ရုပ်အလောင်း
-
Dec- 2024 -17 Decemberသတင်း
ဝင်ခွင့်ပိတ်ထားတဲ့ ဖားကန့် မြေစာပုံပြိုကျတဲ့နေရာမှာ ရုပ်အလောင်း ၂ လောင်းပေါ်လာ
ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု၊ မှော်စီဆာကျေးရွာ မြေစာပုံပြိုကျပြီးနောက် ဝင်ခွင့်ပိတ်ခံထားရတဲ့နေရာမှာ ရုပ်အလောင်း ၂ လောင်းပေါ်လာတယ်လို့ ကုမ္မဏီနဲ့နီးစပ်သူတွေဆီကနေ သိရပါတယ်။ ပြီးခဲ့တဲ့ နိုဝင်ဘာလ ၁၀ ရက်နေ့ ည ၁၂ နာရီဝန်းကျင် မှော်စီဆာကျေးရွာမှာရှိတဲ့ တင်အောင်ကြိုင်လုပ်ကွက်ဟောင်းတွင်း မြေစာပုံပြိုကျမှုဖြစ်ပွားခဲ့ပြီး ရေမဆေးသမားတစ်ချို့နဲ့ကုမ္မဏီလုပ်သား ၂ ဦးသေဆုံးမှုရှိခဲ့ပေမယ့် ဝင်ရောက်ရှာဖွေခွင့်ပိတ်ထားတာဖြစ်ပါတယ်။ မြေစာပုံပြိုကျမှု ဖြစ်စဉ်တစ်လကြာပြီးနောက် ဒီဇင်ဘာလ ၁၂ ရက်နေ့ ရုပ်လောင်းပေါ်လာတာဖြစ်တယ်လို့ ကုမ္မဏီနဲ့နီးစပ်တဲ့ လုံးခင်းကျေးရွာနေအမျိုးသားတစ်ဦး KNG ကို ပြောပါတယ်။ “ဘယ်သူဘယ်ဝါမှန်းကတော့မသိတော့ဘူးဗျာ။ ရုပ်အလောင်းကပုပ်ပွနေတာဆိုတော့ မနေ့ကစတွေ့တာပဲ မြေစာပြိုတဲ့ချိန်တုန်းက ဘယ်သူမှမရှာကြဘူးလေး ဝင်လို့မရတာ”လို့ သူကပြောပါတယ်။ မြေစာပုံပြိုကျတဲ့ညမှာ မြေသယ်ကားနှစ်စီးနဲ့အတူ ကုမ္မဏီလုပ်သားယာဥ်မောင်းတစ်ဦး၊ယာဥ်နောက်လိုက်တစ်ဦးနဲ့ ရေမဆေးသမားအနည်းဆုံး ၁၀ ဦးခန့်မြေစာပိသွားတာဖြစ်ပါတယ်။ ဒါပေမယ့် ပြီးခဲ့တဲ့ ဒီဇင်ဘာလ ၁၂ ရက်နေ့ ရုပ်အလောင်းနှစ်လောင်းနဲ့ မြေသယ်ကားတစီးပြန်ပေါ်လာတာလို့ ဒေသခံတွေကဆိုပါတယ်။ မြေစာပုံပြိုကျခဲ့တဲ့ ရေကန်ဟာ အနည်းဆုံး ပေ ၁၀၀ ကျော်နက်တာဖြစ်ပြီး လက်ရှိ ကန်ရေကျသွားတာကြောင့် ပြန်ပေါ်လာတာဖြစ်နိုင်တယ်လို့ ဒေသခံတွေကဆိုပါတယ်။ မြေစာပုံပြိုကျစဥ်က အခင်းဖြစ်တဲ့နေရာထဲကို ကယ်ဆယ်ရေးသမားတွေ၊ နာရေးကူညီမှုအသင်းတွေနဲ့အရပ်သားတွေဝင်ခွင့်ကို တစ်ပတ်ကျော်ရှာပိတ်ပင်ခဲ့တာဖြစ်ပါတယ်။ ဖားကန့်မြို့နယ်ဟာ အာဏာသိမ်းပြီးနောက်ပိုင်း