,

Breaking News :

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

လိုင်ဇာမြို့အနီး ခယာဘွမ့်တွင် ရိက္ခာပို့နိုင်ရန် ဒေါ့ဖုန်းယန် မှ ကားလမ်းတစ်လျှောက် စစ်အင်အားတိုးချဲ့ချထား

ဘွမ်ရာယန်စစ်ရှောင်စခန်းတွင် သောက်ရေ အဓိကအခက်အခဲဖြစ်နေ

ရှဒူးဇွပ်စစ်ရှောင်များ ရေဘေးမှလွတ်မြောက်ရေး နေရာအသစ်တွင် ပြောင်းရွေ့ရန်ခက်ခဲနေ

လိုင်ဇာမြို့အနီး အာဏာသိမ်းစစ်တပ်၏ ယာဉ်တန်းကို KIA ကြားဖြတ် တိုက်ခိုက်

အာဏာသိမ်းစစ်တပ်က ကားဖြင့်တိုက်သဖြင့် ပူတာအိုဒေသခံတစ်ဦး ခြေတစ်ဖက်ကျိုး

ဒေါ့ဖုန်းယန်မြို့အနီးတွင် အကြမ်းဖက်စစ်တပ်ကို KIA က ကြားဖြတ်တိုက်ခိုက်

KIAနဲ့ ဆက်သွယ်သည်ဟုဆိုကာ ချီဖွေစစ်ရှောင်စခန်းမှ အမျိုးသမီးတစ်ဦး စစ်ကောင်စီက ဖမ်းဆီးထား

Covid-19 ကြောင့် Lock Down ချခံရသော စစ်ရှောင်စခန်းတွင် စားနပ်ရိက္ခာအရေးပေါ်လိုအပ်

Photo-Department of Public Health Kachin State

ကချင်ပြည်နယ်တွင် Covid-19 ကြောင့်ပထမဆုံး Lockdown ချခံထားရသော ပလန စိန့်ဂျိုးဇက်စစ်ရှောင်စခန်းတွင် စားနပ်ရိက္ခာအရေးပေါ်ထောက်ပံ့မူများ လိုအပ်နေကြောင်း သိရသည်။

ဇန်နဝါရီလ ၁၀ ရက်နေ့ ပိုးတွေ့လူနာတစ်ဦးတွေ့ရှိပြီးနောက် စိန်ဂျိုးဇက်စစ်ရှောင်စခန်းအား အကန့်အသတ်နယ်မြေ (Lockdown) ချမှတ်လိုက်သည့်အတွက် စစ်ရှောင်များအစားအသောက် အခက်ခဲများရင်ဆိုင်နေကြရကြောင်း စစ်ရှောင်တာဝန်ခံ ဦးခွန်အောင်က ပြောသည်။

“ကျန်းမာရေးအခြေနေကြောင့် ဒီလိုလုပ်ထားရတာကို ကျနော်တို့ နားလည်းပါတယ်။ ဒါပေမယ့် စစ်ရှောင်စခန်းတစ်ခုလုံး Lockdown ချလိုက်တော့ ပထမအစားအသောက် ခက်ခဲလာတယ်။ ဘယ်သူမှလည်း နေ့စားသွားလို့မရတော့တဲ့အခြေနေမှာ ဈေးဝယ်လည်း မထွက်ရဘူး။ အပြင်ကနေ လာရောင်းတဲ့ ဈေးသည်တွေဆီကဘဲ ကျန်းမာရေးလမ်းညွှန်ချက်နဲ့အညီ လူစုလူဝေးမဖြစ်အောင် Camp တာဝန်ခံတွေက ကြီးကြပ်ပြီးတော့ ဝယ်စားနေရတဲ့အခြေနေဖြစ်နေတယ်။ စစ်ရှောင်တွေဖြစ်တဲ့အတွက် တစ်နေ့လုပ်မှတစ်နေ့စား ဘဝတွေ ဒီလို Lockdown ချမှတ်လိုက်တော့ ပိုခက်ခဲသွားတယ်။ ဘယ်သူမှလည်း အပြင်မထွက်ရ စားဖို့ကမရှိ ရမ်းကိုခက်ခဲနေကြတယ်။” ဟု စခန်းတာဝခန်ခံ ဦးခွန်အောင်က ပြောသည်။

Lockdown ချမှတ်ထားသည့်ကာလအတွင်း စစ်ရှောင်များအား အစားသောက်များထောက်ပံ့ရန် သက်ဆိုင်ရာအစိုးရနှင့် ဂရုဏာ (KMSS) သို့ တင်ပြထားသော်လည်း သက်ဆိုင်ရာအစိုးရမှ ယနေ့ချိန်ထိ တစ်စုံတစ်ရာတုံ့ပြန်လာခြင်းမျိုး မရှိသေးကြောင်း စခန်းတာဝန်ခံများက ဆိုသည်။

