,

Breaking News :

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

မန်ခိန် အ.ထ.က ကျောင်းတွင် ဆိုင်ကယ်ခိုးမှု မကြာခဏကြုံတွေ့နေရ

မြောင်တွင် စစ်ကောင်စီ နှင့် ပျူစောထီးအဖွဲ့များတိုက်ခိုက်ခံရပြီး ၂ဦး သေဆုံး

အင်းတော်တွင် ကလေးအပါအဝင် အရပ်သား ၁၀ ဦး စစ်ကောင်စီ က လူသားဒိုင်းအဖြစ် ဖမ်းဆီးခေါ်ဆောင်

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ဧရာဝတီမြစ်ကျောင်းတစ်လျှောက် တရားမဝင်စက်လှေအစီး ၂၀ ကျော်ကို တစ်ရက်အတွင်းဖမ်းမိ

ဖမ်းဆီးရမိသော ရွှေတူးဖော်ရေး စက်လှေများ (ဓါတ်ပုံ-ရဲတပ်ဖွဲ့ရုံး)

ဧရာဝတီမြစ်ကြောင်းတစ်လျှောက် မြစ်ကြီးနားမြို့နယ်နှင့် ဝိုင်းမော်မြို့နယ်တွင် တရားမဝင်ရွှေတူးဖော်နေသည့် စက်လှေပေါင်း ၂၀ ကျော်ကို သြဂုတ်လ ၁၅ ရက်နေ့ တစ်ရက်အတွင်း ဖမ်းဆီးထားသည်ဟု သိရသည်။

သို့သော်လည်း အဆိုပါ စက်လှေ အစီး ၂၀ အနက် ၁၄ စီးမှာ ပိုင်ရှင်မဲ့ ဖြစ်သည်ဟု မြစ်ကြီးနားမြို့နယ် ရဲတပ်ဖွဲ့က ဆိုသည်။

“ရေထဲမှာလုပ်ရတဲ့ အလုပ်ဖြစ်တဲ့အတွက်ကြောင့် ကျနော်တို့ စက်လှေကိုအဝေးကမြင်ပြီဆိုတာနဲ့ သူတို့ကရေထဲခုန်ဆင်းတယ်။ တစ်ချို့ကျတော့ ကျနော်တို့ဒီကနေထွက်ပြီဆိုတာနဲ့ ဖုန်းနဲ့လှမ်းအကြောင်းကြားတာတွေရှိတော့ စက်လှေတွေကို သယ်လို့မရအောင် ပတ်တားကြိုးတွေကိုဖြတ်တယ်။ ဆီပိုက်ကြိုးတွေကိုဖြတ်တယ်။ အင်ဂျင်ထဲကို သဲတွေထည့်တယ်။ အဲလိုမျိုးစုံလုပ်ခဲ့ပြီးမှ သူတို့ကကုန်းပေါ်မှာ ကျွန်းတွေရှိတဲ့အချိန်ကျတော့ ကိုင်းတောက အခင်းတွေထဲမှာ ဝင်ပြီး နေလိုက်တဲ့ချိန်ကျတော့ စက်လှေသမားကသူပါဆိုတာ ကျနော်တို့ကမသိဘူးလေ။ သူကအခင်းလုပ်တဲ့လူပါလို့ပြောရင် အတင်းအဓမ္မဆွဲဖမ်းလို့လည်းမရဘူး။ အဲတော့များသောအားဖြင့်က ပိုင်ရှင်မဲ့ဖမ်းရခြင်းက အဲဒါပါဘဲ။” ဟု မြစ်ကြီးနားမြို့နယ်ရဲတပ်ဖွဲ့ ရဲမှူး ဦးမြင့်မိုး က ပြောသည်။

မြစ်ကြီးနားမြို့နယ် ရဲတပ်ဖွဲ့က ဖမ်းဆီးခဲ့သော စက်လှေများမှာ ခိုင်တောင်ကျွန်းအနီးတွင်ပိုင်ရှင်မဲ့ ၈စီး၊ ခေါင်ဖူးရွာအုပ်စု ရေကြည်ကျေးရွာတစ်ဖက်ကမ်း ငှက်ပျောကျွန်းတွင် ပိုင်ရှင်မဲ့ ၅ စီး၊ ဟိုကပ်ရွာအလွန် အားလူးကျွန်းနားတွင် ပိုင်ရှင်ရှိ ၃ စီး ဖြစ်သည်။

