,

Breaking News :

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

လိုင်ဇာမြို့အနီး ခယာဘွမ့်တွင် ရိက္ခာပို့နိုင်ရန် ဒေါ့ဖုန်းယန် မှ ကားလမ်းတစ်လျှောက် စစ်အင်အားတိုးချဲ့ချထား

ဘွမ်ရာယန်စစ်ရှောင်စခန်းတွင် သောက်ရေ အဓိကအခက်အခဲဖြစ်နေ

ရှဒူးဇွပ်စစ်ရှောင်များ ရေဘေးမှလွတ်မြောက်ရေး နေရာအသစ်တွင် ပြောင်းရွေ့ရန်ခက်ခဲနေ

လိုင်ဇာမြို့အနီး အာဏာသိမ်းစစ်တပ်၏ ယာဉ်တန်းကို KIA ကြားဖြတ် တိုက်ခိုက်

အာဏာသိမ်းစစ်တပ်က ကားဖြင့်တိုက်သဖြင့် ပူတာအိုဒေသခံတစ်ဦး ခြေတစ်ဖက်ကျိုး

ဒေါ့ဖုန်းယန်မြို့အနီးတွင် အကြမ်းဖက်စစ်တပ်ကို KIA က ကြားဖြတ်တိုက်ခိုက်

KIAနဲ့ ဆက်သွယ်သည်ဟုဆိုကာ ချီဖွေစစ်ရှောင်စခန်းမှ အမျိုးသမီးတစ်ဦး စစ်ကောင်စီက ဖမ်းဆီးထား

Covid-19 ပညာပေး ပန်းချီဆရာ ၃ ဦး အပြစ်မရှိဟု တရားရုံက အမိန့်ချ

တရားစွဲခံရသော လူငယ် ၃ ဦးနှင့် ရှေ့နေများ (ဓါတ်ပုံ – JS-Art Cecilia)

Covid-19 ပညာပေးပန်းချီရေးဆွဲခဲ့သော လူငယ် ၃ဦးကို တရားစွဲဆိုထားသည့်အမှုတွင် ၎င်းတို့၌အပြစ်မရှိကြောင်း မြစ်ကြီးနား မြို့နယ်တရားရုံးက ဇူလိုင် ၁၇ ရက်နေ့တွင် စီရင်ချက် ချမှတ်လိုက်သည်ဟု သိရသည်။

လူငယ် ၃ ဦးရေးဆွဲခဲ့သည့် ပန်ချီကားနဲ့ပတ်သက်ပြီး တရားလိုက ထင်မြင်ယူဆချက်ဖြင့်သာ တရားစွဲဆိုခဲ့သောကြောင့် တရားသူကြီးက အပြစ်မရှိကြောင်း အပြီးသတ်စီရင်ခဲ့ခြင်းဖြစ်သည်ဟု စွပ်စွဲခံရသူများဘက်မှ လိုက်ပါဆောင်ရွက်ပေးခဲ့သော တရားလွှတ်တော်ရှေ့နယ် ဒေါ်ဒွဲဘူက ယခုလို ပြောသည်။

“တရားသူကြီးရဲ့ သုံးသပ်ချက်ပေါ့နော်။ အခုက တရားလိုဘက် ထွက်ဆိုချက်တွေ။ တရားခံတွေရဲ့ထွက်ဆိုချက်တွေ။ နောက်တရားခံဘက်တင်တဲ့ သက်သေအထောက်အထားတွေအကုန် တင်ပြခဲ့တာဖြစ်တယ်။ တရားလိုဘက်ကနေ ပန်းချီကားနဲ့ပတ်သက်ပြီးမှ ဗုဒ္ဓဘာသာ ရဟန်း သံဃာတွေ ဆွမ်းခံကြွလာတဲ့ပုံနဲ့တူတယ်။ နောက်သံဃာတော်တွေက ရောဂါဖြန့်ဖြူးနေတဲ့ ပုံစံဖြစ်နေတယ် ဆိုပြီး သူ့ရဲ့ထင်မြင်ယူဆချက်တွေနဲ့ဘဲ ထွက်ဆိုခဲ့တာပေါ့။ သက်သေတွေနဲ့ အတိအကျဖော်ပြ ထောက်ပြစွဲဆိုခဲ့တာမရှိဘူး။ ပြီးရင် တစ်ချို့ အဲ့ဒီတရားလိုပြသက်သေအဖွဲ့ကဘဲ ပန်းချီကားပုံက ဗုဒ္ဓဘာသာ ဘုန်းတော်ကြီးတွေနဲ့မတူဘူးလို့ ပြောဆိုတာတွေလည်းရှိတယ်။ တရားသူကြီးက ဒီအချက်တွေအပေါ်မှာ သုံးသပ်ပြီး အပြစ်မရှိကြောင်း စီရင်ချပေး လိုက်တာဖြစ်တယ်”ဟု ပြောဆိုသည်။