အင်တာနက်ရော၊ ဖုန်းလိုင်းပါ ဖြတ်တောက်ခံထားရတဲ့အပြင် ဆိုင်းတောင်တိုက်ပွဲနောက်ပိုင်း ကချင်လွတ်လပ်ရေးတပ်မတော် KIA ဘက်က သတင်းထိန်းချုပ်မှုတွေလည်းရှိနေတဲ့အတွက် သတင်းအတိအကျရရှိဖို့ခက်ခဲတဲ့ဒေသလည်းဖြစ်ပါတယ်။ “ဒီမှာက ဖုန်း၊အင်တာနက်လိုင်းမရတော့ သတင်းလည်းတိတိကျကျရဖို့ခက်တယ်။ ခုအဲဒီအလောင်းကလည်း ပြီးခဲ့တဲ့အပတ် သောကြာနေ့ပေါ်တာလေ။ ကျနော်တို့သိတာက မနေ့ကမှသိရတာ သတင်းတွေလည်း အမြန်သိရဖို့အရမ်းခက်လာတယ်”လို့ နောက်ထပ် မှော်စီဇာဒေသခံအမျိုးသားတစ်ဦး ပြောပါတယ်။ ပြီးခဲ့တဲ့ နှစ်ဆန်းပိုင်း မတ်လအတွင်း စတင်ခဲ့တဲ့ ကချင်လွတ်လပ်ရေးတပ်မတော် KIAရဲ့ ကချင်ပြည်နယ်တစ်ပြည်နယ်လုံးအတိုင်းအတာထိုးစစ်ဆင်တိုက်ပွဲအတွင်း ဖားကန့်မြို့နယ်အတွင်းမှာလည်း နှစ်ဖက်တပ်တွေတိုက်ပွဲတွေအပြင်းအထန်ဖြစ်ခဲ့ကြတာဖြစ်ပါတယ်။ လက်ရှိတော့ ဖားကန့်မြို့နယ် ၇၀ ရာခိုင်နှုန်းကို ကချင်လွတ်လပ်ရေး တပ်မ တော် KIA က နယ်မြေ စိုးမိုးထားပြီး စစ်ကောင်စီရဲ့ဖားကန့်ဗျူဟာကုန်းနဲ့ စစ်ရေးဂိတ်အနည်းအကျဉ်းသာကျန်ရှိတော့တာဖြစ်ပါတယ်။ ဖားကန့်မြို့နယ်မှာ နှစ်စဥ် ကျောက်စိမ်းတူးဖော်တဲ့ကုမ္ပဏီတွေရဲ့ စွန့်ပစ်မြေစာပြိုကျမှုတွေကြောင့် ရေမဆေးသမားသေဆုံးမှုတွေရှိနေပြီး ပြီးခဲ့တဲ့ ၂၀၂၀ ခုနှစ် ဇူလိုင်လ ဖြစ်ပွားခဲ့တဲ့ ဝှေခါရွာမြေပြိုမှုမှာ အရပ်သား ၂၀၀ အထိသေဆုံးခဲ့ပါတယ်။ ဒါ့အပြင် ၂၀၂၄ ဇွန်လအတွင်းမှာတော့ မှော်စီစာကျေးရွာမှာပဲ ကျောက်စိမ်းလုပ်ကွက်တစ်ခု မြေစာပြိုကျခဲ့လို့ ရေမဆေးသမားတစ်ဦးသေဆုံးခဲ့တဲ့ဖြစ်စဉ်တွေ ရှိခဲ့ပါတယ်။ By…
Read More » -
Jun- 2024 -21 Juneသတင်း
ပန်ဝါမြို့ မြေရှားသတ္တုတွင်းလုပ်ကွက် မြေပြိုမှုမှာ အလောင်း ၁၇ လောင်းတွေ့ရှိ
