မြစ်ကြီးနား

မြစ်ကြီးနားမှာ KIA ကိုဆန္ဒပြမယ့်သတင်းပေါက်ကြားသွားတဲ့အတွက် အကျဉ်းချုံးသာကျင်းပသွား

ကချင်ပြည်နယ် မြစ်ကြီးနားမှာ လေယာဉ်ကွင်းပစ်ခတ်ခံရတဲ့အပေါ် KIA ကိုအလိုမရှိကြောင်း ဆန္ဒပြမယ့်သတင်းပေါက်ကြားသွားတဲ့အတွက် အကျဉ်းချုံးသာကျင်းပသွားတယ်လို့ ဌာနဆိုင်ရာနီးစပ်သူတွေဆီကနေ သိရပါတယ်။ ဖေဖော်ဝါရီလ ၂၇ ရက်နေ့ မနက်ပိုင်း မိုးလုံလေလုံကွင်းကနေစပြီး မြို့တွင်းရပ်ကွက်တွေမှာ စစ်ကောင်စီခန့်ကချင်ပြည်နယ်အစိုးရအဖွဲ့ ဦးဆောင်ပြီး စစ်တပ်ထောက်ခံတဲ့အင်အားတစ်ထောင်ခန့်အသုံးပြုကာ KIA ကိုအလိုမရှိကြောင်း ဆန္ဒပြဖို့စီစဉ်ထားတဲ့သတင်းပေါက်ကြားလာတဲ့တွက် အစီစဉ်ပျက်သွားခဲ့တယ်လို့ ဌာနဆိုင်ရာဝန်ထမ်းတစ်ဦး KNG ကိုပြောပါတယ်။ “အစက ပြည်သူ့စစ်တွေရော၊ဌာနဆိုင်ရာက ဝန်ထမ်းတွေလည်းပါတယ်ပေါ့ ပြီးရင်ဘာသာရေးခေါင်းဆောင်တစ်ချို့ စီတန်းလှည့်လည်ပြီးပြဖို့ဟုတ်တယ်။ မနေ့ည KNG မှာသတင်းတက်လာတော့ အစီစဉ်တွေအကျဉ်းချုံးဖြစ်သွားတာ“လို့ ပြောပါတယ်။ ဆန္ဒပြမယ့်သတင်းပေါက်ကြားသွားတဲ့တွက် ဒီမနက်မှာတော့ ကြံ့ခိုင်ရေးပါတီဦးဆောင်ပြီး ကား ၃ စီးနဲ့ လူအင်အား ၅၀ ခန့်ကို မြစ်ကြီးနားလေယာဉ်ကွင်းရှေ့မှာပို့ဆောင်ပြီး မိနစ်ပိုင်းအတွင်းဆန္ဒပြပွဲလုပ်သွားတာဖြစ်တယ်လို့ သူကဆက်ပြောပါတယ်။ ဒီနေ့ဆန္ဒပြပွဲမှာ “ မြစ်ကြီးနားလေဆိပ်အား FPV အသေခံဒရုန်းဖြင့်အကြမ်းဖက်တိုက်ခိုက်မှုအပေါ် မြစ်ကြီးနားမြို့ခံပြည်သူများမှငြိမ်းချမ်းစွာဆန္ဒထုတ်ဖော်၊ အရပ်ဖက်ပစ်မှတ်ထား အဓိကထားတိုက်ခိုက်ခြင်းကို ကန့်ကွက်ပါသည်၊ ပြည်သူများကို နည်းမျိုးစုံနဲ့ဒုက္ခပေးနေသော အကြမ်းဖက်အဖွဲ့အား အလိုမရှိ”အစရှိတဲ့ကြွေးကြော်သံနဲ့ ခနတာကြွေးကြော်ပြီး မှတ်တမ်းဓါတ်ပုံရိုက်ကာ ကျင်းပသွားကြာဖြစ်တယ်လို့သိရပါတယ်။ “အဲသူတို့ဗီနိုင်းမှာက KIA/PDF ဆိုတဲ့စာတွေ ဆေးအနီရောင်နဲ့ဖျက်ထားကြတ အားလုံးတွေ့မှာပဲ။ အဓိက ကြံံ့ခိုင်ရေးပါတီက ဒီနေ့ဦးဆောင်သွားတာဟုတ်တယ်”လို့ အထက်မှာဖော်ပြတဲ့ အမည်မဖော်လိုတဲ့ ဌာနဆိုင်ရာဝန်ထမ်းတစ်ဦး ဆက်ပြောပါတယ်။ စစ်ကောင်စီနဲ့စစ်တပ်ထောက်ခံတဲ့အဖွဲ့စည်းကကျင်းပသွားကြတဲ့ ဒီဆန္ဒပြပွဲနဲ့ပတ်သက်ပြီး လူမူကွန်ယက်ပေါ်မှာ ဝေဖန်မှုတွေမြင့်တက်နေပါတယ်။ “ဆန္ဒပြတာက မင်းအောင်လှိုင်ကိုပြရမှာလေ နေ့ည မနားလေယာဉ်နဲ့ပြည်သူတွေကို လိုက်သတ်နေတာ ခုပြောင်းပြန်ဖြစ်နေတယ် ဒါကအားလုံးသိပါတယ်။စစ်တပ်အသိုင်းအဝိုင်းလုပ်သွားတဲ့ ဆန္ဒပြပွဲပဲလေ”လို့ မြစ်ကြီးနားမှာနေထိုင်တဲ့အမျိုးသမီးတစ်ဦးက ပြောပါတယ်။ မြောက်ပိုင်းစစ်ဌာနချုပ်တည်ရှိရာ ကချင်ပြည်နယ်၊မြစ်ကြီးနားမြို့မှာ အရပ်ဘက်သုံးလေယာဉ်ကွင်းနဲ့ စစ်တပ်သုံးနမ့်ပေါင်လေတပ်စခန်းနှစ်ခုရှိပြီး  အာဏာသိမ်းပြီးနောက် မကြာခနတိုက်ခိုက်ခံရတဲ့လေယာဉ်ကွင်းဟာ စစ်တပ်သုံး နမ့်ပေါင်လေတပ်စခန်းဖြစ်ပါတယ်။ ပြီးခဲတဲ့ ဖေဖော်ဝါရီလ ၅ ရက်နေ့အမေရိကန်ပြည်ထောင်စု၊ တက္ကဆက်ပြည်နယ်မှာ ပြုလုပ်တဲ့ ၆၅ နှစ် မြောက်ကချင်တော်လှန်ရေးနေ့ အခမ်းအနားမှာ KIO ဒုတိယဥက္ကဋ္ဌ ၁ ဒုတိယဗိုလ်ချုပ်ကြီး ဂွန်မော်ကလည်း မြစ်ကြီးနားနမ့်ပေါင်လေတပ်စခန်း ဌာနချုပ်ရဲ့ ရေဒါစခန်းကို တိုက်ခိုက်ဖျက်ဆီးနိုင်ခဲ့ကြောငးပြောဆိုလာပါတယ်။ အဲဒီနောက် စစ်တပ်ဘက်က  ဗိုလ်ချုပ်ကြီး ဂွန်မော်စကားကို အကြောင်းပြုပြီး ပြီးတဲ့ ဖေဖော်ဝါရီလ ၁၂ရက်နေ့ မြစ်ကြီးနားလေဆိပ်အနီးကို အသေခံဒရုန်းနဲ့ဗုံးကြဲတိုက်ခိုက်ခံရကြောင်း၊ နောက်ထပ် ဖေဖော်ဝါရီလ ၂၀ ရက်နေ့မှာလည်း မြစ်ကြီးနားလေဆိပ် ရန်ကုန်–မန္တလေး–မြစ်ကြီးနား ပြေးဆွဲနေတဲ့ Myanmar National Airline(MNA) ရဲ့လေယာဉ်တိုက်ခိုက်ခံရကြောင်း ဆက်တိုက်ထုတ်ပြန်လာပါတယ်။ ဒါ့အပြင် စစ်ကောင်စီဘက်က ဒီလေယာဉ်ကွင်းကို KIA/PDF တပ်ဖွဲ့ကတိုက်ခိုက်တာဖြစ်ပြီး ဒီလုပ်ရပ်အပေါ်ပြင်းထန်စွာတုံဲ့ပြန်သွားမယ့်အကြောင်း ထုတ်ပြန်ချက်မှာဖော်ပြထားသလို မြစ်ကြီးနားမြို့ရဲ့အရပ်ဘက်သုံးလေယာဉ်ခရီးစဉ်အားလုံးလည်း ဒီနေ့ထိပိတ်ထားဆဲဖြစ်ပါတယ်။ By – Zami