ပန်းချီရေးဆွဲခဲ့သော လူငယ် ၃ ဦးသည် Covid-19 ကူးစက်ရောဂါနှင့်ပတ်သက်ပြီး ပြည်သူလူထုကို အသိပညာပေးသဘောဖြင့်သာ ရေးဆွဲခဲ့ခြင်းဖြစ်သောကြောင့် ပြစ်ဒဏ်ချမှတ်၍ မရနိုင်ကြောင်း သူကဆက်လက်ပြောဆိုသည်။

လွန်ခဲ့သည့် ဧပြီလ ၃ရက်နေ့ မြစ်ကြီးနား ဘူတာတိုက်တန်းတွင် ကိုဇေယျာနှောင်၊ နော်ထွန်းအောင်နှင့် မစီစီလျာဂျာဆိုင်းတို့ပါဝင်သော ပညာပေးအဖွဲ့မှ ကိုဇေယျာနှောင်ရေးဆွဲခဲ့သော သေမင်းတမန်ပုံတွင် သေမင်း၏ဝတ်ရုံနှင့် ကိုင်ဆောင်သော အိုးမှာ ဗုဒ္ဓဘာသာအနီရောင်သင်္ကာန်းဝတ်ရုံနှင့် သပိတ် ဖြင့်ဆင်တူနေသည်ဟုဆိုကာ ပြည်နယ်သာသနာရေး ဦးစီးဌာနမှ ဒု-ညွှန်ကြားရေးမှူး ဦးထွန်းမြင့်အောင် တရားလိုပြုလုပ်ကာ သာသနာညိုးနွမ်းစေမှု ပုဒ်မ ၂၉၅ (က) ဖြင့် တရားဆွဲဆိုခဲ့သည်။

ထို့နောက် တရားစွဲခံရသူ လူငယ် ၁ ဦးလျှင် သိန်း ၁၀၀ စီဖြင့် အာမခံရရှိကာ တရားစီရင်မှုများ လုပ်ဆောင်ခဲ့ခြင်းဖြစ်သည်ဟု သိရသည်။

“တရားရုံးကနေ အပြစ်မရှိကြောင်း အမိန့်ချမှတ်ပေးလိုက်တဲ့အတွက် အရမ်းဝမ်းသာပါတယ်။ ကျနော်တို့လုပ်လိုက်တဲ့ အပေါ်မှာ အမှန်တိုင်းလုပ်ခဲ့လို့ အမှန်တိုင်းဖြစ်လာတယ်လို့ ပျော်တယ်။ အမှုစစွဲကတည်းကတော့ စိုးရိမ်မှုတွေရှိခဲ့ တယ်။ ဘာကြောင့်လဲဆိုတော့ ဘာသာရေးလည်းဖြစ်နေတယ်။ အာမခံလည်း မရတဲ့ပုဒ်မ ဖြစ်နေတော့။ နောက်ပြီး ကိုယ်က စီးပွားရေးလုပ်နေတဲ့ ပန်းချီဆရာလည်းမဟုတ်ဘူး။ ဝါသနာအရသာဆွဲတာဖြစ်တယ်” ဟု ပန်းချီရေးဆွဲသူ ကိုဇေယျာနှောင်က ပြောဆိုခဲ့သည်။

အဆိုပါအမှုကို မေလ ၁၁ရက်နေ့မှ စတင်စစ်ဆေးကာ ရုံးချိန်း ၁၃ကြိမ်ချိန်းဆိုခဲ့ပြီးနောက် ၃လအကြာ မြစ်ကြီးနား မြို့နယ်တရားရုံးမှ အပြီးသတ်စီရင်ခဲ့ခြင်းဖြစ်သည်။

Read Previous

ခေါင်လန်ဖူးဒေသ သတ္တုတူးဖော်မည့်အစီစဉ်ကို Fortuna Metals ကုမ္ပဏီဘက်က ရပ်နားထား

Read Next

ကချင်စစ်ရှောင်များ နေရပ်ပြန်ချိန်တန်ပြီလား(အင်တာဗျူး)

Leave a Reply

Your email address will not be published. Required fields are marked *