ပန်ဝါမြို့ ကချင်အထူးဒေသ (၁) ဥက္ကဌ ဦးဇခုန်တိန့်ယိန်း သားအဖတို့ရဲ့ မြေရှားသတ္တုတွင်းမြေပြိုမှုမှာ ပါသွားတဲ့ ကုမ္မဏီလုပ်သား ၁၇ ဦးရဲ့ လောင်းတွေ့ရှိထားပြီလို့ ပန်ဝါဒေသခံတွေက ပြောပါတယ်။ ဇွန်လ ၁၉ ရက် ည ၁၂ နာရီဝန်းကျင်မြေပြိုကျခဲ့တဲ့ မြေရှားသတ္တုတွင်းမှာ ရှာဖွေရေးဆက်တိုက်လုပ်နေပြီး ဒီကနေ့ နေ့လည် ၁၂ နာရီအထိ အမျိုးသမီးတစ်ဦးအပါအဝင် လုပ်သား ၁၇ ဦးရဲ့ အလောင်းရှာဖွေတွေ့ရှိထားပြီဖြစ်တယ်လို့ ဒေသခံအမျိုးသားတစ်ဦးက KNG ကို ခုလိုပြောပါတယ်။ “အမျိုးသမီးတစ်ယောက်ပါတယ် နာမည်က ဝါဝါအောင်ဆိုလား နေရပ်ကတော့အတိအကျမသိဘူး။ ကျန်တာကတော့ ယောင်္ကျားတွေဘဲ အညာဘက်က အလုပ်လာလုပ်တဲ့ ဗမာတိုင်းရင်သားတွေနဲ့ ကချင်ပြည်နယ်နမ္မတီးဘက်ကသူတွေ ပါတယ်လို့ ပြောတယ် ခုရှာတွေ့ထားတဲ့ထဲမှာ”လို့ ပြောပါတယ်။ လက်ရှိ သေဆုံးသူတွေရဲ့ ရုပ်အလောင်းတွေ့ရှိထားတဲ့ထဲမှာ ဝါဝါအောင်ဆိုသူ အမျိုးသမီးရဲ့ ရုပ်အလောင်းလည်းပါရှိပြီး အမျိုးသားဖြစ်သူက ဇွန်လ ၂၀ ရက်နေ့မှာ အရှင်လွတ်မြောက်လာခဲ့ပြီးတော့ လက်ရှိ…
Read More » -
Apr- 2024 -5 Aprilသတင်း
မိုးမိတ်မှာ သတ်ဖြတ်ပြီးစွန့်ပစ်ထားတဲ့ ရုပ်အလောင်း ၂ လောင်းတွေ့
ရှမ်းမြောက်နဲ့ ကချင်အစပ် မိုးမိတ်မြို့နယ်မှာ မနေ့က မတ်လ ၄ ရက်နေ့ မနက်ပိုင်းက သတ်ဖြတ်ပြီး စွန့်ပစ် ထားတဲ့ အမျိုးသား၂ယောက်ရုပ်အလောင်းတွေ့ရှိခဲ့တယ်လို့ ဒေသခံတွေဆီကသိရပါတယ်။ အဲ့ဒီအမျိုးသားနှစ်ယောက်ရုပ်အလောင်းကိုတွေ့ရှိချိန်မှာ နှိပ်စက်ဒဏ်ရာတွေနဲ့သေဆုံးနေတာဖြစ်ပြီး မိုးမိတ်မြို့အနောက်ဘက်ခြမ်း နမ့်မိတ်ချောင်းစပ်မှာတွေ့ရှိခဲ့တာလို့ ဒေသခံတစ်ယောက်ကပြောပါတယ်။ “အမျိုးသားနှစ်ယောက်ဗျ တစ်ယောက်ကဝတယ်…
Read More » -
Mar- 2024 -12 Marchသတင်း
မနမှော်နွံကန်ပေါက်ကျမှုမှာ ရုပ်အလောင်းတစ်လောင်းနဲ့ ဒဏ်ရာရ ၄ ဦးတွေ့ရှိ
