,

Breaking News :

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ထီးချိုင့် တိုက်ပွဲတွင် စစ်ကောင်စီဘက်မှ ဗိုလ်ကြီး ၁ ဦး အပါအဝင် ၉ ဦး သေဆုံး

လူမရှိသည့် နေအိမ်များကို မီးရှို့မည်ဟု ခြိမ်းခြောက်ကာ မိုးမောက်ဒေသခံများကို နေရပ်ပြန်ခေါ်ကာ အကာအကွယ်ယူနေ

ဖားကန့်တွင် ​မြေစာပုံပြိုကျပြီး ရေမဆေးသမား ၁ ဦးသေဆုံး၊ တစ်ဦးပြင်းထန်ဒဏ်ရာရ

အင်းတော်နယ် နတ်မဟုတ်ကြီးကျေးရွာ မီးရှို့ဖျက်ဆီးခံရပြီး ပြည်သူ ၈ ဦးလည်း ဖမ်းဆီးခံထားရ

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

တိုင်းရင်းသားကိုယ်စားလှယ်လောင်းများ ရွေးကောက်ပွဲအသုံးစရိတ်အပြည့်မတင်နိုင်သေး

ချီဖွေ ဖီမော်ဒေသ မဲပေးနေပုံ

ကချင်ပြည်နယ် တိုင်းရင်းသားလူမျိုးရေးရာ ကိုယ်စားလှယ်လောင်းဝင်ရောက်ယှဉ်ပြိုင်ခဲ့သူ ၂၅ ဦးအနက် ရွေးကောက်ပွဲအသုံးစရိတ်တင်သူ ၁၀ ဦးကျော်သာရှိသေးကြောင်း သိရသည်။

ဒီဇင်ဘာ ၁၄ ရက်နေ့ နောက်ဆုံးသတ်မှတ်ရက်အမှီ တင်သွင်းရမည်ဖြစ်သည်ဟု ကချင်ပြည်နယ်ရွေးကောက်ပွဲကော်မရှင် အရာရှိ ဦးထွန်းအောင်ခိုင်က ပြောသည်။

“တိုင်းရင်းသား ကိုယ်စားလှယ်လောင်းတွေကိုတော့ ဒီဇင်ဘာလ ၁၄ ရက်နေ့ထိ ပေးထားတယ်။ ခုလောလောဆယ်တော့ ပြည်နယ်မှာ ၁၀ယောက်ကျော်လာသွင်းနေကြပြီး မစုံသေးဘူး။ ကိုယ်စားလှယ်လောင်းတွေအားလုံး သတ်မှတ်ထားတဲ့ နေ့ထက်ကျော်လွန်ရင်တော့ အရည်အချင်းပျက်ယွင်းသူအဖြစ် ထည့်သွင်းကြေညာခံရမယ်။” ဟု ဦးထွန်းအောင်ခိုင်က ပြောသည်။

ဝင်ရောက်ယှဉ်ပြိုင်ခဲ့သည့် ကိုယ်စားလှယ်လောင်းများမှာ ရဝမ်တိုင်းရင်းသားရေးရာဝန်ကြီးနေရာတွင် ၆ ဦး၊ ရှမ်းတိုင်းရင်းသားရေးရာဝန်ကြီးတွင် ၇ဦး၊ လီဆူတိုင်းရင်းသားရေးရာဝန်ကြီးနေရာတွင် ၇ဦး၊ ဗမာတိုင်းရင်းသားရေးရာဝန်ကြီးနေရာ ၆ ဦး အသီးသီးဝင်ရောက်ယှဉ်ပြိုင်ခဲ့ကြသည်။

၂၀၂၀ ပါတီစုံအထွေထွေရွေးကောက်ပွဲတွင် ကချင်ပြည်နယ်အတွင်း တိုင်းရင်းသားလူမျိုး မဲဆန္ဒရှင်ဦးရေ ၇၈၇၉၅၆ ဦးရှိသည့်အနက် မဲပေးသူ ၅၄၆၁၃၃ ဦးရှိပြီး ရာခိုင်နူန်းအားဖြင့် ၆၉.၃၁ ရာခိုင်နူန်းရှိကြောင်း ပြည်ထောင်စုရွေးကောက်ပွဲကော်မရှင်၏ ထုတ်ပြန်ချက်အရသိရသည်။

အဆိုပါ မဲပေးသူများမှ မဲရုံတွင်ပေးသူ ၄၂၈၄၀၄မဲ၊ ကြိုတင်မဲ ၁၁၇၇၂၉မဲ၊ စုစုပေါင်း ၅၄၆၁၃၃ မဲရှိပြီး ၎င်းထဲမှ ပယ်မဲ ၁၃၀၆၃မဲ၊ ပျောက်မဲ ၃၁၂မဲ စုစုပေါင်း ၁၃၃၇၅မဲရှိကာ ခိုင်လုံမဲရရှိမူ စုစုပေါင်း ၅၃၂၇၅၈ ရှိကြောင်း ပြည်ထောင်စုရွေးကောက်ပွဲကော်မရှင် မှ ထုတ်ပြန်ထား သည်။

မဲထည့်ခွင့်ရှိသည့် တိုင်းရင်းသားလူမျိုးများတွင် ရဝမ်တိုင်းရင်းသားလူမျိုး မဲဆန္ဒရှင်ဦးရေ ၃၄၇၂၂ဦး ရှိပြီး မဲပေးသူဦးရေ ၂၆၂၅၉ဦး ရှိသသည့်အတွက် ရာခိုင်နူန်းအားဖြင့် ၇၅.၆၃ ရာခိုင်နူန်း၊ လီဆူတိုင်းရင်းသားလူမျိုး မဲဆန္ဒရှင်ဦးရေ ၇၃၄၁၄ ရှိပြီး မဲပေးသူဦးရေ ၄၈၈၀၇ ရှိကာ ရာခိုင်နူန်းအားဖြင့် ၆၆.၄၈ ရာခိုင်နူန်း၊ ဗမာတိုင်းရင်းသားလူမျိုး ၄၆၈၈၅၂ ဦးရှိကာ မဲထည့်သူဦးရေ ၃၂၃၉၂၃ ရာခိုင်နူန်းအားဖြင့် ၆၉.၀၉ရာခိုင်နူန်း၊ ရှမ်းတိုင်းရင်းသားလူမျိုး မဲဆန္ဒရှင်ဦးရေ ၂၁၀၉၆၈ ရှိကာ မဲပေးသူ ၁၄၇၁၄၄ ရာခိုင်နူန်းအားဖြင့် ၆၉.၇၅ ရာခိုင်နူန်းရှိကြောင်း ထုတ်ပြန်ချက်အရ သိရသည်။

ကချင်ပြည်နယ်တွင် ၂၀၂၀ပါတီစုံအထွေထွေရွေးကောက်ပွဲတွင် မဲဆန္ဒရှင်ဦးရေ ၁၁၅၀၄၀၇ ရှိသည့်အနက် တိုင်းရင်းသားမဲဆန္ဒရှင်စာရင်းသည် ၇၈၇၉၅၆ ပါဝင် သည်။

Read Previous

ကုန်တင်တွဲကားများ အမြင့် ၁၃ ပေကျော်လွန်ပါက အရေးယူခံရမည်

Read Next

ကချင်မြောက်ဖျားပိုင်း နောင်မွန်းဒေသတွင် အင်တာနက်လိုင်းပေးရန် ဒေသခံ လူငယ်များတောင်းဆို