,

Breaking News :

တန့်ဆည်၊ ကျွန်းလှမြို့နယ်များတွင် စစ်ကောင်စီတပ်မှ စစ်ရဟတ်ယာဉ်များဖြင့် လာရောက်ပစ်ခတ်သော်လည်း လူထိခိုက်မှု မရှိ

ပန်ဆိုင်းဘက်မှာ စစ်ကောင်စီ နဲ့ ကိုးကန့် MNDAA တိုက်ပွဲ ဆက်လက်ဖြစ်ပွားနေ

မူဆယ် မိုင်းယု ၁၀၅ မိုင် ကုန်သွယ်ရေးဇုန်ရှေ့က ဆိုင်တန်းလျားမှာ မီးလောင်မှု ဖြစ်ပွား 

အင်ဂွမ်လကျေးရွာ ကျောင်းသား ၁၀၀ နီးပါးခန့်တွင် Covid-19 ကူးစက်ခံရသဖြင့် အကူညီလိုအပ်နေ

တစ်ရက်အတွင်း တနိုင်း-တရုန် လမ်းကြောင်းပေါ် နေရာ ၂ ခုမှာ စစ်ကောင်စီတပ်ကို KIA မိုင်းဆွဲတိုက်ခိုက်

မူဆယ်မြို့နယ်မှာ တရုတ်ဘက် နယ်နမိတ်ကျူးကျော် သံဆူးကြိုးခတ်လာမှုကို ဒေသခံများ ပြန်လည်ဖျက်ဆီး

နောင်မွန်မြို့  Covid-19 လူများအတွက် အောက်စီဂျင်အိုးများ ထပ်မံ လိုအပ်နေ

စစ်ကောင်စီနဲ့ ကိုးကန့် MNDAA တိုက်ပွဲကြောင့် ပန်ဆိုင်းမြို့ခံများ ကားနဲ့ နေအိမ်အချို့ ထိခိုက်ပျက်စီး

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

တနိုင်း-ရှင်ဗွေယန် လမ်းမပေါ်  စစ်ကောင်စီတပ်ကို KIA မိုင်းခွဲ တိုက်ခိုက်

ဖားကန့် NLD အမျိုးသားလွှတ်တော်ကိုယ်စားလှယ်ကို တပ်မတော်က ဂုဏ်သိက္ခာညိုးနွမ်းစေမှု ဥပဒေဖြင့် တရားစွဲဆိုထား

ဦးခင်မောင်မြင့်

ကချင်ပြည်နယ် ဖားကန့်မြို့နယ် NLD အမျိုးသားလွှတ်တော်ကိုယ်စားလှယ်တစ်ဦးအား မြောက်ပိုင်းတိုင်း စစ်ဌာနချုပ် (မပခ) အရာရှိတစ်ဦးက ဂုဏ်သိက္ခာညိုးနွမ်းစေမူ ရာဇသတ်ကြီးဥပဒေပုဒ်မ (၅၀၀)ဖြင့် တရားစွဲဆိုထားကြောင်း တရားစွဲခံထားရသူဘက် ရှေ့နေ ဦးသိန်းထွန်း ထံမှ သိရသည်။

“တရားစွဲထားတာက မြောက်ပိုင်းတိုင်းစစ်ဌာနချုပ်က ဒုတိယဗိုလ်မှူးကြီး သန်းထိုက်ဖြစ်ပါတယ်။ စွဲဆိုရတဲ့အကြောင်းအရင်းက တပ်မတော်ကို ဂုဏ်သိက္ခာကျအောင်ရေးသားတယ်ပြောဆိုသောကြောင့် တရားစွဲဆိုခြင်းဖြစ်တယ်ဆိုပြီး သိရတယ်။” ဟု ရှေ့နေဦးသိန်းထွန်းက ပြောသည်။