Read More »

မြစ်ကြီးနားမှာ KIA ကို ဆန္ဒပြဖို့စစ်ကောင်စီပြင်ဆင်နေ

ကချင်ပြည်နယ်၊မြစ်ကြီးနားမြို့မှာ မြစ်ကြီးနားလေယာဉ်ကွင်းပစ်ခတ်မှုနဲ့ ပတ်သက်ပြီး KIA ကို ဆန္ဒပြဖို့ စစ်ကောင်စီကပြင်ဆင်နေတယ်လို့ ဌာနဆိုင်ရာနဲ့နီးစပ်သူတွေဆီကနေ သိရပါတယ်။ “ဟုတ်တယ် နက်ဖြန်ဆန္ဒပြဖို့ ပြည်နယ်အစိုးရအဖွဲ့ဦးဆောင်ပြီးပြမှာတဲ့ အားလုံးစီစဉ်ထားကြပြီ လေကြောင်းလိုင်းပစ်ခတ်မှု နဲ့ပတ်သက်ပြီးဆန္ဒပြဖို့လုပ်နေတာ”လို့ ပြောပါတယ်။ ဒီဆန္ဒပြပွဲကို ဖေဖော်ဝါရီလ ၂၇ ရက်နေ့ မနက်ပိုင်းမှာကျင်းပဖို့စီစဉ်ထားပြီး စစ်တပ်ခန့်ကချင်ပြည်နယ်အစိုးရအောက် ဌာနပေါင်းစုံမှဝန်ထမ်းများ၊ ပြည်သူ့စစ်တပ်ဖွဲ့များ၊…

Read More »

မြစ်ကြီးနားမြို့တွင်း စည်းကမ်းမဲ့မောင်းနေတဲ့သဲကျောက်ကားတွေကို ကြပ်မတ်ပေးဖို့ပြည်သူတွေတောင်းဆို

မြစ်ကြီးနားမြို့မှာ အများပြည်သူသုံး လမ်းမပေါ်သဲကျောက်သယ်တဲ့ ကားကြီးတွေစည်းကမ်းမဲ့မောင်းနှင်နေတာကြောင့် သက်ဆိုင်ရာတာဝန်ရှိသူတွေအနေနဲ့ သေချာကြပ်မတ်ပေးဖို့ ပြည်သူတွေတောင်းဆိုနေကြပါတယ်။ လက်ရှိမှာ စီတာပူ၊ စက်မှုဇုန်၊ မန်ခိန် စတဲ့ ရပ်ကွက်တွေနဲ့ နီးတဲ့ ဧရာဝတီမြစ်ကမ်းတစ်လျှောက်မှာ“မြစ်ကြောင်းရှင်းလင်းရေးစီမံကိန်း” ဆိုတဲ့ ခေါင်းစဉ်အောက်ကနေ သဲကျောက်တွေ တူးဖော်ပြီး တုံဖုန်းကားတွေနဲ့ နေ့စဉ်သယ်ယူနေကြတာ ဖြစ်ပါတယ်။ မြို့ခံတွေပြောတာက ဒီသဲကျောက်တင်တဲ့ကားတွေဟာ အမိုးနဲ့ဖုံးအုပ်ထားခြင်းလည်းမရှိတဲ့အတွက် သဲကျောက်ကားဖြတ်မောင်းလာတဲ့လမ်းတစ်လျှောက် ရေ၊ဖုံ၊သဲများလွှင့်စင်နေတာကြောင့် လမ်းသွားလမ်းလာပြည်သူတွေ သွားလာဖို့ခက်ခဲတာ ယာဉ်လမ်းကြောင်းပိတ်ဆို့တာတွေလည်းကြုံနေရတယ်လို့ သိရပါတယ်။ “ကားတွေက အကြီးကြီးတွေ ဖြစ်တယ် ဖုန်မှုန့်ကလည်း များတယ်။ ကျောက်ခဲတွေ လွှင့်စင်လာတော့ ကလေးတွေ ကျောင်းပို့ကျောင်းကြိုအချိန်ဆို ပိုပြီး စိုးရိမ်ရတယ်။ အချိန်သတ်မှတ်ပြီး လုပ်ပေးရင် ကောင်းမယ်လို့ ထင်တယ်” လို့ မြစ်ကြီးနားမြို့မှာနေထိုင်တဲ့အမျိုးသမီးတစ်ဦးပြောပါတယ်။ သဲကျောက်ကားတွေက တစ်နေ့ကို ပျမ်းမျှ အစီးတစ်ရာကျော် ရှိတယ်လို့ သိရပြီး လမ်းတစ်လျှောက် ကားကြီးတွေ ပြည့်နေတဲ့အတွက် သာမန်ပြည်သူတွေရဲ့ ကား၊ ဆိုင်ကယ်တွေ သွားလာရတာ ပိုခက်ခဲလာနေတယ်လို့ သူက ဆက်ပြောပါတယ် တစ်ဖက်မှာလည်း ကားမောင်းသူတွေကို တစ်ခေါက်ကိုတစ်သောင်းနှုန်းပေးနေတာကြောင့် အခေါက်ရေများများရဖို့ အလျင်အမြန် မောင်းနေကြတဲ့အတွက် လမ်းပိတ်ဆို့တာ၊ ကျောက်စတွေ လွှင့်စင်တာတွေကြုံနေရတယ်လို့ မြို့ခံတွေပြောပါတယ်။   