ကချင်ပြည်နယ် ဖားကန့်မြို့နယ် မနမှော်ထဲကနွံကန်တစ်ခုပေါက်ကျမှု ဖြစ်စဥ်မှာ ရုပ်အလောင်းတစ်လောင်းနဲ့ ဒဏ်ရာရရှိထားသူ ၄ ဦးသာတွေ့ရှိခဲ့ပြီး ဆက်လက်ရှာဖွေဖို့ခက်ခဲနေတယ်လို့ သိရပါတယ်။ ဖားကန့်မြို့အနီး မနမှော်မှာရှိထဲက ပေ ၅၀၀ ဝန်းကျင်လောက် ကျယ်တဲ့ နွမ်ကန်တစ်ခု ဒီကနေ့မနက် ၄နာရီအချိန်မှာပေါက်ကျခဲ့တာဖြစ်ပြီး အဲ့ဒီနွံကန်ပေါက်ကျမှုကြောင့် နွမ်ကန်ရဲ့အောက်မှာ…
Read More » -
4 Marchသတင်း
တန့်ဆည်မှာ အပိုင်းပိုင်းခုတ်ဖြတ် အသတ်ခံထားရတဲ့ ရုပ်အလောင်း ၁၁ လောင်းတွေ့
စစ်ကိုင်းတိုင်း တန့်ဆည်မြို့နယ်မှာ ရပ်ကျေးပြည်သူ့ကာကွယ်ရေးအဖွဲ့ဝင်နဲ့ ရပ်ကျေး ပြည်သူ့အုပ် ချုပ်ရေးအဖွဲ့ဝင်တွေအပါအဝင် အရပ်သား ၁၁ ယောက် အပိုင်းပိုင်းခုတ်ဖြတ်သတ်ဖြတ်ခံထားရတဲ့ ရုပ်အလောင်း ၁၁ လောင်းတွေ့ရှိခဲ့တယ်လို့ ဒေသခံတွေဆီကသိရပါတယ်။ သတ်ဖြတ်ခံရသူတွေဟာ အမျိုးသား ၁၁ ယောက်ဖြစ်ပြီး KNG က ရရှိထားတဲ့ မှတ်တမ်းဓာတ်ပုံတွေအရ သတ်ဖြတ်ခံရသူတွေကို ခြေထောက်၊ လက်နဲ့ ခေါင်းတွေကို အပိုင်းပိုင်းဖြတ်ထားတာ တွေ့ရသလို ဗိုက်ကိုဖောက်အူကိုထုတ်၊ တချို့အလောင်းတွေဆိုရင် အသည်းပါထုတ်ထားတာ တွေ့ရပါတယ်။ အဲ့ဒီသတ်ဖြတ်မှုကိုတော့ ဖေဖော်ဝါရီလ ၁၉ ရက်နေ့ကစ စစ်ကောင်စီလက်အောက်ခံ ခမရ ၇၀၈၊ ခလရ ၁၁ စစ်ကြောင်းနဲ့ ဘုန်းကြီးဝါသဝလက်အောက်ခံ ပျူစောထီးတပ်ဖွဲ့ အင်အား၂၀၀ ကျော်က ရွာစဥ်စစ်ကြောင်းပတ်ထိုးပြီး ကျူးလွန်ခဲ့တာလို့ဒေသခံတွေကပြောပါတယ်။ “၁၁ဦးထဲကမှ ခနောရွာသစ်ကျေးရွာက ရပ်ကျေးပကဖတာဝန် ခံနဲ့ ရပ်ကျေးပအဖတာဝန်ခံ ၂ဦး လုံးကို သတ်ဖြတ်သွားတယ် ကျန်တာတွေက လက်လုပ်လက်စားရိုးရိုးသားသား အရပ်သား ပြည်သူတွေပါဗျာ ရွာတွေထဲနဲ့ ရွာအနီးတဝှိုက်တောစပ်ထဲမှာပဲ သတ်ဖြတ်ခဲ့ကြတယ်”လို့ People’s Defense Comrade တာဝန်ခံ ကိုထူးခန့်ကပြောပါတယ်။ သတ်ဖြတ်ခံရတဲ့ ၁၁ဦးထဲမှာ အချုပ်သား ၂ ယောက်လည်းပါဝင်တယ်လို့ သိရပြီး စစ်ကောင်စီတပ် ရဲ့ ဝါဒဖြန့်တယ်လီဂရမ်ချန်နယ်လ်တွေမှာတော့ PDF ၁၁ ယောက်ကို ဘီလူးကွန်မန်ဒိုစစ်ကြောင်းက သုတ်သင်ရှင်းလင်းလိုက်ပြီလို့ ရေးသားဖော်ပြထားပါတယ်။ သတ်ဖြတ်ခံရသူတွေဟာ ငနုချောင်းအုပ်စု ရပ်ကျေးပြည်သူ့အုပ်ချုပ်ရေးအဖွဲ့ ခေါင်းဆောင် ခံတော ရွာက အသက် ၅၀ အရွယ် ကိုဝင်းနိုင်၊ ခံတော်ရွာသစ်က ပြည်သူ့ကာကွယ်ရေးအဖွဲ့ ရပ်ကျေးတာဝန် ခံ အသက် ၅၂ နှစ်အရွယ် ဦးရှမ်း၊ ကံထူးမရဲစခန်းက အကျဥ်းသား ၂ ယောက် ရွာသစ်ကုန်း၊ အင်ပင်အိုင်၊ ဇီးပေါက်၊ပန်းတိမ်ကုန်း၊ဆူးပါကုန်းနဲ့ ဝါးရငယ် ရွာ က အရပ်သားတွေဖြစ်တယ်လို့ သိရပါတယ်။ ဒီသတ်ဖြတ်မှုကို ကျူးလွန်ခဲ့တဲ့ ဘီလူးစစ်ကြောင်းဟာ အရပ်သားတွေကိုသတ်ဖြတ်ပြီး ပြည်သူတွေ ကို အကြောက်တရားသွင်းတဲ့သဘောဖြစ်တယ်လို့ ကိုထူးခန့်က အခုလိုပြောပါတယ်။ “ပြောချင်တာကတော့ ဘီလူးကွန်မန်ဒိုစစ်ကြောင်းဆိုတော့ အဟုတ်မှတ်တာပေါ့ဗျာ တကယ်တမ်း က ဒီစစ်ကြောင်းက အခုလိုပြည်သူတွေကို အငိုက်ဝင်ဖမ်း PDFခေါင်းစဥ်တပ်ပီး အပိုင်းပိုင်း သတ် ပြ မိန်းကလေးတွေကိုမုဒိမ်းကျင့် မီးရှို့သတ်ဖြတ်ပြနေလို့ ဘီလူးစစ်ကြောင်းဆိုပီး နာမည်ဆိုး နဲ့ ကျော်ကြားတာပါပြည်သူတွေကို အကြောက်တရားသွင်းတဲ့သဘောမျိုးပဲ”လို့ပြောပါတယ်။ ဒါ့အပြင် အဲ့ဒီစစ်ကြောင်းဟာ အရပ်သားတွေကိုသတ်ဖြတ်ခဲ့ရုံမက ကံထူးမ၊ သပြေရင်း၊ ကော်တက်၊ ဖိုနှုတ်၊ ရွာသစ်ကုန်း၊ ခနောရွာသစ် စတဲ့ကျေးရွာတွေကိုပါ မီးရှို့ဖျက်ဆီးခဲ့ကြတယ်လို့ သိရပါတယ်။ လက်ရှိမှာတော့ အဲ့ဒီစစ်ကြောင်းဟာ တန့်ဆည်မြို့နယ် တောင်ဘက်ခြမ်းကို စစ်ကြောင်းထပ်ထိုး နေပြီး အရပ်သား ၅ ထောင်ကျော်ထပ်မံတိမ်းရှောင်နေရတယ်လို့ ဒေသခံတွေကပြောပါတယ်။ “ခွေးဘီလူးစစ်ကြောင်းနဲ့ အနီးဝန်းကျင်ကကျေးရွာတွေလည်း မိဘပြည်သူများ ဖမ်းဆီးသတ်ဖြတ် မခံရအောင် မပေါ့ဆကြဖို့ ဘေးလွတ်ရာကြိုတင်တိမ်းရှောင်ကြဖို့ သတိပေးထားပါတယ်ဗျ လက်ရှိ မနေ့ကပဲ စစ်ခွေးကြောင်းတွေက အနောက်ဘက်ခြမ်းရွာတွေဘက်ကနေ တန့်ဆည်မြို့တွင်းပြန်ဝင် တယ်” လို့ People’s Defense Comrade တာဝန်ခံ ကိုထူးခန့်ကပြောပါတယ်။ စစ်ကောင်စီတပ်ဖွဲ့ဝင်တွေနဲ့ ကာကွယ်ရေးတပ်ဖွဲ့ဝင်တွေဟာ ပြီးခဲ့တဲ့ ဖေဖော်ဝါရီလ ၁၉ ရက်နေ့က နေ မတ်လ ၃ ရက်မနေ့ကအထိ တိုက်ပွဲတွေမကြာခဏဖြစ်ပွားခဲ့သလို အဲ့ဒီတိုက်ပွဲတွေအတွင်းမှာ လည်း စစ်ကောင်စီတပ်ဘက်က အထိနာခဲ့ပြီး ကာကွယ်ရေးတပ်ဘက်ကတော့ ၃ ယောက်ကျဆုံး ခဲ့တယ်လို့ သိရပါတယ်။ By – အမိုး
Read More » -
Feb- 2024 -23 Februaryသတင်း
စီခမ်းကြီးစခန်းသိမ်းတိုက်ပွဲအပြီး စစ်ကောင်စီတပ်သားအလောင်း ၇၀ ကျော်တွေ့ရှိ
ကချင်ပြည်နယ် မံစီမြို့နယ်ထဲက စီးခမ်းကြီးကျေးရွာ စခန်းသိမ်းတိုက်ပွဲအပြီး နယ်မြေရှင်းလင်းရေဆောင်ရွက်ရာမှာ စစ်ကောင်စီစစ်သားတွေရဲ့ ရုပ်အလောင်း ၇၀ ကျော်အထိ ရှာဖွေတွေ့ရှိခဲ့ပြီး လက်နက်ခဲရမ်းတွေလည်း ဆယ်ဘီးကားတစ်စီခန့် သိမ်းပိုက်ရရှိခဲ့တယ်လို့သိရပါတယ်။ စစ်ကောင်စီတပ်ဖွဲ့တွေ အခိုင်အမာနဲ့ ခြေကုပ်ယူထားတဲ့ စီးခမ်းကြီးဗျူဟာကုန်းကို ကချင်လွတ်လပ်ရေးတပ်မတော် KIA၊KPDF၊AA ရွှေကူနယ်…
Read More » -
19 Februaryသတင်း
မိုးမိတ်မြို့မှာ နေအိမ်တွေ ဖောက်ထွင်းခံနေရ
ရှမ်းပြည်မြောက်ပိုင်း နဲ့ကချင်ပြည်နယ်အစပ်က စစ်ကောင်စီတပ်တွေပြန်လည်ထိန်းချုပ်ထားတဲ့ မိုးမိတ်မြို့ထဲမှာ မြို့ခံအရပ်သားတွေအပြင် အမည်မသိတဲ့သူတွေအုပ်စုဖွဲ့ပြီး မြို့တွင်းထဲက နေအိမ်တွေကိုဖောက်ထွင်းပြီး ပစ္စည်းခိုးယူတာတွေလုပ်နေတယ်လို့ ဒေသခံတွေက ပြောပါတယ်။ ပြီးခဲ့တဲ့ ဇန်နဝါရီလ ၁၈ ရက်နေ့က ကချင်လွတ်လပ်ရေးတပ်မတော် KIA နဲ့ ကာကွယ်ရေးပူးပေါင်း တပ်တွေပူးပေါင်းပြီးတော့ မိုးမိတ်မြို့ကိုသိမ်းပိုက်ဖို့…
Read More » -
13 Februaryသတင်း
ဖားကန့်လမ်းပိုင်းမှာ ပိုင်ရှင်မဲ့ရုပ်အလောင်းတွေ့ရှိတယ်လို့ ပြော
ကချင်လွတ်လပ်ရေးတပ်မတော် KIA သွားလာခွင့်ပိတ်ထားတဲ့ ဖားကန့် ကားလမ်းပိုင်းကို ဒီကနေ့ ပြန်ဖွင့်ပေးလိုက်ပြီး ကားလမ်းပိုင်းမှာ အမျိုသားတစ်ယောက် သေဆုံးနေတဲ့ ရုပ်အလောင်းလည်း တွေ့ရှိရတယ်လို့ ဖားကန့် ဒေသခံတွေဆီးက သိရပါတယ်။ “အလောင်းကဦးနောက်တွေပွင့်ထွက်နေတယ်ပြောတယ်။ အမျိုးသားတဲ့ အသက်က ၃၀ ဝန်းကျင်…
