,

Breaking News :

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

တနိုင်း-ရှင်ဗွေယန် လမ်းမပေါ်  စစ်ကောင်စီတပ်ကို KIA မိုင်းခွဲ တိုက်ခိုက်

KIO သည် ဓမ္မဘက်ရပ်တည်ပြီး အဓမ္မဘက် ရပ်တည်သူများမှာ အာဏာရှင်ကို ထောက်ခံနေဟု KIO ဥက္ကဋ္ဌ ဆို

ပန်ဆိုင်း မှာ ကချင်အမျိုးသမီး ၁ ဦး လက်နက်ကြီးကျည်စ ထိမှန်ပြီး ဒဏ်ရာပြင်းထန်

ဝိုင်းမော်မြို့နယ်တွင် ကိုဗစ်ကာကွယ်ဆေး နိုဝင်ဘာလ အပြီးထိုးမည်

စစ်တပ်၏ ရိုက်နက်မှု ဒဏ်ရာကြောင့် ပူတာအို လူငယ်တစ်ဦး သေဆုံး

မြန်မာနိုင်ငံသားအချို့ကို တရုတ်ဘက်က ညအချိန် ရိုက်နက်ပြီး အတင်းပြန်ပို့ရန် စီစဉ်ခဲ့

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

မဲ စာရင်းလာရောက်ကြည့်ရှုသူ နည်းပါးကြောင်း အုပ်ချုပ်ရေးမှုးများ ပြော

လယ်ကုန်းရပ်ကွက်တွင် မဲစာရင်း စစ်ဆေးနေစဉ်

လာမည့် ရွေးကောက်ပွဲအတွက် ပထမအကြိမ် မဲစာရင်းကြေညာမှုသည် မကြာခင်ပြီးဆုံးတော့မည်ဖြစ်သော်လည်း မြစ်ကြီးနားမြို့ ရပ်ကွက်အသီးသီးရှိ အုပ်ချုပ်ရေးရုံးများတွင် မဲစာရင်းလာရောက်ကြည့်ရှုသူ အလွန်နည်းပါးနေကြောင်း အုပ်ချုပ်ရေးမှူးများထံမှ သိရသည်။

မြစ်ကြီးနားမြို့လယ် ဒူကထောင်ရပ်ကွက်တွင် မဲပေးခွင့်ရှိသူ စုစုပေါင်း ၇ထောင်ရှိနေသော်လည်း မဲစာရင်းလာကြည့်သူမှာ တစ်ရက်အတွင်း လူဦးရေ ၁၀၀ ခန့်သာရှိသည်ဟု ဒူကထောင်ရပ်ကွက် အုပ်ချုပ်ရေးမှူး ဦးနော်ဆန့် က ပြောသည်။

“တစ်ရက်နဲ့တစ်ရက်လာကြည့်တာက မတူဘူး။ ဒါပေမယ့် မဲစာရင်းလာကြည့်တဲ့ သူတွေက တစ်ရက်မှာ တစ်ရာ အထက်ဝန်းကျင် လောက်ဘဲရှိတယ်။ တစ်ရပ်ကွက်လုံးကို ပျမ်းမျှနဲ့ပြန်ကြည့်မယ်ဆိုရင် လာကြည့်တဲ့ သူတွေက အရမ်းနည်းတယ်။ ပြောရရင် ရွေးကောက်ပွဲကို စိတ်ဝင်စားမှု အားနည်းတယ်လို့ဆိုလို့ရတယ်။ ကျနော်တို့ မှန်းထားတာက အင်တိုက်အားတိုက် လာကြည့်ဖို့ မှန်းထားကြတာပေါ့။ ဘာကြောင့်လဲဆိုတော့ မဲပေးနိုင်တဲ့သူတွေက ၇ထောင်ကျော်ခန့်ရှိတယ်။ အခုက မဲစာရင်းကပ်ထားတာ ၁ပတ်ကျော်လာပြီ။ လာကြည့်တဲ့သူတွေက အခုမှ ၂ထောင်လောက်ဘဲရှိသေးတယ်” ဟု ပြောဆိုသည်။

ထိုနည်းတူ လယ်ကုန်းရပ်ကွက်တွင်လည်း မဲပေးခွင့်ရှိသူ လူဦးရေ ၁၆၀၀၀ ကျော်ရှိသော်လည်း မဲ စာရင်းလာကြည့်နှုန်းမှာ ၂၀ ရာနှုန်းသာရှိနေကြောင်း လယ်ကုန်းအုပ်ချုပ်ရေးမှူး ဦးတူးလွမ့်က ပြောသည်။

