ရွှေကူ
-
Oct- 2023 -23 Octoberသတင်း
ရွှေကူမြို့အဝင်အထွက်မှာ စစ်တပ်က ဝါးတားဂိတ်တွေလုပ်ပြီး အစစ်အဆေးတင်းကြပ်နေ
ကချင်ပြည်နယ် ရွှေကူမြို့ရဲ့ မြို့အဝင်အထွက် ၂နေရာမှာ စစ်ကောင်စီတပ်က ဝါးတာဂိတ်တွေပြုလုပ်ပြီး လမ်းသွားလမ်းလာဒေသခံတွေ နဲ့ ခရီးသွားပြည်သူတွေကို စစ်ဆေးမှုတွေတင်းကြပ်နေတယ်လို့ ရွှေကူမြို့ခံတွေက ပြောပါတယ်။ စစ်ကောင်စီတပ်ဟာ ရွှေကူမြို့အထက်ဘက် ဗန်းမော်ဘက်ခြမ်းမှာရှိတဲ့ အထက်လေးလမ်းဆုံမြို့ဝင်ရောက်တစ်နေရာနဲ့ ရွှေကူမြို့အောက်ဘက် မန္တလေးဘက်ခြမ်းက အောက်လေးလမ်းဆုံး မြို့အထွက်ပေါက် ၂နေရာမှာ လွန်ခဲ့တဲ့အပတ် သောကြာနေ့ကတည်းက အစစ်အဆေးတင်းကြပ်နေတာဖြစ်တယ်လို့ ရွှေကူမြို့ခံ…
Read More » -
19 Octoberသတင်း
ရွှေကူ စစ်ကောင်စီတပ် ဆက်သွယ်ရေးကုန်းအထိုင်စခန်း အလစ်ငိုက်တိုက်ခိုက်ခံရလို့ အထိနာခဲ့
ကချင်လွတ်လပ်ရေးတပ်မတော် KIA တပ်ရင်း ၁၂ နယ်မြေ၊ ရွှေကူမြို့နယ် ငဘတ်ကြီးကျေးရွာ ခမရ ၆၀၂ အထိုင်တပ်စခန်းကို KIA ၊ PDF တပ်ဖွဲ့တွေ အောက်တိုဘာလ ၁၈ ရက် မနက်ပိုင်းက အလစ်အငိုက်ဝင်ရောက်တိုက်ခိုက်ခဲ့လို့ စစ်တပ်ဘက်က အထိနာခဲ့သလို လက်နက်ခဲယမ်းများစွာကိုလည်း သိမ်းယူနိုင်ခဲ့တဲ့အပြင် တပ်စခန်းတွေကိုလည်း မီးရှို့ဖျက်ဆီးနိုင်ခဲ့တယ်လို့ ရွှေကူကာကွယ်ရေးတပ်တွေက ပြောပါတယ်။ အဲဒီဆက်သွယ်ရေးအထိုင်ဂိတ်စခန်းဟာ ရွှေကူမြို့ ငဘတ်ကြီးကျေးရွာ၊ ရွာဦးဘုန်းကြီးကျောင်းအရှေ့ဘက်မှာ တည်ရှိပြီး ရွှေကူအခြေစိုက်…
Read More » -
18 Octoberသတင်း
ရွှေကူ ငဘတ်ကြီး စစ်ကောင်စီတပ်စခန်းမှာ တိုက်ပွဲပြင်းထန်နေ
ကချင်ပြည်နယ် ရွှေကူမြို့နယ် ငဘတ်ကြီးကျေးရွာမှာရှိတဲ့ စစ်ကောင်စီ ခမရ ၆၀၂ တပ်ဖွဲ့အား ကချင်လွတ်လပ်ရေးတပ်မတော် KIA နဲ့PDF ပူးပေါင်းတပ်ဖွဲ့တွေ ဝင်ရောက်တိုက်ခိုက်နေတာကြောင့် နှစ်ဖက်တိုက်ပွဲ ပြင်းထန်နေတယ်လို့ ရွှေကူဒေသကာကွယ်ရေးတပ်ဖွဲ့တွေ ပြောပါတယ်။ ရွှေကူမြို့နဲ့ တစ်မိုင်ကျော်လောက် အကွာမှာရှိတဲ့ (ဒေသအခေါ်) ငဘတ်ကြီး စစ်တပ်ကုန်းကို KIA နဲ့ PDF ပူးပေါင်းတပ်တွေက အောက်တိုဘာလ…
