,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

ဖားကန့် စည်ပင် ဥက္ကဌ တင်မြောက်ရာတွင် တရားမျှတမှုမရှိကြောင်း ဝန်ကြီးချုပ်ထံ ကန့်ကွက်စာတင်

ဖားကန့်မြို့နယ် စည်ပင်သာယာရေးကော်မတီဥက္ကဌအသစ်တင်မြောက်ရာတွင် တရားမျှတမှုမရှိသောကြောင့် ကန့်ကွက်ရှုံ့ချကြောင်း ဖားကန့်အရပ်ဖက်အဖွဲ့အစည်းများက ကချင်ပြည်နယ်ဝန်ကြီးချုပ်ထံသို့ အောက်တိုဘာ ၁၃ ရက်နေ့က တင်ပြထားသည်ဟု သိရသည်။

စည်ပင်သာယာရေးကော်မတီ ဥက္ကဌနေရာ အပြောင်းအလဲပြုလုပ်ရန် သြဂုတ်လ ၁၈ရက်နေ့ ဖားကန့်မြို့ပေါ် ၅ ရပ်ကွက်မှ သတ်မှတ်ထားသည့် အရည်အချင်းနှင့် ပြည်စုံသည့် ၈ဦးအား ရွေးချယ်ခဲ့ပြီး ၎င်းတို့ကို ရွေးချယ်ရေးကော်မတီများရှေ့၌ မဲခွဲဆုံးဖြတ်ခဲ့ရာ ဦးနော်ဆန့် ၃မဲ၊ ဦးမင်းမင်စိုးနှင့် ဦးမြင့်အေး ၂ဦးက တန်းတူ ၂မဲစီ ရရှိခဲ့ကြောင်း ရွေးချယ်ရေးကော်မတီအဖွဲ့ထံမှ သိရသည်။

မဲအများဆုံးရရှိသူ ဦးနော်ဆန့် က ဥက္ကဌရာထူးနေရာကို ဆက်ခံရမည် ဖြစ်သော်လည်း၊ ၂မဲ သာရရှိသော ဦးမင်းမင်းစိုးကို ဖားကန့် စည်ပင်သာယာရေးကော်မတီ ဥက္ကဌ အဖြစ်ခန့်အပ်လိုက်သောကြောင့် ဒေသခံတစ်ချို့က ကန့်ကွက်နေကြောင်း ဖားကန့်ဒေသခံ ဦးလမောင်လတောင် က ယခုလိုပြောဆိုသည်။

“အခုသူတို့ရဲ့လုပ်ပုံက မဲများဆုံးရရှိသူကို ဥက္ကဌ မခန့်ဘဲ ၂မဲသာရရှိတဲ့သူကိုမှ ဥက္ကဌ ပြန်ခန့်လိုက်တယ် ဆိုတာက တရားမျှတမှုမရှိဘူဆိုတာ အရမ်းပေါ်လွင်နေတယ်ပေါ့။ အဲ့ဒါကို ဒီမှာရှိတဲ့ ဒေသခံတစ်ချို့က သဘောမတူဘဲ ကန့်ကွက်နေကြတယ်။ ၃မဲနဲ့နိုင်တဲ့ ဦးနော်ဆန့်ကို ဥက္ကဌ မခန့်အပ်တဲ့ ဖြေရှင်းချက်ကိုသိချင်တယ်” ဟု ပြော ဆိုသည်။

လက်ရှိ ဖားကန့်မြို့နယ်စည်ပင်ဥက္ကဌအဖြစ်ခန့်အပ်လိုက်သည့် ဦးမင်းမင်းစိုးမှာ NLD ပါတီဝင်တစ်ဦးဖြစ်သည့်အပြင် ရွေးကောက်ပွဲအောင်နိုင်ရေးအတွက် ဖားကန့် မရှီကထောင်ရပ်ကွက် စီးရုံးရေးမှူးဖြစ်သည်ဟုလည်း ဦးလမောင် လတောင်က ပြောဆိုသည်။

ဖားကန့်မြို့နယ် စည်ပင်ကော်မတီ ဥက္ကဌအဖြစ်ရွေးချယ်နိုင်ရန် ရွေးချယ်ရေးကော်မတီ၏ မဲရလဒ်နှင့်အမည်စာရင်းများကို ပြည်နယ်အစိုးရထံသို့တင်ပြခဲ့ပြီး ပြည်နယ်အစိုးရအဖွဲ့မှ ဦးမင်းမင်းစိုးကို ဥက္ကဌအဖြစ်ခန့်အပ်ရန်နှင့် ဦးနော်ဆန့်ကို အဖွဲ့ဝင်အဖြစ်သာ ပြန်လည်ခန့်အပ်ပေးလိုက်ခြင်းဖြစ်သည်ဟု ရွေးချယ်ရေးကော်မတီအဖွဲ့ တာဝန်ခံ ဦး Tangbau La Seng က ပြောသည်။

“သူရဲ့ ဥပဒေအရဆိုရင်တော့ မဲပိုများတဲ့သူကို ဥက္ကဌ ခန့်ရမှာတော့ဖြစ်တယ်။ ဒါပေမယ့် ကျနော်တို့က ရွေးချယ်ပြီးစီးကြောင်းကို ပြည်နယ်အစိုးရကို တင်ပြခဲ့တယ်။ ပြည်နယ်အစိုးရကနေ ဘယ်လိုအချက်တွေနဲ့ ပြန်ပြီးစီစစ်လည်းတော့မသိဘူး။ ဘာကြောင့်လဲဆိုတော့ ကျနော်တို့ ကိုယ်တိုင်လည်း ၃မဲနဲ့အနိုင်ရရှိတဲ့ ဦးနော်ဆန့်ကိုဘဲ ဥက္ကဌအဖြစ်ထင်ခဲ့တာ။ အခုက အဲ့လိုမဟုတ်ဘူး။ မဲများတဲ့ သူကိုကအဖွဲ့ဝင်စာရင်းထဲထည့်လိုက်တယ်။ ၂မဲသာရရှိတဲ့ သူကိုက ဥက္ကဌ ပြန်ခန့်တယ်ဆိုတာက ကျနော်တို့လည်း နားလည်ရခက်နေတယ်။ အဲ့လိုလုပ်လိုက်တော့ ဒေသခံတွေကြား အချင်းချင်းပြောစရာတွေဖြစ်လာတာပေါ့။ ဒါကြောင့် ပြည်နယ်အစိုးရကလည်း ဒါကိုသေသေချာချာ ဖြေရှင်းပေးသင့်တယ်” ဟု ပြောဆိုသည်။

မဲအများဆုံးရရှိသော ဦးနော်ဆန်ကို ဥက္ကဌနေရာမပေးဘဲ ၂ မဲရသော ဦးမင်းမင်းစိုးကို ဥက္ကဌ ခန့်သည့်ကိစ္စကို ဖားကန့်အရပ်ဖက်အဖွဲ့အစည်းတချို့က ကန့်ကွက်ကြောင်း ထုတ်ပြန်ချက်များ ထုတ်ပြန်ထားသည်ကို တွေ့ရသည်။

Read Previous

နိုင်ငံပိုင်ရုပ်သံတွင်ဟောပြောမှု KSPP ကချင်ပါတီ ပါဝင်တော့မည် မဟုတ်

Read Next

ကိုဗစ်ကာလ လုံခြုံစွာ မဲပေးနိုင်ရေး အသိပညာပေးလှုပ်ရှားမှု လူငယ်များပြုလုပ်