တပ်မတော်အနေဖြင့် တိုင်းစစ်ဌာနချုပ် နယ်မြေ ၅ ခုတည်းတွင် အပစ်အခတ်ရပ်စဲခြင်း မဟုတ်ဘဲ တစ်နိုင်ငံလုံး အတိုင်းအတာဖြင့် ရပ်စဲသင့်ကြောင်း KIO တာဝန်ရှိသူ နှင့် ကချင်နိုင်ငံရေးပါတီမှ သုံးသပ်ပြောဆိုခဲ့ပါသည်။
ဒေသခံတိုင်းရင်းသားပြည်သူများ၏ ငြိမ်းချမ်းရေးအပေါ်မျှော်လင့်ချက် ငြိမ်းချမ်းရေးလုပ်ငန်းစဉ်များအား ယုံကြည်မှုအပြည့်ဖြင့် ပိုမိုဆောင်ရွက်နိုင်ရေး ရည်ရွယ်ချက်ဖြင့် အပစ်ရပ်ကာလ ၂ လထပ်မံတိုးမြှင့်ပေးခြင်း ဖြစ်ကြောင်း တပ်မတော်ကာကွယ်ရေးဦးစီးချုပ်ရုံးမှ ဇွန်လ ၃၀ ရက်နေ့ ကြေငြာချက် ထုတ်ပြန်ခဲ့သည်။
“အပစ်အခတ်ရပ်ဆိုင်းပေးတာကအရမ်းကောင်းပါတယ်။ ဒါပေမယ့်ရခိုင်ပြည်နယ် အပါအဝင် တနိုင်ငံလုံး အပစ်အခတ်ရပ်စဲပေးရင် ပိုကောင်းတာပေါ့။ အခုဟာကသူတို့ရဲ့နယ်မြေ ၅ ခုမှာပဲ စစ်ဆင်ရေးလှုပ်ရှားမှုတွေမလုပ်ဘူးလို့ ပြောတဲ့သဘောသက်ရောက်နေတယ်” ဟု ကချင်လွတ်လပ်ရေးအဖွဲ့ KIO ပြန်ကြားရေးတာဝန်ရှိသူ ဗိုလ်မှူးကြီးနော်ဘူ မှ ကချင်သတင်းဌာန KNG သို့ပြောပါသည်။
တပ်မတော် အပစ်အခတ်ရပ်ဆိုင်းရေး ကြေငြာထားသော နယ်မြေ ၅ ခုမှာ မြောက်ပိုင်းတိုင်းစစ်ဌာနချုပ်နယ်မြေ ၊ အရှေ့မြောက်တိုင်းစစ်ဌာနချုပ်နယ်မြေ၊ အရှေ့ပိုင်းစစ်ဌာနချုပ်နယ်မြေ၊ အရှေ့အလယ်ပိုင်းတိုင်းစစ်ဌာနချုပ်နယ်မြေ၊ တြိဂံဒေသ တိုင်းစစ်ဌာနချုပ်နယ်မြေတို့ဖြစ်ပြီး အနောက်ပိုင်း တိုင်းစစ်ဌာနချုပ်နယ်မြေ ပါဝင်ခြင်း မရှိသည်ကို တွေ့ရပါသည်။
လွန်ခဲ့သည့် အပစ်ရပ်ကာလ ၆ လအတွင်း မြန်မာပြည်တွင်း ငြိမ်းချမ်းရေးဆိုင်ရာတွေ့ဆုံဆွေးနွေးမှု၂ ကြိမ်တိုင် ပြုလုပ်ခဲ့သော်လည်း တိကျခိုင်မာသော အဖြေမရှိခဲ့ခြင်းကြောင့် ယခုနောက်ထပ် ၂ လ ထပ်မံတိုးမြင့်ပေးသည့်ကာလအတွင်း ပိုမိုကောင်းမွန်သော ရလဒ်ကောင်များရရှိရန် ပြည်သူအားလုံးမှမျှော်လင့်နေကြောင်း ကချင်ပြည်နယ် ပြည်သူ့ပါတီ KSPP မှ ဒေါက်တာတူးဂျာ ပြောဆိုပါသည်။
“တိုးတက်မှုကိုတော့ တွေ့ရတယ်။ ဒါပေမယ့် တိုက်ပွဲတွေဆက်မဖြစ်ဖို့တော့ အရေးကြီးတယ်။ တိုက်ပွဲဖြစ်ရင် ကြားက ပြည်သူတွေ အရမ်းဒုက္ခရောက်တယ်” ဟု အမြင်သဘောထားကိုပြောပြခဲ့သည်။
လွန်ခဲ့သည့် ဒီဇင်ဘာလမှ ဇွန်လအထိ တပ်မတော်အပစ်ရပ်ကြေငြာထားသည့် ၆ လတာ ကချင်ပြည်နယ်တွင်း အစိုးရတပ်နှင့် KIA တို့ တိုက်ပွဲ မရှိခဲ့သော်လည်း ကြေငြာချက်ပါ အရှေ့မြောက်ပိုင်းတိုင်းစစ်ဌာနချုပ်နယ်မြေ ဖြစ်သော ရှမ်းပြည်နယ်မြောက်ပိုင်း KIA တပ်စခန်းများဘက်တွင် တိုက်ပွဲ ပုံမှန် ဖြစ်ပွားနေခဲ့ပါသည်။
သို့သော်လည်း မြောက်ပိုင်းမဟာမိတ်အဖွဲ့ဝင် ကချင်လွတ်လပ်ရေးတပ်မတော် KIA ၊ ကိုးကန့်တပ်ဖွဲ့ MNDAA ၊ တအောင်းအမျိုးသားလွတ်မြောက်ရေးတပ်မတော် TNLA နှင့် ရက္ခိုင်တပ်မတော် AA တို့သည့် အစိုးရဖြင့် Bilateral အပစ်ရပ်လက်မှတ်ရေးထိုးနိုင်ရေး ဆွေးနွေးနေသည့်ကာလလည်း ဖြစ်ပါသည်။
ဇွန်လ ၃၀ ရက်နေ့ မိုင်းလားဒေသတွင် အစိုးရငြိမ်းချမ်းရေးကော်မရှင်နှင့် မြောက်ပိုင်းမဟာမိတ်အဖွဲ့ တို့ တွေ့ဆုံခဲ့ပြီး ဇူလိုင်လ ဒုတိယအပတ် နှင့် တတိယအပတ်တို့တွင် ပြန်လည်တွေ့ဆုံရန် သဘောတူထားကြောင်းသိရပါသည်။