Read More » -
13 Octoberသတင်း
စစ်ကောင်စီတပ်ရဲ့စစ်ရေးလှုပ်ရှားမှုကြောင့် ရွှေကူ ရွာပေါင်း ၆ ရွာက ပြည်သူတွေ ထွက်ပြေးတိမ်းရှောင်နေရ
ကချင်ပြည်နယ် ရွှေကူမြို့နယ် တစ်ဖက်ကမ်းမှာရှိတဲ့ ဧရာဝတီမြစ်ကမ်းနဘေးမှာရှိတဲ့ကျေးရွာတွေမှာ စစ်ကောင်စီတပ်က ပုံမှန်စစ်ရေးလှုပ်ရှားလာတာတွေရှိနေတာကြောင့် ဒေသခံပြည်သူတွေဟာ ကျေးရွာ တွေထဲမနေရဲပဲ ရွာပေါင်း ၆ ရွာထက်မနည်း ထွက်ပြေးတိမ်းရှောင်နေရတယ်လို့ သိရပါတယ်။ စက်တင်ဘာလ ၂၂ ရက်ကစပြီး စစ်ကောင်စီစစ်သင်္ဘောတွေ ဗန်းမော်ကနေ မန္တလေး ကိုစုန်သွားတဲ့နောက်ပိုင်းကနေစပြီး ရွှေကူမြို့တွင်းတပ်ကစစ်သားတွေနဲ့ ရွှေကူမြို့အထက်ဘက် စင်းခန်းနဲ့ မီးသွေးချောင်းဘက်မှာ တပ်စွဲထားတဲ့စစ်ကောင်စီစစ်ကြောင်းတွေဟာ ရွှေကူမြို့ တစ်ဖက်ကမ်းမှာရှိတဲ့…
Read More » -
13 Octoberသတင်း
ရွှေကူမှာ ရွှေမော်တော်ယာဉ် ၄ စီးမီးရှို့ခံရပြီး အရပ်သား ၆ ဦးဖမ်းဆီးခံရ
ကချင်ပြည်နယ် ရွှေကူမြို့ ၊ရွှေကူသင်္ဘောဆိပ်မှာကပ်ထားတဲ့ ရွှေမော်တော်လေးစီး မနေ့က ည ၄နာရီလောက်မှာ စစ်ကောင်စီတပ်က မီးရှို့ဖျကဆီးသွားပြီး အရပ်သား ၄ ဦးကိုလည်းဖမ်းဆီးသွားတယ်လို့ ရွှေကူမြို့ခံတွေဆီကနေ သိရပါတယ်။ အောက်တိုဘာလ ၁၂ ရက်နေ့ စစ်အင်အား ၄၀ ကျော်ရှိတဲ့ စစ်ကြောင်းဟာ ရွှေကူမြို့တွင်းတပ်ကနေ ရေယာဉ် ၂ စီးနဲ့ စုန်ဆင်းလာပြီး ရွှေကူသင်္ဘောဆိပ်အရောက်မှာမြစ်ကမ်းကပ်ထားတဲ့ ရွှေမော်တော်ယာဥ်အကြီး ၄ စီးကို မီးရှို့ဖျက်ဆီးသွားတာလို့ ရွှေကူမြို့နေ အမျိုးသားတစ်ဦးက KNG ကိုပြောပါတယ်။ “စစ်သားတွေက…
Read More » -
Sep- 2023 -26 Septemberသတင်း
ရွှေကူအနောက်ဘက် ရေလှဲ နဲ့ ဆင်တပ်ဒေသခံများ နေရပ်မပြန်နိုင်သေး
