,

Breaking News :

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး

အင်းတော်နယ်တွင် ထောင်ထားသည့် မိုင်းကြိုးစဆွဲမိသဖြင့် အမျိုးသား၂ဦးသေဆုံး

ကသာတွင် စစ်ကောင်စီ သတင်းပေးသူဟု ဆိုရသော ရာအိမ်မှူးတစ်ဦးဖမ်းဆီးခံရ

ပရိသတ်စိတ်ဝင်စားမည့် သတင်းအမှား ခေါင်းစဉ်ဖြင့် ဝင်ငွေရှာနေသော YouTube ချန်နယ်များကို သတိပြုရန်

ကင်းပုန်းဝပ်ပြီးပြန်လာသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ၅ဦးသေဆုံး

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

တရုတ်တစ်သျှူးငှက်ပျော်ကုမ္ပဏီတရားစွဲထားသည့် မုတ်ကြိတ်ဒေသခံများကို အမိန့်ချ

ဝိုင်းမော်မြို့နယ် တရားရုံး

တရုတ်တစ်သျှူးငှက်ပျော်ကုမ္မဏီ၏ တရားစွဲဆိုခံထားရသည့် မုတ်ကျိတ်ဒေသခံ (၇) ဦးအား ငွေဒဏ် ၅ သောင်းသို့မဟုတ် ထောင် ၆ လ ချခံရန် ဝိုင်းမော်မြို့နယ် တရားရုံးမှ နိုဝင်ဘာလ ၁၈ရက်နေ့တွင် အပြီးသတ်အမိန့်ချလိုက်ပြီဖြစ်သည်။

ထိုကြောင့် ဒေသခံ (၇) ဦးက တစ်ဦးလျှင် ငွေဒဏ် ၅ သောင်စီပေးရန် ရွေးချယ်လိုက်ကြပါသည်။

ငှက်ပျောစိုက်သည့် မျိုးဆက်သစ်ကုမ္မဏီမှ လုပ်ငန်းလုပ်ကိုင်နေစဉ်တွင် လာရောက်နှောင့်ယှက်ဖျက်စီးခဲ့သည်ဟု ဆိုကာ ၂၀၁၈ ဧပြီလ ၂၆ရက်နေ့တွင် အကျိုးဖျက်စီးမူ ပုဒ်မ ၄၂၇ ဖြင့် ဒေသခံများကို စတင်အမူဖွင့်ခဲ့ခြင်းဖြစ်ပြီး ယမန်နေ့တွင် ယခုလို အမိန့်ချမှတ်လိုက်ခြင်း ဖြစ်ပါသည်။

ဒေသခံများ သဘောတူညီမှုမရဘဲ စီမံကိန်းလုပ်ဆောင်ခဲ့သဖြင့်ဟုဆိုကာ ထိုဧရိယာအတွင်း ၂ ဖက်အပြန်အလှန် အငြင်းပွားမှုဖြစ်ပွားခဲ့ပြီးနောက် ကုမ္ပဏီဘက်မှ စတင်တရားစွဲဆိုခဲ့ခြင်း ဖြစ်ပါသည်။

“သူတို့ဘက်က စစ်ဆေးတဲ့ သက်သေထိုင်ခုံတွေ ရိုက်ချိုးတယ်၊ ရေပိုက်တွေဖျက်တယ်၊ ငှက်ပျောပင်တွေခုတ်တယ်ဆိုတာ အမှန်တစ်ကယ် ကျမတို့သွားလုပ်တယ်ဆိုတာလည်း မရှိဘူး။ တစ်ကယ်လို့ရိုက်ချိုးတယ်ဆိုရင် သူတို့အဖွဲ့တွေများကြီးရှိတယ်။ ရိုက်ချိုးတဲ့ချိန်ဓါတ်ပုံရိုက်ထားပါလား။ ဓါတ်ပုံလည်းမရိုက်ထားဘူး။ နောက်ပြီးမှ သူများတွေကို ခေါ်ပြီးမှရိုက်ချိုးပြီးမှ ကျမတို့ကို အပြစ်ညွှန်လိုက်တာဘဲဟုတ်တယ်။” တရားစွဲဆိုခံရသူများဖြစ်သည့် မုတ်ကျိတ်ဒေသခံ ဒေါ်လင်းခက်အေး ကဆိုသည်။