၂၀၁၇ ခုနှစ်၊ နိုဝင်ဘာလအတွင်း ဖမ်းဆီးရမိခဲ့သော ဘက်ဟိုးယာဉ်၊ မော်တော်ယဉ်ကိစ္စနှင့် ပတ်သက်ပြီး ၂၀၁၉ခုနှစ် ဒီဇင်ဘာလ ၂၃ ရက်နေ့တွင် နိုင်ငံတော်သမ္မတ ဦးဝင်းမြင့်ထံသို့ ဖားကန့် အမျိုးသားလွှတ်တော်ကိုယ်စားလှယ် ဦးခင်မောင်မြင့်က တင်ပြချက်တစ်ခုပေးပို့ခဲ့သည်။

အဆိုပါ တင်ပြစာတွင် တပ်မတော်အကြီးအကဲများ၏ ဂုဏ်သိက္ခာညိုးနွမ်းထိခိုက်စေရန် မဟုတ်မမှန်တင်ပြခဲ့သည့်အတွက် ဥပဒေအရ အရေးယူပေးရန် မြောက်ပိုင်းတိုင်း စစ်ဌာနချုပ်ဒုတိယဗိုလ်မှူးကြီး သန်းထိုက်မှ တရားလိုပြုကာ ဖားကန့်မြို့နယ် တရားရုံးသို့ ဦးတိုက်လျှောက်တိုင်ကြားထားခြင်းဖြစ်ကြောင်း ရှေ့နေဦးသိန်းထွန်းကဆိုသည်။

ဖားကန့်မြို့နယ်တရားရုံးမှလည်း ယင်းအမှုကို ရာဇဝတ်ကြီး အမှတ် ၅၈၁/၂၀၂၀၊ ပုဒ်မ ၅၀ဝဖြင့် လက်ခံခဲ့သည်။ ပထမအကြိမ်ရုံးချိန်းဖြစ်သော ဇန်နဝါရီလ ၈ရက်နေ့တွင် အမျိုးသားလွှတ်တော်ကိုယ်စားလှယ် ဦးခင်မောင်မြင့်က အာမခံလျှောက်ထားခဲ့သည့်အတွက် တရားရုံးက အာမခံပေးထားကြောင်း သိရသည်။

ဒုတိယအကြိမ်ရုံးချိန်းမှာ လာမည့် ဇန်နဝါရီလ (၁၈)ရက်နေ့ဖြစ်ပြီး တရားလိုပြသက်သေများကို စစ်သွားမည်ဟု သိရသည်။

“လာမယ့် ရုံးချိန်းမှာကတော့ တရားလိုပြသက်သေတွေကို စစ်ဖို့အတွက် အချိန်ဇယားဆွဲမှာဖြစ်ပါတယ် အဲနေ့က အမူစစ်မှာမဟုတ်သေးဘူး။” ဟု ရှေ့နေဦးသိန်းထွန်းက ပြောသည်။

တရားစွဲဆိုခံထားရသည့် ဖားကန့်မြို့နယ်မှ ဦးခင်မောင်မြင့်(ခ) ဦးချိုသည် ၂၀၁၅ ပါတီစုံအထွေထွေရွေးကောက်ပွဲတွင် အနိုင်ရရှိခဲ့ပြီး လက်ရှိချိန်တွင် အမျိုးသားလွှတ်တော်ကိုယ်စားလှယ်အဖြစ်တာဝန်ထမ်းဆောင်နေသူတစ်ဦးဖြစ်သည့်အပြင် ၂၀၂၀ပါတီစုံအထွေထွေရွေးကောက်ပွဲတွင်လည်း ထပ်မံအနိုင်ရရှိထားသူဖြစ်သည်။

Read Previous

တစ်သျှူးငှက်ပျောခြံအတွင်း ကားပေါ်သေဆုံးနေသော တရုတ်နိုင်ငံသားတွင် Covid-19 ပိုးမတွေ့

Read Next

ယခုနှစ်နွေရာသီတွင် စစ်ရှောင်အိမ်ထောင်စု ၇၀၀ ကျော်နေရပ်ပြန်ရန် KBC စီစဉ်နေ

Leave a Reply

Your email address will not be published. Required fields are marked *