နောက်ဆက်တွဲအနေနဲ့ လမ်းဘေးစားသောက်ဆိုင်နဲ့ ဈေးဆိုင်တွေမှာ ဖုန်မှုန့်တွေ ထူထပ်နေပြီး စီးပွားရေးလည်း ထိခိုက်နေတယ်လို့ မြို့ခံတွေက ပြောပါတယ်။ “ကားကြီးတွေ မောင်းနေတဲ့ လမ်းတွေကို စည်ပင်ကရေဖြန်းပေးရမယ်။ ဒါ သူတို့တာဝန်ပဲ အခု စီတာပူဘက်မှာ ဖုန်တွေ အရမ်းများနေတာက တာဝန်ရှိသူတွေ အလုပ်မသေချာလုပ်လို့ဖြစ်တာ” လို့ ဆိုပါတယ်။ ဒီကိစ္စနဲ့ ပတ်သက်ပြီး ရပ်ကွက်အုပ်ချုပ်ရေးမှူးတွေနဲ့ တာဝန်ရှိသူတွေကို တိုင်ကြားထားပေမယ့် ထိရောက်တဲ့အရေးယူခြင်းမရှိပဲ အခြေနေပိုဆိုးလာနေတယ်လို့လည်း ပြောပါတယ်။ မြစ်ကြီးနားမြို့မှာ သဲကျောက်သယ်ယူမှုတွေက ၂၀၂၆ ဇန်နဝါရီ ၁၆ ရက်နေ့ကစပြီး စစ်ကောင်စီအောက် ကချင်ပြည်နယ်အစိုးရက ရေကြီးရေလျှံမှု ကာကွယ်ဖို့ဆိုပြီး ဗလမင်းထင်တံတားအောက်က သဲကျောက်တွေ စတင်တူးဖော်ရာကနေ ဖြစ်လာတာလို့ သိရပါတယ်။ ခုလိုသဲကျောက်ကားတွေကြောင့် ၂၀၂၀ ဝန်းကျင်က ပြုပြင်ထားတာကြောင့်  မြို့တွင်းလမ်းတွေပျက်စီးမှု မများသေးပေမယ့် မြို့ပတ်လမ်းနဲ့ မြို့ပြင်လမ်းတွေမှာတော့ ပျက်စီးနေပြီး ပြန်လည်ပြုပြင်တာ မရှိသေးဘူးလို့ သိရပါတယ်။ သဲကျောက်သယ်ရာမှာ သာမန်တုံဖုန်းကားတွေအပြင် ဖားကန့်ဘက်မှာ အသုံးပြုတဲ့ ဝိတ်ကြီးတုံဖုန်းကားတွေကိုပါ အသုံးပြုနေပြီး ဝန်ပိုသယ်ယူတာကြောင့် လမ်းတွေ ပိုပျက်စီးလာနေတယ်လို့ ဆိုပါတယ်။ ဒါတင်မကသေးပဲ တူးဖော်လာတဲ့ သဲကျောက်တွေကို လွှတ်တော်ဘေးက ခြံအလွတ်တစ်နေရာနဲ့ စီတာပူဂျပန်တံတားနား မြေအလွတ်တွေမှာ စုပုံထားပြီး ခြံဝင်းခတ်ကာ ရွှေကျင်လုပ်နေကြတယ်လို့ ဌာနဆိုင်ရာနဲ့ နီးစပ်သူတစ်ဦးက ပြောပါတယ်။ ဗလမင်းထင်တံတားအောက်မှာ ရွှေတူးဖော်မှုတွေကို မနှစ်ကစတင်ခဲ့တာဖြစ်ပြီး ဒီနှစ်မှာတော့ “ရေကြီးကာကွယ်ရေး” ခေါင်းစဉ်နဲ့ ပိုပြီး ပေါ်ပေါ်တင်တင် လုပ်လာကြတယ်လို့ သိရပါတယ်။ စစ်ကောင်စီဘက်ကတော့ သဲသောင်တွေကို တူးဖော်ရှင်းလင်းခြင်းအားဖြင့် မြစ်ကြောင်းဖြောင့်တန်းစေပြီး ရေစီးရေလာကောင်းမွန်လာကာ မြို့ရေကြီးမှုကနေ ကာကွယ်နိုင်မယ်လို့ ဇန်နဝါရီ ၁၆ ရက်နေ့ ထုတ်ပြန်ချက်မှာ ဖော်ပြထားပါတယ်။ ယခင်အစိုးရခေတ်တွေမှာ ဗလမင်းထင်တံတားအနီးနဲ့ ဧရာဝတီမြစ်ကမ်းတစ်လျှောက် ရွှေတူးဖော်မှုတွေကို တားမြစ်ထားခဲ့ပေမယ့် စစ်တပ်အာဏာသိမ်းပြီးနောက် ၂၀၂၄ ခုနှစ်ကုန်ပိုင်းကစပြီး တူးဖော်မှုတွေ ပိုများလာခဲ့တယ်လို့ ဒေသခံတွေက ပြောပါတယ်။ ၂၀၂၅ မိုးရာသီတုန်းကတော့ မြစ်ရေကြီးမှုကြောင့် ခနရပ်နားခဲ့ပေမယ့် အခုရက်ပိုင်းမှာတော့ အရှိန်မြင့် ပြန်လည်တူးဖော်နေကြတယ်လို့ သိရပါတယ်။ By –…

