,

Breaking News :

စစ်တပ်ကိုဆန့်ကျင်သော ဆရာမ ဒေါ်လငန်လွမ်းနော အကျဉ်းထောင်မှ ပြန်လည်လွတ်မြောက်လာ

ဖားကန့်လမ်း အာဏာသိမ်းတပ် စစ်ကြောင်းကို KIA မိုင်းဖြင့် စောင့်ကြို တိုက်ခိုက်

သေနတ်ဖြင့် ပစ်ခံရသည့် မိုးမောက်မြို့နယ်အုပ်ချုပ်ရေးမှူးသေဆုံး

နမ္မတီး ဆီးဒင်ယန် စစ်တပ်စခန်းကို KIA တိုက်ခိုက်

ကချင်နှင့် စစ်ကိုင်းနယ်စပ်တွင် စစ်ကောင်စီယာဉ်တန်း တိုက်ခိုက်ခံရပြီး ထိခိုက် သေဆုံးမှု များပြား

ဝိုင်းမော် ခလရ ၅၈ တပ်ရင်းပစ်ခတ်ခံရမှု စစ်ကောင်စီဘက် ထိခိုက်သေဆုံးမှုရှိ

ဖျားနာမှုများလာသည့် ဗန်းမော်စစ်ရှောင်စခန်းကို Lock Down ချမှတ်

မိုင်ဂျာယန် ကိုဗစ်-၁၉ ကူးစက်ရောဂါအခြေအနေနှင့်ပတ်သက်ပြီး KIO တာဝန်ရှိသူဖြင့် မေးမြန်းခြင်း

ခေါင်လန်ဖူး တရုတ်နယ်စပ် ကျေးရွာတွင် ကိုဗစ်လက္ခာဖြင့် သေဆုံးသူများရှိနေ

လိုင်ဇာရှိ ပြည်သူများကို ကိုဗစ်-၁၉ ပိုးရှိ မရှိ စစ်ဆေးသွားမည်

မြစ်ကြီးနား တက္ကသိုလ် ပထမနှစ်ဝက်စာမေးပွဲကို ရက်အကန့်သတ်မရှိ ရပ်ဆိုင်း

မြစ်ကြီးနား တက္ကသိုလ်

တရုတ် ဝူဟန်ဗိုင်းရပ်ကူးစက်မှုအန္တရယ်ကြောင့် ကချင်ပြည်နယ် မြစ်ကြီးနားတက္ကသိုလ် ပထမနှစ်ဝက် စာမေးပွဲဖြေဆိုနေမှုကို မတ်လ ၂၄ ရက်မှစကာ ရက်အကန့်သတ်မရှိ ရပ်ဆိုင်းလိုက်ပြီ ဖြစ်သည်။

COVID-19 ရောဂါပိုး ကင်းစင်သည့်အချိန်ထိ ရက်အကန့်သတ်မရှိ ရပ်နားထားမည်ဖြစ်ကြောင်း တက္ကသိုလ် ပါမောက္ခချုပ် ဒေါက်တာအောင်ဝင်း ပြောသည်။

“ဒီမနက်ကဘဲ ထုတ်ပြန်ပြီး ကျောင်းသားတွေအကုန်လုံးကို ပြန်လွှတ်လိုက်ပါတယ်။ ရက်ကတော့ အကန့်သတ်မရှိဘူး။ သက်ဆိုင်ရာကနေတော့ ဧပြီလ ၃၀ရက်နေ့ထိ ပွဲလမ်းသဘင်တွေမလုပ်ရဘူးဆိုပြီး သတ်မှတ်ထားပေမယ့်လို့ စာမေးပွဲဖြေဆိုမူကိုတော့ ကျန်းမာရေးကင်းစင်တဲ့ထိ စိတ်ချရပြီဆိုတဲ့ထိ ရပ်ဆိုင်းထားမှာဖြစ်ပါတယ်”ဟု ပါမေက္ခချုပ်ဒေါက်တာအောင်ဝင်းက ပြောသည်။

လက်ရှိ မြစ်ကြီးနားတက္ကသိုလ်တွင် Master တန်းဝင် ကျောင်းသားများအပါဝင် Major ပေါင်းစုံမှ ကျောင်းသား စုစုပေါင်း ၇၀၆၈ ဦး ဖြေဆိုနေကြောင်း သိရသည်။

“ စာမေးပွဲဖြေဆိုရမယ့်ရက်ကိုတော့ ဆရာကြီးတို့အနေနဲ့ အနည်း ၁၅ရက်လောက်ကြိုပြီးတော့ ကြေညာပေးမှာဖြစ်ပါတယ်။ ကျောင်းသားတွေအားလုံး အခက်ခဲမဖြစ်အောင် မြို့နယ်အုပ်ချုပ်ရေးကနေတစ်ဆင့် ဖြေဆိုမည့်ရက်တွေကို စာတွေလှမ်းပို့အကြောင်း ကြားပေးမယ်”ဟု ပါမောက္ခချုပ်ဒေါက်တာအောင်ဝင်း ပြောသည်။

တက္ကသိုလ် ပထမနှစ်ဝက်စာမေးပွဲအား မတ်လ ၁၉ ရက်မှ ဧပြီလ ၁ရက်နေ့ထိ ကျင်းပပြုလုပ်ရန်ဖြစ်ပြီး လက်ရှိချိန်တွင် ကူးစက်မှု နူန်းမြင့်မားလျက်ရှိသည့် ကိုရိုနားဗိုင်းရပ်စ်ရောဂါပြန့်ပွားမူအား ထိန်းချုပ်နိုင်ဖို့ရန်တွက် စာမေးပွဲဖြေဆိုနေမှုကို ရပ်ဆိုင်းထားရခြင်းဖြစ်ကြောင်း ၎င်းကဆက်ပြောသည်။

၁၄ ရက်အတွင်း အမေရိကန်နိုင်ငံမှ ပြန်လာသည့် ၃၆ နှစ်အရွယ်အမျိုးသား တစ်ဦးနှင့် အင်္ဂလန်နိုင်ငံမှပြန်လာသည့် ၂၆ နှစ်အရွယ် အမျိုးသား တစ်ဦး တို့ တွင် Covid-19 ပိုးတွေ့ရကြောင်း ကျန်းမာရေးဝန်ကြီးဌာနမှ ယမန်နေ့ညတွင် ထုတ်ပြန်ထားသည်။

Read Previous

COVID-19 ကူးစက်ရောဂါကြောင့် ကချင်စစ်ရှောင်စခန်းက ပြည်သူများ၏စိုးရိမ်မှု

Read Next

ထိုင်း နယ်စပ်ဂိတ်များ ပိတ်လာချိန် တရုတ်နယ်စပ်ဂိတ်များ ဖွင့်နေဆဲ

Leave a Reply

Your email address will not be published. Required fields are marked *