ကချင်ပြည်နယ် ရွှေကူမြို့အနောက်ဘက်ခြမ်းကို စစ်ကောင်စီတပ် စစ်ရေးလှုပ်ရှားလာတဲ့အတွက် ထွက်ပြေးနေရတဲ့ ဒေသခံတွေ နေရပ်မပြန်နိုင်သေးဘဲ တောတောင်တွေမှာ ဆက်လက်တိမ်းရှောင် နေရပါတယ်။ ပြီးခဲ့တဲ့ စက်တင်ဘာ ၁၈ ရက်နေ့က ရွှေကူအနောက်ခြမ်းဘက် ရေလှဲ နဲ့ ဆင်တပ်ကျေးရွာတွေကို စစ်ကောင်စီတပ်ဝင်ရောက်လာပြီးတော့ အရပ်သားတွေကို ဖမ်းဆီးခဲ့တဲ့အပြင် နေအိမ်တွေပါ မီးရှို့ဖျက်ဆီးခဲ့ပါတယ်။ အဲဒီစစ်ကောင်စီတပ်တွေက မနေ့ကထိ ရွှေကူအနောက်ဘက်ကျေးရွာတွေမှာ ရှိနေသေးတယ်လို့ ဒေသခံအမျိုးသားတစ်ဦးက KNG ကို ပြောပါတယ်။ “ရေလှဲနဲ့ ဆင်တပ်ကမပြန်နိုင်သေးဘူး စစ်သားတွေက ရွှေကူမြို့ပေါ်မှာ…
Read More » -
22 Septemberအင်တာဗျူး
ဒရုန်းစစ်ဆင်ရေးကြောင့် ကသာ နဲ့ ရွှေကူဒေသ စစ်ကောင်စီတပ်ကို အသာစီးရယူ (မေးမြန်းချက်)
ကချင်–စစ်ကိုင်း အစပ်ဒေသ၊ ကသာအထက်ပိုင်း နဲ့ ရွှေကူမြို့နယ် တစ်လျှောက်မှာ စစ်ကောင်စီတပ်က ကုန်းကြောင်း၊ ရေကြောင်းနဲ့ ထိုးစစ်ဆင်နေတာ ၂ နှစ်ကျော်ရှိလာနေပြီ ဖြစ်ပါတယ်။ အခုနှစ်တွေမှာတော့ မြို့လှနဲ့ ရွှေကူမြို့တစ်လျှောက် တိုက်ပွဲတွေမှာ စစ်တပ်ဘက်က ပိုပြီးအထိနာနေတယ်လို့ မြို့လှ…
Read More » -
19 Septemberသတင်း
ရွှေကူမှာ စက်လှေတွေမီးရှို့ဖျက်ဆီးခံလိုက်ရတာကြောင့် စက်လှေပေါ်နေထိုင်တဲ့ လူပေါင်း ၆၀ ကျော်နေရာထိုင်ခင်း အခက်အခဲဖြစ်နေ
ကချင်ပြည်နယ် ရွှေကူမြို့မှာ စစ်ကောင်စီတပ်က အရပ်သားတွေရဲ့ စက်လှေတွေကို မနေ့ကမီးရှို့ဖျက်ဆီးလိုက်တဲ့နောက် စက်လှေပေါ်မှာ မှီခိုနေထိုင်နေတဲ့အရပ်သား ၆၀ ကျော် နေရာထိုင်ခင်း နဲ့ အစားအသောက်အခက်အခဲဖြစ်သွားတယ်လို့ သိရပါတယ်။ စစ်ကောင်စီတပ်ဟာ မနေ့က စက်တင်ဘာ ၁၈ ရက်နေ့ မနက် ၈နာရီခွဲမှာ…
Read More » -
18 Septemberသတင်း
စစ်ကောင်စီတပ်တွေဟာ ရေလှဲကျေးရွာက လူနေအိမ်ရာချီမီးရှို့နေတဲ့အပြင် အရပ်သားတစ်ချို့ကိုလည်း ဖမ်းဆီးထား