Read More »

မြစ်ကြီးနားမှာ မြစ်ဆုံအကောင်ထည်ဖော်ရေး လူထုတွေ့ဆုံပွဲ  ၃ ကြိမ်ရှိလာ

လူထုရဲ့ကန့်ကွက်မှုတွေကြောင့် အစိုးရနှစ်ဆက် ၁၄ နှစ်ကြာရပ်နားခဲ့ရတဲ့ မြစ်ဆုံစီမံကိန်းအကောင်ထည်ဖော်ရေး လူထုတွေ့ဆုံပွဲ ကို ပြီးခဲ့တဲ့ ဖေဖော်ဝါရီလ ၂၀ ရက်နေ့မှာ မြစ်ကြီးနားတက္ကသိုလ် ဘွဲ့နှင်းသဘင်ခန်းမမှာ ပြုလုပ်ခဲ့ပြီး ဒီတစ်ကြိမ်ဟာ မြစ်ကြီးနား မြို့မှာ စစ်ကော်မရှင်ကလူထုတွေ့ဆုံပွဲပြုလုပ်တာ ၃ ကြိမ်အထိရှိလာတာပဲဖြစ်ပါတယ်။…

Read More »

KIO ထိန်းချုပ်နယ်မြေ လေကြောင်းတိုက်ခိုက်မှုဆက်တိုက်ကြုံနေရ

ကချင်လွတ်လပ်ရေးအဖွဲ့  KIO ထိန်းချူပ်ထားတဲ့ နေရာတစ်ချို့မှာ စစ်တပ်က လေကြောင်းတိုက်ခိုက်မှုအရှိန်မြင့်လုပ်ဆောင်လာတယ်လို့ ဒေသခံပြည်သူတွေ ပြောပါတယ်။ ဖေဖော်ဝါရီလ ၂၀ ရက်နေ့ မြစ်ကြီးနားလေဆိပ်ပေါက်ကွဲမှုကို  KIA နဲ့ PDF ပူးပေါင်းတပ်က ဒရုန်းနဲ့တိုက်ခိုက်တာဖြစ်တယ်လို့ စစ်တပ်ကထုတ်ပြန်လာပြီး ပြင်းထန်တဲ့ တုန့်ပြန်မှုတွေလုပ်ဆောင်သွားမယ်လို့ ပြောဆိုလာပါတယ်။ အဲဒီနောက် ဖေဖော်ဝါရီလ ၂၁ ရက်နေ့ မနက် ၂ နာရီဝန်းကျင် စစ်တပ်က ဆဒုံးမြို့ကို လေယာဉ်ဗုံး ၃ ကြိမ်လာကြဲသွားတယ်လို့ ဒေသခံတွေကပြောပါတယ်။ ဆဒုံးဗုံးကြဲခံရမှုမှာ လူထိခိုက်တာမရှိပေမဲ့ အရင်ဗုံးကြဲခံရတဲ့ စျေးတန်းနေရာတွေမှာ ထပ်ကြဲချခံရတာကြောင့် စျေးတန်းတွေနဲ့ နေအိမ်တချို့ထပ်မံပျက်စီးသွားတဲ့အပြင် အဲဒီနားမှာရှိတဲ့ဟိုတယ်တစ်ခုလုံးလည်း ပျက်စီးသွားတယ်လို့ သိရပါတယ်။ ဗုံးကြဲခံရတာကြောင့် ပျက်စီးသွားတဲ့ အဲဒီဟိုတယ်ဟောင်းမှာ ကချင်လွတ်လပ်ရေးတပ်မတော် KIA နဲ့ အဖွဲ့သားတွေ အဝင်အထွက်ရှိတာကို စစ်တပ်က သိရှိတာကြောင့် ရည်ရွယ်ချက်ရှိရှိ ဗုံးလာကြဲတာဖြစ်တယ်လို့ဒေသခံတွေက ပြောပါတယ်။ အလားတူ ဖေဖော်ဝါရီလ ၂၁ ရက်နေ့ ဖားကန့် KIA တပ်မဟာ ၉ နယ်မြေဖက်ကို ဂျက်လေယာဉ်နဲ့ ဗုံး ၄ လုံးထက်မနည်းဗုံးကြဲခဲ့တဲ့အပြင် KIO ဌာနချူပ်လိုင်ဇာမြို့ပေါ် လေယာဉ်ပျံဝဲတာတွေလုပ်ခဲ့ပြီး အင်ပါပါကျေးရွာဘက်ကို လေယာဉ်ဗုံးကြဲချခဲ့တယ်လို့ ဆက်လက်သိရပါတယ်။ “ဒီရက်ပိုင်းက အရမ်းသတိထားရမယ့်အခြေအနေဖြစ်နေတယ်။ ဗိုလ်ချူပ်ဂွမ်မော်ကလည်း စကားနည်းနည်းပြောထွက်ထားတယ်ဆိုတော့ စစ်ကော်မရှင်တွေဘက်က နည်းနည်းတော့ ကြက်သည်းထပုံပဲ။တမင်တကာလိုက်ပြီး ဗုံးကြဲပြနေတယ်။ အခု တရုတ်နယ်စပ်တစ်ဝိုက်ကိုလည်း တရုတ်ဘက်က ဗုံးကြဲခွင့်မပေးထားတော့ စစ်တပ်တွေ ဗုံးလိုက်ကြဲနေတဲ့ နေရာတွေကို ကြည့်လိုက်ရင် အင်ခေါင်းပါလို၊မံစီ – အင်ပါပါလို နေရာတွေကို လိုက်ကြဲနေတာ။ဘာမှမဆိုင်တဲ့နေရာတွေကိုပဲ လိုက်ကြဲနေတာ”လို့ ရှေ့တန်းသတင်းရင်းမြစ်က ပြောပါတယ်။ ဒါ့အပြင် ဇန်နဝါရီလ ၂၂ ရက်နေ့ မနေ့ည ၁၁ နာရီခွဲဝန်းကျင်မှာလည်း စိန်လုံဘွမ်နှင့် မိုင်ဂျာယန်ကြား အင်ခေါင်းပါကျေးရွာအနီး ဘွမ်ကထောင်ရွာမှာ စစ်တပ်လေယာဉ်နဲ့ ဗုံးကြဲခဲ့လို့ နေအိမ်တစ်ခုလုံးပျက်စီးသွားကာအဖိုးအိုတစ်ဦး သေဆုံးခဲ့တယ်လို့ ရှေ့တန်းသတင်းရင်းမြစ်တွေက ပြောပါတယ်။ အင်ခေါင်းပါကနေ ၄ မိုင်လောက်အကွာမှာရှိတဲ့ ဘွမ်ကတောင်ကျေးရွာ လေကြောင်းဗုံးကြဲခံရမှုမှာ အသက် ၇၈ နှစ်အရွယ် အဘိုးတစ်ဦး အသက်သေဆုံးပြီး…

Read More »

KIA ထိန်းချုပ်နယ်မြေ နေရာ ၅ ခုကို စစ်တပ်ကတစ်ပြိုင်နက်ဗုံးကြဲတိုက်ခိုက်သွားတယ်လို့ KIO ပြော

စစ်ကောင်စီတပ်တွေ ဒီကနေ့ ဖေဖော်ဝါရီလ ၂၁ ရက်နေ့ တစ်တည်းမှာပဲ ကချင်လွတ်လပ်ရေးတပ်မတော် KIA ထိန်းချုပ်ဒေသရှိ တပ်မဟာ၊တပ်ရင်းတွေထဲက နေရာ ၅ ခုထက်မနည်းကို ပြင်းထန်တဲ့လေကြောင်းတိုက်ခိုက်မှုလုပ်ဆောင်သွားခဲ့တယ်လို့ KIO ပြောပါတယ်။ ဖေဖော်ဝါရီလ ၂၁ ရက်နေ့ လေကြောင်းတိုက်ခိုက်ခံရတဲ့အခြေအနေနဲ့…

Read More »

မြစ်ကြီးနားလေဆိပ်လက်နက်ကြီးကျပေါက်ကွဲတဲ့ဖြစ်စဉ်ဟာ KIO/KIA ရဲ့ပုံရိပ်ကျဆင်းအောင်လုပ်နေတာဖြစ်တယ်လို့ ကချင်နိုင်ငံရေးလေ့လာသူတွေပြော