“ပိုးစတွေ့တဲ့နောက်ရက်ကနေ အစားသောက်ထောက်ပံ့ပေးဖို့ တင်ထားတယ် KMSS ကတော့ တစ်ဘက်ခါဆိုလား ထောက်ပံ့မယ်လို့တော့ သတင်းကြားနေရတယ်။ဒါပေမယ့် သက်ဆိုင်တဲ့အစိုးရဘက်ကတော့ တုံ့ပြန်လာတာမျိုးမရှိသေးဘူး။” ဆိုပြီး စခန်းတာဝန်ခံကပြောသည်။

လူဦးရေ ၂၀၀၀ခန့်ရှိသည့် စိန့်ဂျိုးဇက်စစ်ရှောင်စခန်းသည် ဇန်နဝါရီလ ၁၀ ရက်နေ့ အသက် ၁၅နှစ်အရွယ် အမျိုးသားလူငယ်တစ်ဦးအား ပိုးတွေ့ရှိပြီးနောက် ယင်းစစ်ရှောင်စခန်းအား Lockdown ချမှတ်ထားသည်မှာ တစ်ပတ်ခန့်ရှိလာပြီဖြစ်သည်။

၎င်းနဲ့ဆက်စပ်သူ ၃၉ ဦးအား ပထမအကြိမ်ဆေးစစ်ရာ ပိုးတွေ့ရှိမူမရှိခဲ့ပြီးဖြစ်ရာ ပိုးတွေ့ခြင်းမရှိခဲ့ပါ။ သို့သော် လာမည့် ဇန်နဝါရီလ ၁၇ ရက်နေ့တွင် ဒုတိယအကြိမ် ထပ်မံဆေးစစ်ရမည်ဖြစ်သည်။

“လောလောဆယ်တော့ ပိုးတွေ့လူနာနဲ့ထိစပ်ခဲ့တဲ့သူအားလုံး ကျန်းမာရေးအခြေနေတော့ ကောင်းကြပါတယ်။ပထမတစ်ကြိမ်တော့ တစ်ယောက်မှမတွေ့ခဲ့ဘူး ဒုတိယအကြိမ်လည်း မတွေ့ပါစေနဲ့လိုဘဲ ဆုတောင်းနေတယ်။ ဒီထဲက နောက်ထပ်တစ်ယောက်သာ ထပ်တွေ့ခဲ့ရင်တော့ အစားအသောက် အခက်ခဲက ဒီထက်ပိုဆိုးလာနိုင်တယ်။” ဟု စိန့်ဂျိုးဇက်စစ်ရှောင်စခန်းတာဝန်ခံ ဆရာခွန်အောင်ကပြောသည်။

ပိုးကူးစက်ခံထားရသည့် စစ်ရှောင်အမျိုးသားအား လက်ရှိတွင် မြစ်ကြီးနားဆေးရုံတွင် ဆေးကုသမူခံယူနေပြီး ၎င်း၏ မိသားစုဝင် ၄ဦးသည် သက်ဆိုင်ရာ Quarantine Center များတွင်သီးသန့်ထားရှိကြောင်း ၎င်းကဆက်ပြောသည်။

ပလန စိန့်ဂျိုးဇက်စစ်ရှောင်စခန်းသည် ကချင်ပြည်နယ်တွင်းရှိ စစ်ရှောင်စခန်းများအနက် ရောဂါပိုးကူးစက်မူ ပထမဆုံးခံထားရခြင်းဖြစ်ပြီး ဒုတိယအကြိမ်ဆေးစစ်ရာတွင် ပိုးတွေ့ရှိခြင်းမရှိတော့ပါက Lockdown ကာလဇန်နဝါရီလ ၂၀ ရက်ထိ သတ်မှတ်ထားပေးကြောင်း သိရသည်။

ယင်း စိန့်ဂျိုးဇက်စစ်ရှောင်စခန်းရှိ စစ်ရှောင်ပြည်သူများသည် ဝိုင်းမော်မြို့နယ်၊အင်ဂျန်းယန်မြို့နယ်မှ ထွက်ပြေးတိမ်းရှောင်လာသူများဖြစ်ပြီး အိမ်ထောင်စု စုစုပေါင်း ၃၉၈ စုရှိသည်။

ကချင်ပြည်နယ်တွင် ကျန်းမာရေးဦးစီးဌာန၏ ဇန်နဝါရီလ ၁၄ ရက်နေ့ထုတ်ပြန်ချက်အရ ပိုးတွေ့ရှိခဲ့လူနာ (၇၁၉) ဦးရှိခဲ့ပြီး၊ သေဆုံးလူနာ(၁)ဦးနှင့် ဆေးရုံဆင်းခွင့်ပြီးသူ ၆၅၃ ဦးရှိကြောင်း ထုတ်ပြန်ချက်အရသိရသည်။

Read Previous

ယခုနှစ်နွေရာသီတွင် စစ်ရှောင်အိမ်ထောင်စု ၇၀၀ ကျော်နေရပ်ပြန်ရန် KBC စီစဉ်နေ

Read Next

ကချင်အမွေအနှစ် အင်ခိုင်ဘွမ် (N Hkai Bum) တောင်ခြေတွင် ဗုဒ္ဓစေတီတည်ဆောက်နေမှုကို ကန့်ကွက်နေကြ

Leave a Reply

Your email address will not be published. Required fields are marked *