Hope
Read More » -
Jan- 2024 -19 Januaryသတင်း
မံစီမြို့နယ် စစ်ကောင်စီတပ်စခန်းတစ်ခုကို KIA တိုက်ခိုက်သိမ်းပိုက်
ကချင်ပြည်နယ် ဗန်းမော်ခရိုင် မံစီမြို့နယ် မန်ဝန်းကြီးအနီး ဂေါက်ငူယန်မှာရှိတဲ့ စစ်တပ်စခန်းတစ်ခုကို ကချင်လွတ်လပ်ရေးတပ်မတော် KIA နဲ့ မဟာမိတ်ပူးပေါင်းတပ်တွေက တိုက်ခိုက်သိမ်းပိုက်ရရှိခဲ့တယ်လို့ အမည်မဖော်လိုတဲ့ ရှေ့တန်းသတင်းရင်းမြစ်တွေဆီကနေ သိရပါတယ်။ အဲဒီတပ်စခန်းဟာ ခမရ ၄၂၄ တပ်ရင်းအောက်မှာရှိစခန်းဖြစ်ပြီး ဇန်နဝါရီလ ၁၉ရက်နေ့ ဒီမနက် ၈နာရီဝန်းကျင်လောက်က စတင်တိုက်ခိုက်ခဲ့ရာကနေ နေ့လည် ၁၁ နာရီဝန်းကျင်လောက်မှာ သိမ်းပိုက်ရရှိခဲ့တာဖြစ်တယ်လို့ ဒေသခံအမျိုးသမီးတစ်ဦးက ခုလိုပြောပါတယ်။ “အသံကတော့ အမြဲကြားနေရတာတော့ ဟုတ်တော့ ဒီမနက်က ပိုဆိုးတာပေါ့ စစ်ဖြစ်နေတဲ့ အချိန်ဆိုဖုန်းလိုင်းတွေလည်း ဆက်လို့မရတော့ဘူး ပြီးတော့ နေ့လည်လောက်မှာကသိမ်းနိုင်ပြီကြားတယ်”လို့ ဆိုပါတယ်။ KIA နဲ့မဟာမိတ်ပူးပေါင်းတပ်တို့် သိမ်းပိုက်ရရှိထားတဲ့ တပ်စခန်းမှာတော့ စစ်အင်အား ၁၀၀ ဝန်းကျင်လောက်ရှိတာဖြစ်ပြီး KIA တပ်မဟာ ၃ အောက်မှာရှိတဲ့ တပ်ရင်း ၁၊ တပ်ရင်း ၁၂နဲ့ တပ်ရင်း ၂၇ တို့ပူးပေါင်းတိုက်ခိုက်ခဲ့ပြီး စစ်တပ်ဘက်ကထိခိုက်ကျဆုံးသူများခဲ့တဲ့အပြင် စစ်သုံ့ပန်းတစ်ချို့နဲ့လက်နက်ခဲယမ်းအားလုံးကိုလည်း သိမ်းပိုက်ရရှိခဲ့တယ်လို့ အမည်မဖော်လိုတဲ့သတင်းရင်းမြစ်တစ်ဦးက ပြောပါတယ်။ “သိမ်းလိုက်နိုင်တာတော့ သေချာတယ် ဟုတ်တယ် သုံ့ပန်းအချို့လည်းဖမ်းမိတယ် အသေးစိတ်တော့ ပြောပြလိုတော့ မရသေးဘူး”လို့ သူကပြောပါတယ်။ KIA တပ်ရင်း ၂၇ ဘက်က ဖမ်းဆီးရမိထားတဲ့ စစ်သုံ့ပန်းဦးရေ တိတိကျကျပြောဆိုထားတာမရှိပေမယ့် ရှေ့တန်းသတင်းရင်းမြစ်ရဲ့ပြောဆိုချက်အရ စစ်သုံ့ပန်း ၂၀ ထက်မနည်းဖမ်းဆီးရမိထားတယ်လို့ ဆိုပါတယ်။ လက်ရှိ ကချင်ပြည်နယ် မံစီမြို့နယ်အပါအဝင် မံစီမြို့နဲ့ အစပ်ဖြစ်တဲ့ ရှမ်းမြောက် မိုးမိတ်မြို့မှာလည်း KIA,PDF တပ်တွေက မြို့သိမ်းတိုက်ပွဲဆင်နွှဲနေသလို ဖားကန့်မြို့ ဝှေခါမှာလည်း တိုက်ပွဲပြင်းထန်နေတာဖြစ်ပါတယ်။ By – Hope
Read More » -
9 Januaryသတင်း
စီအူကျေးရွာမှာ စစ်တပ်ကလေယာဉ်နဲ့ဗုံးကျဲ၊ ဒေသခံအမျိုးသမီး ၂ ဦးကျည်ထိမှန်
ကချင်ပြည်နယ် ဗန်းမော်ခရိုင် မံစီမြို့နယ် စီအူကျေးရွာက မင်္ဂလာဆောင်ပွဲတစ်ခုမှာ စစ်ကောင်စီတပ်ကလေယာဉ်နဲ့လာရောက်ဗုံးကျဲသွားတယ်လို့ ဒေသခံတွေက ပြောပါတယ်။ ဇန်နဝါရီလ ၉ ရက်နေ့ ဒီကနေ့မနက် ၁၀ နာရီလောက်အချိန် စီအူကျေးရွာမှာရှိတဲ့ ဘုန်းကြီးကျောင်းဘေးနားက ခန်းမဆောင်တစ်ခုမှာ မင်္ဂလာပွဲတစ်ပွဲကျင်းပနေတဲ့ချိန် ဗုံးကျဲသွားတာဖြစ်တယ်လို့ ဒေသခံတစ်ဦးက…
Read More »