မြစ်ကြီးနားမြို့ မြောက်ပိုင်းတိုင်းစစ်ဌာနချုပ်အနီးမှာရှိတဲ့ မြစ်ကြီးနားလေဆိပ်ပစ်ခတ်ခံရတဲ့ဖြစ်စဉ်ဟာ ကချင်လွတ်လပ်ရေး KIO/KIA ရဲ့ ပုံရိပ်ကျဆင်းအောင် လုပ်ဇတ်ဖန်းတီးနေတာဖြစ်တယ်လို့ ကချင်နိုင်ငံရေးလေ့လာသုံးသပ်သူတွေပြောပါတယ်။ အာဏာသိမ်းစစ်ကောင်စီတပ်ဟာ  လက်ရှိချိန်မှာ အစိုးရအသစ်ဖော်ဆောင်နေပြီီး တစ်ဖက်မှာလည်းနိုင်ငံတကာနဲ့ တရုတ်အစိုးရရဲ့အမြင်မှာ  KIA နဲ့ PDF ပူးပေါင်းတပ်က အကြမ်းဖက်နေတဲ့ပုံစံထင်ယောင်ထင်မှားဖြစ်အောင် ဆက်တိုက်လုပ်ဆောင်လာတာမြင်တွေ့လာရတယ်လို့ ကချင်နိုင်ငံရေးလေ့လာသုံးသပ်သူတစ်ဦးက KNG ကိုပြောပါတယ်။ “ဒါက စစ်တပ်ကိုယ်တိုင်လုပ်ဆောင်နေတယ်လို့ပဲမြင်ပါတယ်။ ပြောရရင် မြစ်ကြီးနားမှာ KIA နဲ့ PDF တွေက လေယာဉ်ကွင်း လေဆိပ်တွေအထိ ပစ်ခတ်တိုက်ခိုက်တာတွေ ဆက်တိုက်လုပ်တယ်ဆိုတဲ့ အမြင်မှားအောင် တမင်လုပ်နေတာ။ ဘာလို့လဲဆိုတော့ စစ်တပ်က အခု အစိုးရအသစ်လည်း ဖွဲ့စည်းတော့မယ်။ နောက်ပြီး မြစ်ဆုံစီမံကိန်းတွေ ထပ်ပြီးလုပ်ဆောင်လာဖို့အတွက် လုပ်ဇတ်လုပ်နေတယ်။ KIA နဲ့ PDF တွေရှိနေရင် လုံခြုံမှုမရှိဘူးဆိုပြီး မဖြစ်ဖြစ်အောင် လုပ်နေတဲ့သဘောလို့ပဲသုံးသပ်ပါတယ်”လို့ပြောပါတယ်။ ပြည်သူတွေရှိတဲ့ လေဆိပ်နေရာနဲ့ မြို့ပေါ်ရပ်ကွက်တွေအထိ ပစ်ခတ်မှုတွေ ဆက်တိုက်ဖြစ်ပေါ်လာတဲ့အခြေအနေမှာ စစ်တပ်ဟာ မြစ်ဆုံစီမံကိန်းဖော်ဆောင်နိုင်ဖို့ KIA နဲ့ တော်လှန်တပ်ဖွဲ့တွေကို မြို့နဲ့ နီးတဲ့အနီးတဝိုက်မရှိစေလိုတဲ့ ရည်ရွယ်ချက်တဲ့ လုပ်ဆောင်လာတာဖြစ်တယ်လို့ သုံးသပ်နေတာလည်းဖြစ်ပါတယ်။ နောက်ပြီး မြစ်ကြီးနားမြို့နဲ့ တစ်ဆက်တည်းရှိတဲ့ ဝိုင်းမော်မြို့အနီးတစ်လျှောက် ကျေးရွာတွေမှာ ထိုးစစ်ဆင်တိုက်ပွဲဖော်ဆောင်နေတာ ပြီးခဲ့တဲ့ ၂၀၂၅ ခုနှစ်ကနေ တစ်နှစ်ကျော်ခန့် ကြာမြင့်လာပြီဖြစ်ပါတယ်။ KIA သိမ်းပိုက်နယ်မြေဖြစ်သလို တရုတ်နယ်စပ်မြို့တွေဖြစ်တဲ့ ချီဖွေ၊ ပန်ဝါ၊ ဆဒုံးနဲ့ ကန်ပိုင်တည်ဘက်ကို ဦးတည်ပြီး စစ်ကြောင်းထိုးတိုက်ခိုက်နေတဲ့ စစ်တပ်နဲ့ ပြည်သူ့စစ်တွေဟာ စစ်ကြောင်းထိုးဝင်နိုင်မရှိမရှိတဲ့အတွက် ဝိုင်းမော်မြို့အနီး မိုင်းနား၊ ဝူယန်နဲ့ လမြန်ကျေးရွာတစ်လျှောက် နှစ်ဆန်းပိုင်းကနေ တိုက်ပွဲပြန်ဖြစ်နေတာဖြစ်ပါတယ်။ ဝိုင်းမော်မြို့နယ်ထဲမှာ စစ်ရေးအကောင်အထည်မဖော်နိုင်တဲ့အတွက် မြစ်ကြီးနားမြို့ကို မတည်မငြိမ်ဖြစ်အောင် လုပ်ဆောင်နေတဲ့ အခြေအနေလည်း ပါဝင်နိုင်တယ်လို့ ကချင်နိုင်ငံရေးသုံးသပ်သူတွေ ပြောပါတယ်။ စစ်တပ်ဟာ အစိုးရအသစ်ပြောင်းလဲလာတဲ့တစ်ချိန်ထဲမှာပဲ မြစ်ဆုံစီမံကိန်းကိုလည်း မဖြစ်ဖြစ်အောင် လုပ်ဆောင်ဖို့ရှိလာတာကြောင့် အများပြည်သူရဲ့ အားပေးထောက်ခံမှုတွေ ရရှိအောင် ကြိုးပမ်းနေတာလည်း ဖြစ်နိုင်တယ်လို့ နောက်ထပ် ကချင်အရေးကျွမ်းကျင်တဲ့ အမျိုးသားတစ်ဦးလည်း အခုလိုဆက်သုံးသပ်ထားပါတယ်။ “လေဆိပ်တိုက်ခိုက်ခံရတာနဲ့ ပတ်သက်ပြီး စစ်ကောင်စီမလုပ်ဘူးလို့လုံးဝမပြောနိုင်ပါဘူး။ အခုဆို စီမံကိန်းနဲ့ ပတ်သက်ပြီးမှ ပြည်သူလူထုရဲ့ မေတ္တာ ထောက်ခံမှုတွေဆိုချင်နေတယ်။ အဲ့ဒါကြောင့် KIA နဲ့ PDF တွေက မကောင်းတဲ့ ပုံစံဖြစ်အောင် ဖန်းတီးနေတာလည်းဖြစ်နိုင်တယ်။ မြစ်ကြီးနားမှာရှိတဲ့ လူတော်တော်များများလည်း အဲ့လိုပဲသုံးသပ်နေကြပါတယ်”လို့ပြောပါတယ်။ မြစ်ကြီးနားမြို့ အများပြည်သူသုံးလေဆိပ်ဟာ ပြီးခဲ့တဲ့ဖေဖော်ဝါရီလ ၁၂ ရက်နေ့မှာပထမအကြိမ် ဒရုန်းနဲ့ပစ်ခံရချိန်မှာလည်း စစ်ကောင်စီက KIA နဲ့ PDF တွေသာဖြစ်ကြောင်း ထုတ်ပြန်ပြောဆိုထားပါတယ်။ အလားတူ မနေ့က ဖေဖော်ဝါရီလ ၂၀ ည ပစ်ခတ်ခံရတဲ့အခြေနေမှာလည်း KIA နဲ့ PDF တွေရဲ့ လက်ချက်သာဖြစ်ကြောင်း စစ်ကောင်စီ ထုတ်ပြန်ပြောဆိုခဲ့ပြီး ပြင်းထန်တဲ့တုံ့ပြန်မှုတွေ လုပ်ဆောင်သွားမယ်လို့ သတိပေးပြောဆိုတာတွေလည်းရှိလာပါတယ်။ ဒီကိစ္စနဲ့ပတ်သက်ပြီး KIO ဘက်ကမဟုတ်ကြောင်း ငြင်းဆိုထားသလို KIA က စစ်ရေးပစ်မှတ်မဟုတ်တဲ့နေရာ၊ ရန်သူမရှိတဲ့ နေရာတွေကို ပစ်ခတ်တာမလုပ်ဘူးလို့ KIO ပြန်ကြားရေးတာဝန်ခံ ဗိုလ်မှူးကြီးနော်ဘူက KNG ကိုပြောဆိုထားတာရှိပါတယ်။ ကချင်နိုင်ငံရေးသုံးသပ်သူတွေရဲ့ ပြောဆိုချက်အရလည်း KIO၊PDF ပူးပေါင်းတပ်တွေ တိုက်ခိုက်မည်ဆိုပါက စစ်တပ်လေယာဉ်ကွင်း နန့်ပေါင်လေတပ်၊ မြောက်ပိုင်းတိုင်းစစ်ဌာနချုပ်နေရာနဲ့ စစ်တပ်နဲ့ သက်ဆိုင်တဲ့နေရာတွေကိုသာ ပစ်မှတ်ထားတိုက်ခိုက်ကြမှာဖြစ်တယ်လို့…

Read More »