“မဲစာရင်းလာကြည့်တဲ့ ပြည်သူတွေက အားရလောက်အောင်တော့ မဟုတ်ဘူးပေါ့။ တစ်နေ့ကို ၂၀၀ ဝန်းကျင် လောက်က လာကြည့်ကြတယ်။ မဲပေးခွင့်ရှိတဲ့သူတွေက တစ်သောင်းကျော်ရှိတာပေါ့။ အကြမ်းဖျင်းတွက်ကြည့်ရင် ၂၀ ရာခိုင်နှုန်းဘဲရှိတယ်။ ရာခိုင်နှုန်းတစ်ဝက်လောက်တောင်မရှိဘူး။ ရပ်ကွက်သားတွေက စားဝတ်နေရေးကိုသာ ဦးစားပေးနေတဲ့အတွက် နိုင်ငံရေးအပြောင်းအလဲအတွက် လိုအပ်နေတာကို ဦးစားမပေးနိုင်ဘူးဖြစ်နေတယ်” ဟု ပြောဆိုသည်။

ပြည်သူလူထုအတွက် နိုင်ငံရေးအပြောင်းအလဲဖြစ်စေနိုင်သော ရွေးကောက်ပွဲတွင် မဲစာရင်းမှားယွင်းမှုမရှိစေရန် ကိုယ်တိုင်သွားရောက်ကြည့်ရှုစစ်ဆေးရမည်ဖြစ်သည်ဟုလည်း တိုက်တွန်းမှုများရှိနေသည်။

ထို့နောက် မြစ်ကြီးနားမြို့နယ်အတွင်း ကျေးရွာအုပ်စုများဖြင့်ဖွဲ့စည်းထားသော ပလနကျေးရွာတွင် မဲပေးနိုင်သောလူဦးရေ ၈ထောင်ကျော်ရှိသည့် အနက် ၁ပတ်ကျော်အတွင်း မဲစာရင်း လာကြည့်သူဦးရေ ၅ထောင်ကျော်ရှိသွားပြီဖြစ်သည်ဟု သိရသည်။

မဲစာရင်းကို စစ်ရှောင်စခန်းအပါအဝင် နေရာ ၇ နေရာတွင် ကြေငြာထားသည့်အတွက် တစ်ရက်လျှင် ၆၀ဦးခန့် လာရောက်ကြည့်ရှု့နေကြောင်း ပလနကျေးရွာအုပ်စု အုပ်ချုပ်ရေးမှူး ဦးသက်နိုင်က ပြောသည်။

“ပလနကျေးရွာအုပ်စုမှာက မဲစာရင်းကို ၆ နေရာမှာကြေညာထားတယ်။ အဲ့မှာမဲစာရင်းလာကြည့်တဲ့သူတွေက တစ်နေရာစီမှာ ဆိုရင်တော့ တစ်ရက်အတွင်းလာကြည့်သူတွေက ၆၀ရာခိုင်နှုန်းလောက်က ပုံမှန်နေ့တိုင်း လာကြည့် နေကြတယ်။ ကြားဖြတ်ရွေးကောက်ပွဲထက်တော့ စိတ်ဝင်စားမှုရှိတယ်လို့တော့ ပြောလို့ရတာပေါ့”ဟု ပြောဆိုသည်။

မဲစာရင်းတွင် မိမိ၏ နာမည်အချက်အလက်မှားယွင်းနေပါက လုပ်ထုံးလုပ်နည်းအရ ပြန်လည်ပြုပြင်ပေးရန်ဆောင်ရွက်သင့်ကြောင်း အုပ်ချုပ်ရေးမှူးများကလည်း တိုက်တွန်းပြောဆိုနေကြသည်။

ရွေးကောက်ပွဲကော်မရှင်အဖွဲ့သည် မဲစာရင်းကြေငြာမှုကို ပထမအကြိမ်အဖြစ် ဇူလိုင်လ ၂၅ရက်မှ စတင်၍ ဩဂုတ် ၈ ရက်နေ့အထိ သက်ဆိုင်ရာအုပ်ချုပ်ရေးရုံးများတွင် ကြေညာထားမည်ဖြစ်သည်။

Read Previous

မသန်စွမ်းများ မဲထည့်နိုင်ရေးအချိန်တစ်ခုသတ်မှတ်ပေးရန်တောင်းဆို

Read Next

၃ လကျော်ပိတ်ထားသည့် အောင်မြင်သာအပန်းဖြေစခန်းများ ပြန်ဖွင့်

Leave a Reply

Your email address will not be published. Required fields are marked *