ဒေသခံများအနေဖြင့် ၎င်းတို့ခြံများအား ရောင်းချထားခြင်းမရှိဘဲ တရုတ်တစ်သျှူးငှက်ပျောစိုက်ဖို့ လာရောက်ကျူးကျော်ဖျက်စီးသည့် ကိစ္စများသည် တရားလိုများဘက်သို့ စစ်ဆေးခဲ့ကြသော်လည်း အမူပေါ်ပေါက်ခြင်း မရှိဘဲ ၎င်းတို့တားမြစ်ခြင်းသည်သာ အမူပေါ်ပေါက်ခြင်းအပေါ် ကျေနပ်မူမရှိကြောင်း ၎င်းကဆက်ပြောသည်။

ယင်းအမူကို တရားလိုပြုစွဲဆိုခဲ့သည့် မျိုးဆက်သစ်ကုမ္မဏီမှ တာဝန်ရှိသူအား မေးမြန်းရာတွင် ဖြေဆိုရာငြင်းဆိုခဲ့သည်။

“ အစကတော့ နွားတွေမွေးမယ်ဆိုပြီး ပွဲစားက မြေလိုက်ဝယ်တယ်။ ငှက်ပျောစိုက်မယ်ဆိုပြီးတော့မပြောဘူး။ နောက်မှငှက်ပျောစိုက်မယ်ဆိုတော့ တစ်ရွာလုံးကကန့်ကွက်တယ်။ ရောင်းတာကတော့ အိမ်ထောင်စု နည်းနည်းဘဲ ဒါပေမယ့် သူတို့ဘက်က ၃၄ အိမ်ထောင်စုလောက်ကို ဘတ်ဖိုးနဲ့ထိုးပေးလိုက်ကြတယ်။” တရားစွဲဆိုခံရသူများမှ ဦးဆိုင်းလီက ဆိုသည်။

ယင်းအမူသည် မုတ်ကျိတ်ဒေသခံတောင်သူအိမ်ခြေ တစ်ရာကျော်၏ မြေဧက ၃၀၀ ခန့်ရှိပြီး လွန်ခဲ့သည့် ၂၀၁၈ခုနှစ်တွင် မျိုးဆက်သစ်ကုမ္မဏီဘက်မှ ဒေသခံတောင်သူများ၏ မြေနေရာအချို့ကို စိုက်ပျိုးရေးုလုပ်မည်ဟုဆိုကာ ဝယ်ယူခဲ့ကြသော်လည်း အချို့မြေနေရာများအား ဝယ်ယူခြင်းမရှိဘဲ ကျူးကျော်ဝင်ရောက်လာခြင်းဖြစ်ကြောင်း ၎င်းက ဆက်ပြောသည်။

မျိုးဆက်သစ်ကုမ္မဏီမှ ယင်းဒေသခံ(၇)ဦးအား လက်ရှိစွဲဆိုထားသည့်အမူ ၂ မူရှိကာ ယခုအမူသည် အကျိုးဖျက်စီးမူ ရာဇသတ်ကြီးပုဒ်မ ၄၂၇ ဖြစ်ပြီး နောက်ထပ်စွဲဆိုထားသည့်အမူအား ပြည်နယ်တရားရုံးတွင် စွဲဆိုထားကြောင်း သိရသည်။

 

Read Previous

ဂျပန် ကျူရှင်းကာရာတေးကမ္ဘာ့ချန်ပီယံပြိုင်ပွဲတွင် မြန်မာကိုယ်စား ကချင်လူငယ် ၄ ဦးပါဝင်

Read Next

မှတ်ပုံတင် အိမ်ထောင်စု ပြုလုပ်ရာတွင် ငွေကြေးတောင်းခံပါက တိုင်ကြားနိုင်

Leave a Reply

Your email address will not be published.