Read More » -
Jan- 2024 -23 Januaryသတင်း
မိုးမိတ်မြို့နယ်တိုက်ပွဲအတွင်း သင်္ဂြိုဟ်ပေးရတဲ့ ရုပ်အလောင်း ၄၀ အထိရှိလာ
ကချင်ပြည်နယ်နဲ့ ရှမ်းပြည်နယ်အစပ် မိုးမိတ်မြို့နယ်အတွင်း ဖြစ်ပွားနေတဲ့ တိုက်ပွဲတွေကြောင့် သေဆုံးခဲ့ရ သူတွေရဲ့ ရုပ်အလောင်းတွေကို သင်္ဂြိုဟ်ပေးရတာ ရုပ်အလောင်း ၄၀ ကျော်အထိရှိလာပြီလို့ စစ်ဘေးရှောင် ကူညီနေသူတွေဆီကသိရပါတယ်။ အဲဒီရုပ်အလောင်းတွေဟာ အရပ်သားတွေချည်းမဟုတ်ပဲ တိုက်ပွဲအတွင်းသေဆုံးခဲ့တဲ့ စစ်ကောင်စီရဲ့တပ်ဖွဲ့ဝင်တစ်ချို့လည်းပါဝင်တယ်လို့ စစ်ဘေးရှောင်ကူညီနေသူတစ်ယောက်ကပြောပါတယ်။ “ခန့်မှန်းကတော့ မနေ့ကရွှေဇာလီက တစ်ယောက်လှုပ်ရှားပေးတာကိုက ၄၀ ကျော်သွားပြီ သူသင်္ဂြိုဟ်ပေး နေတယ် ရွှေဇာလီကတစ်ယောက်ကတော့ ကျနော်တို့ အရပ်သားသေဆုံးမှုတွေကို မီးသင်္ဂြိုဟ်ပေးနေတယ် လို့လည်း ခိုင်မာတဲ့သတင်းရတယ် တပ်ကလည်းပါမယ်ထင်တယ် “လို့ပြောပါတယ်။ ပြီးခဲ့တဲ့ ဇန်နဝါရီလ ၁၈ ရက်နေ့ကစလို့ KIAနဲ့ PDF ပူးပေါင်းတပ်တွေအပါအဝင် တော်လှန်ရေးအင်အားစု တွေ က မိုးမိတ်မြို့နယ်ထဲက ရဲစခန်းနဲ့ စစ်တပ်စခန်းတွေကို တိုက်ခိုက်ခဲ့ရာကနေ ဒီကနေ့အထိတိုက်ပွဲတွေ ပြင်းထန်နေတာဖြစ်ပါတယ်။ ဒါ့အပြင် တစ်ဖက်မှာတော့ မိုးမိတ်မြို့တွင်းက နေအိမ်နဲ့အဆောက်အဦးတွေရဲ့ ၄ ပုံမှာ ၃ပုံလောက်က ပျက်ဆီး သွားရ ပြီဖြစ်ပြီး ပိတ်မနေတဲ့အရပ်သားတွေဆက်ရှိနေသေးတယ်လို့ စစ်ဘေးရှောင်ကူညီ နေသူကဆက်ပြောပါတယ်။ “အကို ပြောရမယ်ဆိုရင် မြို့ရဲ့ ၄ ပုံမှာ ၃ ပုံလောက်ကသွားပြီထင်တာပဲ ကျနော်တို့မြို့ပေါ်လေးရပ်ကွက် ပေါ့ အဓိကက လက်နက်ကြီးနဲ့လေယာဥ်ကြောင့်ပေါ့နော် ကြားထဲမှာတော့ အရပ်သားတွေက ထွက်နိုင် တဲ့သူတွေ က ထွက်ကြတာပေါ့ အခုနောက်ပိုင်းကျန်တာကတော့ ၅၀၀ နောက်ပိုင်းကတော့ကျန်မယ် ထင်တယ် အဲ့ဒီ ပိတ်မိတဲ့သူတွေကိုကယ်ဖို့ကြတော့လည်း လိုင်းမရလို့ လုံးဝအဆက်အသွယ်မရဘူး”လို့ ဆိုပါတယ်။ မိုးမိတ်မြို့ပေါ်မှာရှိတဲ့ ရဲစခန်းကိုတော့ KIA နဲ့ပူးပေါင်းတပ်တွေက သိမ်းပိုက်ထားနိုင်ပြီဖြစ်ပြီး အဲ့ဒီ ရဲစခန်းမှာ ရှိတဲ့ အချုပ်သားသေဆုံးမှုတွေရှိတယ်လို့သိရပေမဲ့ အသေးစိတ်အခြေနေကိုတော့ KNG က အတည် မပြုနိုင် သေးပါဘူး။ “ မိုးမိတ်ကတော့ ရဲစခန်းက သိမ်းပြီးပြီ အဲ့မှာကြားလိုက်တာက အချုပ်သားတွေအကုန်သေတယ်တဲ့ ဘာ့ကြောင့်သေတာတော့မပြောတတ်ဘူး ခိုင်မာတဲ့သတင်းရင်းမြစ်ဆီကတော့သိရတယ်” လို့စစ်ရှောင်ကူညီနေသူတစ်ဦးက ဆက်ပြောပါတယ်။ မနေ့က ဇန်နဝါရီလ ၂၂ ရက်နေ့အထိကို စစ်ကောင်စီတပ်က မိုးမိတ်မြို့ပေါ်နဲ့အနီးတစ်ဝှိုက်ကို လေကြောင်း တိုက်ခိုက်မှုတွေလုပ်နေပြီး မိုးမိတ်မြို့နဲ့ ၂မိုင်အကွာလောက်က စစ်ကောင်စီရဲ့တပ်ရင်းတစ်ချို့နဲ့ဗျူဟာကုန်း တွေတော့ကျန်ရှိနေသေးတယ်လို့ သိရပါတယ်။ မိုးမိတ်မြို့နယ်ဟာ စစ်ကောင်စီရဲ့ဗျူဟာကုန်းတည်ရှိသလို ခရိုင်အဆင့်ရှိတဲ့မြို့လည်းဖြစ်ပြီး မိုးမိတ်ကိုသာ KIA နဲ့ပူးပေါင်းတပ်တွေသိမ်းပိုက်နိုင်ခဲ့ရင် မန္တလေး–တကောင်း၊ မိုးကုတ်–ပြင်ဦးလွင် လမ်းပိုင်းတွေကို ထိန်းချုပ်သွားနိုင်မယ့်အခြေနေတွေရှိတယ်လို့ စစ်ရေးလေ့လာသုံးသပ်သူတွေကဆိုကြပါတယ်။ By – အမိုး
Read More » -
Oct- 2023 -24 Octoberသတင်း
ကောလင်းမှာ သတ်ဖြတ်ခံထားရတဲ့ အမျိုးသားရုပ်အလောင်း၂လောင်းတွေ့
စစ်ကိုင်းတိုင်း ကောလင်းမြို့နယ်မှာ မနေ့က အောက်တိုဘာလ ၂၃ ရက်နေ့ မနက်ပိုင်း ၁၀ နာရီလောက်မှာ သတ်ဖြတ်ခံထားရတဲ့ အမျိုးသားရုပ်အလောင်း ၂ လောင်းတွေ့ရှိခဲ့တယ်လို့ ဒေသခံတွေနဲ့ ကာကွယ်ရေး တပ်ဖွဲ့ဝင်တွေဆီကနေသိရပါတယ်။ စစ်ကောင်စီတပ်တွေဟာ အင်အား ၁၀၀ နီးပါးရှိတဲ့စစ်ကြောင်းဖြစ်ပြီး…
Read More »