ကချင်ပြည်နယ် ရွှေကူမြို့နယ် ဧရာဝတီမြစ်တစ်ဖက်မှာရှိတဲ့ ရေလှဲကျေးရွာကို စစ်ကောင်စီတပ်က ဒီကနေ့ မနက်ပိုင်းကနေ ဝင်ရောက်နေပြီး လူနေအိမ်ရာချီကိုမီးရှို့နေတဲ့အပြင် အရပ်သားတစ်ချို့လည်း ဖမ်းဆီးထားတယ်လို့ ဒေသခံတွေဆီကနေ သိရပါတယ်။ ရွှေကူမြို့တွင်းတပ်ကနေ အင်အား ၁၀၀ ကျော်ပါတဲ့စစ်ကြောင်းတစ်ကြောင်းဟာ ဒီကနေ့ စက်တင်ဘာ ၁၈ ရက်နေ့ မနက် ၉ နာရီခွဲကတည်းက ရေမော်တော်တွေနဲ့…
Read More » -
18 Septemberသတင်း
စစ်ကောင်စီတပ်ရဲ့ သင်္ဘော ၆ စီး ဝင်ရောက်လာလို့ ပြည်သူတွေရဲ့ရွှေမော်တော်ယာဉ်တွေ အများအပြားမီးရှို့ခံရ
ရွှေကူမြို့နယ် ရေပျံသင်္ဘောဆိပ်မှာ ဆိုက်ထားတဲ့ စစ်တပ်ရဲ့သင်္ဘော ၆ စီး ဒီကနေ့ မနက် ဧရာဝတီမြစ်အထက်ဘက်ကို ဆက်ပြီးဆန်တက်နေချိန်တစ်ဆက်တည်းမှာဘဲ ရွှေကူ အမှတ် ၂ ရွာသစ်မြစ်ကမ်းနံဘေးမှာ ကပ်ထားတဲ့ပြည်သူတွေရဲ့ ရွှေမော်တော်ယာဉ်ခေါ် (စက်လှေ) တွေကို မီးရှို့ပြီး ဆန်တက်နေတယ်လို့ ရွှေကူဒေသခံတွေကပြောပါတယ်။ အဲဒီသင်္ဘော ၆ စီးဟာ စက်တင်ဘာလ ၁၇ ရက်နေ့ မနေ့က ကသာကနေ ဆန်တက်လာတာဖြစ်ပြီး မနေ့ညမှာ ရွှေကူနယ်အဝင် ရေပျံရပ်ကွက်မြစ်ဘေးနားမှာ ဆိုက်ကပ်ထားရာကနေ ဒီနေ့မနက် ၁၀ လောက်မှာ ဆက်ပြီးဆန်တက်နေတာ လည်းဖြစ်ပါတယ်။ “မနက်တုန်းက သင်္ဘောတစ်စီးအရင်ဆန်လာခဲ့တယ် ဆန်လာပြီးလို့ မကြာဘူး စေတီကျောင်းနားမှာကပ်ထားတဲ့ စက်လှေတွေကို ပစ်တဲအသံအရင်ကြားလိုက်တယ်။ ထွက်ကြည့်တော့ ရွှေမော်တော်တွေကို အများကြီးရှို့သွားတာ အဲမော်တော်စက်လှေအသေးရောအကြီးရော ရှို့သွားတာ ။ ကြိုးချည်ထားတာလေ အဲဒါ ကြိုးတွေပျက်သွားတော့ တစ်စီးနဲ့တစ်စီးမီးတွေကူးကုန်တာ အဲဒါကို သူတို့ အဲမော်တော်တွေကို လာဖြန်ရင် ပစ်မယ်ဆိုပြီးပြောတော့ သွားမဖြန်ရဲကြဘူး”လို့ရွှေကူဒေသခံတစ်ယောက်က ပြောပါတယ်။ လက်ရှိချိန်ထိ စစ်ကောင်စီတပ်ရဲ့လက်နက်ရိက္ခာတင် သင်္ဘော ၆ စီးဟာ ရွှေကူရေလယ်ခေါင်မှာဘဲ ရှိနေဆဲဖြစ်ပြီးတော့ ရွာတွေကို လက်နက်တွေနဲ့ပစ်ခတ်နေသေးတာကြောင့် မီးလောင်နေတဲ့ ရွှေမော်တော်ယာဉ်စက်လှေတွေကို မီးမငြိမ်းနိုင်ကြဘူးလို့ သူကဆက်ပြောပါတယ်။ ဒါ့အပြင် စစ်ကောင်စီတပ်ရဲ့ သင်္ဘော ၆ စီး မနေ့ည ဆိုက်ကပ်ပြီး ညအိပ်နားခဲ့တဲ့ ရေပျံရပ်ကွက်မှာလည်း အမျိုးသားတစ်ချို့ကို စစ်တပ်က ဖမ်းဆီးသွားတာတွေရှိတယ်လို့ ဒေသခံတွေကပြောပေမယ့် အသေးစိတ်သိရဖို့ ခက်ခဲနေဆဲဖြစ်ပါတယ်။ “ဖမ်းခံရတာအမျိုးသားတွေချည်းဘဲလို့ ပြောတယ် ဒါပေမယ့်အသေးစိတ်ဘယ်သူတွေပါသွားသလဲဆိုတာတော့ မသိရဘူး။ ခုလည်းပစ်နေတုန်းဆိုတော့ မြစ်ကမ်းဘက် သိပ်မကပ်ရဲကြဘူး”လို့ နောက်ထပ် ရွှေကူဒေသခံတစ်ယောက်က ပြောပါတယ်။ စစ်ကောင်စီတပ်ဟာ ခုလိုအရပ်သားပြည်သူတွေရဲ့ ရွှေမော်တော်လို့ ခေါ်တဲ့ စက်လှေတွေကို မီးရှို့သွားတာဟာ သင်္ဘောတက်မယ့်မြစ်ကြောင်းတစ်လျှောက် ပစ်ခံရမှာစိုးရိမ်တဲ့အတွက် ရည်ရွယ်ချက်ရှိရှိ ကမောက်ကမဖြစ်အောင် လုပ်ခဲ့တာဖြစ်တယ်လို့ ဒေသခံတွေက ပြောပါတယ်။ အခုဆန်တက်နေတဲ့ စစ်တပ်ရဲ့လက်နက်ရိက္ခာတင် သင်္ဘော ၆ စီးဟာ စက်တင်ဘာလ ၁၀ ရက်နေ့ မနက် ၇ နာရီလောက်က မန္တလေးဂေါဝိန်ဆိပ်ကမ်းကနေ ဆန်တက်လာတာဖြစ်ပြီး စက်တင်ဘာလ ၁၄ ရက်နေ့မှာ ကသာဆိပ်ကမ်းမှာရောက်ရှိခဲ့တာဖြစ်ပါတယ်။ အဲဒီနောက် စက်တင်ဘာလ ၁၆ ရက်နေ့ ကသာကနေပြန်ပြီး ဆန်တက်ခဲ့ပြီး ၁၇ ရက်နေ့ ညမှာတော့ ရွှေကူမြို့နယ်အဝင် ရေပျံရပ်ကွက်မြစ်ကမ်းမှာ တစ်ညအိပ်ဆိုက်ကပ်ထားရာကနေ ဒီမနက်မှာပြန်ပြီး ဆန်တက်နေပြီဖြစ်ပါတယ်။ လက်ရှိချိန်ထိ အဲဒီသင်္ဘော ၆ စီးဟာ ရွှေကူနယ်အဝင် မြစ်လယ်ခေါင်မှာဘဲရှိနေသေးတယ်လို့လည်း ဒေသခံတွေကပြောပါတယ်။ စစ်ကောင်စီတပ်ဟာ ပြီးခဲ့တဲ့ဩဂုတ်လမှာလည်း မန္တလေးကနေ လက်နက်ရိက္ခာတင်တဲ့ သင်္ဘော ၉ စီး ဗန်းမော်ဘက်ကို ဆန်တက်ခဲ့တဲ့အတွက် သင်္ဘောတက်ရာမြစ်ကမ်းတစ်လျှောက်မှာနေထိုင်တဲ့အရပ်သားပြည်သူတွေ ဖမ်းဆီးသတ်ဖြတ်ခံခဲ့ရတာတွေရှိသလို ဒီတစ်ခေါက်ဆန်တက်ချိန်မှာလည်း ကသာနယ်ထဲက အရပ်သား ၆ ယောက်ကို သတ်ဖြတ်သွားတာရှိတယ်လို့ ဒေသခံတွေကပြောဆိုနေတဲ့အပေါ် အသေးစိတ်သိရှိနိုင်ဖို့ စုံစမ်းနေဆဲဖြစ်ပါတယ်။
Read More »
