,

Breaking News :

ကချင်ပြည်နယ်တွင် ၃ ရက်အတွင်း ကိုဗစ်အတည်ပြုလူနာ ၁၂ ဦးထိတိုးလာ

Covid ကာလ မြစ်ကြီးနားမြို့တွင် စားသောက်ဆိုင် ၁၀၀ ကျော် ပြန်လည်ဖွင့်လှစ်ရန်စီစဉ်နေ

မြစ်ကြီးနား ကွာရန်တင်းစင်တာများအတွက် တစ်လ သိန်း ၁၅၀ ခန့် အသုံးပြုနေ

အမျိုးသမီးများအပေါ်အကြမ်းဖက်မှု ပပျောက်ရေး လှုပ်ရှားမှု မြစ်ကြီးနားတွင် ပြုလုပ်

ဆန်ပြတ်လတ်နေသော ဆော့လော်မြို့နယ်အတွက် အစိုးရက ထောက်ပံ့ပေး

လူစားလှဲမောင်းခြင်းကြောင့် တရုတ်နယ်စပ် မြန်မာကားသမားများ အခက်အခဲတွေ့နေ

ဗန်းမော်မြို့ရှိစစ်ရှောင်များကို ဗန်းမော်မှ ထွက်ပြေးလာသူများမဟုတ်ကြောင်း လက်မှတ်ထိုးခိုင်း

တရားမဝင် တရုတ်နိုင်ငံသား ၄ ဦးကို ဝိုင်းမော်တွင် ဖမ်းဆီး

စာချုပ် ချပြဖို့ထက် စီမံကိန်းအပြီးတိုင် ရပ်ဆိုင်းပေးရန်လိုလားကြောင်း မြစ်ဆုံဒေသခံများတောင်းဆို

၁၉၄၇ ပင်လုံသဘောတူညီချက်နှင့်အညီ ဖက်ဒရယ်ဒီမိုကရေစီ လိုလားကြောင်း KSPP အကြောင်းပြန်

Lockdown ဖြေလျှော့ပြီး ၅ ပတ်အကြာမှသာ အခြေခံပညာရေးကျောင်းများ ပြန်ဖွင့်နိုင်မည့်အလားအလာရှိ

တစ်နိုင်ငံလုံးအတိုင်းအတာ Lockdown ဖြေလျှော့ပြီးနောက် စာစစ်ရန်ကျန်ရှိနေသည့် တိုင်းနှင့်ပြည်နယ်များသည် တပတ်အတွင်း အပြီးစစ်ဆေးရမည်ဖြစ်ပြီး ဇူလိုင်လတွင် ကျောင်းဖွင့်နိုင်ရန် စီစဉ်နေကြောင်း ကချင်ပြည်နယ်ပညာရေးရုံးမှ သိရသည်။

ကချင်ပြည်နယ်၏ ၂၀၁၉ -၂၀၂၀ အဖြေလွှာများကိုမူ စစ်ဆေးပြီးစီးကာ အောင်စာရင်း ထုတ်ပြန်ရန်အသင့်ရှိနေပြီဖြစ်သောကြောင့် အခြား တိုင်းနှင့်ပြည်နယ်များကိုသာ စောင့်ဆိုင်းနေရသည်ဟု သိရသည်။

လက်ရှိတွင် မေလ ၃၁ ရက်နေ့အထိ တစ်နိုင်ငံလုံးအတိုင်းအတာ Lockdown သတ်မှတ်ထားသည့်သဖြင့် Lockdown ဖြေလျှော့ပြီး ၅ ပတ်အကြာတွင် ကျောင်းဖွင့်နိုင်အောင် စီစဉ်နေသည်ဟု ပြည်နယ် ပညာရေးမှူး ဒေါ်ခင်သန်းနွဲ့က ပြောသည်။

“Lockdown ဖြေလျှော့ပြီး စာစစ်ဖို့ကျန်နေသေးတဲ့ တိုင်းနှင့်ပြည်နယ်များ တစ်ပတ်အတွင်း အားလုံးပြီးစီးအောင် စစ်ဆေးပေးရမယ်။ စစ်ဆေးပြီးတာနှင့် အောင်စာရင်းထုတ်ပြန်မှုတွေ လုပ်ရအုံးမယ်။ အဲ့ဒါတွေအားလုံးပြီးမှ ကျောင်းအပ်နှံရေး ခါတိုင်းလို သတင်းပတ် အချိန်ယူတာနှင့် ကျောင်းဖွင့်ချိန်က ဇူလိုင်လ မှာ ဖြစ်သွားမယ်လို့ ခန့်မှန်းထားပါတယ်။” ဟု ပြောသည်။

ကျောင်းပြန်ဖွင့်မည်ဆိုသော်လည်း Social Distancing ကြောင့် ထိုင်ခုံနှင့် စာရေးခုံ စားပွဲအခက်အခဲများစွာ ရှိလာနိုင်သည့်အပြင် လက်ဆေးရန် ရေရရှိရေးအပိုင်းတွင် စီစဉ်နေရကြောင်း ထပ်မံ ပြောဆိုသည်။

လက်ရှိအချိန်ထိ covid-19 ကြောင့် လွန်ခဲ့သောစာသင်နှစ်၏ အဖြေလွှာများကို စစ်ဆေးမှု မပြီးသေးသည့်အပြင် အောင်စာရင်းများကို ထုတ်ပြန်နိုင်ခြင်းမရှိသေးသည်ကိုလည်း တွေ့ရသည်။

ကျန်းမာရေးဝန်ကြီးဌာန၏ မေလ ၁၈ ရက် နံနက် ၇နာရီခွဲ ထုတ်ပြန်ချက်အရ ပိုးတွေ့ရှိသူ ၃ ဦးထပ်တိုးလာသည့်အတွက် မြန်မာပြည်တွင် ယနေ့အထိ ပိုးတွေ့ရှိသူ စုစုပေါင်း ၁၈၇ ဦးရှိပြီ ဖြစ်သည်။

 

Read Previous

အခြေခံလူတန်းစားများကို ဒုတိယအကြိမ်ပြန်လည်ထောက်ပံ့မည်

Read Next

ဝိုင်းမော်မြို့ စာသင်ကျောင်းအနီးတွင် တည်ဆောက်မည့် Mini shopping Mall ကို ဒေသခံတချို့ကန့်ကွက်

Leave a Reply

Your email address will not be published. Required fields are marked *