တနိုင်းမှာ ရေခဲငါးတစ်ပိဿာ ငါးသောင်းကျပ် အထိစျေးမြင့်တက်

ရွှေဘို–မြစ်ကြီးနားကားလမ်းပိုင်းပိတ်သွားတဲ့နောက် တနိုင်းမြို့မှာ ရေခဲငါးတစ်ပိဿာ ကျပ် ၅၀၀၀၀ (ငါးသောင်း) အထိစျေးမြင့်တက်နေတယ်လို့ တနိုင်းမြို့ခံတွေဆီကနေ သိရပါတယ်။ ပြီးခဲ့တဲ့ ဇန်နဝါရီလဆန်းပိုင်းကစပြီး ရွှေဘို–မြစ်ကြီးနားကားလမ်းပိတ်သွားတဲ့နောက်ပိုင်း တနိုင်းမြို့ထဲအခြေခံစားသောက်ကုန်အဝင်နည်းလာသလို လက်ကျန်ရောင်းနေတဲ့ကုန်ပစ္စည်းတွေလည်း စျေးနှုန်းအဆမတန်မြင့် တဲ့အပြင် တစ်ခြားသောအခြေခံစားသောက်ကုန်ပစ္စည်းတစ်ချို့ပြတ်လပ်တာတွေကြုံနေရတယ်လို့  တနိုင်းမြို့ခံအမျိုးသမီးတစ်ဦးက အခုလိုပြောပါတယ်။ “အရင်ကတော့ ရေခဲငါးတပိဿာ ကျပ် ၃၀၀၀၀ (သုံးသောင်း)၊၅၀၀၀၀ (ငါးသောင်း) ကျပ်အထိစျေးမြင့်တက်စျေးတက်တာမကြာသေးဘူး။ လမ်းပိုင်းပိတ်တဲ့နောက်ပိုင်းမှတက်တာ ဆားလည်းတထုပ်ကို နှစ်ထောင့်ငါးရာဖြစ်သွားပြီ”လို့ ပြောပါတယ်။ ရွှေဘို–မြစ်ကြီးနားလမ်းပိုင်းမပိတ်မှီ တနိုင်းမှာ ကြက်သားတပိဿ ၃၅၀၀၀ (သုံးသောင်းငါးထောင်) ယခု ၆၀၀၀၀ (ခြောက်သောင်း)၊ ငါးတပိဿ ကျပ် ၃၀၀၀၀ (သုံးသောင်း) လက်ရှိ ၅၀၀၀၀ (ငါးသောင်း) ယခင်အိုင်အိုဒင်းဆား တထုပ်ကျပ် ၁၅၀၀ (တစ်ထောင့်ငါးရာ) ယခု ၂၅၀၀ (နှစ်ထောင့်ငါးရာ) စသဖြင့်ကုန်စျေးနှုန်းတွေအဆမတန်မြင့်တက်နေတယ်လို့ မြို့ခံတွေပြောပါတယ်။ “ကုန်စျေးတက်နေတာ တစ်လကျော်ကျော်လောက်တော့ရှိပြီ ခုပိုတောင်တက်တက်လာတယ်။ ကြက်သွန်နီဆိုရင်လည်း တပိသာ ၅၀၀၀ (ငါးထောင်) ကနေအခု ကျပ် ၈၀၀၀ (ရှစ်ထောင်အထိ) တက်တယ်။ ကြက်သွန်ဖြူဆိုရင် တပိဿာ တစ်သောင်းကျော်သွားပြီ ကြက်ဥ၊ခေါက်ဆွဲခြောက်အစအကုန်တက်တယ်”လို့ နောက်ထပ်ဒေသခံအမျိုးသမီးတစ်ဦးကပြောပါတယ်။ တနိုင်းဒေသအတွက် အခြေခံစားသောက်ကုန်၊လူသုံးကုန်နဲ့အခြားလိုအပ်တဲ့ကုန်စည်တွေကို မြစ်ကြီးနား– တနိုင်းကားလမ်းပိုင်းကနေတဆင့် မြန်မာပြည်အောက်ပိုင်းမန္တလေး၊ရန်ကုန်ဘက်က တင်သွင်းတဲ့ကုန်တွေကိုပဲအဓိကအားထားနေရတာဖြစ်ပါတယ်။ လက်ရှိမှာတော့ မြစ်ကြီးနား–မန္တလေးဗျူဟာကားလမ်းပိုင်းရဲ့တစိပ်တပိုင်းဖြစ်တဲ့ ရွှေဘို–မြစ်ကြီးနားဗျူဟာလမ်းပိုင်းကို ရွှေဘိုမြို့အနီးက ရွှေကိုးပင်ဂိတ်မှာစစ်ကောင်စီတပ်ကပိတ်ထားပြီး ရွှေကိုးပင်ဂိတ်အကျော်မှာလည်း ကာကွယ်ရေးတပ်တွေက ဗျူဟာလမ်းပိုင်းကိုပိတ်ထားတာတွေရှိတယ်လို့ သိရပါတယ်။ ဒါကြောင့် ကားသမားတွေဟာ ပိတ်ထားတဲ့ဗျူဟာလမ်းပိုင်းနေရာအစား ကွင်းလမ်းအသုံးပြုသွားနေရတဲ့အတွက် ပုံမှန်တရက်ခရီးသာရှိတဲ့ ရွှေဘို–မြစ်ကြီးနားလမ်းကို ကွင်းလမ်းသုံးပြီး ရက်ပေါင်း ၂၀ နီးပါးကြာသွားနေရတယ်လို့ ကားသမားတွေပြောပါတယ်။ အခုလိုရွှေဘို–မြစ်ကြီးနားကားလမ်း ဗျူဟာလမ်းပိုင်းပိတ်ထားတာ ကွင်းလမ်းမှာခက်ခက်ခဲခဲသွားလာနေရတာတွေကြောင့် လက်ရှိ တနိုင်းဒေသအပါအဝင် မြို့တော်မြစ်ကြီးနားနဲ့ ပူတာအို၊ဖားကန့်စတဲ့မြို့နယ်တွေဘက်မှာလည်း အခြေခံစားသောက်ကုန်တွေစျေးကြီးတာ၊အချို့ကုန်စည်နဲ့အခြေခံဆေးဝါးပြတ်လပ်တာတွေ ပိုပြီးဆိုးလာနေတယ်လို့ ဒေသခံပြည်သူတွေပြောပါတယ်။ ရွှေဘို–မြစ်ကြီးနားကားလမ်းပိုင်းဟာ ပြီးခဲ့တဲ့ ၂၀၂၄၊ ၂၀၂၅ ခုနှစ်ကတည်းကနေ ကွင်းလမ်းအသုံးပြုသွားလာနေရတာဖြစ်ပေမယ့် ယခင်နှစ်တွေမှာတော့ တစ်ပတ်ကနေ ၁၀ ရက်ဝန်းကျင်အထိ ကြာမြင့်တတ်ပြီး ဒီနှစ်ထဲမှာတော့ ၁၀ ရက်ကနေ ရက် ၂၀ နီးပါးအထိကိုခရီးကြန့်ကြာနေတယ်လို့သိရပါတယ် မြစ်ကြီးနား–ရွှေဘို ဗျူဟာကားလမ်းမကြီးကို စစ်ကောင်စီတပ်က ရွှေကိုးပင်ဂိတ်ကနေ ပြီးခဲ့တဲ့၂၀၂၅ ခုနှစ် ဒီဇင်ဘာ ၈ရက်နေ့ကတည်းကပိတ်ထားတာဖြစ်ပြီး အလားတူကာကွယ်ရေးတပ်တွေဘက်ကလည်း ရွှေကိုးပင်ဂိတ်နဲ့မြစ်ကြီးနားကြားမှာ ဗျူဟာလမ်းမကြီးကိုပိတ်စို့ထားတဲ့နေရာတွေရှိကြောင်းသိရပါတယ်။ လူဦးရေ တစ်သန်းကျော်၊ခရိုင်လေးခု၊မြို့နယ် ၁၈ မြို့နယ်နဲ့ဖွဲ့စည်းထားတဲ့ ကချင်ပြည်နယ်ဟာ စစ်တပ်အာဏာသိမ်းပြီးနောက်ပိုင်း နှစ်ဖက်လက်နက်ကိုင်တပ်ရဲ့လမ်းပိတ်ဆို့မှုကြောင့် ကုန်စျေးနှုန်းမြင့်တက်မှုက တစ်နေ့ထက်တစ်နေ့ပိုပြီးဆိုးရွားလာနတာလည်းဖြစ်ပါတယ်။ By – Zaw Zaw

