,

Breaking News :

ဖားကန့်တွင် အာဏာသိမ်းစစ်တပ်ကို KIA မိုင်းဆွဲ တိုက်ခိုက်

ဘွမ်ရာယန်စစ်ရှောင်စခန်းတွင် ကလေးများစာသင်ကြားနိုင်ရန် အကူညီအများအပြားလိုအပ်နေ

ရွှေကူတွင် PDF မသင်္ကာသူများကို အိမ်ထောင်စုစာရင်းနှင့်တကွ လိုက်လံဖမ်းဆီးနေ

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

လိုင်ဇာမြို့အနီး ခယာဘွမ့်တွင် ရိက္ခာပို့နိုင်ရန် ဒေါ့ဖုန်းယန် မှ ကားလမ်းတစ်လျှောက် စစ်အင်အားတိုးချဲ့ချထား

ဘွမ်ရာယန်စစ်ရှောင်စခန်းတွင် သောက်ရေ အဓိကအခက်အခဲဖြစ်နေ

ရှဒူးဇွပ်စစ်ရှောင်များ ရေဘေးမှလွတ်မြောက်ရေး နေရာအသစ်တွင် ပြောင်းရွေ့ရန်ခက်ခဲနေ

လိုင်ဇာမြို့အနီး အာဏာသိမ်းစစ်တပ်၏ ယာဉ်တန်းကို KIA ကြားဖြတ် တိုက်ခိုက်

ပထမအကြိမ် မဲ စာရင်းများကို ကြေညာတော့မည်

ပြည်နယ်ရွေးကောက်ပွဲ ကော်မရှင်

လာမည့် နိုဝင်ဘာလ ၈ ရက်နေ့ ရွေးကောက်ပွဲအတွက် မဲစာရင်းကို ပထမအကြိမ်အဖြစ် ဇူလိုင်လ ၂၅ ရက်နေ့မှ စကာ ရပ်ကျေးအုပ်ချုပ်ရေးမှူးရုံးများတွင် ထုတ်ပြန်ကြေညာမည်ဟု သိရသည်။

ပထမအကြိမ်အဖြစ် ဇူလိုင်လ ၂၅ ရက်နေ့မှစကာ သြဂုတ်လ ၇ ရက်နေ့ထိ ကြေညာထားမည်ဖြစ်ပြီး ဒုတိယအကြိမ်ကိုမူ အောက်တိုဘာလ ၁၄ရက်ထိ ကြေညာသွားမည်ဖြစ်သည်။

မဲစာရင်းကို မိမိ၏ ကျေးရွာ၊ ရပ်ကွက်အလိုက် သက်ဆိုင်ရာရပ်ကွက်အုပ်ချုပ်ရေးရုံးများတွင် ကြေညာမည်ဖြစ်သည့်အတွက် မဲဆန္ဒရှင်များအနေဖြင့် မဲစာရင်းတွင် မိမိအမည် ပါဝင်ထားခြင်း ရှိမရှိ သွားရောက်စစ်ဆေးရန်နှင့် မပါဝင်နေပါက ဆက်လက်လုပ်ဆောင်ရမည့်အချက်များကို ကချင်ပြည်နယ်ရွေးကောက်ပွဲကော်မရှင်ရုံး(ခွဲ)မှ အရာရှိဦးထွန်းအောင်ခိုင်က ယခုလိုပြောသည်။

“မဲစာရင်း ကပ်ထားပြီဆိုရင် တစ်အိမ်ထောင်ကို တစ်ယောက်လောက်တော့ သွားကြည့်ဖို့လိုတယ်။ ဘာလို့လဲဆိုရင် အဲမဲစာရင်းမှာ ကိုယ့်မိသားစုတွေ အကုန်လုံးပါရဲ့လား အချက်လက်မှန်ရဲ့လားဆိုတာ သေချာလေးစစ်ပေး သဘောက ကိုယ့်အိမ်က မိသားစုကျန်ခဲ့တယ်ဆိုလည်းပုံစံ(၃)နဲ့တောင်းဆို၊ အချက်လက်တွေမှားနေရင် ပုံစံ ၄(ဂ)နဲ့ပြင်ဆင် နောက်ပြီးတော့ မရှိတော့တဲ့သူတွေ မပါသင့်တဲ့သူတွေ ပါနေလည်း ပုံစံ(၄)နဲ့ ကန့်ကွက်လို့ရတယ်။ အဲလိုတောင်းဆိုလာတဲ့ပေါ်မှာ ရပ်ကွက်အုပ်ချုပ်ရေးရုံးကနေ စီစစ်ပြီးတော့ ပြန်လည်ပြင်ဆင်ပေးမှာဖြစ်ပါတယ်။” ဟု ပြောသည်။

ထို့အပြင် ကချင်ပြည်နယ်တွင် တိုင်းရင်းသားရေးရာဝန်ကြီးနေရာအတွက် ဗမာ၊ လီဆူ၊ ရှမ်း၊ ရဝမ် ရေးရာကိုယ်စားလှယ်ရွေးချယ်ခွင့်ရှိသောကြောင့် အဆိုပါကိုယ်စားလှယ်ကိုရွေးချယ်မည့်သူများသည်လည်း မိမိ၏မဲစာရင်း ပါဝင်မှုရှိ မရှိကို တပါးတည်းစစ်ဆေးရမည်ဖြစ်သည်။

ကချင်ပြည်နယ်တွင် လာမည့် ၂၀၂၀ ရွေးကောက်ပွဲအတွက် မဲပေးနိုင်သည့် လူဦးရေသည် ၁၀သိန်း ၇သောင်းရှိနေပြီး ကချင်ပြည်နယ်အတွင်း မဲစာရင်းပြုစုလို့မရသည့် ကျေးရွာပေါင်း ၂၀၀ ကျော်ရှိကြောင်း သက်ဆိုင်ရာဌာနမှ သိရသည်။

မြန်မာနိုင်ငံတစ်နိုင်ငံလုံးအတိုင်းအတာ ထုတ်ပြန်ချက်အရ လာမည့်ရွေးကောက်ပွဲတွင်ပါဝင်ယှဉ်ပြိုင်မည့် နိုင်ငံရေးပါတီ ၉၇ ပါတီရှိပြီး ကချင်ပြည်နယ်တွင်မူ ပါတီရုံးစိုက်ထားသည့် ပါတီပေါင်း ၁၇ပါတီရှိကြောင်း သိရသည်။

Read Previous

KIA က ခေါ်ဆောင်သွားသည့် ကျောင်းသား ၂ ဦးသေဆုံးကြောင်းအတည်ပြု

Read Next

ကချင်နှင့် ရှမ်းပြည်နယ် မြို့နယ်တချို့တွင် ဝင်ရောက်ယှဉ်ပြိုင်မည့် LNUDP ပါတီ

Leave a Reply

Your email address will not be published. Required fields are marked *