ဝိုင်းမော်နယ်ရဲတပ်ဖွဲ့မှ ဖမ်းဆီးရမိသည့် ရွှေတူးစက်လှေများမှာ တာလောကြီးကျေးရွာ၊ ခေါင်ဖူးရွာနားတွင် ပိုင်ရှင်မဲ့ ၁စီးနှင့် ပိုင်ရှင်မိ ၃စီး ဖြစ်ပြီး သြဂုတ် ၁၅ ရက်နေ့ တစ်ရက်အတွင်း စုစုပေါင်း အစီး ၂၀ဖမ်းဆီးရမိကြောင်း မြစ်ကြီးနားမြို့နယ် ရဲတပ်ဖွဲ့မှူး ရုံးမှရဲမှူး ဦးမြင့်မိုး က ပြောသည်။

ဖမ်းဆီးရမိသော ရွှေတူးဖော်ရေး စက်လှေများ (ဓါတ်ပုံ-ရဲတပ်ဖွဲ့ရုံး)

ဖမ်းဆီးရမိသည့် စက်လှေပေါင်း ၂၀နှင့်တူ ပိုင်ရှင် ၆ဦးကို သက်ဆိုင်ရာနယ်မြေအပိုင် ရဲစခန်းများတွင် သတ္တုတွင်းဦးစီးဌာန လက်ထောက်ညွှန်ကြားရေးမှူး ဦးကျော်မင်းသူမှ တရားလိုပြုလုပ်ကာ တာလောကြီးရဲစခန်းတွင် သတ္တုတွင်းဥပဒေပုဒ်မ ၃၀ (က)အရ အမူဖွင့်သွားရန်ရှိကြောင်းရဲမှူးဦးမြင့်မိုးက ပြောသည်။

သတ္တုတွင်း ဥပဒေပုဒ်မ ၃၀ (က)သည် အမြင့်ဆုံးပြစ်ဒဏ် ထောင်ဒဏ်(၁၀)နှစ် သို့မဟုတ် ငွေဒဏ်ကျပ် သိန်း(၅၀) သော်လည်းကောင်း ချမှတ်နိုင်သည့်အမှုဖြစ်သည်။

“တရားရုံးကို တင်ပို့တဲ့ဟာတွေကျတော့ တရားသူကြီးရဲ့စီမံခန့်ခွဲမူ သက်သေခံပစ္စည်းရဲ့ချမှတ်ထားတဲ့အမိန့်ပေါ်မှာ ဆက်လုပ်သွားမယ်။ ပိုင်ရှင်မရှိတဲ့ဟာတွေကိုတော့ ပိုင်ရှင်ကိုရသလောက်စုံစမ်းတယ်။ စုံစမ်းလို့မရတော့ဘူးဆိုရင် ရဲလုပ်ငန်းသဘောတရားအရ အမှုကိုပိတ်တယ်။ ပိတ်ပြီးရင် မြို့နယ်အုပ်ချုပ်ရေးဆီမှာ စီမံခန့်ခွဲမှုတင်ရမယ်။ မြို့နယ်အုပ်ချုပ်ရေးမှူးက စီမံခန့်ခွဲမှုကာလ ရက်ပေါင်း ၆၀ထိ ပိုင်ရှင်ဖော်ထုတ်လို့မရရင် နိုင်ငံဘဏ္ဍအဖြစ်သိမ်းတယ်။” ဟု ရဲမှူး မြင့်မိုးကပြောသည်။

ယခုနှစ်အတွင်း ဧရာဝတီမြစ်ကြောင်းတစ်လျှောက် ဖမ်းဆီးရမိသည့် တရားမဝင်စက်လှေပေါင်း ၂၃စီးရှိပြီး လွန်ခဲ့သည့် ၂၀၁၉ ခုနှစ်တွင်မူ ၁၄စီးရှိခဲ့ကြောင်း သိရသည်။

Read Previous

လူဦးရေ ၃၀ အထက် လူစုလူဝေးပြုမည်ဆိုပါက ခွင့်ပြုမိန့်တင်ရမည်ဟုဆို

Read Next

ဖားကန့်ရေကြီးရေလျှံမှုနှင့် ထိရောက်မှုမရှိခဲ့သောဥရုချောင်းရှင်းလင်းရေးလုပ်ငန်း

Leave a Reply

Your email address will not be published.