Read More »

မြစ်ကြီးနားမြို့မှာ ကုန်ပစ္စည်းနဲ့ အခြေခံဆေးဝါးတစ်ချို့ပြတ်လပ်လာ

မြစ်ကြီးနားမြို့ရဲ့ကုန်အဝင်အထွက်လမ်းကြောင်းအားလုံး ပိတ်ခံထားရတဲ့အတွက် အခြေခံစားသောက်ကုန်တွေနဲ့ဆေးဝါးတစ်ချို့ပြတ်လပ်လာပြီလို့ မြို့ခံတွေကပြောပါတယ်။ မြစ်ကြီးနားမြို့ရဲ့အဓိက အခြေခံစားသောက်ကုန်တွေကို မြစ်ကြီးနား– မန္တလေး ဗျူဟာလမ်းမကြီးကနေဝင်လို့ရသလို မြစ်ကြီးနား– ကံပိုက်တည်လမ်းကနေလည်း ဝင်ရောက်နိုင်တာလည်းဖြစ်ပါတယ်။ ဒါပေမယ့် မြစ်ကြီးနား– မန္တလေး ကားလမ်းပိုင်းမှာရှိတဲ့ ရွှေဘိုမြို့အနီီး စစ်တပ်နဲ့ ကာကွယ်ရေးတပ်တွေကြားကတိုက်ပွဲကြောင့် ရွှေကိုးပင်ဂိတ်မှာကုန်ကားတွေပိတ်ခံထားရတာဟာ ခုဆိုရက်ပေါင်း ၂၀ ဝန်းကျင်ကြာမြင့်လာပြီဲဖြစ်ပါတယ်။ အလားတူ မြစ်ကြီးနား– ကံပိုက်တည်လမ်းပိုင်းကနေ ဝင်လာတဲ့ကုန်ကားတွေကိုလည်း စစ်ကောင်စီတပ်က ဗလမင်းထင်တံတားမရောက်မှီ မိုင်းနားကျေးရွာအဝင်မှာပိတ်ပင်ထားတဲ့အတွက် မြစ်ကြီးနားမြို့ထဲ ကုန်ကားတွေမဝင်ရောက်နိုင်တာဟာ ခုဆို နှစ်ပတ်ဝန်းကျင်ရှိလာနေပြီဲဖြစ်ပါတယ်။ မြစ်ကြီးနားမြို့တွင်းကုန်ဈေးနှုန်းအခြေနေနဲ့ပတ်သက်လို့ ဈေးသည်အမျိုးသမီးတစ်ဦးပြောတာက“ကုန်ဈေးနှုန်းတက်ချက်ကပြောမနေနဲ့။ ပစ္စည်းကတက်တိုင်းလည်းဝယ်လို့မရပြန်ဘူး။ ပစ္စည်းကပျက်သလောက်တော့ ပျက်ကုန်ပြီ မရှိဘူးပဲပြောတာ။ ကျမတို့ဖောက်သည်ဈေးနဲ့ ဝယ်တဲ့သူ တွေတောင်မှ ခွဲတမ်းနဲ့ဘဲရောင်းပေးတာ။ ရှိတဲ့သူတွေ ကလည်း ဈေးတွေတင်ရောင်းနေတာပေါ့။ ခါတိုင်းဆိုရင် အောက်ပိုင်းက လေယာဥ်နဲ့ဝင်သေးတယ်။ ဟိုတလောက တစ်ရက် နှစ်ရက် လေယာဥ်လမ်းကြောင်းကလည်းရပ်သွားသေးတာကို။“လို့ပြောပါတယ်။ မြစ်ကြီးနားမြို့တွင်းပြတ်လပ်လာတဲ့ ပစ္စည်းတွေကတော့ ကြက်သား၊ငါး၊ကော်ဖီ၊ Gas တွေပြတ်လပ်နေတဲ့အပြင် နောက်ထပ် ခရမ်းချဉ်သီး၊ ကြက်သွန်နီ၊ကြက်သွန်ဖြူနဲ့အတူ  ဖြည့်စွက်စာ၊ နို့မှုန့် နဲ့ အခြေခံဆေးဝါးတချို့ဖြစ်တယ်လို့ မြို့ခံတွေကပြောကြပါတယ်။ “Gas ဆိုင်တွေဆိုအားလုံးပိတ်ထားကြပြီ ရောင်းစရာမရှိလို့တဲ့ ပြီးရင် ကော်ဖီမစ်တောင်တစ်ချို့ဆိုင်တွေပြတ်နေပြီ တကယ် စျေးကလည်းကြီးမှကြီးအေ နှစ်ဆနီးပါးကိုတက်နေတာ ရှိတဲ့ကုန်တွေကလည်း”လို့ နောက်ထပ်မြို့ခံအမျိုးသားတစ်ဦးပြောပါတယ်။ မြစ်ကြီးနား– မန္တလေးလမ်းမှာ ကုန်ကားတွေပိတ်မိနေတဲ့အဓိကအကြောင်းရင်းကတော့ ပြီးခဲ့တဲ့ ၂၀၂၅ ခုနှစ် ဒီဇင်ဘာလကစလို့ ကန့်ဘလူခရိုင်ထဲမှာ အမျိုးသား ညီညွှတ်ရေးအစိုးရ လက်အောက်ခံ PDF ၊ ပကဖ နဲ့ အာရက္ခတပ်တော် AA ပူးပေါင်းတပ်တွေဟာ စုပေါင်း စစ်ဆင်ရေးပြုလုပ်နေ တာကြောင့်ဖြစ်ပါတယ်။ အမှတ် ၁ စစ်‌ဒေသရဲ့ထုတ်ပြန်ချက်အရ ယခုလ ဖေဖော်ဝါရီလအစမှာဆိုရင် မန္တလေး–မြစ်ကြီးနား လမ်းမပေါ်က စစ်ကော်မရှင်နဲ့ လက်အောက်ခံ ပျူစောထီးတပ်စခန်းတချို့ကိုသိမ်းပိုက်ခဲ့ကြပြီး ပြီးခဲ့တဲ့အပတ်ဖေဖော်ဝါရီလအထိကို စခန်းတချို့ကိုသိမ်းပိုက် နိုင်ခဲ့ကြောင်းသိရပါတယ်။ ဒါ့ကြောင့်ခရီးသွားကားလေးတွေကတော့ ရွှေဘို၊ ကန့်ဘလူ၊ ကောလင်းနယ်ထဲက စစ်ကော်မရှင်နဲ့တော်လှန်ရေးအင်အားစုတွေ တိုက်ပွဲပြင်းထန်နေတဲ့နေရာတွေကို ကွင်းသွားရပြီး မန္တလေး–မြစ်ကြီးနား ခရီးစဥ်က ၅ ရက်နီးပါးကြာမြှင့်နေတယ်လို့ ကားသမား တွေကပြောပါတယ်။ လက်ရှိ မြစ်ကြီးနား–မန္တလေးလမ်းပိုင်း ရွှေဘိုမြို့အထွက် ကိုးပင်ဂိတ်တွင် စစ်ကော်မရှင်တပ်၊ ခင်ဦးလမ်းဆုံအကျော် ယောက်သွားအိမ် နဲ့ ကုက္ကိုလ်ကုန်းဂိတ်တွင် ကာကွယ်ရေးတပ်၊ ကျောက်တန်းဂိတ်တွင် စစ်ကော်မရှင်တပ်တို့က နေရာယူအထိုင်ချ ထားကြပြီး စစ်ရေးအခြေနေပေါ်မူတည်ကာ ခရီးသွားကားတွေကို သွားလာခွင့်ပြုနေတာလို့သိရပါတယ်။ အခုလိုအခြေနေတွေကြောင့် မြစ်ကြီးနား – မန္တလေးခရီးစဥ်ကို ခရီးသွားတွေအနေနဲ့ အရေးပေါ်ကိစ္စတစ်စုံတစ်ရာ မရှိရင် ဖြတ်သန်းသွားလာခြင်းမလုပ်သေးတာကောင်းတယ်လို့ ကားသမားတွေကအကြံပြုထားပါတယ်။ အလားတူ မြစ်ကြီးနား–ကန်ပိုက်တည်လမ်းကြောင်းကနေ ကုန်ကားတွေမဝင်ရောက်နိုင်တာဟာ စစ်တပ်ကအကြောင်းပြချက်မရှိပဲ  ကုန်ကားအားလုံးကို မိုင်းနားကျေးရွာအဝင်နားမှာဖမ်းဆီးထားတားလည်းဖြစ်ပါတယ်။ ဒါကြောင့် မြစ်ကြီးနားမြို့တွင်းမှာနေထိုင်တဲ့ စစ်ရှောင်ပြည်သူတွေနဲ့ ဒေသခံပြည်သူတွေဟာ ကုန်စျေးနှုန်းမြင့်တက်မှုဒဏ်ခံနေရဆဲလည်းဖြစ်ပါတယ်။…

