,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

မြစ်ကြီးနားစစ်ရှောင်စခန်းတစ်ခုတွင် ကိုဗစ်ပိုးတွေ့၊ ထိတွေ့ဆက်စပ်ခဲ့သူများကို စစ်ဆေးနေ

ပလန စစ်ရှောင်စခန်း

မြစ်ကြီးနားရှိ စစ်ရှောင်စခန်းတစ်ခုတွင် ပထမဆုံးအကြိမ် ကိုဗစ်-၁၉ ကူးစက်ခံရသူထွက်ပေါ်ခဲ့ပြီး ခရီးသွားရာဇဝင်မရှိခြင်းသောကြောင့် မြို့တွင်းကူးစက်မှုသာဖြစ်သည်ဟု အုပ်ချုပ်ရေးတာဝန်ရှိသူတစ်ဦးက ပြောဆိုသည်။

ဇန်နဝါရီလ ၁၀ ရက်နေ့ ပလန နယ်မြေ စိန်ဂျိုးဇက် (St. Joseph) စစ်ရှောင်စခန်းတွင် အသက် ၁၅နှစ်အရွယ် လူငယ်ယောကျာ်းလေး တစ်ဦးထံတွင် ကိုဗစ်-၁၉ ပိုးတွေ့ရှိခဲ့မှုနှင့်ပတ်သက်ပြီး နောင်းနန်အုပ်ချုပ်ရေးမှူး ဦး Ze Hkawng က ယခုလို ပြောဆိုသည်။

“သေသေချာချာတော့ မသိရသေးဘူး။ သူ့ကွင်းဆက်တွေကို စစ်ဆေးနေတယ်။ အခုပိုးတွေ့ခဲ့တဲ့သူက အရင်တုန်းကတော့ တောင်ပေါ်မှာ ရွှေသွားလုပ်တယ်ပေါ့။ အခု ခရစ္စမတ်ရောက်လာတဲ့ နောက်ပိုင်းမှ ဒီကိုပြန်လာတာပေါ့။ သူပြောဆိုချက်အရဆိုရင် မြစ်ကြီးနားမြို့တွင်းမှာရှိတဲ့ တည်းခိုခန်းတွေမှာ လိုက်အိပ်တယ်လို့ သိရတယ်။ အခုခရစ္စမတ်ပွဲတွေ ပြီးသွားမှ ဒီရက်အတွင်းမှာဘဲ သူရွှေလုပ်တဲ့ နေရာကိုပြန်သွားတယ်။ အဲ့ဒီကိုသွားတဲ့ လမ်းမှာ ကိုဗစ်ရောဂါစစ်ဆေးတဲ့အဖွဲ့ စစ်လိုက်တော့ ရောဂါပိုးတွေ့တယ်။ အဲ့ကြောင့် ဒီကိုပြန်ခေါက်ခိုင်းလိုက်တယ်လို့သိရတယ်” ဟု ပြောသည်။

ကိုဗစ်ကူးစက်ခြင်းခံထားရသည့် စစ်ရှောင်အမျိုးသားမှာ လက်ရှိ မြစ်ကြီးနားပြည်သူ့ဆေးရုံတွင် ဆေးကုသမှုခံနေရပြီး ၎င်း၏ မိသားစု ၄ဦးကို Quarantine Center တွင်ထားရှိထားကြောင်းသိရသည်။

လက်ရှိ အဆိုပါ စစ်ရှောင်စခန်းကို အသွားအလာကန့်သတ်မှုပြုလုပ်ထားပြီး ပိုးတွေ့လူနာနှင့်ထိတွေ့ဆက်စပ်သည့် သံသယလူနာ အယောက် ၅၀ခန့်ကိုလည်း ယနေ့ ကျန်းမာရေးစစ်ဆေးမှုပြုလုပ်သွားမည်ဟု ဦး Ze Hkawng က ပြောသည်။

ပလန စိန်ဂျိုးဇက် စစ်ရှောင်စခန်းတွင် အဆောင်(၁)နှင့်(၂) ရှိသည့်အနက် ယခုပိုးတွေ့သူမှာ အဆောင် ၂ မှ ဖြစ်သောကြောင့် ထိုအဆောင်မှ လူဦးရေ ၁၀၀ကျော်ကိုအသွားအလာကန့်သတ်ထားသည်ဟု သိရသည်။

မြစ်ကြီးနားတွင် လူဦးရေ ထူထပ်သိပ်သည်းစွာခိုလှုံနေသော စစ်ရှောင်စခန်းများစွာရှိသည့်အနက် ယခု ပလန စစ်ရှောင်စခန်းသည် ပထမဆုံး ပိုးတွေ့လူနာထွက်ပေါ်ခဲ့သော စခန်းဖြစ်သည်။

Read Previous

ချီဖွေတောင်ပေါ်က စစ်ရှောင် မိခင်တစ်ဦး၏ ရုန်းကန်မှု

Read Next

လွှတ်တော်စတင်ရန်ကိစ္စ ကချင်ဒေသခံပါတီတို့၏အသံများ