ငြိမ်းချမ်းရေးဆွေးနွေးမှုသတင်း

လီဆူ ပြည်သူ့စစ် ခေါင်းဆောင်များကို KIO ခေါ်ယူ တွေ့ဆုံ နေ

လီဆူ ပြည်သူ့စစ်အဖွဲ့ ထပ်မံ ဖွဲ့စည်းလိုက်ခြင်းနှင့် ပတ်သက်ပြီး အကျိုးအကြောင်း သိရှိရန် သက်ဆိုင်ရာ လီဆူ အမျိုးသား ခေါင်းဆောင်များကို ကချင် လွတ်လပ်ရေး အဖွဲ့ KIO က ခေါ်ယူ တွေ့ဆုံ နေကြောင်း သိရသည်။

ထို့ကြောင့် လွန်ခဲ့သည့် အပတ်မှ စပြီး လီဆူ ခေါင်းဆောင်များ KIO ဗဟို ဌာနချုပ် လိုင်ဇာမြို့သို့ ရောက်လာနေပြီဖြစ်ကြောင်း KIO အရာရှိများမှ သိရပါသည်။

ကချင် လွတ်လပ်ရေး တပ်မတော် KIA တပ်မဟာ (၂) နယ်မြေ ဟူးကောင်းချိုင့်ဝှမ်း ဒေသ တနိုင်းမြို့နယ်တွင် လီဆူ ပြည်သူ့စစ်အဖွဲ့ ဖွဲ့စည်းကြောင်း သတင်းများ ပေါ်ထွက်လာချိန် လီဆူ ခေါင်းဆောင်များကို KIO မှ ခေါ်ယူ တွေ့ဆုံခြင်း ဖြစ်သည်။

မြန်မာအစိုးရ၏ အားပေးမှုဖြင့် ဖွဲ့စည်းသည့် ယခု နောက်ဆုံး လီဆူ ပြည်သူ့စစ်တပ်ဖွဲ့ အပါအဝင် ကချင်ပြည်နယ်တွင် စုစုပေါင်း ပြည်သူ့စစ်တပ်ဖွဲ့ (၅) ဖွဲ့ ရှိလာပြီ ဖြစ်သည်။ ကျန် အဖွဲ့များသည် အာဒါန် (Ah Dang) ဦးဆောင်သည့် ရဝမ်ပြည်သူ့စစ်၊ ဦးလဆန်အောင်ဝါပြည်သူ့စစ်၊ ဦးဇခုန်တိန့်ယိန်း ပြည်သူ့စစ် နှင့် ရှမ်းနီပြည်သူ့စစ် တို့ဖြစ်ကြသည်။

လွန်ခဲ့သည့် ဧပြီလကုန်ပိုင်းတွင်လည်း ရှမ်းနီပြည်သူ့စစ်အဖွဲ့နှင့် ပတ်သက်ပြီး ရှမ်းနီ ခေါင်းဆောင်များကို KIO က မိုင်ဂျာယန်မြို့တွင် ခေါ်ယူ တွေ့ဆုံခဲ့ပါသည်။

Show More

Related Articles

Back to top button