Read More »

ဗျူဟာလမ်းမပေါ်က တိုက်ပွဲကြောင့် မန္တလေး-မြစ်ကြီးနား ခရီးစဉ်ကြန့်ကြာမှုရှိနေ

မြစ်ကြီးနား–မန္တလေး ဗျူဟာလမ်းမပေါ်က ကန့်ဘလူခရိုင်ထဲမှာ နှစ်ဖက်တပ်တွေထိတွေ့တိုက်ပွဲဖြစ်ပွားနေတာကြောင့် ခရီးသွားတွေကွင်းလမ်းအသုံးပြုသွားလာနေရတဲ့အတွက် ခရီးစဉ် ၃ ညအိပ် ၄ ရက် ခရီးနှင်နေရတယ်လို့ ကားသမားတွေနဲ့ စစ်ရေးသတင်းရင်းမြစ်တွေက KNG ကိုပြောပါတယ်။ ပြီးခဲ့တဲ့ ၂၀၂၅ ခုနှစ် ဒီဇင်ဘာလကစလို့ ကန့်ဘလူခရိုင်ထဲမှာ အမျိုးသားညီညွှတ်ရေးအစိုးရ လက်အောက်ခံ PDF၊ ပကဖ နဲ့  အာရက္ခတပ်တော် AA ပူးပေါင်းတပ် တွေဟာ စုပေါင်းစစ်ဆင်ရေးလုပ်ဆောင်နေတာလို့ အမှတ် ၁ စစ်ဒေသကထုတ်ပြန်ထားပါ တယ်။ ကာကွယ်ရေးတပ်တွေနဲ့နီးစပ်တဲ့ စစ်ကိုင်းကချင်အစပ်ကဒေသခံအမျိုးသားတစ်ဦးက“လုံခြုံရေးစိုးရိမ်ချက်ဆိုတာထက် ကျောက်တန်းမှာကလည်းစစ်ကောင်စီတပ်တွေကစိုးမိုးသွားတယ်။ အဲ့ဘက်ကလည်း တိုက်ပွဲ ကအချိန်မရွေးဖြစ်နိုင်တယ်။ စစ်ဒေသကလည်းထုတ်ပြန်ထားတယ်။ ပြီးခဲ့တဲ့ ရက်ပိုင်းကကို တိုက်ပွဲတွေကဆက်ဖြစ်နေတာ အဲ့လမ်းပိုင်းမှာ။ ဒါ့ကြောင့် တိုက်ပွဲမှာပြည်သူကြားညှပ်မှာစိုးလို့ ပိတ်ခိုင်းတာလို့သိရတယ်”လို့ ပြောပါတယ်။ ဒါ့အပြင် အမှတ် ၁ စစ်ဒေသရဲ့ထုတ်ပြန်ချက်အရ ကန့်ဘလူနယ်၊ ကောလင်းနယ်ထဲက မြစ်ကြီးနား–မန္တလေးဗျူဟာလမ်းမပေါ်မှာရှိတဲ့ စစ်ကော်မရှင်အထိုင်ဂိတ်တွေကို အထက်ပါပူးပေါင်းတပ်တွေကတိုက်ခိုက်နေကြတာဖြစ်ပြီး ပြီးခဲ့တဲ့ ဖေဖော်ဝါရီလ ၈ ရက်နေ့ အထိကို နှစ်ဖက်တပ်တွေတိုက်ပွဲပြင်းထန်ခဲ့ကြတာဖြစ်ပါတယ်။ ခုလို မြစ်ကြီးနား–မန္တလေးဗျူဟာလမ်းမပေါ် ကန့်ဘလူခရိုင်ထဲမှာ နှစ်ဖက်တပ်တွေရဲ့စစ်ရေးအခြေနေအရ ဗျူးဟာလမ်းပိတ်ထားတာကြောင့်ဖြစ်တဲ့အတွက် ကွင်းလမ်းကိုအသုံးပြုနေ့ရတာလို့သိရပါတယ်။ “လမ်းကြောင်းတွေက ဟိုဘက်ကပိတ်လိုက် ဒီဘက်ကပိတ်လိုက်နဲ့ပေါ့။ ကျောက်တန်းမှာကလည်းတပ်ထိုင်လိုက်တယ်။ တပ်ထိုင်တာကတော့အရေးမကြီးဘူး။ အဲ့တပ်ဂိတ်ကိုမရောက်ခင် ကာကွယ်ရေးတပ်တွေရဲ့ဂိတ်ရှိတာကို အဲ့တော့ အဲ့လမ်းကို ၄၅ မိနစ်လောက်မောင်းရမှာကို ၄ နာရီဝန်းကျင်လောက်ပတ်ပြီးမောင်းနေရတာပေါ့။ ခရီးစဥ်က သုံးညအိပ် လေးရက်ကြာတယ်”ကားသမားတစ်ယောက်ကပြောပါတယ်။ လက်ရှိ မြစ်ကြီးနား–မန္တလေးလမ်းပိုင်း ရွှေဘိုမြို့အထွက် ကိုးပင်ဂိတ်တွင် စစ်ကော်မရှင်တပ်၊ ခင်ဦးလမ်းဆုံအကျော် ယောက်သွားအိမ် နဲ့ ကုက္ကိုလ်ကုန်းဂိတ်တွင် ကာကွယ်ရေးတပ်၊ ကျောက်တန်းဂိတ်တွင် စစ်ကော်မရှင်တပ်တို့က နေရာယူအထိုင်ချ ထားကြပြီး စစ်ရေးအခြေနေပေါ်မူတည်ကာ ခရီးသွားကားတွေကို သွားလာခွင့်ပြုနေတာလို့သိရပါတယ်။ အခုလိုအခြေနေတွေကြောင့် မြစ်ကြီးနား–မန္တလေးခရီးစဥ်ကို ခရီးသွားတွေအနေနဲ့ အရေးပေါ်ကိစ္စတစ်စုံတစ်ရာမရှိရင် ဖြတ်သန်းသွားလာခြင်းမလုပ်သေးတာကောင်းတယ်လို့ ကားသမားတွေကအကြံပြုထားပါတယ်။ By – အမိုး

Read More »