,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

ကချင်ပြည်နယ် တွင် ရှမ်းနီ တပ် SNA များ တိုးချဲ့ ဖွဲ့စည်းနေ

ကချင်ပြည်နယ် အတွင်း ရှမ်းနီ တပ်စခန်းများ တိုးချဲ့ ဖွဲ့စည်း လာနေကြောင်းကို ဧပြီလ ၅ ရက်နေ့ မိုင်ဂျာယန်မြို့ စစ်ရေး အခြေအနေ သုံးသပ် ရှင်းလင်းပွဲတွင် ကချင်လွတ်လပ်ရေးအဖွဲ့ KIO/KIA ထိပ်ပိုင်း ခေါင်းဆောင်များ ပြောသည်။

Shanni Nationalities Army (SNA) ရှမ်းနီ တပ်ဖွဲ့များသည် ယခုချိန် ဗန်းမော်ခရိုင် မန်စီမြို့နယ်၊ ဧရာဝတီမြစ် တကျောနှင့် ဖားကန့်မြို့နယ်၊ ခန္တီး (စစ်ကိုင်းတိုင်း ဖားကန့်အနီး) ဒေသများတွင် ရောက်ရှိနေပြီ ဖြစ်ကြောင်း KIA စစ်ဦးစီးချုပ် ဒုဗိုလ်ချုပ်ကြီး ဂွန်ထန်ဂမ်ရှောင် က ပြောခဲ့ပါသည်။

စစ်ဦးစီးချုပ် ဆက်ပြောရာတွင် ရှမ်းနီ အမျိုးသားများ တပ်မတော် SNA တပ်ဖွဲ့များကို အစိုးရတပ်မှ လက်နက် ထောက်ပံပေးနေပြီး ယခုချိန် စစ်ပွဲတစ်ပွဲစာ တပ်ဖွဲ့တဖွဲ့ကို ကျည်ဆန် ၅၀၀၀ ကျော် စီ ထုတ်ပေးထားပြီး ဖြစ်နေကြောင်း ဆိုပါသည်။

ထို့ကြောင့် တိုင်းရင်းသား တပ်ဖွဲ့ချင်း ပြဿနာ မဖြစ်စေရန် သက်ဆိုင်ရာ ရှမ်းနီ အမျိုးသား ခေါင်းဆောင်များကို KIO ဗဟိုဌာနချုပ် လိုင်ဇာသို့ မကြာသေးမီ ဖိတ်ခေါ်ပြီး တွေ့ဆုံဆွေးနွေးမှုများလည်း ပြုလုပ်ခဲ့ကြောင်း သိရပါသည်။

ယခုချိန်မှာလည်း ဗုဒ္ဓဘာသာ ဘုန်းကြီးများ လိုင်ဇာမြို့တွင် ရောက်ရှိနေပြီး မည်သည့် အကြောင်းကြောင့် လာရခြင်းကို မသိရ သေးပါ။

လွန်ခဲ့သည့် အောက်တိုဘာလတွင် ရှမ်းပြည်နယ် တောင်ပိုင်းအခြေစိုက် ရှမ်းပြည်နယ် ပြန်လည်ထူထောင်ရေး ကောင်စီ RCSS/SSA-S သည် အစိုးရနှင့် တစ်နိုင်ငံလုံး အပစ်အခတ် ရပ်စဲရေး NCA စာချုပ် ကို လက်မှတ် ရေးထိုးခဲ့သည်။ ထို့နောက် RCSS ဌာနချုပ် Loi Tai Leng မှာ စစ်သင်တန်း ခံယူပြီးသော ရှမ်းနီတပ်ဖွဲ့ အင်အား ၃၀၀ ကျော်သည် အစိုးရတပ်နှင့် RCSS တို့၏ အကူအညီဖြင့် ကချင်ပြည်နယ် ဗန်းမော်ခရိုင် မံစီမြို့နယ်သို့ ဝင်ရောက်လာနေပြီဖြစ်ကြောင်း KIA သတင်းရပ်ကွက် က ပြောသည်။

ရှမ်းနီ အမျိုးသားများ တပ်မတော် SNA ဖွဲ့စည်း လိုက်ကြောင်း သတင်းသည် ယခုနှစ် ဇန်နဝါရီမှာ ထွက်ပေါ်လာသည်။ အဖွဲ့ ခေါင်းဆောင်မှာ မည်သူဖြစ်ကြောင်း ယခုအချိန်ထိ မသိရသေးသော်လည်း ပါဝင် ဦးဆောင်နေသူများတွင် ၁၉၉၄ ခုနှစ် KIO က စစ်အစိုးရနှင့် ငြိမ်းချမ်းရေး လက်မှတ် ရေးထိုးရန် ပြင်ဆင်နေချိန် KIO ဥက္ကဌ မလိဇွပ်ဇော်မိုင် က KIO နယ်မြေမှ မောင်းထုတ်ခဲ့သော ကျောင်းသား တပ်မတော် ABSDF (မြောက်ပိုင်း) တွင် ပါဝင်ခဲ့သော ရှမ်းနီများ ပါကြောင်း သိရသည်။

“ရှမ်းပြည်နယ်မှာ ကချင်တပ်ဖွဲ့ ရှိ သလို ကချင်ပြည်နယ် မှာလည်း ရှမ်းတပ်ဖွဲ့ ရှိ ရမယ်” ဆိုသော ပြောဆိုမှုသည် အစိုးရ၏ သွေးခွဲမှု လုပ်ရပ် ဟု မှတ်ယူထားကြောင်း KIA စစ်ဦးစီးချုပ် ဒုဗိုလ်ချုပ်ကြီး ဂွန်ထန်ဂမ်ရှောင် ပြောခဲ့သည်။

Read Previous

ကခ်င္ အသင္းေတာ္မ်ား တႏိုင္းျမိဳ႕ရွိ ဘိန္းခင္း ဧက ၂ ေထာင္ေက်ာ္ ဖ်က္ဆီး

Read Next

လီဆူ ပြည်သူ့စစ် ခေါင်းဆောင်များကို KIO ခေါ်ယူ တွေ့ဆုံ နေ